Ròmànì 1:7 - Mokpwe: Bakwery (New Testament)

⁷ Ò èŋgànɛ̀lɛ̀ rzɔ, nà è tìlèlì inyɔ hwa arzɛ ema è hwèlì ò èkòmè ya Ròmànì. È hwèlì ndi hwatò ema Lohwɛ̀ à lìŋgàni ndèŋgànɛ̀lɛ̀ à mà è hvɔ̀rzɔ̀ ò lì hwɛ hwatò wà eni. Inyɛ̀ è ndèli nà ɛ̀yɔ̀lɛ̀ ema hwe uwɛ̀lɛ̀lɛ̀yi òma Lohwɛ̀ è Tatɛ̀ yà arzu, nà è Rzàŋgò Yerzù Krirztò è hwɛ nà inyɔ.

Ròmànì 1:7 ပူးပေါင်းရင်းမြစ်များ

Matiyò 5:16

Inyɛ̀ inyɔ hvɛ è pànye ndi ŋgàna hvɔ̀kɔ nàa ètùlù. Hwatò hwa ɛni tɛ hwèwòlò hwe anyu hwe gbamù ema è gbèya, hwa eka Lohwɛ̀ Tatɛ̀ hwa anyu ema à hwèlì ò ŋmanyu yà lohwà.”

Yòwanìrzɛ̀ 20:17

Yerzù rzìi a mò òhweyà nanù ema, “O rzi nò hwàkɛ lìya la aŋgɔ̀ èhwanja na rzìi timbi òma Tatɛ̀. Ndi ɛ̀ndɛ òma hwà-òkòwèlì hwa ami, hwa wònyanyàŋgò wa ami, ò hwa òhweyà nanù ema, na timbeya Tatɛ̀ wa ami ema a hwèlì hvɛ ndi Tatɛ̀ hwa anyu. Mɔ̀ ndi à hwèlì Lohwà la ami na Lohwà la anyu.”

Hwègbèèlì 15:23

È kààtì ema hwà mà hwa òmane ò Antìyɔ̀kì e ma òhwa nanù ema, “Irzɔ I àpɔ̀rzìtòlò, na hwàtimbèlì hwa ŋmèmba, ema i hwèlì wònyànyàŋgò hwa anyu jò e òmelì inyɔ wònyànyàŋgò hwa arzu hwa arzɛ ema e rza enje wònyà Yudà iikɔ̀mi. Inyɔ ema e lìya ò mbòwà ndɛnɛ ya Antìyɔ̀kì ò erzòòkà ya Rzìrìyà na Rzìlirzìyà.

Hwègbèèlì 9:13

Ànàniyarzì rzìi à mò alàhwɛ̀ nanù ema, “Ìi Rzàŋgò, rzayi-rzayi jà hwatò hwa mà nò òhweyà lì hvòmɛ̀nɛ̀ ònò mòtò, nà hweyà hwe arzɛ hwe wòhwe ema mɔ̀ à mà gbeyànɛ̀ hwatò hwa aŋgɔ̀ hwa wòtani ò mbòwà yà Jèrurzalɛ̀mù.

Ròmànì 1:6

Inyɔ ema e hwèlì o èkòmè ya Ròmànì, è hwèlì ndi ò ìtììtènì ja hwatò ema Lohwɛ̀ à mà hvɔ̀rzɛ̀ nanù ema hwa hwɛ hwatò hwa ama Yerzù Krirztò.

Ròmànì 5:1

O èŋgànɛ̀lɛ̀ rzɔ, na òma lìlòkɛ̀ la arzu lì ma gbeyɛ Lohwɛ̀ ò lì jò wòwa nàa hwatò ema hwa tɛmi ehve-ehve ò wòrzò wò eni, i lu ɛ̀yɔ̀lɛ̀ na Lohwɛ̀. È Rzàŋgò ya arzu Yerzù Krirztò yɔ ndi e gbèyi ndèŋgàna Lohwɛ̀ a e jò ŋgba ɛ̀yɔ̀lɛ̀.

