Ròmànì 2:8 - Mokpwe: Bakwery (New Testament)

⁸ Hwahvɛhvɛ hwatò hwa hwèlì ikuka ndèŋgànɛ̀lɛ̀ hwa rza gbeyà hweyà hwe jɔ̀kɛ̀, wɔ hwa gbeyà ndi hweyà hwe wòhwe. Inì nyayi ja hwatò Lohwɛ̀ a ò hwa uŋmɛ̀lɛ̀ hwètàtò hwe eni ò lì hwa kɔ̀kìrzɛ̀.

Ròmànì 2:8 ပူးပေါင်းရင်းမြစ်များ

Ròmànì 1:18

Hwètàtò hwe ama Lohwɛ̀ hwe awuluhwɛyi lì anjiya ò ŋmanyu yà lohwà, lì teŋgɛ̀nɛ̀ wòhwe hwa arzɛ ema hwatò hwa gbeyà nà hweyà hwe wòhwe hwe arzɛ ema hwatò hwa gbeyà. Hweŋge hweyà hwe wòhwe hwe iŋgà hwatò ò lì nɔ̀ŋgɔ è jɔ̀kɛ̀.

Ròmànì 10:16

Rzeketɛ hwatò hwa arzɛ wɔ̀ ndi hwa mà emeyà Ŋmɛ̀ndì mò Gbamù. È mòòhwèlì wà èlìŋgɛ̀ Àyìrzayà mɔ̀ ŋmìti à mà òhwa nanù ema, “Ìi Rzàŋgò njɛnɛ hwa awu à lòkɛ̀ mònò ŋmɛ̀ndì ema jò òhwa e?”

Ròmànì 15:18

Nà rza tànɛlì ò lì òhwa tɔ̀ ehvɛhvɛ eyà hvɛ lì aka tɛ ò lì òhwa lì hvòmɛ̀nɛ̀ èwòlò ema Krirztò a gbèyi ema na atànɛ̀yi ò lì gbeyà, ema e hwèlì ndi ò lì gbeyà nanù ema hwatò ema hwa rza enje wònyà Yudà hwa gbeye ndi na òma Lohwɛ̀ a arza nanù ema hwa gbeye. Hweya ema nà mà òhwɛ̀ɛ, na hweyà ema nà mà gbeyɛ hwe hwèlì ndi hweyà ema wɔ̀ hwa hwɛni lì òhwa na hweyà ema wɔ̀ hwa àŋgàmɛ̀nɛ̀ lì gbeyà.

Ròmànì 6:17

Ndi jèka i hwɛ nà Lohwɛ̀. Èhwanja tɔ̀ nɛ ò hvònda hvɔ̀kɔ e ma hwɛ hwàkòmì ò rze ya wòhwe, ndi ò naŋgɛ e òŋgama e jɔ̀kɛ̀ ya hweyà hwe arzɛ ema hwà mà e òkòlɛ na ŋmèma mɔ̀kɔ.

Ròmànì 9:22

Àŋgàmɛ̀nɛ̀ Lohwɛ̀ à mà arza ò lì uŋmɛ̀lɛ̀ hwètàtò wa eni ndèŋgànà à mà arza nanù ema hwatò hwa ɛnɛ e ŋginyà ya eni. Ndi mɔ̀ à mà àjùlɛ̀ rzayi-rzayi ndèŋgànà à mà àjùlɛ̀nɛ̀ hwatò ema hwà mà mò tàtirzɛ. Hwàŋga hwatò hwà mà aŋgàmɛ̀nɛ̀yi lì luwa e kɔ̀kìrzɛ̀.

1 Kɔ̀rintìyà 11:16

Ndi mòtò a arza tɛ lì tàànà ene eyà hvenda, mamɛ ya arzɛ na hwɛnì lì ohwa e hwèlì ndi nanù ema irzɔ tɔ̀ miitelì me arzɛ i rza ohvi ehvɛhvɛ ɛ̀ɛ̀mɛ̀ ya lì kanɛ̀ Lohwà.

