Ròmànì 2:1 - Mokpwe: Bakwery (New Testament)

¹ O èŋgànɛ̀lɛ̀ rzɔ, tɔ̀ ima mɔ̀ hwa anyu ema a kàyìrzɛ̀ɛ hwahvɛhvɛ hwatò, tɔ̀ ò hwɛ ndi njɛnɛ, ò rza òhvì tɔ̀ lìtìŋga ema ò rza lùhwànà lì làkìrzɛ̀. Èhwanja ò kàyìrzɛ̀ tɛ hwahvɛhvɛ hwatò, rzìi ò wà witi ò hwɛ ndi ò lì gbèeyà hwèŋge hweyà ema ò hwa kàyìrzɛ̀, nanù òma ò wa hvɛ ò a tùulɛ̀ ŋmàŋgò.

Ròmànì 2:1 ပူးပေါင်းရင်းမြစ်များ

Lukàrzɛ̀ 12:14

Yerzù rzìi a mò alàhwɛ̀ nanù ema, “Ìi ŋmàyi, njɛnɛ à nò ŋgbèlì èŋgè wònjà ò lì kàyìrzɛ̀ nà lì è kàhweyà erzàŋgò ya anyu na ŋmanyàŋgò wà aŋgɔ̀ e?”

Lukàrzɛ̀ 19:22

Èŋge kiŋgɛ̀ è mà mò alàhwɛ̀ nanù ema, ‘Ò hwèlì ndi mògbèèlì wà wòhwe. Nà hwɛnì ndi lì ò kàyìrzɛ̀ nà mamɛ ò wùrzìrzɛ ò wàna yà aŋgɔ̀. Ò hwi ema nà ambirzɛnɛ, nà wòwà wòkòndò ema nà rzà hwɛnɛyi, nà rzàŋgà hvɛ mòlelì ema nà rzà ònɛyi,

Lukàrzɛ̀ 6:37

“È rzi kàyìrzɛ̀ hwahvɛhvɛ hwatò, ndèŋga Lohwɛ̀ à rza ò kàyìrzɛ̀ wa hvɛ. È rzi òhwa hweyà hwe wòhwe lì hvòmɛ̀nɛ̀ hwahvɛhvɛ hwatò, Lohwɛ̀ mɔ̀ hvɛ à rza òhwa wòhwe lì è teŋgɛ̀nɛ̀. È àlàkìrzɛ̀nɛ̀, aŋga ndi Lohwɛ̀ mɔ̀ hvɛ a è làkìrzɛ̀.

Ròmànì 14:22

Tɔ̀ mamɛ ema e lòkɛ̀yì lì hvòmɛ̀nɛ̀ hwene hweyà e hwèlì ndi ò ìtììtènì ja anyu na Lohwɛ̀. Mònàmɛ̀ mò hwèlì na hwaŋga hwatò ema hwa rza òhvɛ irzɔ̀ni ò mèèmà me awu hwa gbèyi tɛ mamɛ ema hwa hwi nanù ema e hvòmɛ̀nɛ̀yi.

Ròmànì 2:2

I hwi na e tɛ̀ɛ̀tɛ̀ɛ nanù ema, e mbàkò ema Lohwɛ̀ a akɛlɛ lì teŋgɛ̀nɛ̀ hwatò ema hwa gbeyà iŋgi nyayi ja hweyà e hwa lòŋgàmɛnɛyi.

Ròmànì 2:3

Ndi ò wa mbunda ami, ò gbeyà tɛ ndi hwèŋge hweyà mɛnɛ ema hwe gbeyà ò kàyìrzɛ̀ hwahvɛhvɛ hwatò ò ɔ̀ŋgɛ̀lɛ̀yi nanù ema ò tànɛyi ò wàŋga lì anjiya ò hwèkàyìrzèlèlì hwe ama Lohwɛ̀ e?