Ròmànì 5:5

Jò òhvi tɛ lìhvìtà i rza timbana màa matò. Èhwanja Lohwɛ̀ à mà jò uŋmɛ̀lɛ̀ nɛ mɔ̀ à jò lìŋgàni, na òma a mà gbeyɛ e ndìŋgɛ ya eni ò lì kpèeyà ò mèèmà me arzu. À mà gbeyà ene na òma a jò ŋgbelì Èlìŋgɛ̀ yà eni yà Wòtani.

Ròmànì 8:28

I hwi nanù ema tɔ̀ mamɛ ema e gbèyɛ̀nɛ, Lohwɛ̀ à mà e gbèeyà ò gbaamù ò hwatò ema hwa mò lìŋgàni, wɔ̀ ema mɔ̀ à hwɛlɛyi ò lì gbeyà na òma mɔ̀ à arza.

Ròmànì 8:39

Ŋga iŋginyà ja ŋmanyu, ŋga è jà è rze yà mɔ̀nyɛ̀, ò rza enje tɔ̀ eyà ò ìtììtènì yà ewèkelì è arzɛ ema è tànɛyi lì wùùlɛ̀ è ndìŋgɛ ema Lohwɛ̀ à jò hwɛ̀nèlì lì akeyà nà Yerzù Krirztò, è Rzàŋgò ya arzu.

Ròmànì 9:25

O e kààtì ya Hòrzeyà, Lohwɛ̀ a òhwi nanù ema, “Hwàtò ema hwa rzi hwɛ hwatò hwa ami, na ò hwa hwɛlɛ ‘Hwàtò hwa ami.’ Èkòmè ema na rzi lìŋgàne na ò e hwɛlɛ nanù ema, ‘Èkòmè ema na lìŋgàni.’

1 Kɔ̀rintìyà 1:24

Ndi Lohwɛ̀ à hwɛlɛyi hwatò ò lì rzuŋgahwa. Lòŋgò là awu hwa hwèlì ndi wònyà Yudà hwanɛyi hvɛ hwatò hwa Grìki. Ò hwanù hwatò monò ŋmɛ̀ndì ema ì ohwa mò hwèlì ndi Krirztò, Mɔ̀ ndi à hwèlì è ŋginyà yà ama Lohwɛ̀ nà lìhwiyè là ama Lohwɛ̀.

1 Kɔ̀rintìyà 16:23

Inyɛ̀ è ndèli ya ama Rzàŋgo Yerzù e hwɛ̀ nà inyɔ.

Gàletìyà 6:18

Ìi wònyamòwè kòkò, inyɛ è ndèli yà ama è Rzàŋgo ya arzu Yerzù Krirztò è hwɛ nà inyɔ hwa arzɛ. Inyɛ̀ wò lìya nanù!

Ɛ̀hvìrzìyà 1:2

Inyɛ̀ è ndèli nà ɛ̀yɔ̀lɛ̀ ema è uwɛ̀lɛ̀lɛ̀yi oma Lohwɛ̀ Tatɛ̀ wà arzu nà Rzàŋgo Yerzù Krirztò è hwɛ nà inyɔ.

Ɛ̀hvìrzìyà 6:23

Inyɛ̀ ɛ̀yɔ̀lɛ̀ yà ama Lohwɛ̀ è Tatɛ̀ yà arzu nà Rzàŋgo wà arzu Yerzù Krirztò è hwɛ nà inyɔ hwàlòkèlì. Wɔ̀ hwa ò è gbèeyà ò lì lìŋgana mɔ̀kɔ nà ɔ̀nɛyi nanù mɛnɛ nà ò lì lòkɛ̀ hvɛ Krirztò nanù mɛnɛ.

Hvìlipìyà 1:2

Inyɛ̀ è ndèli nà ɛ̀yɔ̀lɛ̀ ema è uwɛ̀lɛ̀lɛ̀ ò mà Lohwɛ̀ è Tatɛ̀ wà arzu, nà Yerzù Krirztò è Rzàŋgo yà arzu è hwɛ nà inyɔ.

