Ròmànì 12:2 - Mokpwe: Bakwery (New Testament)

² È rzi keka lì òŋgama hwɛ̀ɛ̀mɛ̀ hwe hwatò hwa ene rze ya mɔ̀nyɛ̀, ndi e hwɛmɛ Lohwɛ̀ a tikòwe mèèmà me anyu, aŋga nanù e luwa mèèmà me hvènya. Èŋge ye e gbeyà e rzɔ̀ŋgìtɛ̀nɛ̀ na ò lì òŋgama hweyà na òma Lohwɛ̀ a àrzeyà. Inyɔ e hwi gbamù hweyà ema Lohwɛ̀ a lìŋgàni ndèŋgànà e òŋgama hweyà ema hwe hvòmɛ̀nɛ̀yi.

Ròmànì 12:2 ပူးပေါင်းရင်းမြစ်များ

Matiyò 13:22

Ìhvɔ̀ŋgɔ̀ hvɛ ema ì undi ò tenì ya wàŋga ya hwènyɛ̀ŋgɛnyɛ̀ŋgɛ̀, ì hwèlì ndi nàa hwatò ema hwa hweyi ŋmɛ̀ndì mò ama Lohwɛ̀, ndi mètàkà me lòŋgɛ na jɔ̀ɔ̀njì ja mònàmɛ̀ mò ene rze hwe lìŋga mèèmà me awu. Ema me ma hwa gbeyɛ ema naŋgɛ rzɔ hwa rza tànɛyi lì ŋya hwèhvùma hwe gbamù.

Makòrzì 4:19

ndi hweyà hwe rze na è nyìrzɛ̀ ya lì hwɛnɛ̀ hwèèmà, nà è nyìrzɛ̀ ya lì arza hvɛ hwehvɛhvɛ hweyà, hwe hwa lìŋgɛ̀lɛ̀ mèèmà me awu nyàyi ema hwa rza tanɛ lì ŋya hwèhvùma.

Yòwanìrzɛ̀ 14:30

Nà rza òhwa hvɛ na inyɔ hvònda ema e wawi, èhwanja e mòkànèlì wà ene rze a hwèlì a ja. Mɔ̀ a rza nò hwɛnelì tɔ̀ ŋginyà.

Yòwanìrzɛ̀ 15:19

È mà hwɛ tɛ nàa hwatò hwa ene rze, òma e rze ye e wòwi nàa e hwe eni hwatò. Ndi na e hvɔ̀rzì ò ìtììtènì ja hwatò hwa ene rze. O èŋgànɛ̀lɛ̀ e rza enje hwatò hwa ene rze. Ɔ̀ndeŋgàtɛ̀ e rze ye e kɔwu.

Yòwanìrzɛ̀ 17:14

Nà ma hwa òhweyà hweyà hwe arzɛ ema ò ma nò òhweyà ò lì hwa òhweyà. Nàŋgɛ rzɔ hwatò hwa ene rze hwa hwà kɔwu, èhwanja hwa rza enje hwatò hwa ene rze hvɛ. Nà òma imba hvɛ na rza enje wa ene rze.

Yòwanìrzɛ̀ 7:7

È rze e rza tànɛyi lì e kɔ̀u ndi è nò kɔwu imba èhwanja nà è rzàmbà nanù ema è gbeyà wòhwe.

Ròmànì 12:1

O eŋgànɛ̀lɛ̀ rzɔ, wònyàmòwe kòkò, èhwanja ò ììlì ndɛnɛ ja ama Lohwɛ̀ ema a jò uŋmɛ̀lɛ̀, na e atɛkɛ nanù ema, ya aŋgbɛ inyɔ hwiti ò ma Lohwɛ̀ nàa jàhwèyà ema i hwèlì lòŋgɛ. Ini jàhwèyà i hwɛni lì hwɛ wòrzàŋgi na lì emeyàhwa na Lohwɛ̀. Nànù ndi inyɔ e hwɛni ò lì kànɛ.

Ròmànì 13:14

Inyɛ̀ e hwɛnɛ ɛ̀ɛ̀mɛ̀ ya ama e Rzàŋgò Yerzù Krirztò. È hwɛmɛ lì alɛ̀mbɛnɛ la anyu la hweyà hwe e nyàmà nyò. È rzi keka lì gbeyà na òma e nyàmà nyò ya anyu ema ye e kànèyà ò lì gbeyà wòhwe e arza.

Ròmànì 7:12

O eŋgànɛ̀lɛ̀ rzɔ irzɔ i ma ɛnɛ nanù ema e mbenda yɔ yiti e hwèlì wòtani, ndèŋgànɛlɛ mamɛ ema e mbenda e òhwa e hwèlì wòtani, e hvòmɛ̀nɛ̀yi ndèŋgànɛlɛ e lɔ̀wu.

