Ròmànì 2:3 - Mokpwe: Bakwery (New Testament)

³ Ndi ò wa mbunda ami, ò gbeyà tɛ ndi hwèŋge hweyà mɛnɛ ema hwe gbeyà ò kàyìrzɛ̀ hwahvɛhvɛ hwatò ò ɔ̀ŋgɛ̀lɛ̀yi nanù ema ò tànɛyi ò wàŋga lì anjiya ò hwèkàyìrzèlèlì hwe ama Lohwɛ̀ e?

Ròmànì 2:3 ပူးပေါင်းရင်းမြစ်များ

Matiyò 23:33

Inyɔ manù màahwa! Yòma lìtumba la hvèyi! Nɛ e ɔ̀ŋgɛ̀lɛ̀yi ema e tànɛyi lì hwaŋga e kɔ̀kìrzɛ̀ ya èhvɔ̀ndì ya mùnya ema mò rza mòkòna e?

Matiyò 26:53

O rza hwi nanù ema, na tànɛyi lì hwɛlɛ e Tatɛ̀ wa ami ò lì nò òŋgòwànà, ndèŋgànɛ̀lɛ̀ ò lìwòkimɛnɛ a nò òmeya lì aka lìyòme la matutà mà aŋgèlì nà mà hwàkɛ e?

Lukàrzɛ̀ 12:14

Yerzù rzìi a mò alàhwɛ̀ nanù ema, “Ìi ŋmàyi, njɛnɛ à nò ŋgbèlì èŋgè wònjà ò lì kàyìrzɛ̀ nà lì è kàhweyà erzàŋgò ya anyu na ŋmanyàŋgò wà aŋgɔ̀ e?”

Lukàrzɛ̀ 22:58

Ò rza ayikòlɛ̀nɛ̀, rzìi òhvɛhvɛ mòtò à ɛnɛ Pètrò. À mò òhwàna nanù ema, “Ò wà hvɛ ò hwèlì ndi mɔ̀kɔ wà awu.” Pètrò rzìi à alàhwɛ̀ nanù ema, “Jàyɛ̀ ŋmàyi rzeketɛ ìmba.”

Lukàrzɛ̀ 22:60

Pètrò à mà alàhwɛ̀ nanù ema, “Ŋmàyi kòkò nà rza hwi à hwiya mamɛ ema ò òhwa nanù.” Lìwòkìmɛnɛ rzìi è mòmɛ̀ wà wùhwà è tòŋgà.

Ròmànì 1:32

Wɔ̀ hwa hwi nanù ema Lohwɛ̀ à mà òhwa nanù ema, hwatò ema hwa gbeyà iŋgi nyayi jà hweyà hwa àŋgàmɛ̀nɛ̀yi lì ŋwa, ndi tɔ̀ nanù hwa lìmelì ndi ò lì gbeyà hweŋge hweyà. Ndèŋgàna rzeketɛ hvɛ tɔ̀ nanù wɔ̀ hwa eka hwatò ema hwa gbeyà iŋgi nyayi ja hweyà.

Ròmànì 2:1

O èŋgànɛ̀lɛ̀ rzɔ, tɔ̀ ima mɔ̀ hwa anyu ema a kàyìrzɛ̀ɛ hwahvɛhvɛ hwatò, tɔ̀ ò hwɛ ndi njɛnɛ, ò rza òhvì tɔ̀ lìtìŋga ema ò rza lùhwànà lì làkìrzɛ̀. Èhwanja ò kàyìrzɛ̀ tɛ hwahvɛhvɛ hwatò, rzìi ò wà witi ò hwɛ ndi ò lì gbèeyà hwèŋge hweyà ema ò hwa kàyìrzɛ̀, nanù òma ò wa hvɛ ò a tùulɛ̀ ŋmàŋgò.

Ròmànì 2:2

I hwi na e tɛ̀ɛ̀tɛ̀ɛ nanù ema, e mbàkò ema Lohwɛ̀ a akɛlɛ lì teŋgɛ̀nɛ̀ hwatò ema hwa gbeyà iŋgi nyayi ja hweyà e hwa lòŋgàmɛnɛyi.

Ròmànì 9:20

Ndi ò wa mòtò wa hwènàmà ò wa ò hwèlì ndi njɛnɛ ò lì ijòwa Lohwɛ̀ eyà e? Njɔ̀ŋgɔ̀ ja lìhwànya i rza tanɛyi ji ijòwa e mòtò ema e mò weki nanù ema, “Mamɛ ndèŋgàtɛ̀ ò nò weki na òma ò nò weki nanù e?”

1 Tɛ̀rzàlonìyà 5:3

Ò lìrzàkò ema hwatò hwa ohwa nanù ema, “Ò hwèlì ɛ̀yɔ̀lɛ̀ ndèŋgànɛ̀lɛ̀ ò rza enje tɔ̀ mòhvùŋgu,” lìwokimɛnɛ, wɔ̀ hwa ò hvàŋgahwà. È ò hwɛ ndi nyàyi hvɔ̀kɔ nàa mòrziyò mò lìyàlì mò lɛ̀mbɛɛ molàna ema à arza lì ŋya. Rzìi tɔ̀ mòtò à rza ò kàrzowà.

Hibrù 12:25

È hwɛnì lì aŋgòwa, nanù ema e rzi ndinda mamɛ ema Lohwɛ̀ a e ohweyà. Hwatò ema hwa rzi hweyàne e mòtò ema Lohwɛ̀ à mà ike o rze o lì kòkòwɛ̀lɛ̀ hwatò hwà mà kɔ̀kìrzɛ̀hwɛ̀. Nà oma hwà mà kɔ̀kìrzɛ̀hwɛ̀, nanù ndi irzɔ hvɛ jo ò kɔ̀kìrzɛ̀hwɛ̀ i rza hweyàni tɛ màyòwà ema mà uwɛ̀lɛ̀lɛ̀yi o ŋmanyu ya Lohwà.

Hibrù 2:3

Nɛ rzɔ, inyɔ e ɔ̀ŋgɛ̀lɛ̀ nanù ema irzɔ i tànɛyi lì hwaŋga ene e kɔ̀kìrzɛ̀, e hwèlì tɛ nanù ema irzɔ̀ i rza hwɛni tɛ e hvonda na mono ŋmɛ̀ndì mò gbamù e? Mono ŋmɛ̀ndì mò gbamù, mɔ̀ ndi mo jànà ene tumba mòrzùŋgèlì. È Rzàŋgo Yerzù mɔ̀ ŋmitɛ ŋmitɛ ndi à lomi lì ohweyà hwatò lì hvomɛ̀nɛ̀ mono ŋmɛ̀ndì mò gbamù. Ndeŋgànɛ̀lɛ̀ hwatò ema hwà mà hweya hweyà ema mɔ̀ à mà ohwe, hwà mà jo gbeyà irzɔ o lì rzɔ̀ŋgìtɛ̀nɛ̀ nanù ema hweŋge hweyà hwe ma hwɛ ndi e jɔ̀kɛ̀.