Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Ròmànì 11:2 - Mokpwe: Bakwery (New Testament)

2 Lohwɛ̀ a rzi kìnyɛ̀lɛ̀yi hwatò hwa eni, ema mɔ̀ à mà lòme lì hvɔ̀rzɔ̀, natɛ̀ɛ na ò hwewòtelì. Inyɔ e hwi mamɛ ema e tìlahwì ò e kààtì ya Lohwà nɛ Èlàyijà à mà hwɛ lì rzòrzòmeya Lohwɛ̀ ò lì mò òhweyà hweyà ema hwatò hwa Irzàyɛ̀lì hwà mà hwɛ lì gbeyà.

အခန်းကိုကြည့်ပါ။ ကော်ပီ




Ròmànì 11:2
24 ပူးပေါင်းရင်းမြစ်များ  

Nàŋgɛ rzɔ lì hvòmɛ̀nɛ̀ Hwehvùmuwelì hwe kpelì. È rzi laŋgi ò kààtì yà ama Mòrzè ehvarzù ema è òhwa lì hvòmɛ̀nɛ̀ è ŋmanà gbèe ema è mà rzèeyà e? Àŋga è tìlàhwì nanù ema nà òmà Lohwɛ̀ à mà hwɛ lì òhwìrzɛ̀nɛ̀ Mòrzè lì hvòmɛ̀nɛ̀ Abràhamù, Irzàkì, nà Jèkɔ̀bu ema hwa mà ŋwɛ̀ɛ̀, Lohwɛ̀ à mà òhwa nanù ema, ‘Imba ndi nà hwèlì Lòohwà là ama Abràhamù, Irzàkì nà Jèkɔ̀bù.’


Yerzù à mà uhwɛlɛlɛ ò mòrzò mò Jɔdànì, à mà ònda nà Èlìŋgɛ̀ yà Wòtani, rzìi e mò lìyɛlɛ ò lì ɛ̀ndɛ ò mòrzanjɛ̀.


Oŋgò mòlanà rzìi a òhwa nanù ema, “Ìi Rzàŋgò kòkò, ò rza òhvi tɔ̀ yòma ò lì tɔ̀ɔ̀lɛ̀nɛ̀ malìhwa, ndèŋgànɛ̀lɛ̀ hvɛ ehvɔ̀ndi ya malìhwa e rzɔ̀ŋgɔ̀wu. Ima èki rzɔ ò wa ò lùwa manù malìhwa ema mà ŋgba lòŋgɛ e?


È hvònda ema hwaŋga hwatò ema hwa rza enje wònyà Yudà hwà mà hwèya ene hwà mà lìŋgà rzìi hwa kàrzɛ ŋmɛ̀ndì mò ama Rzàŋgò. Ndeŋgana hwatò hwa arzɛ ema hwà mà hvɔ̀rzɔ̀wɔ̀ ò lì luwa lòŋgɛ la gbìndèyà hwà mà lòkɛ̀ Rzàŋgò Yerzù.


Imba ndi nà mà gbeyà hwenè hweyà hwe arzɛ hwe ma hwiyahwe natɛ̀ɛ na e hvònda ya kòhwa.’”


“Ìi wònyàmòwe kòkò hwa Irzàyɛ̀lì, na hwi nanù ema tɔ̀ ima lìtumba la eyà ema inyɔ na hwàtìmbèlì hwa anyu e ma gbeyàne Yerzù, e ma e gbeyà ndi ehwànja e rzi hwiye mamɛ e ma hwɛ lì gbèeyà.


È hvònda ema Mòrzè à mà hwɛ ò hvàko ya Rzinàyi, wònya Irzàyɛ̀lì rzi hwa òhweyà ŋmanyàŋgò wa eni Arɔ̀nì nanù ema, ‘O jò wèkeyà hwema ema hwe hwèlì nàa Lohwɛ̀ ema hwe jò timba, èhwanja i rza hwi eyà ema e ma gbèyɛ̀nɛ na Mòrzè ema à mà jò wurzana ò èkòmè ya Ìjiptò.’