Hvìlipìyà 4:13

Nà tànɛyi lì gbeyà hweyà hwe arzɛ ema hwe no jɛlɛlɛyi o lì akeyà na e ŋginyà ema Krirztò a no ŋgbelì.

Hvìlipìyà 4:20

Èluhwe è hwɛ nà Lòohwà là arzu, Tatɛ̀ hwa arzu natɛ̀ɛ nà ò gbìndèyà. Inyɛ̀ wò lìya nanù.

Hvìlipìyà 4:23

Inyɛ̀ è ndèli yà ama Rzàŋgo Yerzù Krirztò è hwɛ nà inyɔ hwa arzɛ. Inyɛ̀ wò lìya nanù.

Kòlòrzìyà 1:2

Nà è tìleyà ndi inyɔ hwatò hwa ama Lohwɛ̀ ema è hwèlì o mbowà ndɛnɛ yà Kòlòrzìyà ini ìtìtà. Inyɔ è hwèlì ndi nà Krirztò ndeŋgànɛlɛ è mò òŋgamana ndi nà ŋmèma mɔ̀kɔ. È ndèli nà ɛ̀yɔ̀lɛ̀ yà ama Lohwɛ̀ Tatɛ̀ wà arzu è hwɛ nà inyɔ.

Kòlòrzìyà 3:12

È hwèlì ndi nàa hwatò ema Lohwɛ̀ à mà hvɔ̀rzɛ̀, inyɔ è ondi wòtani ndèŋgànɛ̀lɛ̀ à è lìŋgàni rzàyi-rzàyi. Ò èŋgànɛlɛ rzɔ inyɔ è àŋgàmɛ̀nɛ̀yi lì hwɛnɛ mèèmà mè ììlì, è hwɛni lì hwɛnɛ mèèmà mè gbamù, è hwɛni lì arzìirzɛ̀. È hwɛni lì hwɛ hviyayi, ndèŋgànɛlɛ è hwɛni lì àjùlɛ̀.

Kòlòrzìyà 3:15

Krirztò à mà gbeyà inyɔ è à ohvanɛ ɛ̀yɔ̀lɛ̀ mɔ̀kɔ nà ɔ̀nɛyi. Ò eŋgànɛlɛ rzɔ eŋge ɛ̀yɔ̀lɛ̀ è hwɛni lì è timba ò hweyà hwe arzɛ ema è gbeyà. Inyɔ è àŋgàmɛ̀nɛ̀yi lì eka Lohwɛ̀ ò ihvonda jà arzɛ

1 Tɛ̀rzàlonìyà 1:1

Imba Pàwolò, mòndèŋgè nà Rzàyìlàrzì nà Tìmòtì ndi nà è tìleyà ene kààti. Nà è tìleyà ndi inyɔ hwatò ema è hwèlì ò ŋmèmba mò è mbowà ndɛnɛ yà Tɛ̀rzàlonìya, inyɔ ema è hwèlì hwatò hwa ama Tatà Lohwɛ̀, ndèŋgànà inyɛ inyɔ è hwɛ hwatò hwa ama è Rzàŋgo Yerzù Krirztò. Inyɛ̀ è ndèli nà ɛ̀yɔ̀lɛ̀ yà ama Lohwɛ̀ è hwɛ nà inyɔ.

1 Tɛ̀rzàlonìyà 1:3

Irzɔ ì kanɛ̀ tɛ Tatɛ̀ Lohwɛ̀ là arzu, jè è ɔ̀ŋgɛ̀lɛ̀nɛ̀ èwòlò ema è gbeyà ò nyòla lìlòkɛ̀ ema è hwɛni. Jò ɔ̀ŋgɛ̀lɛ̀ è ndìŋgɛ ema è hwɛ̀nèlì hwahvɛhvɛ hwatò ema è mà gbeyà inyɔ è gbeyà hweya rzayi-rzayi ò lì hwa oŋgowàna, nà oma inyɔ è ikayi mèèmà mè anyu ò hwèjèelì hwe ama è Rzàŋgo yà arzu Yerzù Krirztò. Ène eyà è gbeyà màtàŋga mà anyu mà inyàmɛ̀nɛ̀ ò rze.