Ròmànì 7:14

I hwi nanù ema e mbenda ema jò òhwa nanù e hwèlì ndi eyà ya hwèlìŋgɛ̀ ndi imba nà hwèlì ndi e mòtò wa hwènàmà ema na àhwirzɛ̀hwɛ̀ nàa mòkòmì ò wòhwe.

Ròmànì 7:22

O tenì ya ŋmèma mò ami, e mbenda ya ama Lohwɛ̀ yɔ ndi imba na lìŋgàni lì nɔŋgɔ ihvònda ja arzɛ.

1 Kɔ̀rintìyà 3:19

Èhwanja mamɛ ema hwatò hwa ene rze hwa ɛnɛ na lìhwiyè, e hwèlì ndi èèti, o worzò wa ama Lohwɛ̀. I hwi ema, e tìlahwì o kààtì ya Lohwà nanù ema, “Lohwɛ̀ a gbeyàna ŋgbaaŋgo wo hwatò hwa ŋgbaaŋgo ò lì lɛ̀mbɛ meyano me awu.”

2 Kɔ̀rintìyà 4:4

Mòkarzɛ̀, e mòkànèlì wa ene rze mɔ̀ ndi à kànèyà màlùtèyà ma hwatò ema hwa rza lòkɛ̀yì Krirztò. Wɔ̀ hwa rza tànɛyi lì rzɔ̀ŋgìtɛ̀nɛ̀ nanù ema ŋmɛ̀ndì mò gbamù e uŋmɛ̀lɛ̀ nɛ Krirztò a hwɛni wòlìto. Krirztò mɔ̀ ŋmìti a hwèlì ndi nàa Lohwɛ̀.

2 Kɔ̀rintìyà 5:17

O èŋgànɛ̀lɛ̀ rzɔ, tɔ̀ njɛnɛ ema a hwèlì mɔ̀kɔ na Krirztò a hwèlì ndi ewèkèlì hvènya. Hwègbèèlì hwe eni hwe arzɛ hwe koohwa hwe ma aka, ndèŋgànɛlɛ a hwɛni ndi hwègbèèlì hwe hvènya hwe arzɛ nàŋgɛ.

Gàletìyà 1:4

Ò lì arza nanù ema i rzolowahwa ò lì gbeyà wòhwe ò ene rze yà yawono, Yerzù Krirztò à mà aŋgbɛ mɔ̀ ŋmìti ò lì jò ŋwèeyà ò wòhwe wò arzu. À mà gbeyà ndi nanù èhwanja nanù ndi Lohwɛ̀ è Tatɛ̀ yà arzu è mà tɛ̀yirzɛ.

Ɛ̀hvìrzìyà 1:18

Nà kanɛ̀ nanù ema, Lohwɛ̀ à è lìhvowe mèèmà mè anyu aŋga nanù è hwiya hweyà hwe gbamù ema è mà ika mèèmà mè anyu ò tenì èhwanja à mà è hvɔ̀rzɔ̀. Nà kanɛ̀ hvɛ nanù ema è hwɛni lì rzɔ̀ŋgìtɛ̀nɛ̀ màhwèyà mà ndɛnɛ ema mɔ̀ à hwɛni lì ŋgba hwatò hwa eni.

Ɛ̀hvìrzìyà 2:2

Ò eŋge hvonda è mà nɔ̀ŋgɔ̀ hweyà hwe wòhwe hwe hwatò hwa ene rze. È mà hwɛ lì hweyàna è mòkànèlì ema à kànèyà hwèlìŋgɛ̀ hwe wòhwe ema hwe hwèlì ò yululì. Nàtɛ̀ɛ nà yàwònò, eŋge èlìŋgɛ̀ è hwèlì è kànèyà hwatò ema hwa gbeyà mamɛ ema Lohwɛ̀ à ohwi nanù ema hwa rza gbeyà.

Ɛ̀hvìrzìyà 5:17

O èŋgànɛ̀lɛ̀ rzɔ è rzì hwɛ nàa hwèeti hwe hwatò. È àŋgàmɛ̀nɛ̀ ndi lì rzɔ̀ŋgìtɛ̀nɛ̀ eyà ema e Rzàŋgo e arzà nanù ema e gbèyè ndèŋgàna ye e gbeyà.

