Ròmànì 13:2 - Mokpwe: Bakwery (New Testament)

² Tɔ̀ njɛnɛ ema a tèŋgɛ̀nɛ̀yi hwàkànèlì ema hwa hwèlì ò lìkànèyà, ò ma a tèŋgɛ̀nɛ̀yi ndi hwètɛ̀yìrzèlì hwe ama Lohwɛ̀. Ndèŋgànɛ̀lɛ̀ hvɛ, tɔ̀ njɛnɛ ema a gbèyi nanù, ò ma a àyèrzɛ̀lɛ̀ ndi e kɔ̀kìrzɛ̀ na mɔ̀ ŋmìti.

Ròmànì 13:2 ပူးပေါင်းရင်းမြစ်များ

Matiyò 23:13

Yerzù rzìi a òhwa nanù ema “Mòjema na inyɔ̀ Hwà-òkòlèlì hwa mbenda na inyɔ Ihvàlìrzàyì, e hwèlì ndi hwatò hwa mòlàŋgà! Inyɔ e umbana hwatò lìyòhva là lìkànèyà là ŋmanyu yà Lohwà aŋga nanù hwatò hwa rza kpeya. Tɔ̀ inyɔ hwiti e rza ò kpèeyà. È rza tànɛyi hvɛ lì hwɛmɛ tɔ̀ hwaŋga hwatò ema hwa hwèlì hwa keka lì kpèeyà ò lì kpèeyà.

Makòrzì 12:40

Hwa lùùmbana hvɛ mekurze erzàŋgò ya awu. Hwa lìŋgàni hvɛ lì ɔ̀jɔ̀nɔ̀ hwatò na màkanɛ̀ ma wahwi. Wɔ̀ hwa lùwa kɔ̀kìrzɛ̀ ya màwɔ̀ŋgɔ̀.”

Lukàrzɛ̀ 20:47

Hwanù hwatò hwa hvùmà èrzàŋgò ya mekurze. Hwa lìŋgàni hvɛ lì lukɛlɛ hwatò na màkanɛ̀ ema mà wawi. Iŋgi nyayi ja hwatò, hwa ò lùwà kɔ̀kìrzɛ̀ ndɛnɛ̀ nà Lohwɛ̀.”

Ròmànì 13:1

Inyɛ̀ tɔ̀ ima mɔ̀ wa anyu a hweyàne hwaŋga ema hwa hwèlì ò lìkànèyà. Èhwànja ò rza tanɛ lì hwɛ lìkànèyà e rzi hwɛ ema Lohwɛ̀ a emelì, ndèŋgànɛ̀lɛ̀ e wɔ̀ ema hwa hwèlì hwàkànèyà, Lohwɛ̀ mɔ̀ ndi à ika hwàkànèlì hwa arzɛ ò mbòkò.

Ròmànì 13:3

Hwàŋga hwatò ema hwa gbeyà gbamù hwa rza hwɛni lì òka hwàkànèlì wɔ̀ŋgɔ̀. Ndi e wɔ̀ ema hwa gbeyà wòhwe, wɔ̀ ndi hwa hwɛni lì òka hwàkànèlì wɔ̀ŋgɔ̀. O lìŋgàni tɛ nanù ema ò rza òka hwàkànèlì wɔ̀ŋgɔ̀, ò gbeye rzɔ hweyà hwe gbamù. O wa ò gbèyi tɛ nanù wɔ̀ hwa ò eka.

Ròmànì 13:5

O lìni lìtiŋga rzɔ mòtò a hwɛni lì hweyàna hwàkànèlì, rzeketɛ ehwànja ema a òka ndi e kɔ̀kìrzɛ̀ wɔ̀ŋgɔ̀, ndi ehwànja ŋmèma mò eni mo mò òhweyà nanù ema a hwɛni lì gbeyà nanù.

Ròmànì 9:19

Ndi mɔ̀kɔ wa anyu a ò nò ijòwa nanù ema, “Ène eyà e hwèlì tɛ nanù, mamɛ rzɔ e ma gbeyà Lohwɛ̀ ò lì òhwa nanù ema hwatò hwa gbeyà lùurzè e? Irzɔ i hwi nanù ema tɔ̀ mòtò a rza tanɛ lì òhwa nanù ema a rza gbeyà mamɛ ema Lohwɛ̀ à mà mò òhweyà nanù ema a gbeye.”

Tàyìtùrzì 3:1

Ìi Tàyìtùrzì kòkò, o ɔ̀ŋgɛ̀lɛ̀nɛ hwatò nanù ema hwa arzìhwìrzɛ̀lɛ̀lɛ̀ hwàkànèlì nà hwàtìmbèlì hwa awu. È hwa hweyàne, na o lì wòŋgirzɛnɛ o lì gbeyà tɔ̀ mamɛ ema e hwèlì gbamù.

Jèmìrzì 3:1

Wònyànyàŋgo wa ami kòkò! Rzayi-rzayi ja anyu e rza hwɛni ndi lì hwɛ hwà-òkòlèlì hwa eyà ya ama Lohwɛ̀, e hwɛni lì hwiya nanù ema, irzɔ hwà-òkòlèlì i hwɛni lì kàyìrzɛ̀hwɛ kɔ̀yi-kɔ̀yi lì aka hwanɛyi hwatò.

1 Pètrò 2:13

O nyòla lìna la ama e Rzàŋgo e arzihwirzɛ inyɔ hwiti, o rze ya hwatò hwa ene rze ema hwa hwèlì o lìkànèyà. Tɔ̀ o e mòkànèlì mo ndɛ̀ɛ̀ndɛ̀,