Ròmànì 2:16 - Mokpwe: Bakwery (New Testament)

¹⁶ O èŋgànɛ̀lɛ̀ lì hvòmɛ̀nɛ̀ Ŋmɛ̀ndì mò gbamù ema imba na òhwa, nanù ndi e ò hwɛ̀ɛ ò wòŋgò Wùnyà ema Lohwɛ̀ a ò ŋgbàà Yerzù Krirztò e ŋginyà ò lì kàyìrzɛ̀ɛ hwatò, lì hvòmɛ̀nɛ̀ màlùtèyà ma ìwùndɛ̀ ja mèèmà me awu na mamɛ hwa gbeyà ò jututa.

Ròmànì 2:16 ပူးပေါင်းရင်းမြစ်များ

Matiyò 16:27

Nà è òhweyà hwene hweyà hwe arzɛ nanù èhwanja è Ŋmanà wà è Mòtò wà Hwènàmà à ò jà ò èluhwe yà ama è Tatɛ̀ wà eni nà ì aŋgèlì jà eni. À jelì tɛ, à kɔ̀kìrzɛ̀ nà lì nàmìrzɛ̀ tɔ̀ ima mòtò ò lì hvòmɛ̀nɛ̀ mamɛ ema tɔ̀ ima mòtò à mà gbèèyɛ̀.

Lukàrzɛ̀ 8:17

O rzà ènje tɔ̀ eyà ema e utahwi ema e rzà ò wurza ò mòteŋyi. O rzà ènje hvɛ tɔ̀ eyà ema e utami ema e rzà ò hwiyɛ̀nɛ̀, nà lì awuŋmɛ̀lɛ̀ ò mòteŋyi.

Yòwanìrzɛ̀ 12:48

È mòtò ema a nò rzɔ̀rzi rzìi a rzi imanɛlɛ hvɛ ŋmɛ̀ndì mò ami, mɔ̀ à òhvi e mɔ̀ ema a mò kàyìrzɛ̀. È mbɔrzi ema na òhwi yɔ ndi e mò kàyìrzɛ̀ ò wùnyà wò hwèkàyìrzèlèlì.

Hwègbèèlì 10:42

Rzìi mɔ̀ à jò kànèyà nanù ema, jò òhweyà hwatò lì hvòmɛ̀nɛ̀ ŋmɛ̀ndì mò gbamù, ndèŋgànà irzɔ i tɛmi mbòŋgi nanù ema mɔ̀ ndi à hwèlì e mɔ̀ ema Lohwɛ̀ à mà hvɔ̀rzè, ò lì kàyìrzɛ̀ hwatò ema hwa hwèlì lòŋgɛ na e wɔ̀ ema hwà mà ŋwɛ.

Hwègbèèlì 17:31

Èhwanja mɔ̀ à mà rzekeya wùnyà nanù ema mɔ̀ à ò kàyìrzɛ̀ e rze ya arzɛ na hwèkàyìrzèlèlì hwe ehve-ehve. A ma hvɔ̀rzɔ̀ e mòtò ema a kàyìrzɛ mòŋgò ŋmàŋgò. Ndeŋgànɛ̀lɛ̀ mɔ̀ à mà uŋmɛ̀lɛ̀ hwatò hwa arzɛ nanù ema òŋgò mòtò a lòŋgamɛnɛyi na òma à mà mò hvùmùlɛ̀ ò kpelì.”

Ròmànì 16:25

Inyɛ̀ i ŋgbe Lohwɛ̀ èluhwe èhwanja a òhvi màyìmbì ma lì ètìrzɛ̀ lìlòkɛ̀ la anyu. Ndeŋgànɛ̀lɛ̀ nanù ndi nà mà e òhweyà e hvònda ema nà mà e òhweyà Ŋmɛ̀ndì mò Gbamù mò ama Yerzù Krirztò. Mòŋgò Ŋmɛ̀ndì mò hwèlì ndi e jɔ̀kɛ̀ ema Lohwɛ̀ à mà ute natɛ̀ɛ na e hvònda kòòhwa, ema a rzi uŋmɛ̀lɛ̀ hwatò.

Ròmànì 2:5

Ndi ò wa ò òhvi ŋmèma ema mò eti ndèŋgàna ò rza arza lì timbeya Lohwɛ̀, ò eŋgànɛ̀lɛ̀ ò a òmbɛlɛlɛ ndi ò wà witi ò è kɔ̀kìrzɛ̀ ya ama Lohwɛ̀. À è kɔ̀kìrzɛ̀ ò Wùnyà wò hwèkàyìrzèlì. O wòŋgò Wùnyà, Lohwɛ̀ a ò uŋmɛ̀lɛ̀ hwetàtò wa eni, ndèŋgànɛ̀lɛ̀ mɔ̀ à uŋmɛ̀lɛ̀ nanù ema hwèkàyìrzèlì hwe eni hwe hvòmɛ̀nɛ̀yi.

Ròmànì 3:6

Jàyɛ̀ rzeketɛ nanù. È ma hwɛ tɛ nanù ema hwèkàyìrzèlèlì hwe ama Lohwɛ̀ hwe hwɛni lùurzè, nɛ rzɔ mɔ̀ à tànɛyi lì kàyìrzɛ̀ e rze e?

1 Kɔ̀rintìyà 15:1

Ìi hwa ŋmanyàŋgò hwa ami na indomɛ̀ ja ami, na arza lì e ɔ̀ŋgɛ̀lɛ̀nɛ̀ o Ŋmɛ̀ndì mò Gbamù ema, nà mà e ohweyà. Inyɔ ema mo àyimànɛ̀lɛ̀, o nyòla mòŋgo ŋmɛ̀ndì ɔ̀ndeŋgàtɛ̀ malòkɛ̀ ma anyu ma imbami.