Kòlòrzìyà 1:9

Ò lìni lìtiŋgà rzɔ, irzɔ i hwèlì jè è kànɛ̀lɛ̀lɛ̀ tɔ̀ ima hvonda. Ì kanɛ̀ nanù ema inyɛ Lohwɛ̀ à gbèye inyɔ è rzɔ̀ŋgìtɛ̀nɛ̀ kɔ̀yi-kɔ̀yi eyà ema mɔ̀ à arza nanù ema è gbèyè. Ì kanɛ̀ nanù ema Lohwɛ̀ à è ŋgbe lìhwiyè nà lì rzɔ̀ŋgìtɛ̀nɛ̀ aŋga nanù è rzɔ̀ŋgìtɛ̀nɛ̀ gbamù eyà yà Èlìŋgɛ̀.

Kòlòrzìyà 3:10

Ò nàŋgɛ inyɔ è mà wɔ̀tɔ̀ ndi mòŋgombe mohvènya. Lohwɛ̀ à mà è ika lòŋgɛ lì hvènya ò tenì yà anyu, ndèŋgànɛlɛ mɔ̀ à mà gbeyà ema lì oŋge aŋga nanù è hwɛ ndi nàa mɔ̀, nà ò lì mò hwiya kɔ̀yi-kɔ̀yi nanù ema mɔ̀ ndi à e weki. Lini lòŋgɛ lì hvènya ema è hwɛni, lì mà gbeyà ema

Kòlòrzìyà 4:12

Èpàhvràrzì mɔ̀ hvɛ a e omelì ikɔ̀mi. Mɔ̀ hvɛ a hwèlì ndi mòtò ema a uwɛ̀lɛ̀lɛ̀yi o mbowà ndɛnɛ ya anyu ndeŋgànɛlɛ a hwèlì ndi mògbèèlì wa ama Yerzù Krirztò. Mɔ̀ a e kànɛlɛlɛ ihvonda ja arzɛ. Inyɛ̀ Lohwɛ̀ mɔ̀ ŋmitɛ-ŋmitɛ a gbeeye na e jɔ̀kɛ̀ eyà ema mɔ̀ à arza nanù ema inyɔ e gbeye. Ndèŋgana inyɔ e àŋgàmɛ̀nɛ̀yi lì e gbeye.

1 Tɛ̀rzàlonìyà 4:3

È hwèlì ndi lì emeyà la ama Lohwɛ̀ nanù ema inyɔ e hwɛ ndi nàa hwatò hwa wòtani. Ène ŋgànà e hwèlì ndi nanù ema, e rzi keka lì àyinɛ̀lɛ̀ o tenì ya tɔ̀ ima lìtumba la mòrzònje.

Tàyìtùrzì 3:5

Rzeketɛ o hweyà hwe ehve-ehve ema i ma gbeeye ɔ̀ndèŋgàtɛ̀ à mà jo rzùŋgà, ndi à mà jo rzùŋgà ndi o nyòla ììlì ja eni. Lohwɛ̀ à mà oma Èlìŋgɛ̀ yà Wòtani o lì rzorza wòhwe wo arzu, aŋga nanù jo o ŋyàahwà hwahvènya.

Jèmìrzì 1:27

O lì gbèeyà Lohwɛ̀ o ŋgànà ema e hwèlì Wòrzàŋgì ndèŋgànà o jɔ̀kɛ̀ ya ama Tatɛ̀ Lohwɛ̀, e hwèlì ndi o lì ɔŋgeya i nyuhwe ja hwàna na mekurze me hwalana ema me tàka, na lì àwòhvɛ̀ la eni la gbamù e rzi hwɛ nanù ema hweyà hwe mbindo hwe e rze ya mɔ̀nyɛ̀ hwe mo atukɛ o nyo.

Jèmìrzì 4:4

Inyɔ e hwèlì ndi nàa hwatò ema hwa hwèlì o ndawò ja màahwa ndi hwa gbeyà mòrzònje. È rza hwi nanù ema e ikayi tɛ mèèmà me anyu o hwema hwe rze, hwe e gbeyà inyɔ e jà ndi hwàkɔ̀ɔ̀yèlì hwa ama Lohwɛ̀ e? O eŋgànɛlɛ rzɔ tɔ̀ ima mòtò ema a lìŋgàni o lì ika ŋmèma mo eni o hwema hwe ene rze, à mà agbeyɛ mɔ̀ ŋmìti mɔ̀kɔ̀yèlì wa ama Lohwɛ̀.

1 Pètrò 1:14

Nà oma e hwèlì ndi hwatò ema hwa gbeyà mamɛ ema Lohwɛ̀ arza, e rzi keka lì emeyà nanù ema hweyà hwe wòhwe ema e ma hwɛ lì gbeyà o e hvonda ema e ma aka hwe e kànèyà mòŋgɛ ma anyu hvɛ.

