Ròmànì 10:4 - Mokpwe: Bakwery (New Testament)

⁴ Krirztò mɔ̀ à mà gbeyà èwòlò ema e mbenda e ma àŋgàmɛ̀nɛ̀ lì gbeyà, ò èŋgànɛ̀lɛ̀ rzɔ, tɔ̀ njɛnɛ ema a mò lòkɛ̀, a hwɛ ehve-ehve ò wòrzò wò ama Lohwɛ̀.

Ròmànì 10:4 ပူးပေါင်းရင်းမြစ်များ

Matiyò 3:15

Yerzù rzìi à mò tìmbirzɛ̀lɛ̀lɛ̀ nanù ema, “Inyɛ̀ è hwɛ nanù ò naŋgɛ. Ò lɔ̀wu ema ì gbèèye ene eyà naŋgɛ nà òma Lohwɛ̀ arza.” Yòwanìrzɛ̀ rzi à emèyà ò lì mò lùhwìrzɛ̀.

Yòwanìrzɛ̀ 1:17

Lohwɛ̀ à mà ŋgbà è mbenda lì akeyà nà Mòrzè ndi è ndèli nà è jɔ̀kɛ̀ è mà jà ndi lì akeyà nà Yerzù Krirztò.

Ròmànì 3:22

Èŋge ŋgàna e hwèlì ndi nanù ema, tɔ̀ ima mòtò ema a lòkɛ̀ Yerzù Krirztò mɔ̀ ndi à tɛmi ehve-ehve. O rza enje tɔ̀ tìŋgɛ̀ ema mòtò a hwèlì ndi wònyà Yudà tɔ̀ a rza enje wònyà Yudà.

1 Kɔ̀rintìyà 1:30

Lohwɛ̀ ndi à è jani ò lì hwɛ mòtò mɔ̀kɔ nà Yerzù Krirztò. Hweyà ema Yerzù Krirztò à mà gbèye hwe jò gbèyi ò lì hwiya nanù ema mɔ̀ ndi à hwèlì lìhwiyè là ama Lohwɛ̀. Ène ŋgàna è uŋmɛ̀lɛ̀ nanù ema Yerzù Krirztò ndi à jò gbèyi ò lì gbeyà hweyà hwe jɔ̀kɛ̀, ò lì hwɛ hwatò ema hwa hwèlì wòtani, nà lì ulɛ̀hwɛ̀ ò wòhwe.

Gàletìyà 3:24

Ò eŋgànɛ̀lɛ̀ rzɔ è mbenda ndi è mà hwɛ lì jo òŋgeya natɛ̀ɛ nà hwejèelì hwe ama Krirztò, ò lì arza nanù ema Lohwɛ̀ à jò emeyà èhwanja i lòkɛ̀ Krirztò.

Gàletìyà 4:5

Lohwɛ̀ à mà mo òma o lì jo kɔ̀tɔ̀ o rze ya e mbenda aŋga nanù irzɔ i timba o lì hwɛ hwàanà hwa ama Lohwɛ̀.

Kòlòrzìyà 2:10

Ò eŋgànɛlɛ rzɔ, è ohvi lòŋgɛ ema lì ondi, ehwànja è hwèlì mòtò mɔ̀kɔ nà Krirztò. Ndeŋgànɛlɛ mɔ̀ ndi à hwèlì è mɔ̀ ema à kànèyà iŋginyà nà màkànèyà mà arzɛ.

Kòlòrzìyà 2:17

Iŋgi mbenda jà arzɛ ì mà hwɛ ndi nàa èlìŋgɛ̀ ema è uŋmɛ̀lɛ̀ hwèèmà hwe gbamù ema Lohwɛ̀ à àŋgàmɛ̀nɛ̀yi lì oma. Ndeŋgànɛlɛ Krirztò ndi à ondìrzɛ̀ hweŋge hwèèmà hwe arzɛ.

Hibrù 10:14

Èhwanja o màhwèyà mɔ̀kɔ ema mɔ̀ à ŋgbelì à mà gbeyà hwatò ema mɔ̀ à mà ulɛ wòhwe wo awu wòtani wo awu wo ma ondìrzɛ̀hwɛ.