Ròmànì 3:9 - Mokpwe: Bakwery (New Testament)

⁹ Mamɛ rzɔ ema irzɔ i tànɛyi lì òhwa e? È lòkɛ̀ nanù ema irzɔ ema i hwèlì wònyà Yudà ja akayi hwaŋga hwatò ema hwa rza enje wònyà Yudà e? Jàyɛ̀, rzeketɛ nanù. Imba nà mà màa lì uŋmɛ̀lɛ̀ nanù ema màyìmbì mà wòhwe mɔ̀ ndi è kànèyà hwaŋga ema hwa hwèlì wònyà Yudà na hwaŋga ema hwa rza enje wònyà Yudà ŋgàna hvɔ̀kɔ.

Ròmànì 3:9 ပူးပေါင်းရင်းမြစ်များ

Lukàrzɛ̀ 7:39

Nà òmà òŋgò mòtò wà Hvàlìrzàyì ema à ma yòwɛ Yerzù, a mà ɛ̀nɛ nanù, rzìi à òhwa ò ŋmèma mò eni nanù ema, “Ò nò mòtò à mà hwɛ tɛ mòòhwèlì wà èlìŋgɛ̀ wà jɔ̀kɛ̀, ò ma à mà hwiya njɛnɛ ò nò mòlanà ema à mò lɛ̀mbɛ a hwèlì na ɛ̀ɛ̀mɛ̀ ema a hwɛnì. O ma à ma hwiya hvɛ ama ò nò mòlanà a gbeyà wòhwe.”

Ròmànì 1:18

Hwètàtò hwe ama Lohwɛ̀ hwe awuluhwɛyi lì anjiya ò ŋmanyu yà lohwà, lì teŋgɛ̀nɛ̀ wòhwe hwa arzɛ ema hwatò hwa gbeyà nà hweyà hwe wòhwe hwe arzɛ ema hwatò hwa gbeyà. Hweŋge hweyà hwe wòhwe hwe iŋgà hwatò ò lì nɔ̀ŋgɔ è jɔ̀kɛ̀.

Ròmànì 11:32

Lohwɛ̀ à mà gbeyà maniyà mà hwatò ò lì hwa gbeyà ò a ɛnɛ ò ma hwa hwèlì ndi ò hwèwòwà, aŋga nanù a hwa hwɛneya wɔ̀ hwa arzɛ ììlì.

Ròmànì 11:7

Mamɛ rzɔ ene e uŋmɛ̀lɛ̀ e? Hwàtò hwa Irzàyɛ̀lì hwa rzi luwe mamɛ ema wɔ̀ hwà mà hwɛ lì arza. Hwàtò ema hwà mà hvɔ̀rzè hwà mà luwa mamɛ ema hwà mà hwɛ lì arza. Ndi hwanɛyi mèèmà me awu me ma eta ò kòkò.

Ròmànì 2:1

O èŋgànɛ̀lɛ̀ rzɔ, tɔ̀ ima mɔ̀ hwa anyu ema a kàyìrzɛ̀ɛ hwahvɛhvɛ hwatò, tɔ̀ ò hwɛ ndi njɛnɛ, ò rza òhvì tɔ̀ lìtìŋga ema ò rza lùhwànà lì làkìrzɛ̀. Èhwanja ò kàyìrzɛ̀ tɛ hwahvɛhvɛ hwatò, rzìi ò wà witi ò hwɛ ndi ò lì gbèeyà hwèŋge hweyà ema ò hwa kàyìrzɛ̀, nanù òma ò wa hvɛ ò a tùulɛ̀ ŋmàŋgò.

Ròmànì 3:1

Mamɛ rzɔ e hwèlì mɔ̀rzɛ̀ŋgì mò lì hwɛ mòtò wa wònyà Yudà e? Mamɛ e hwèlì mɔ̀rzɛ̀ŋgì mò lì enda mòtò e? O lì uŋmɛ̀lɛ̀ nanù ema a hwèlì ndi mòtò wa Lohwɛ̀.

Ròmànì 3:19

O nàŋgɛ nanù irzɔ i hwi nanù ema tɔ̀ ima eyà ema e tìlahwì ò tenì ya e kààtì ya mbenda, e ɔ̀ŋgɔ ndi hwaŋga hwatò hwa arzɛ ema hwa ŋgbàahwì eŋge mbenda. O èŋgànɛ̀lɛ̀ rzɔ tɔ̀ mòtò a rza tànɛyi a òhwa nanù ema a rzu ŋmàŋgò. Tɔ a hwɛ ndi wònyà Yudà tɔ̀ hwaŋga ema hwa rza enje wònyà Yudà, tɔ̀ ima mòtò a ò tɛ̀mɛ̀ ò wòrzò wò ama Lohwɛ̀.