2 Kɔ̀rintìyà 12:20

Nà oka wɔ̀ŋgɔ̀ nanù ema na jelì tɛ o lì e ɛnɛ na e ùŋmanɛlɛ e gbeyà hweyà ema na rza lìŋganɛyi, ndèŋgànɛlɛ imba hvɛ na gbeyà hweyà ema inyɔ hvɛ e rza lìŋgànɛyi. Nà oka wɔ̀ŋgɔ̀ nanù ema na jelì tɛ na e ùŋmanɛlɛ o motaŋgo, e anònànɛ̀yì mɔ̀kɔ na ɔ̀nɛyi, e ahwɛ̀nɛ̀nɛ̀yi hwètàtò, e rza o arza nanù ema ohvɛhvɛ mòtò a hwɛnɛ èluhwe, e àhwɛ̀nyɛ̀nɛ̀yì, e a o àyìndànɛ̀, e o òhva kumba ndèŋgàna e o gbeyà ndi hweyà hwe mbùnakɛ̀.

Gàletìyà 5:20

O lì gbèeyà màhvɛ̀hvɛ̀ mohwà, lìyemba, ɛ̀kɔ̀wù, mòtaŋgo, ìnona, hwètàtò, lì aneya la hwèhvolò, o lì hwɛ la hwehvehva, lì akàhwànɛ̀,

Hvìlipìyà 1:17

Ndi hwaŋga ema hwa no nòneyà wɔ̀ hwa rza ohwa ŋmɛ̀ndì mò gbamù na mèèmà me gbamù, wɔ̀ hwa mo ohwa ndi o lì arzeelɛ wɔ̀ hwiti hwema. Wɔ̀ hwa gbeyà nanù, o màlùtèyà nanù ema imba na o hweyà wòhwe èhwanja na hwèlì o hwèwòwà.

Hvìlipìyà 2:3

È rzi gbeyà hweyà ema hwe uŋmɛ̀lɛ̀ nanù ema e hwe gbeyà ndi o lì hwɛ gbamù. È rzi gbeyà hvɛ hweyà ema hwe uŋmɛ̀lɛ̀ nanù ema e awòwɛ̀. Ndi na lì arzihwirzɛ la anyu la arzɛ inyɛ e ɛnɛ hwahvɛhvɛ hwatò wòlìto lì aka inyɔ hwìtì.

2 Tɛ̀rzàlonìyà 1:8

À ò kɔ̀kìrzɛ̀ hwatò ema hwa rzɔ̀rzì Lohwɛ̀, ndèŋgànɛ̀lɛ̀ hwa rzɔ̀rzì ò lì oŋgamà Ŋmɛ̀ndì mò Gbamù ema mò òhwa lì hvomɛ̀nɛ̀ Rzàŋgo wà arzu Yerzù.

Tàyìtùrzì 3:9

Ndi inyɔ e rza alɛ̀mbɛ̀nɛ hvenda ya èetì, o lì ohwa nɛ inyɔ̀ŋgɔ̀nì i ma wòteyà. È rzɔ̀njɛlɛ ihvenda, na metàŋgo lì hvomɛ̀nɛ̀ e mbenda ya wònyà Yudà. È rza akakumɛnɛ hwene hweyà ehwànja, hwe hwèlì ŋgandì ndeŋgànɛlɛ hwe rza ohvi tɔ̀ mɔ̀rzɛ̀ŋgi.

Hibrù 10:27

Ndi mòtò a lìmelì tɛ o lì gbeyà wòhwe, nanù oma wɔ̀ɔŋgɔ̀ ndi wo mo hwɛ o tenì nanù ema Lohwɛ̀ a mo tùulɛ̀ màaŋgo ò Wùnyà wo Hwèkàyìrzèlì. Hwa mo rzɛlɛ o tenì ya mùùnya mondɛnɛ ema mo rzɛlɛ hwaŋga ema hwa teŋgɛ̀nɛ Lohwɛ̀.

Hibrù 11:8

Lìlòkɛ̀ lɔ̀ ndi lì ma gbeyà ema Abràhamù a hweyàne Lohwɛ̀, e hvonda ema Lohwɛ̀ à mà mo òhweyà ema a anjiya o e mbowà ema à mà lìya lì ɛ̀ndɛ lì lìya o ehvɛhvɛ èki ema mɔ̀ à mà mo rzekeya ema a lìye. A ma hweyàna Lohwɛ̀, rzìi a ɛ̀ndɛ, tɔ̀ nɛ mɔ̀ à rzìi hwiye èki ema à mà hwɛ lì ɛndɛ.