Ò jɔ̀kɛ̀ e hwɛni lì hwiya nanù ema, mòtò aŋgbɛ tɛ mɔ̀ ŋmìti nàa mòkòmè ò rze ya òhvɛhvɛ mòtò, ò lì gbeyà tɔ̀ ima lìtumba la eyà ema òŋgò mòtò à mà òhwèlì ò lì gbeyà, nanù òma mɔ̀ à hwèlì ndi e mòkòmì wa ama òŋgò mòtò e? Hwàtò ema hwà mà aŋgbɛ wɔ̀ hwiti ò lì gbeyà hweyà hwe wòhwe, mamɛ ema hwa luwa, e hwèlì ndi e kpelì. Ndi e mòtò ema a aŋgbɛ mɔ̀ ŋmìti ò lì gbeyà na òma Lohwɛ̀ a àrzeyà, a hwèlì ndi mòtò ema a gbeyà hweyà ema hwe hvòmɛ̀nɛ̀yi ò wòrzò wò ama Lohwɛ̀.


Ndeŋgàna Lohwɛ̀ à mà arza hvɛ ò lì wuluhwa èluhwe ya eni ndɛnɛ, ò hwatò ema mɔ̀ à mà uŋmɛ̀lɛ̀ ŋmèma mò eni mò gbamù. A ma màa lì wòŋgirzɛnɛ hwaŋga hwatò ò lì luwa èluhwe ya eni.


Nà rza òhwa ndi nanù ema Lohwɛ̀ a rza ò gbeyà mamɛ ema à mà òhwa nanù ema a gbeyà. Èhwanja rzeketɛ hwatò hwa arzɛ ema hwa uwɛ̀lɛ̀lɛ̀yi ò mòtendè mò Irzàyɛ̀lì ndi hwa hwèlì hwatò hwa ama Lohwɛ̀.


È rza hwi nanù ema o ò hwɛ hvonda ema hwatò hwa Lohwà hwa o kàyìrzɛ̀ hwatò hwa ene rze e? È tànɛyi tɛ o lì kàyìrzɛ̀ hwatò hwa ene rze. È rza tanɛ lì kàyìrzɛ̀ hwanù hwàànà meyàŋgo ò ìtììtènì ja anyu e?


Ndi tɔ̀ ima mòtò ema a lìŋgàni Lohwɛ̀, òŋgo mòtò ndi Lohwɛ̀ a hwi.


È hwèlì tɛ nanù ema na hwèlì lòŋgɛ, na hwɛni ndi lì gbèeyà èwòlò mɛnɛ ema e hwɛni wòlìto. O naŋgɛ na rza hwi ehvàrzu ema na àŋgàmɛ̀nɛ̀ lì hvɔ̀rzɔ̀.


Ò màrzalɛ Lohwɛ̀ à mà òhwìrzɛ̀nɛ̀ ì mbamba jà arzu jà kòhwà nyayi nà nyayi jà ŋgelì nà rzayì-rzayì jà mà njiya lì akeyà nà hwà-òhwèlì hwa hwèlìŋgɛ̀.


Lì hvomɛ̀nɛ̀ hwètɛ̀yìrzèlèlì hwe ama Lohwɛ̀ è Tatɛ̀, mɔ̀ à ma lòma lì è hvɔ̀rzɔ̀. Ndeŋgànɛ̀lɛ̀ è Èlìŋgɛ̀ yà eni è mà è gbeyà ò lì hwɛ hwatò ema hwa rzàŋgì. À mà gbeyà nanù aŋga nanù inyɔ è hwɛ ò lì gbeyà mamɛ ema Yerzù Krirztò à ohwi nanù ema è gbeye. À mà gbeyà nanù aŋga nanù, màyija mà eni emà ma mà rzihweyà ò mbàrza mà gbeyà wòhwe wò anyu wò ò làkìrzɛ̀hwɛ̀. Inyɛ̀ è ndèli nà ɛ̀yɔ̀lɛ̀ yà ama Lohwɛ̀ ema lì ondìrzɛ̀hwɛyi è hwɛ nà inyɔ̀.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