Ròmànì 10:1 - Mokpwe: Bakwery (New Testament)

¹ Wònyamòwè kòkò, na lìŋgàni na ŋmèma mò ami mò arzɛ nanù ema, hwatò hwa ami hwa Irzàyɛ̀lì hwa rzùŋgàhwe, ndèŋgànɛ̀lɛ̀ na hwa kanɛ̀lɛ̀lɛ̀ ndi nanù ema e gbèyɛ̀nɛ̀ ndi nanù.

Ròmànì 10:1 ပူးပေါင်းရင်းမြစ်များ

Lukàrzɛ̀ 13:34

Jììyeyi! Ìi hwatò hwa Jèrurzalɛ̀mù, è òŋwi hwà-òhwèlì hwa hwèlìŋgɛ̀, ndeŋgàna è mà òŋwa hvɛ hwaŋga hwatò ema Lohwɛ̀ a è òmelì na mànyayi! Nà ma kèka lì è rzàŋgà ihvònda ja arzɛ, nàa e ŋmalì wà wuhwà a gbìyàmànà ìŋguma ja eni ndì e rza emèlì!

Yòwanìrzɛ̀ 5:34

Rzekɛtɛ ema e mòtò wa hwènàmà ndi à nò tɛmeya mbòŋgi. Ndi na e òhweyà ndi lì hvòmɛ̀nɛ̀ e mbòŋgi ya ama Yòwanìrzɛ̀, aŋga nanù e nò lòkɛ̀ rzìi e rzùŋgàhwa.

Ròmànì 10:2

Nà hwa tɛ̀mèlì mbòŋgi nanù ema wɔ̀ hwa hwɛni ekɔ̀njì ò ma Lohwɛ̀. Ndi wɔ̀ hwa rza rzɔ̀ŋgìtɛ̀nɛ̀ nɛ wɔ̀ hwa hwɛni lì hwɛnɛ èkɔ̀njì na mɔ̀.

Ròmànì 9:33

È tìlahwì ò e kààtì ya Lohwà lì hvòmɛ̀nɛ̀ eŋge nanù ema, “Inyɔ e ɔ̀ŋgɔ tɛ, na ikayi lìŋyàyi ò Rzàyɔ̀nì ema lì ma gbeyà hwatò ò lì ayirzɛ màtaŋgà mà awu, ewòmɛ ya lìŋyàyi ema e gbeyà ò lì nòŋgòwa. Ndi tɔ̀ njɛnɛ ema a mò lòkɛ̀yì, a rza ò timba màa màtò.”