Ròmànì 3:5 - Mokpwe: Bakwery (New Testament)

⁵ Ndi e hwèlì tɛ nanù ema hwegbèèlì hwe arzu hwe wòhwe hwe uŋmɛ̀lɛ̀ gbamù nanù ema Lohwɛ̀ a rza timbana tɔ̀ mòtò mburza, mamɛ irzɔ i tànɛyi ò lì òhwa e? Irzɔ i tànɛyi rzɔ ò lì òhwa nanù ema Lohwɛ̀ a gbèyi lùurzè, ò lì jò kɔ̀kìrzɛ̀ ò wòhwe ema i ma gbeyɛ e? (Nà gbeyàna ndi màlùtèyà mà è mòtò wa hwènàmà ò lì òhwa nanù.)

Ròmànì 3:5 ပူးပေါင်းရင်းမြစ်များ

Ròmànì 12:19

Ìi wònyamòwè kòkò, e hwèlì tɛ nanù ema mòtò a e gbèyi tɛ eyà ya wòhwe, inyɛ inyɔ e rzi keka ò lì mò timbirzɛlɛlɛ. È hwɛmɛ Lohwɛ̀ mɔ̀ ŋmìti a mò kɔ̀kìrzɛ̀. È tìlahwì ò e kààtì ya Lohwɛ̀ nanù ema, “Lohwɛ̀ a òhwi nanù ema, ‘Imba ndi na timbirzɛlɛlɛ wòhwe ema tɔ̀ ima mòtò a gbèyi. Imba e Rzaŋgò ndi na òhwi.’”

Ròmànì 2:5

Ndi ò wa ò òhvi ŋmèma ema mò eti ndèŋgàna ò rza arza lì timbeya Lohwɛ̀, ò eŋgànɛ̀lɛ̀ ò a òmbɛlɛlɛ ndi ò wà witi ò è kɔ̀kìrzɛ̀ ya ama Lohwɛ̀. À è kɔ̀kìrzɛ̀ ò Wùnyà wò hwèkàyìrzèlì. O wòŋgò Wùnyà, Lohwɛ̀ a ò uŋmɛ̀lɛ̀ hwetàtò wa eni, ndèŋgànɛ̀lɛ̀ mɔ̀ à uŋmɛ̀lɛ̀ nanù ema hwèkàyìrzèlì hwe eni hwe hvòmɛ̀nɛ̀yi.

Ròmànì 3:19

O nàŋgɛ nanù irzɔ i hwi nanù ema tɔ̀ ima eyà ema e tìlahwì ò tenì ya e kààtì ya mbenda, e ɔ̀ŋgɔ ndi hwaŋga hwatò hwa arzɛ ema hwa ŋgbàahwì eŋge mbenda. O èŋgànɛ̀lɛ̀ rzɔ tɔ̀ mòtò a rza tànɛyi a òhwa nanù ema a rzu ŋmàŋgò. Tɔ a hwɛ ndi wònyà Yudà tɔ̀ hwaŋga ema hwa rza enje wònyà Yudà, tɔ̀ ima mòtò a ò tɛ̀mɛ̀ ò wòrzò wò ama Lohwɛ̀.

Ròmànì 3:7

È ma hwɛ tɛ nanù ema hweyà hwe mòlàŋgà ema imba nà mà òhwe e uŋmɛ̀lɛ̀ nɛ Lohwɛ̀ a hwèlì jɔ̀kɛ̀ ŋgàna ema hwatò hwa rza mò ŋgba èluhwe, mamɛ rzɔ ndèŋgàtɛ̀ Lohwɛ̀ a nò kàyìrzɛ̀ nanù mɛnɛ nàa mòtò ema a gbeyà wòhwe e?

Ròmànì 4:1

Mamɛ rzɔ i tànɛyi lì òhwa lì hvòmɛ̀nɛ̀ e mbamba ya arzu Abràhamù e? Mamɛ e ma gbèyɛ̀nɛ ò e hvònda ya eni e?

Ròmànì 5:8

Ndi Lohwɛ̀ à mà jò uŋmɛ̀lɛ̀ nɛ mɔ̀ à jò lìŋgàni, èhwanja lìrzakò ema irzɔ i ma hwɛ ndi hwatò hwa wòhwe ɔ̀ndi, Krirztò à mà jò ŋwèeyà.