Ròmànì 3:5

Ndi e hwèlì tɛ nanù ema hwegbèèlì hwe arzu hwe wòhwe hwe uŋmɛ̀lɛ̀ gbamù nanù ema Lohwɛ̀ a rza timbana tɔ̀ mòtò mburza, mamɛ irzɔ i tànɛyi ò lì òhwa e? Irzɔ i tànɛyi rzɔ ò lì òhwa nanù ema Lohwɛ̀ a gbèyi lùurzè, ò lì jò kɔ̀kìrzɛ̀ ò wòhwe ema i ma gbeyɛ e? (Nà gbeyàna ndi màlùtèyà mà è mòtò wa hwènàmà ò lì òhwa nanù.)

Ròmànì 6:15

Mamɛ rzɔ irzɔ i hwɛni ò lì òhwa naŋgɛ e? Nà òma i hwèlì ò rze yà è ndèli ya ama Lohwɛ̀, e hwèlì ndi nanù ema je ɛ̀ndɛ̀nɛ̀ ndi lì gbeyà la wòhwe ò wòrzò èhwanja irzɔ i rza enje ò rze ya e mbenda hvɛ e? Jàyɛ̀ rzeketɛ nanù.

Ròmànì 7:14

I hwi nanù ema e mbenda ema jò òhwa nanù e hwèlì ndi eyà ya hwèlìŋgɛ̀ ndi imba nà hwèlì ndi e mòtò wa hwènàmà ema na àhwirzɛ̀hwɛ̀ nàa mòkòmì ò wòhwe.

1 Kɔ̀rintìyà 10:19

È ɔ̀ŋgɛ̀lɛ̀ rzɔ nanù ema nà ohwa ndi ema hwèrzùmbù tɔ̀ mòlelì mò hwèrzùmbù mò hwèlì ndi eyà e?

1 Kɔ̀rintìyà 14:15

Ò èŋgànɛ̀lɛ̀ rzɔ mamɛ nà hwɛnì lì gbeyà e? Nà o kanɛ̀ na èlìŋgɛ̀ ya ami, rzi na o kanɛ̀ hvɛ o ŋmèma mo ami. Nà o emba jèembò na èlìŋgɛ̀ ya ami, rzi nà o embà hvɛ jèembò na ŋmèma mo ami.

1 Kɔ̀rintìyà 4:7

Njɛnɛ mɔ̀ à ò kàrzàmìrzɛ̀hwɛ̀ lì aka hwanɛ̀ hwatò e? Mamɛ ema ò wà ò òhvi ema Lohwɛ̀ à rza ò ŋgbèlɛ ndi lì ŋgba e? Rzeke Lohwɛ̀ Mɔ̀ ndi à è ŋgbelì hwema hwe arzɛ ema e hwɛnì e?

Gàletìyà 3:10

Hwàŋga ema hwa ika mèèmà mè awu ò lì oŋgama è mbenda hwa lìya ndi ò rze yà mòjèmà. Èhwanja e tìlahwì o kààtì yà ama Lohwà nanù ema, “Mojema mò ò hwɛ nà tɔ̀ ima mòtò ema à rza ika imbenda ja arzɛ ema i tìlahwì ò tenì yà è kààtì yà ama Lohwɛ̀.”

Gàletìyà 3:22

Ndi Eyà yà Lohwà è ohwa ndi nanù ema è rze yà arzɛ è hwèlì ndi ò rze yà ŋginyà yà wòhwe, ò eŋgànɛ̀lɛ̀ rzɔ, jàhwèyà ema Lohwɛ̀ à mà ohwe nanù ema à ŋgba, à mà ji ŋgba hwatò ema hwa lòkɛ̀yì Yerzù Krirztò.

Hvìlipìyà 1:18

Ndi ene ŋgànà e rza enje tɔ eyà. O hwene hwègbèèlì hwe arzɛ, ŋmɛ̀ndì mò gbamù mo ama Krirztò mɔ̀ ndi hwa hwèlì hwa ohwa, tɔ e hwɛ ndi nanù ema hwa gbeyànì màlùtèyà ma gbamù tɔ̀ ma wòhwe. O eŋgànɛ̀lɛ̀ rzɔ, o nyòla ya ene eyà, imba na o oka mɔ̀nyɛ̀ŋgì.