Hibrù 5:9

Lohwɛ̀ à mà mo gbeyà o lì hwɛ e Pìlìrzì e Kàrzàmi ema e hvomɛ̀nɛ̀, aŋga nanù, hwatò ema hwa mo hweyàna, hwa o luwa lìrzùŋgàhwa ema lì o hwɛ natɛ̀ɛ na o gbìndèyà.

Jèmìrzì 3:14

Ndi e ohvi tɛ inona ja wòhwe o tenì ya mèèmà me anyu, ndèŋgànɛlɛ e lùteyà ndi o inyɔ hwiti, e rzi gbeyàna lìhwiyè ema e hwɛni o lì gbeyà wòhwe o lì teŋgɛ̀nɛ̀ hwèyòkòlèlì hwe jɔ̀kɛ̀ o lì àyekìrzɛ.

Jèmìrzì 3:16

Tɔ̀ ima èki ema e hwèlì inona ndèŋgànɛ̀lɛ̀ hwatò hwa lùteyà ndi lì hvomɛ̀nɛ̀ wɔ̀ mɛnɛ mbùnakɛ e hwɛ o tenì, ndèŋgànɛlɛ tɔ̀ ima lìtumbà la wòhwe lì hwèlì aŋga.

1 Pètrò 3:1

Molàndàko mɔ̀kɔ hvɛ mɛnɛ, inyɔ ijòjìyɛ̀, ya aŋgàmɛ̀nɛ̀yi o lì arzihwirzɛ inyɔ hwiti o rze ya mèjòmɛ̀ me anyu, aŋga nanù loŋgo la awu ema hwa rza lòkɛ̀yi eyà ya Lohwà, hwɛ̀ɛ̀mɛ̀ hwe anyu hwe gbamù hwe hwa gbeyà wɔ̀ hvɛ hwa timbeya Lohwɛ̀ na lì mo lòkɛ̀. Tɔ̀ e hwɛ nanù ema e rza hwa ohwèlì tɔ̀ eyà,

1 Pètrò 4:17

È hvonda e ma uka ema hwèkàyìrzèlèlì hwe hwɛni lì wòteyà ema Lohwɛ̀ a hwɛni lì wòteyà lì kàyìrzɛ̀ hwatò. Mɔ̀ a o wòteyà ndi o lì kàyìrzɛ̀ hwatò hwa eni. È hwèlì tɛ nanù ema Lohwɛ̀ a tanɛ tɛ lì jo wotàneya irzɔ ema i hwèlì hwatò hwa ama Krirztò, mamɛ e o hwɛ e mbàko ya hwaŋga hwatò ema hwa rza lòkɛ̀ɛ Ŋmɛ̀ndì mò Gbamù ema mo uwɛ̀lɛ̀lɛ̀yì o ma Lohwɛ̀ e?

Hwèwulùwèlì 14:10

mɔ̀ hvɛ à ò nyɔ̀ mììmbà ema mà hwèlì hwètàtò hwe ama Lohwɛ̀. Wɔ̀ hwa mà è rzɔ̀lɛ̀ ò lìwonde là hwètàtò là ama Lohwɛ̀ nà è ŋginyà ya awu ya arzɛ. Tɔ̀ ima mòtò ema à kanɛ̀ eŋge èembe oŋgo mòtò à ò lùwa mòtàkà mò mùnya ema mò ɔ̀kɔ̀ rzayi-rzayi, ò worzò wò i aŋgèlì jà wòtani nà è Ŋguma yà Mɔ̀lɛ̀ŋgù yà ama Lohwɛ̀.

Hwèwulùwèlì 16:19

Aŋga ndi è mbowà ndɛ̀ɛ̀ndɛ̀ yà ŋginyà yà à kàndeya moŋgo mayawò. Ndeŋgànɛlɛ màmbowà mà ndɛ̀ɛ̀ndɛ̀ mà arzɛ mà hwèkòmè hwe arzɛ hwe è rze yà mɔ̀nyɛ̀ ma mà rzùùwa. Lohwɛ̀ à mà ɔ̀ŋgɛ̀lɛ̀ mbowà ndɛnɛ yà ŋginyà, Babìlɔ̀nì, rzìi mɔ̀ à gbeyà nanù ema hwatò ema hwa hwèlì ò eŋge mbowà ndɛnɛ hwa ò luwa kɔ̀kìrzɛ̀ yà lì nyɔ mììmbà mà eni mà hwètàtò hwe eni hwe ndɛnɛ.