Ròmànì 6:1

Mamɛ i tànɛyi lì òhwa nàŋgɛ e? I hwɛni ndi lì eleyà ò wòhwe aŋga nanù e ndèli ya ama Lohwɛ̀ e ahwatɛ e?

Ròmànì 6:19

Nà òhwa ndi hwene hweyà hwe arzɛ nanù, ò hwèhwɛ̀ɛlì nàa e mòtò wa hwènàmà èhwanja inyɔ nàa hwatò hwa hwènàmà, lì rzɔ̀ŋgìtɛ̀nɛ̀ la anyu lì rza imbami. O mòlòmɛ̀ e ma aŋgbɛ inyɔ hwiti nàa hwàkòmì ò lì gbeyà hweyà hwe mbindò na e hwe wòhwe. È ma lìmeya ndi ò lì gbeyà hweyà hwe wòhwe nanù mɛnɛ. Nàŋgɛ e àŋgàmɛ̀nɛyi lì aŋgbɛ inyɔ hwiti nàa hwàkòmì, ò lì gbeyà hweyà na òma Lohwɛ̀ a hwe àrzeyà. Ène eyà ndi e gbeyà mòŋgɛ ma anyu ò lì hwɛ wòtani.

Ròmànì 7:7

Mamɛ rzɔ irzɔ i hwɛni ò lì òhwa nàŋgɛ e? Nànù òma jò òhwe ndi nanù ema è mbenda è hwèlì wòhwe e? Jàyɛ̀, i rza tànɛ ò lì òhwa nanù. È rzi hwɛ tɛ è mbenda, ò mà nà rza hwi mamɛ ema wòhwe wò hwèlì. È mbenda è rza òhwe tɛ nanù ema, mòtò à rzi hwɛnɛ nyɔ̀ŋgi nà yòma ya mòtò, òma nà rzi hwiye nanù ema ò lì hwɛnɛ nyɔ̀ŋgi yà lì òkeyà yòma yà mòtò, è hwèlì ndi eyà yà wòhwe.

Ròmànì 8:31

Jò ɔ̀ŋgɔ tɛ hwenè hweyà hwe arzɛ ò tenì, mamɛ i tànɛyi ò lì òhwa e? È hwèlì tɛ ema Lohwɛ̀ a hwèlì na irzɔ, njɛ̀nɛ a tànɛyi lì jò teŋgɛ̀nɛ̀ e?

Ròmànì 9:30

Mamɛ rzɔ irzɔ i tànɛyi lì òhwa e? Èma hwatò ema hwa rza enje wònyà Yudà, hwa hwèlì ehve-ehve ò wòrzò wò ama Lohwɛ̀ lì akeyà na lì lòkɛ̀ la awu ema hwa òhvi na Krirztò, tɔ̀ nɛ hwa rzi keke ò lì hwɛ ehve-ehve ò wòrzò wò ama Lohwɛ̀.

1 Kɔ̀rintìyà 15:32

Nà ɔ̀ŋgɔnìtɛ̀ na mirzɔ̀ ma mòtò wa hwènàmà, mamɛ e hwèlì mɔrzɛŋgi mo ami nà mà ana tɛ na nyàmà ja wàŋga o e mbowà ya Ɛ̀hvɛ̀rzɔ̀rzì. O èŋgànɛ̀lɛ̀ hwatò ema hwa ŋwelì hwa rza o hvùmùwà tɛ o lòŋgɛ nanù oma, i ohwa ndi nanù ema, “I hwɛ ndi o lì laa na lì nyɔ èhwanja ŋmɛlɛ oma i ma ŋwa.”

1 Kɔ̀rintìyà 9:8

Rzeketɛ o lì rzɔ̀ŋgìtɛ̀nɛ̀ la màlùtèyà ma ami ma mòtò wa hwènàmà, ɔ̀ndeŋgàtɛ̀ na ohwa hwenè hweyà, nanù mɛnɛ ndi e mbenda ya ama Morzè yɔhvɛ e ohwi.

