Ròmànì 2:6 - Mokpwe: Bakwery (New Testament)

⁶ Lohwɛ̀ a ò rzaweyà tɔ̀ ima mòtò lì hvòmɛ̀nɛ̀ èwòlò ema tɔ̀ ima mòtò a gbèyi.

Ròmànì 2:6 ပူးပေါင်းရင်းမြစ်များ

Matiyò 16:27

Nà è òhweyà hwene hweyà hwe arzɛ nanù èhwanja è Ŋmanà wà è Mòtò wà Hwènàmà à ò jà ò èluhwe yà ama è Tatɛ̀ wà eni nà ì aŋgèlì jà eni. À jelì tɛ, à kɔ̀kìrzɛ̀ nà lì nàmìrzɛ̀ tɔ̀ ima mòtò ò lì hvòmɛ̀nɛ̀ mamɛ ema tɔ̀ ima mòtò à mà gbèèyɛ̀.

Ròmànì 14:22

Tɔ̀ mamɛ ema e lòkɛ̀yì lì hvòmɛ̀nɛ̀ hwene hweyà e hwèlì ndi ò ìtììtènì ja anyu na Lohwɛ̀. Mònàmɛ̀ mò hwèlì na hwaŋga hwatò ema hwa rza òhvɛ irzɔ̀ni ò mèèmà me awu hwa gbèyi tɛ mamɛ ema hwa hwi nanù ema e hvòmɛ̀nɛ̀yi.

1 Kɔ̀rintìyà 3:8

È mòtò ema a ona na e mɔ̀ ema a hvahva malìhwa hwà gbeyà ndi èwòlò yɔ̀kɔ mɛnɛ. Lohwɛ̀ a o hwa teŋgɛ̀nɛ̀ o èwòlò ya awu ema hwa gbèyi.

1 Kɔ̀rintìyà 4:5

O èŋgànɛ̀lɛ̀ rzɔ, o rza akɛlɛ hwèkàyìrzèlì o tɔ̀ ima mòtò, natɛ̀ɛ e hvonda ya jɔ̀kɛ̀ e uka. Hwèkàyìrzèlèlì hwe o jà, e hvonda e ma e Rzàŋgo Yerzù Krirztò a o jɛ̀ɛ̀. A jelì tɛ, a jànà o ŋmàye hwèŋge hwema ema hwe e utami o jììtìtì, rzi a hvulùwa hvɛ màlùtèyà ema mà utami o mèèmà me hwatò. O èŋge hvonda ndi Lohwɛ̀ a eka tɔ̀ ima mòtò o mamɛ ema a gbèyi.

2 Kɔ̀rintìyà 11:15

O èŋgànɛ̀lɛ̀ rzɔ, e rza no tàmìrzɛ̀, e hwèlì tɛ nanù ema hwàgbèèlì hwa ama Mòkarzɛ̀ hwa ohvɛ hwa awuŋmɛ̀lɛ̀ tɛ wɔ hwiti na hwàgbèèlì ema hwa okolɛ hwatò ò lì gbeyà eyà ya jɔ̀kɛ̀ na oma Lohwɛ̀ a àrzeyà. O lìrzukù e kɔ̀kìrzɛ̀ ema hwa o luwɛ e o atìŋgɛ̀ na hwegbèèlì hwe awu.

2 Kɔ̀rintìyà 5:10

O èŋgànɛ̀lɛ̀ rzɔ, tɔ̀ ima mɔ̀kɔ hwa arzu na ɔ̀nɛyi a o tɛ̀mɛ̀ o hwèkàyìrzèlèlì o worzo wo ama Yerzù Krirztò o wùnyà ema a o kàyìrzɛ̀ hwatò hwa arzɛ o lì hvomɛ̀nɛ̀ hweyà ema tɔ̀ ima mòtò à mà gbèyi e hvonda ema à mà hwɛ o rze ya mɔ̀nyɛ̀. Tɔ̀ ima mòtò a o luwa etaŋgi lì hvomɛ̀nɛ̀ mamɛ ya arzɛ ema à mà gbeye o rze.

2 Tìmotì 4:14

Alɛ̀rzàndrìyà ema a hwèlì e mògbèèlì wa èwòlò ya hwɛ̀ɛkɛ̀, à mà no gbeyàna wòhwe wo ndɛnɛ, e Rzàŋgo Yerzù e mo kɔ̀kìrzɛ̀ lì hvomɛ̀nɛ̀ wòhwe ema mɔ̀ à no gbeyànì.

Hwèwulùwèlì 2:23

Nà o oŋwa hwatò ema hwa ika hweyà ema mɔ̀ à okòlɛ, ndèŋgànɛ̀lɛ̀ meemba me arzɛ me hwiya nanù ema imba ndi na hwèlì e mɔ̀ ema a hwi màlùtèyà na mèèmà me hwatò hwa arzɛ. Tɔ̀ ima mòtò ema a gbèyi wòhwe, nanù hvɛ ndi na mo kɔ̀kìrzɛ̀.

Hwèwulùwèlì 20:12

Aŋga ndi nà mà ɛnɛ hwatò ema hwa mà màa lì ŋwa, hwatò ema hwa hwèlì wòlìto nà hwaŋga ema hwa rza enje wòlìtò, hwa tɛ̀mì ò worzò wò eŋge kònda yà lìkànèyà. È kààti ema Lohwɛ̀ à mà tile hwɛ̀ɛ̀mɛ̀ hwe awu ò tenì, hwa mà è lìhvowa, ndèŋgànɛ̀lɛ̀ ehvɛhvɛ è mà lìhvowàhwa. Èŋge ndi è mà ohva mìinà mà hwatò ema hwa ò hwɛ̀ɛ̀ nà Lohwɛ̀ natɛ̀ɛ nà ò gbìndèyà. Lohwɛ̀ à ò kàyìrzɛ̀ hwatò ema hwa mà ŋwɛ̀ɛ̀, lì wowàna hwɛ̀ɛ̀mɛ̀ hwe awu nà oma è tìlahwì ò tenì yà eŋge kààti.

Hwèwulùwèlì 22:12

Yerzù a ohwi nanù ema, “È ɔŋgɛ tɛ, na ja ŋmanà mbɔ̀, o lì rzaweyà tɔ̀ ima mòtò lì wowàna èwòlò ema mɔ̀ à gbèyi.