1 Pètrò 1:18

Inyɔ e hwi nanù ema Lohwɛ̀ à mà e kɔ̀tɔ̀ o tenì ya hwɛ̀ɛ̀mɛ̀ hwe wòhwe. Hwɛ̀ɛ̀mɛ̀ hwe wowe ema inyɔ e ma rzaŋgohwane imbamba ja anyu, rzeketɛ hwema nàa gòòlù tɔ̀ rzìlìhwà ema hwe hvaŋgeya.

1 Pètrò 2:3

Inyɔ e ma keka moŋgo mòlelì, ndèŋgànɛ̀lɛ̀ o nàŋgɛ e hwi nɛ e Rzàŋgo e gbeyà hweyà hwe gbamù.

1 Pètrò 4:2

O ene ŋgànà rzɔ, lì wòteyà naŋgɛ lòŋgɛ la anyu la ene rze lì hwɛni ndi lì hwɛ na oma Lohwɛ̀ àrzeyà rzeketɛ ema hweyà hwe rze hwe a e kànèyà.

2 Pètrò 1:4

Ò ene ŋgàna rzɔ̀, mɔ̀ à ohwi nanù ema à jò gbèeyà hweyà hwe gbamù hwe ndɛnɛ. A gbèyi hwene hweyà hwe arzɛ nanù, aŋga nanù inyɔ e rza kpèeyà o tenì ya hweyà hwe wòhwe ema hwe hwèlì o rze. È nyɔ̀ŋgi ya hweyàrzèlì hwe hweyà hwe e nyàma ya nyo yɔ̀ ndeŋgàtɛ hwatò hwa gbeyà hwene hweyà hwe arzɛ. Hweŋge hweyà hwe gbamù hwe ndɛnɛ hwe gbèyɛ̀nɛ tɛ, ɛ̀ɛ̀mɛ̀ ya anyu e rzàŋga ndi nàa ɛ̀ɛ̀mɛ̀ ya ama Lohwɛ̀.

2 Pètrò 2:20

È hwèlì tɛ nanù ema mòtò à lòkɛ̀yi e Rzàŋgo na e Mòrzùŋgèlì wa arzu Yerzù Krirztò, nanù oma mɔ̀ à mà màa lì anjiya o tenì ya lòŋgɛ la wòhwe la ene rze. Mɔ̀ à mà anjiya tɛ o tenì ya lìŋgi lòŋgɛ, rzìi a timba lì àyinɛ̀lɛ̀ o tenì hvɛ, rzìi lìŋgi lòŋgɛ lì mo wowa mòkòmì, e nyayi ema mɔ̀ à hwèlì nàŋgɛ, e hwèlì wòhwe lì aka e nyayi ema mɔ̀ à mà lome lì hwɛ.

1 Yòwanìrzɛ̀ 3:13

Ò eŋgànɛ̀lɛ̀ rzɔ wònyànyàŋgo wà ami kòkò, è rzi tàmà nà oma hwatò hwa è rze hwa è rziŋgɛ.

1 Yòwanìrzɛ̀ 5:19

Ì hwi nanù ema irzɔ ì hwèlì ndi hwàanà hwa ama Lohwɛ̀, tɔ̀ nɛ ì hwi nanù ema è Mɔ̀ wà Wòhwe ndi à kànèyà hwatò ò rze ema hwa rza hwiyɛ Lohwɛ̀.

Hwèwulùwèlì 12:9

Aŋga ndi hwa a hvimba eŋge dragɔ̀ni ndɛnɛ o rze ya mɔ̀nyɛ̀. Èŋge dragɔ̀ni e ma hwɛ ndi nàa gbàahwà wo e hvonda ya kòwàa ema wo ma hwɛ̀lɛ̀hwɛ̀ Dɛhvùlì tɔ̀ Mòkarzɛ̀, ema a eŋgìrzɛ̀ e rze ya mɔ̀nyɛ̀ ya arzɛ. Ndeŋgànɛ̀lɛ̀ hwà mà hvimba iŋgi aŋgèlì ja eni ja arzɛ na mɔ̀ o e rze ya mɔ̀nyɛ̀.

Hwèwulùwèlì 13:8

Hwatò hwa arzɛ hwa è rze yà mɔ̀nyɛ̀ hwa ò kanɛ̀ eŋge èembe. Hwàto ema hwa rza ò è kanɛ̀, hwa hwèlì ndi hwaŋga hwatò ema mìinà mà awu mà tìlahwe ò tenì yà è kààtì yà lòŋgɛ ndèŋgànà Lohwɛ̀ à è wèka è rze yà mɔ̀nyɛ̀. È Ŋguma yà Mɔ̀lɛ̀ŋgù ema hwa mà oŋwe, mɔ̀ ndi à hwɛni ene kààtì.