Ròmànì 3:9

Mamɛ rzɔ ema irzɔ i tànɛyi lì òhwa e? È lòkɛ̀ nanù ema irzɔ ema i hwèlì wònyà Yudà ja akayi hwaŋga hwatò ema hwa rza enje wònyà Yudà e? Jàyɛ̀, rzeketɛ nanù. Imba nà mà màa lì uŋmɛ̀lɛ̀ nanù ema màyìmbì mà wòhwe mɔ̀ ndi è kànèyà hwaŋga ema hwa hwèlì wònyà Yudà na hwaŋga ema hwa rza enje wònyà Yudà ŋgàna hvɔ̀kɔ.

Ròmànì 9:20

Ndi ò wa mòtò wa hwènàmà ò wa ò hwèlì ndi njɛnɛ ò lì ijòwa Lohwɛ̀ eyà e? Njɔ̀ŋgɔ̀ ja lìhwànya i rza tanɛyi ji ijòwa e mòtò ema e mò weki nanù ema, “Mamɛ ndèŋgàtɛ̀ ò nò weki na òma ò nò weki nanù e?”

1 Kɔ̀rintìyà 4:5

O èŋgànɛ̀lɛ̀ rzɔ, o rza akɛlɛ hwèkàyìrzèlì o tɔ̀ ima mòtò, natɛ̀ɛ e hvonda ya jɔ̀kɛ̀ e uka. Hwèkàyìrzèlèlì hwe o jà, e hvonda e ma e Rzàŋgo Yerzù Krirztò a o jɛ̀ɛ̀. A jelì tɛ, a jànà o ŋmàye hwèŋge hwema ema hwe e utami o jììtìtì, rzi a hvulùwa hvɛ màlùtèyà ema mà utami o mèèmà me hwatò. O èŋge hvonda ndi Lohwɛ̀ a eka tɔ̀ ima mòtò o mamɛ ema a gbèyi.

1 Kɔ̀rintìyà 7:16

Inyɔ ijòjìyɛ̀ ema e lòkɛ̀ Krirztò e rza hwi nanù ema, inyɔ eŋga, mèjòmɛ̀ me anyu ema me rza lòkɛ̀yi Krirztò me tànɛyi lì rzùŋgàhwà e? Tɔ̀ inyɔ mèjòmɛ̀ ema e lòkɛ̀ Krirztò e rza hwi nanù ema, inyɔ ye eŋga ijòjìyɛ̀ ja anyu ema i rza lòkɛ̀ Krirztò i tànɛyi lì rzùŋgàhwà e?

Jèmìrzì 2:20

O wa èèti ya mòtò o arza embànelì o lì o uŋmɛ̀lɛ̀ nanù ema e hwèlì tɛ nanù ema mòtò a ohvi lìlòkɛ̀ rzìi a rzi gbeeye nà oma lìŋgi lìlòkɛ̀ lì ohwa, nanù oma rzeke lìŋgi lìlòkɛ̀ lì hwèlì ndi ŋgundu e?

Jèmìrzì 4:11

Ìi wònyànyàŋgo wa ami kòkò, e rzà àwòhwànɛlɛ hweyà hwe wòhwe mɔ̀kɔ na ɔ̀nɛ̀yi, tɔ̀ njɛnɛ ema a ohwi eyà ya wòhwe o lì teŋgɛ̀nɛ̀ ŋmanyàŋgò wa eni, tɔ̀ lì mo kàyìrzɛ̀, nanù oma a ohwa ndi hweyà hwe wòhwe lì teŋgɛ̀nɛ̀ e mbendà ya ama Lohwɛ̀ ndèŋgànɛlɛ mɔ̀ à ohwi nanù ema e mbenda e rza lɔ̀wu. O òhwi tɛ nanù ema e mbendà ya ama Lohwɛ̀ e rza lɔ̀wu, eŋge ŋgànà e hwèlì ndi nanù ema e gbeyà hweyà ema e mbendà ya ama Lohwɛ̀ e ohwi nanù ema e rza gbeyà. Nànù oma o ma awòwɛ̀ o wà witi o lì hwɛ e mòkàyìrzèlì.