Ròmànì 16:2 - Mokpwe: Bakwery (New Testament)

² È mò karzɛ ò lìna la ama e Rzàŋgò, na òma hwatò hwa ama Lohwɛ̀ hwa àŋgàmɛ̀nɛ̀yi lì gbeyà. Ndeŋgànɛ̀lɛ̀ e mò ŋgbe tɔ̀ ima lòŋgòwanɛ ema mɔ̀ à tànɛyi lì e arzana. È hwiye nanù ema mɔ̀ ŋmìti hvɛ à mà lòma lì òŋgòwàna lòŋgò la hwatò ndèŋgànɛ̀lɛ̀ mò à mà nò òŋgòwànà tɔ̀ imba mbiti.

Ròmànì 16:2 ပူးပေါင်းရင်းမြစ်များ

Hvìlipìyà 2:29

O eŋgànɛlɛ rzɔ, e mo kàrzɛ na màlìŋgo ehwànja e lòkɛ̀yì e Rzàŋgo na oma mɔ̀ ŋmìti a mo lòkɛ̀yi. È mo ŋgbe èluhwe na oma e ŋgbàà hwatò.

Hvìlipìyà 1:27

O nàŋgɛ, ɛ̀ɛ̀mɛ̀ ya anyu e àŋgàmɛ̀nɛ̀ ndi lì hwɛ na oma Krirztò o ŋmɛ̀ndì mò gbamù mo eni a ohwi. Ène eyà e gbeyà nanù ema tɔ̀ imba na jà o lì e ɛnɛ tɔ̀ na rzi e ɛnɛ, na hwiya nanù ema inyɔ e tɛmi gbamù nàa mòtò mɔ̀kɔ, ndèŋgànɛ̀lɛ̀ e hwɛni hvɛ ndi mɔ̀ŋgɛ̀lɛ mɔ̀kɔ o lì ana lì kombɛ mamɛ ema inyɔ e lòkɛ̀.

2 Yòwanìrzɛ̀ 1:10

Ò èŋgànɛ̀lɛ̀ rzɔ, tɔ̀ ima mòtò à è jɛ̀lɛ̀lɛ̀yi tɛ rzìi à è jàneyà hwèokòlelì ema hwe rza uwɛ̀lɛ̀lɛ̀yi ò mà Krirztò, è rzìi mò kpɛ̀lɛ̀ ò ndawò yà anyu tɔ̀ nà lì mò kàrzɛ nàa mɔ̀kɔ wà ŋmèmba.

Hvìlɛ̀mɔ̀nì 1:17

Ò èŋgànɛ̀lɛ̀ rzɔ, ono wòwi tɛ nàa mòtò ema irzɔ nà ò wà ì gbèèyɛ̀nɛ̀ èwòlò, ò àŋgàmɛ̀nɛ̀yi lì mò kàrzɛ nyàyi hvɔ̀kɔ nà oma ò hwɛni lì nò kàrzɛ.

Hvìlɛ̀mɔ̀nì 1:12

Nà ò timbirzɛlɛlɛ è mɔ̀ nàŋgɛ, ndèŋgànɛlɛ mɔ̀ à hwèlì ndi mòtò ema imba nà lìŋgàni rzàyi-rzàyi.

Tàyìtùrzì 2:3

Ŋgànà hvɔ̀kɔ hvɛ mɛnɛ, o òkolɛ hwàwululu hwa hwalanà o lì gbeyà hweyà nyayi ema e ŋgbàà Lohwɛ̀ èluhwe o tɔ̀ mamɛ ema wɔ̀ hwa gbeyà. O hwa ohweyà nanù ema hwa rzi keka lì inda tɔ̀ mòtò, hwa rzi aŋgbɛ wɔ hwiti o lì nyɔ mimba emà mà hwa wòmirzɛ̀. Ndi o hwa ohweyà nanù ema hwa okòlɛ̀ hwatò hweyà ema hwe hvomɛ̀nɛ̀.

2 Tìmotì 1:18

Nà kanɛ̀ nanù ema Lohwɛ̀ à mò ùŋmɛ̀lɛ̀ ììlì jà eni ò Wùnyà wò hwèkàyìrzèlì. Ndèŋgàna ò wà ò hwi kɔ̀yi-kɔ̀yi lì oŋgowànɛ ema à mà nò ŋgbè ò mbowà yà Ɛ̀hvɛ̀rzɔ̀rzì.

1 Tìmotì 2:10

Ndi inyɛ ɛ̀ɛ̀mɛ̀ ya awu ya gbamù e uŋmɛ̀lɛ̀ nanù ema hwanu hwalana hwa gbèeyà Lohwɛ̀.

Kòlòrzìyà 4:10

Arìrztàkùrzì, ema mɔ̀ hvɛ a hwèlì o hwèwòwà na imba, a e omelì ikɔ̀mi. Màkòrzì, ema a hwèlì Bànàbàrzì ŋmanyàŋgò wa eni mɔ̀ hvɛ a e omelì ikɔ̀mi. Nà ma màa lì e ohweyà lì hvomɛ̀nɛ̀ Màkòrzì mɔ̀ à jelì tɛ e mo kàrzɛ.