2 Kɔ̀rintìyà 6:4

Ndi nàa hwàgbèelì hwa ama Lohwà, irzɔ ja awuŋmɛ̀lɛ̀ irzɔ hwiti nàa hwatò ema hwa gbeyà mamɛ ya arzɛ ema e hvomɛ̀nɛ̀. I kaka mèèmà rzayi-rzayi o tenì ya mètàkà ema i luwa, o lòŋgɛ ema la eti ema i hwèlì o tenì na i ndùtù hvɛ ema i jo ùŋmànɛ̀lɛ̀yi.

2 Kɔ̀rintìyà 7:11

Ndi inyɔ e ma hweyà wòhwe, na oma Lohwɛ̀ à mà arze nanù ema e hweye, o èŋgànɛ̀lɛ̀ rzɔ, e ɔ̀ŋgɔ tɛ mamɛ eŋge e ma e jàneyà, inyɔ e ma arza ema na hwiye nanù ema e keka o lì uŋmɛ̀lɛ̀ hwatò nanù ema e rza gbeyà tɔ̀ lùurzè nàŋgɛ. È ma tata nanù ema hwaŋga hwatò hwà mà gbeyà matona o e hvonda ema e ma aka, ndèŋgàna e hwa ohweyà nanù ema hwa hwɛmɛ wòhwe wo awu. È ma oka wɔ̀ŋgɔ̀ nanù ema Lohwɛ̀ a e kɔ̀kìrzɛ̀ e hwèlì tɛ nanù ema e lìmelì ndi o lì gbeyà ini nyayi ja hweyà. È ma lìŋgàna o lì no ɛnɛ na e jɔ̀kɛ̀, e ma hwɛnɛ hvɛ mèèmà mo lì no ikana ekohva, ndèŋgànɛlɛ e kɔ̀kìrzɛ̀ hwatò ema hwa gbeyà wòhwe. Nà oma e ma gbeyà hwene hweyà hwe arzɛ, e uŋmɛ̀lɛ̀ nanù ema e rzi gbèyi tɔ̀ eyà tɔ̀ yɔ̀kɔ ya wòhwe.

Gàletìyà 2:18

Ndi na timbi tɛ o mburza nàŋgɛ o lì nɔ̀ŋgɔ iŋgi mbenda ema imba nà mà hwɛmɛ, nanù oma na undi e mbenda.

Gàletìyà 3:15

Nà arza lì wòwa ɛ̀mɛ̀nɛ̀nì yà hweyà ema hwe gbèyɛ̀nɛ wùnyà tɛ. Hwatò hwahwakɛ hwa emelì tɛ eyà rzìi hwa tɛ̀yirzɛ̀ hwa uka hwètɛ̀yìrzèlì, tɔ̀ mòtò à rza tànɛyi lì hvàŋga hweŋge hwètɛ̀yìrzèlì.

Hwèwulùwèlì 15:3

Hwà mà hwɛ lì emba mɔ̀rzɔ̀kɔ̀ mo ama Morzè e mògbèèlì hwa ama Lohwɛ̀ na mɔ̀rzɔ̀kɔ̀ mo ama e Ŋguma ya Mɔ̀lɛ̀ŋgù nanù ema, “Rzàŋgo Lohwɛ̀ lì Kàrzàmi, hwègbèèlì hwe aŋgɔ hwe olo ndeŋgànɛlɛ hwe hwèlì hwètàmirzelì. Kìŋgɛ ya hwèkòmè, hwègbèèlì hwe aŋgɔ hwe hvomɛ̀nɛ̀, ndèŋgànɛ̀lɛ̀ o hwèlì jɔ̀kɛ̀.

Hwèwulùwèlì 18:20

Inyɔ ema e hwèlì o ŋmanyu yà lohwà e oke mɔ̀nyɛ̀ŋgì o nyòla e kɔ̀kìrzɛ̀ ema oŋgo molanà à mà luwe. Inyɔ hwatò hwa ama Lohwɛ̀, i àpɔ̀rzìtòlò na hwà-òhwèlì hwa hwèlìŋgɛ̀ e oke mɔ̀nyɛ̀ŋgì ehwànja Lohwɛ̀ à mà akɛlɛ e mbako o lì mo teŋgɛ̀nɛ̀ o nyòla mamɛ ema mɔ̀ à e gbèelì.