1 Kɔ̀rintìyà 4:5

O èŋgànɛ̀lɛ̀ rzɔ, o rza akɛlɛ hwèkàyìrzèlì o tɔ̀ ima mòtò, natɛ̀ɛ e hvonda ya jɔ̀kɛ̀ e uka. Hwèkàyìrzèlèlì hwe o jà, e hvonda e ma e Rzàŋgo Yerzù Krirztò a o jɛ̀ɛ̀. A jelì tɛ, a jànà o ŋmàye hwèŋge hwema ema hwe e utami o jììtìtì, rzi a hvulùwa hvɛ màlùtèyà ema mà utami o mèèmà me hwatò. O èŋge hvonda ndi Lohwɛ̀ a eka tɔ̀ ima mòtò o mamɛ ema a gbèyi.

2 Kɔ̀rintìyà 5:10

O èŋgànɛ̀lɛ̀ rzɔ, tɔ̀ ima mɔ̀kɔ hwa arzu na ɔ̀nɛyi a o tɛ̀mɛ̀ o hwèkàyìrzèlèlì o worzo wo ama Yerzù Krirztò o wùnyà ema a o kàyìrzɛ̀ hwatò hwa arzɛ o lì hvomɛ̀nɛ̀ hweyà ema tɔ̀ ima mòtò à mà gbèyi e hvonda ema à mà hwɛ o rze ya mɔ̀nyɛ̀. Tɔ̀ ima mòtò a o luwa etaŋgi lì hvomɛ̀nɛ̀ mamɛ ya arzɛ ema à mà gbeye o rze.

Gàletìyà 1:11

Inyɛ̀ na e ohweyà wònyamòwè kòkò, nanù ema ŋmɛ̀ndì mò gbamù ema na ohwa mo rza uwɛ̀lɛ̀lɛ̀yi ndi na hwatò hwa hwènàmà.

1 Tìmotì 1:11

Hwene hwèyòkòlèlì hwe jɔ̀kɛ̀, hwe làti na ŋmɛ̀ndì mò gbamù ema Lohwɛ̀ a no ŋgbelì o lì ohweyà hwatò. Moŋgo ŋmɛ̀ndì mò gbamù mo uwɛ̀lɛ̀lɛ̀yi ndi o ma Lohwɛ̀ ema lì karzami ema hwatò hwa eka.

2 Tìmotì 2:8

O hwɛni ndi lì ɔ̀ŋgɛ̀lɛ̀ nanù ema Yerzù Krirztò ema à mà hwɛ o e nyɔ̀ŋgɔ̀nì ya ama kiŋgɛ̀ Dàhwitì, Lohwɛ̀ à mà mo hvùmùlɛ̀ o kpelì. Ŋmɛ̀ndì mò Gbamù mòno ema imba na òhwèyà hwatò.

2 Tìmotì 4:1

Ìi Tìmòtì, o worzo wo ama Lohwɛ̀ na Yerzù Krirztò, mɔ̀ ema a o jɛ̀ɛ̀ o lì kàyìrzɛ̀ hwatò ema hwà ma ŋwɛ na e wɔ̀ ema hwa hwèlì lòŋgɛ o lìnà la ama e mɔ̀ ema a o jɛ̀ɛ̀ hvɛ rzi a hwɛ e mòkànèlì hwa hwàrzɛ, na o òhwèyà hwene hweyà kɔ̀yi-kɔ̀yi nanù ema:

2 Tìmotì 4:8

O nàŋgɛ nanù, mòrzahwèlì mo hwèlì mo no ambɛ̀lɛ̀, èhwanja nà mà gbèeyà èwòlò na oma Lohwɛ̀ a arza nanù ema e gbeyàhwe. Moŋgo mòrzahwèlì ndi e Rzàŋgo ema e kàyìrzɛ̀ hwatò ò jɔ̀kɛ̀ e no ŋgba o wùnyà wo hwèkàyìrzèlì. Rzeketɛ imba mbiti mɛnɛ ndi à ò ŋgbɛ, à ò ŋgba hwatò hwa arzɛ ema hwa àhvitɛ hwèjèelì hwe eni.

Hibrù 9:27

Mòtò tɛ a àŋgàmɛ̀nɛ̀yi lì ŋwa ŋgelì hvɔ̀kɔ, ndèŋgànɛ̀lɛ̀ o mburzà nanù a o kàyìrzɛ̀hwɛ.

1 Pètrò 4:5

Ndi wɔ̀ hwa o tɛ̀mɛ̀ o hwèkayirzelì o worzo wo ama Lohwɛ̀ ema mɔ̀ à ambɛlɛlɛ o lì kàyìrzɛ̀ tɔ̀ ima mòtò. Mɔ̀ a kàyìrzɛ hwaŋga ema hwa hwèlì lòŋgɛ na e wɔ̀ ema hwà mà ŋwɛɛ.

2 Pètrò 2:9

O eŋgànɛ̀lɛ̀ rzɔ, e Rzàŋgo e hwi nɛ a kombɛ hwatò ema hwa hwi Lohwɛ̀ o màkèkirzɛnɛ ma awu. Nà nɛ hvɛ o lì ika hwatò hwa wòhwe o rze ya hwèkɔ̀kìrzèlì o lì ambɛ̀lɛ̀ Wùnyà wo hwèkàyìrzèlì.