Ɛ̀hvìrzìyà 5:3

Nà oma e hwèlì ndi hwatò hwa ama Lohwɛ̀ o rza lɔ̀wu nanù ema e gbeye mòrzònje, tɔ̀ inyɔ o lì gbeyà hweyà hwe mbindo tɔ̀ lì hwɛ wɔ̀ɔ̀. Ini nyayi ja hweyà i rza lɔ̀wu lì hwɛ̀ɛnɛ o ìtììtènì ja anyu.

Ròmànì 16:23

Gàyiyùrzì, e mòtò ema ò ndawò ya eni ndi na hwèlì, ema ò ndawò ya eni ɔ̀ndi ŋmèmba mò wònya Krirztò mò tàneyà, mɔ̀ hvɛ a e òmelì ikɔ̀mi. Ɛ̀ràrztùrzì, ema mɔ̀ ndi à uta malì ma e mbòwa, na ŋmanyàŋgò hwa arzu Kwàtùrzì wɔ̀ hvɛ hwa e òmelì ikɔ̀mi.

Ròmànì 16:9

È kɔmè Ubànùrzì, ema mɔ̀ hvɛ a hwèlì ndi mɔ̀kɔ wa arzu ema i gbèeyɛnɛ èwòlò ya ama Krirztò. È kɔmè hvɛ e mbunda ya ami ya ndìŋgɛ ya màlìŋgò Rztàkìrzì.

Ròmànì 16:6

È kɔmè Màlìyɛ̀, ema à mà gbèèyɛ̀ èwòlò rzayi-rzayi ò ìtììtènì ja anyu.

Ròmànì 15:7

Imanɛlɛ mɔ̀kɔ na ɔ̀nɛyi, na òma Krirztò a e imanɛlɛ inyɔ, aŋga nanù hwatò hwa tanɛyi ò lì eka Lohwɛ̀.

Hwègbèèlì 9:41

Pètrò rzìi a òma lìiya la eni a mò òŋgòwànà ò lì tɛ̀mɛ̀nɛ. Aŋga ndi Pètrò a à hwɛlɛ hwàlòkèlì hwa arzɛ, na hwaŋga hwalana hwa mekurze, rzìi a hwa ŋgba òŋgò mòlanà Tàbità ema a hwèlì lòŋgɛ.

Hwègbèèlì 9:39

O èŋgànɛ̀lɛ̀ rzɔ, Pètrò à mà wòŋgirzɛnɛ rzii a ɛndɛ na hwaŋga hwatò. Lirzakò ema mɔ̀ à mà uke aŋga, hwà mà mò agbana ò tùu ya ŋmanyu ya eŋge ndawò ya ndɛkì. Mekurze me hwalana me arzɛ me ma mò tòŋga, rzìi hwa a eyà na lì mò uŋmɛ̀lɛ̀ màatù ma arzɛ, na ikòti ema Dɔ̀kàrzì à mà hwa kɔleya, e hvònda ema mɔ̀ à mà hwɛ lòŋgɛ̀.

Hwègbèèlì 9:36

O mbòwa ya Jopà ò ma hwɛ mòlòkèlì wa mòlanà ema à mà hwɛ̀lɛ̀hwɛ̀ Tàbità. (jànda ja lìinà la eni ò mbɔrzi ya Grìki lì hwèlì ndi Dɔ̀kàrzì eŋge ŋgàna e hwèlì ndi ìrzɛ̀wù). Onò mòlanà, à mà akɛlɛ e hvònda ya eni ya arzɛ ò lì gbeyà hweyà hwe gbamù na ò lì òŋgòwànà mèlìrza me hwatò.

Matiyò 25:40

Ndi e Kiŋgɛ̀ e hwa alàhwɛ̀ nanù ema, ‘O tɛ̀ɛ̀tɛ̀ɛ na e òhweyà ema tɔ̀ mamɛ ema e ma gbèeyà mɔ̀kɔ wa hwanù wònyanyàŋgò wa ami ema hwa rza òhvɛ hwe tɛmelì, imba ndi ema gbèeyà.’

Hwègbèèlì 9:13

Ànàniyarzì rzìi à mò alàhwɛ̀ nanù ema, “Ìi Rzàŋgò, rzayi-rzayi jà hwatò hwa mà nò òhweyà lì hvòmɛ̀nɛ̀ ònò mòtò, nà hweyà hwe arzɛ hwe wòhwe ema mɔ̀ à mà gbeyànɛ̀ hwatò hwa aŋgɔ̀ hwa wòtani ò mbòwà yà Jèrurzalɛ̀mù.

Hwègbèèlì 9:15

Ndi Rzàŋgò à mà òhweyà Ànàniyarzì nanù ema, “Ɛ̀ndɛ̀, èhwanja nà mà hvɔ̀rzɔ̀ ònò mòtò ò lì nò gbèeyà. Mɔ̀ à ò gbeyà hwaŋga hwatò ema hwa rza enje wònyà Yudà, ikìŋgɛ̀ jà awu, nà wònyà Yudà ò lì nò hwiya.

Ròmànì 16:15

È kɔmè Hvìlòlògùrzì na Jùlìyà. È nò kɔmèya wònyanyàŋgò wa ami hwa ama Krirztò ema hwa hwɛ̀lɛ̀hwɛ̀ Olìmpàrzì na Nɛ̀rìyùrzì na e ndòmɛ ya eni, na hwatò hwa arzɛ hwa ama Lohwɛ̀ ema hwa hwèlì na wɔ̀.