Ròmànì 2:7 - Mokpwe: Bakwery (New Testament)

⁷ Hwàŋga hwatò ema hwa rza ɔ̀tɔ̀ ò lì gbeyà hweyà hwe gbamù, na lì arze èluhwe na lì kàrzɛhwɛ, hwa ò hwɛ ò lòŋgɛ ò gbìndèyà. Lohwɛ̀ a ò ŋgbà inì nyayi ja hwatò lòŋgɛ la gbìndèyà.

Ròmànì 2:7 ပူးပေါင်းရင်းမြစ်များ

Matiyò 25:46

Hwanù hwa arzɛ hwa ò òmahwa ndi ò e kɔ̀kìrzɛ̀ ya gbìndèyà, ndi e wɔ̀ hwa ehve-ehve hvɛ hwa ò ɛndɛ ndi ò lòŋgɛ la gbìndèyà.”

Lukàrzɛ̀ 21:19

È kakè mèèmà me anyu aŋga nanù e arzùŋgɛ̀ inyɔ hwìti.”

Lukàrzɛ̀ 8:15

Iŋgi hvɔ̀ŋgɔ̀ ema ì ma unda ò mɔ̀nyɛ̀ mò gbamù, ì tɛmelì ndi hwaŋga hwatò ema hwa hweyà Eyà ya Lohwà, rzìi hwa e kòmbɛ ò mèèmà me awu. Ènè eyà e hwa gbeyà ema hwa ajùlɛ̀ natɛ̀ɛ hwa ŋya hwèhvùma hwe gbamù.

Yòwanìrzɛ̀ 4:36

Tɔ̀ nàŋgɛ nanù, è mòrzàŋgèlì wa mbòtà a lùwa ìitàŋgi ja eni, mɔ̀ à rzàŋga e mbòta ya lòŋgɛ la gbìndèyà, aŋga nanù e mɔ̀ ema a òni e mbòtà, nà è mɔ̀ ema à rzàŋga è mbòtà wɔ̀ hwahwàkɛ hwa ò òka mɔ̀nyɛ̀ŋgì.

Yòwanìrzɛ̀ 5:44

È ayèkanɛ̀ tɛ mɔ̀kɔ na ɔ̀nɛyi e hweyà gbamù, ndi e rza gbeyà tɔ̀ eyà ò lì lùwa jèeka ema i uwɛlɛlɛ ndi na Lohwɛ̀. Nɛ rzɔ e tànɛyi lì nò lòkɛ̀ e?

Ròmànì 2:10

Ndi hwatò ema hwa gbeyà gbamù, Lohwɛ̀ a ò hwa ŋgba e ŋginyà, èluhwe, na ɛ̀yɔ̀lɛ̀ ya eni, ò lìwòteya na wònyà Yudà, ndèŋgànɛ̀lɛ̀ hwaŋga hwatò ema hwa rza enje wònyà Yudà.

Ròmànì 6:23

Inyɛ̀ inyɔ e hwiye nanù ema mòrzàhwèlì ema mòtò a luwa ò lì gbeyà wòhwe mò hwèlì ndi e kpelì. Ndi jàhwèyà ema Lohwɛ̀ a ŋgba hwatò ò ŋgundu i hwèlì ndi lòŋgɛ la gbìndèyà. Irzɔ i ma lì luwa èhwanja i hwèlì ndi na Yerzù Krirztò e Rzàŋgò ya arzu.

Ròmànì 8:18

Imba na ɛni nanù ema mètàkà ema jò ò luwa nàŋgɛ me rza enje tɔ̀ eyà nàa èluhwe ema hwa ò jò uŋmɛ̀lɛ̀hwɛ ò e hvònda ema e ò jɛ̀ɛ̀.

Ròmànì 9:23

Ndeŋgàna Lohwɛ̀ à mà arza hvɛ ò lì wuluhwa èluhwe ya eni ndɛnɛ, ò hwatò ema mɔ̀ à mà uŋmɛ̀lɛ̀ ŋmèma mò eni mò gbamù. A ma màa lì wòŋgirzɛnɛ hwaŋga hwatò ò lì luwa èluhwe ya eni.

1 Kɔ̀rintìyà 15:42

Nànù mɛnɛ hvɛ ndi e o hwɛ̀ɛ na hwatò ema hwa o hvùmùhwɛ̀ɛ. È nyo ema e imayɛlɛhwɛ, e hwèlì ndi e nyo ema e hvaŋgeya, ndi e nyo ema Lohwɛ̀ a hvùmùlɛ̀ e ɔ̀ndi e rza hvaŋgeya hvɛ.

