Ròmànì 13:4 - Mokpwe: Bakwery (New Testament)

⁴ Èhwànja e mɔ̀ ema a hwèlì ò lìkànèyà a hwèlì ndi e mògbèèlì wa ama Lohwɛ̀, ema Lohwɛ̀ a rzekelì ò lì òŋgòwànà. Ndi ò gbeyà tɛ hweyà hwe wòhwe, ò aŋgàmɛ̀nɛ lì mò òka wɔ̀ŋgɔ̀, ehwànja e ŋginyà ema a òhvi ò lì kɔ̀kìrzɛ̀ hwatò e rza enje ŋgundu. Hwàkànèlì hwa hwèlì ndi hwàgbèelì hwa ama Lohwɛ̀, ndèŋgànɛ̀lɛ̀, mɔ̀ à hwèlì ndi e mògbèèlì hwa ama Lohwɛ̀ ema Lohwɛ̀ a ikayi nanù ema a kɔ̀kìrzɛ̀ hwatò ema hwa gbeyà hweyà hwe wòhwe.

Ròmànì 13:4 ပူးပေါင်းရင်းမြစ်များ

Ròmànì 12:19

Ìi wònyamòwè kòkò, e hwèlì tɛ nanù ema mòtò a e gbèyi tɛ eyà ya wòhwe, inyɛ inyɔ e rzi keka ò lì mò timbirzɛlɛlɛ. È hwɛmɛ Lohwɛ̀ mɔ̀ ŋmìti a mò kɔ̀kìrzɛ̀. È tìlahwì ò e kààtì ya Lohwɛ̀ nanù ema, “Lohwɛ̀ a òhwi nanù ema, ‘Imba ndi na timbirzɛlɛlɛ wòhwe ema tɔ̀ ima mòtò a gbèyi. Imba e Rzaŋgò ndi na òhwi.’”

Ròmànì 13:6

Litiŋga lìini, ɔ̀ndeŋgàtɛ̀ e rzàawà e njaŋge yà lìkànèyà, ehwànja hwaŋga hwatò ema hwa rzàŋgìrzɛ̀ è njàŋge yà lìkànèyà wɔ̀ hvɛ hwa gbèeyà ndi Lohwɛ̀.

1 Tɛ̀rzàlonìyà 4:6

O ene eyà rzɔ, tɔ̀ mòtò a rza àŋgàmɛ̀nɛ̀ o lì tònana ŋmanyàŋgò wa eni tɔ̀ o lì mo wowàna yòoma ya eni. I ma loma lì e ohweyà hwene hweyà, ndèŋgànɛ̀lɛ̀ i ma e kòkòwɛ̀lɛ̀ towotowo nanù ema Lohwɛ̀ a kɔ̀kìrzɛ̀ hwatò ema hwa gbeyà nanù.

1 Pètrò 2:14

tɔ̀ o ikìŋgɛ ema i hwèlì o rze ya lìkànèyà la e mòkànèlì mo ndɛɛndɛ, ema hwa omahwi na e kiŋgɛ o lì kɔ̀kìrzɛ̀ hwaŋga hwatò ema hwa gbeyà wòhwe, na o lì eka hwaŋga hwatò ema hwa gbeyà gbamù.