Ròmànì 3:8 - Mokpwe: Bakwery (New Testament)

⁸ Mamɛ ndèŋgàtɛ irzɔ, i rza tanɛ jò òhwa nanù ema, “Inyɛ̀ i gbeye wòhwe aŋga nanù gbaamù wò ò ɛneya e?” Ò jɔ̀kɛ̀ lòŋgò la hwatò hwa òhwa hweyà hwe wòhwe lì jò teŋgɛ̀nɛ nanù ema jò òhwi eŋge eyà. Lohwɛ̀ a ò kɔ̀kìrzɛ̀ hwaŋga hwatò ema hwa òhwa nanù ŋgàna ema e hvòmɛ̀nɛ̀yi.

Ròmànì 3:8 ပူးပေါင်းရင်းမြစ်များ

Matiyò 5:11

Mònàmɛ̀ mò hwɛ nà inyɔ hwatò ema hwatò hwa hwɛnyɛ, inyɔ ema hwa tàkirzɛ̀, rzìi hwa è òhwàna inyayi ja hwèyà hwe wòhwe na lì è tɛmeya imbòŋgì ja mòlàŋgà ò lìnà la ami.

Ròmànì 5:20

Lohwɛ̀ à mà jànà ndi e mbenda aŋga nanù wòhwe wò ahwatɛ ndi ò lì ɛndɛ ò wòrzò. Ndi tɔ̀ ima èki ema wòhwe wò nyàla, e ndèli ya ama Lohwɛ̀ e nyàla lì aka nanù.

Ròmànì 6:1

Mamɛ i tànɛyi lì òhwa nàŋgɛ e? I hwɛni ndi lì eleyà ò wòhwe aŋga nanù e ndèli ya ama Lohwɛ̀ e ahwatɛ e?

Ròmànì 6:15

Mamɛ rzɔ irzɔ i hwɛni ò lì òhwa naŋgɛ e? Nà òma i hwèlì ò rze yà è ndèli ya ama Lohwɛ̀, e hwèlì ndi nanù ema je ɛ̀ndɛ̀nɛ̀ ndi lì gbeyà la wòhwe ò wòrzò èhwanja irzɔ i rza enje ò rze ya e mbenda hvɛ e? Jàyɛ̀ rzeketɛ nanù.

Ròmànì 7:7

Mamɛ rzɔ irzɔ i hwɛni ò lì òhwa nàŋgɛ e? Nànù òma jò òhwe ndi nanù ema è mbenda è hwèlì wòhwe e? Jàyɛ̀, i rza tànɛ ò lì òhwa nanù. È rzi hwɛ tɛ è mbenda, ò mà nà rza hwi mamɛ ema wòhwe wò hwèlì. È mbenda è rza òhwe tɛ nanù ema, mòtò à rzi hwɛnɛ nyɔ̀ŋgi nà yòma ya mòtò, òma nà rzi hwiye nanù ema ò lì hwɛnɛ nyɔ̀ŋgi yà lì òkeyà yòma yà mòtò, è hwèlì ndi eyà yà wòhwe.

2 Kɔ̀rintìyà 11:15

O èŋgànɛ̀lɛ̀ rzɔ, e rza no tàmìrzɛ̀, e hwèlì tɛ nanù ema hwàgbèèlì hwa ama Mòkarzɛ̀ hwa ohvɛ hwa awuŋmɛ̀lɛ̀ tɛ wɔ hwiti na hwàgbèèlì ema hwa okolɛ hwatò ò lì gbeyà eyà ya jɔ̀kɛ̀ na oma Lohwɛ̀ a àrzeyà. O lìrzukù e kɔ̀kìrzɛ̀ ema hwa o luwɛ e o atìŋgɛ̀ na hwegbèèlì hwe awu.

2 Kɔ̀rintìyà 6:8

I hwɛni ndi lì gbèeyà Lohwɛ̀ nanù mɛnɛ e hwɛ ema hwa jo eka tɔ̀ hwa rzi jo eke. Tɔ̀ hwatò hwa ohwa ndi hweyà hwe gbamù tɔ̀ wòhwe o lì jo teŋgɛ̀nɛ̀. Hwatò hwa ohwa nanù ema i awuŋmɛ̀lɛ̀ nanù ema i hwèlì ndi i nyayi ja hwatò ema i rza enje ndi irzɔ i hwèlì ndi hwatò ema jo òhwa nanù ema i hwèlì.

Judɛ 1:4

Nà ohwa ndi nanù èhwanja lòŋgò là hwatò ema hwa rza hwɛnɛ ɛ̀ɛ̀mɛ̀ yà ama hwatò hwa ama Lohwɛ̀, hwa mà kpèeyà ò ìtììtènì jà anyu ò jùtùtà. Hwaŋga hwatò hwa ohwa nanù ema, è ndèli ema Lohwɛ̀ à mà jò ŋgbɛ, ndèŋganɛlɛ nà oma à mà jò làkìrzɛ̀ wòhwe wò arzu, è mà jò ŋgbàà è wònjà ò lì gbeyà hweyà hwe mbindo. Lohwɛ̀ mɔ̀ à mà màa lì tɛ̀yirzɛ̀ è kɔ̀kìrzɛ̀ ema hwaŋga hwatò hwa ò lùwɛ natɛ̀ɛ nà è kòhwàa. Hwàŋga hwatò hwa rza emelì Yerzù Krirztò na oma è hwèlì nanù ema Yerzù mɛnɛ ndi à hwèlì è Rzàŋgo yà arzu nà è mòkànèlì wà arzu.