1 Kɔ̀rintìyà 15:50

I wònyàmowe, mamɛ ema na e ohweyà e hwèlì ndi nanù ema, yòma ema e wèkahwì ema ya ohvi nyo na màyija, e rza tanɛ lì lùwa hweyà hwe lìkànèyà la ama Lohwɛ̀. I nyo ema jo ò hwɛ natɛ̀ɛ nà ò mòlìkɛ̀ i rza o lùwa hweyà ema hwe o hwɛ natɛ̀ɛ na o mòlìkɛ̀.

1 Kɔ̀rintìyà 15:58

O èŋgànɛ̀lɛ̀ ìi wònyamòwè kòkò, e tɛ̀mɛ̀ gbamù, e rza anyìŋgìrzɛ̀nɛ̀. È hwɛ ndi o lì gbèeyà Rzàŋgo. È hwi nanù ema èwòlò ema e gbèeyà Rzàŋgo tɔ̀ yɔ̀kɔ e rza hwɛ ya ŋgundu.

Gàletìyà 6:9

Inyɛ̀ i rza ɔ̀tɔ̀ o lì gbeyà mamɛ ema e lɔ̀wu. Èhwanja irzɔ i rza ɔ̀tɔ̀ tɛ, jo ò luwa etaŋgi ja arzu o hvonda ya jɔ̀kɛ̀ ema e o jɛ̀ɛ̀.

Ɛ̀hvìrzìyà 6:24

Inyɛ̀ è ndèli yà ama Lohwɛ̀ è hwɛ nà hwaŋga hwa arzɛ ema hwa lìŋgàni Rzàŋgo wà arzu Yerzù Krirztò nà ndìŋgɛ ema è rza kùwa.

Kòlòrzìyà 1:27

Lohwɛ̀ à arza nanù ema hwatò hwa eni hwa hwiye nanù ema mònàmɛ̀ nà è ndèli yà ama Krirztò è hwèlì hvɛ nanù mɛnɛ ò hwatò ema hwa rza enje wònyà Yudà. È wùndɛ̀ ema è hwèlì ò tenì è hwèlì ndi ema inyɔ e ika mèèmà mè anyu nanù ema, inyɔ è lùwa è ndèli ema Lohwɛ̀ à ohwi nanù ema à ŋgba hwatò wà eni.

1 Tìmotì 1:17

Ŋmàye nà èluhwe hwe hwɛ nà Lohwɛ̀ ò gbìndèyà nà ò gbìndèyà. Mɔ̀ ndi à hwèlì è kiŋgɛ ò gbìndèyà nà gbìndèyà. Mɔ̀ ndi à hwèlì è mɔ̀ ema hwatò hwa rza ɛni nà mììrzɔ̀ mà awu ndeŋgànɛ̀lɛ̀ à rza ŋwa. Mɔ̀ ŋmìti mɛ̀nɛ ndi à hwèlì Lohwɛ̀. Inyɛ̀ wò lìya nanù.

2 Tìmotì 1:10

Nàŋgɛ Lohwɛ̀ à mà jò ùŋmɛ̀lɛ è ndèli yà eni ò hwèjèelì hwe ama Yerzù Krirztò è mòrzùŋgèlì hwa arzu. Mɔ̀ à mà tìtòwà è ŋginyà yà è kpelì, ndèŋgàna à mà gbeyàna ŋmɛ̀ndì mò gbamù ò lì jò uŋmɛ̀lɛ̀ lòŋgɛ là gbìndèyà.

Hibrù 2:7

O ŋmanà hvoka ya hvonda o wa o ma mo gbeyà ema a rzi uke i aŋgèlì. Ndèŋgànɛ̀lɛ̀ ò wà ò mò lìilɛyi o konda ya ŋmàye na èluhwe.

Hibrù 6:12

Irzɔ i rza arza nanù ema inyɔ e hwɛ rzìŋgà, ndi inyɔ e hwɛ nàa hwaŋga ema hwa lòkɛ̀yi rzìi hwa ohvi la àjùlɛ̀, ndi e hwɛ nàa hwaŋga ema hwa wowa yòma ema Lohwɛ̀ à mà kàkɛ̀nɛ.

Hibrù 6:15

Abràhamù à mà ambɛ̀lɛnɛ na lì wɛ̀lìrzɛnɛ, o eŋgànɛ̀lɛ̀ à mà lùwa mamɛ ema Lohwɛ̀ à mà mo kàkɛ̀nɛ.

1 Yòwanìrzɛ̀ 2:25

Èya ene ema Krirztò ŋmìti à jò kàkɛ̀nɛ̀yi, ene eyà è hwèlì ndi lòŋgɛ là gbìndèyà.