1 Tɛ̀rzàlonìyà 1:4

Ìi wònyàmòwe kòkò, i hwi nanù ema Lohwɛ̀ à è lìŋgàni ndèŋgànɛ̀lɛ̀ à mà è hvɔ̀rzɔ̀ ò lì hwɛ hwatò hwa eni.

1 Tɛ̀rzàlonìyà 4:7

Lohwɛ̀ a rzi jo hvɔ̀rzè o lì hwɛnɛ ɛ̀ɛ̀mɛ̀ ya èèti, ndi mɔ̀ à mà jo hvɔ̀rzɔ̀ o lì hwɛnɛ ɛ̀ɛ̀mɛ̀ ya wòtani.

1 Tɛ̀rzàlonìyà 5:28

Inyɛ̀ è ndèli yà ama Rzàŋgo wà arzu Yerzù Krirztò è hwɛ nà inyɔ.

2 Tɛ̀rzàlonìyà 1:2

Inyɛ̀ Lohwɛ̀ Tatɛ̀ wà arzu nà Rzàŋgo Yerzù Krirztò hwa è ŋgbe è ndèli nà ɛ̀yɔ̀lɛ̀.

2 Tɛ̀rzàlonìyà 3:16

Inyɛ̀ Rzàŋgo Yerzù mɔ̀ ŋmìti ema a jo ŋgbàà ɛ̀yɔ̀lɛ̀, a e ŋgbe ɛ̀yɔ̀lɛ̀ o ihvonda ja arzɛ na o injiya ja arzɛ. Ndèŋgànɛlɛ irzɔ i kànɛ nanù ema inyɛ mɔ̀ à hwɛ na inyɔ hwa arzɛ.

2 Tɛ̀rzàlonìyà 3:18

Inyɛ̀ è ndèli yà ama Rzàŋgo wà arzu Yerzù Krirztò è hwɛ nà inyɔ hwa arzɛ.

1 Tìmotì 1:2

Ìi Tìmòtì, ò wà ndi nà tìleyà ene kààtì. Ò tɛ̀ɛ̀tɛ̀ɛ ò hwèlì ndi nàa è ŋmanà wà ami èhwanja ò lòkɛ̀yì Krirztò. Inyɛ̀ è ndèli, ììlì nà ɛ̀yɔ̀lɛ̀ ema è uwɛ̀lɛ̀lɛ̀yi oma Lohwɛ̀ Tatɛ̀ wà arzu nà Yerzù Krirztò è Rzàŋgo yà arzu hwe hwɛ nà inyɔ.

1 Tìmotì 6:2

Hwàŋga hwàkòmì ema hwa hwèlì o rze ya hwatò ema hwa lòkɛ̀yi Krirztò, hwa rzi keka lì lùtèyà nanù ema na oma irzàŋgo ja awu i hwèlì ndi hwatò ema hwa lòkɛ̀yi Krirztò. O eŋgànɛ̀lɛ̀ rzɔ hwa rza hwa ŋgba èluhwe. Hwa àŋgàmɛ̀nɛ̀yi lì hwa gbèeyà tɔ̀ lì aka nàa hwa gbèeyà hwatò ema hwa rza lòkɛ̀ Krirztò. Hwa àŋgàmɛ̀nɛ̀yi lì gbèeyà nanù èhwanja irzàŋgo ja awu ema wɔ̀ hwa gbèeyà, i hwèlì ndi hwàlòkèlì hwa ama Krirztò. Ndèŋgàna hwa hwèlì ndi hwatò ema hwàgbèèlì hwa awu hwa lìŋgàna. O òkolɛ hwatò hwene hweyà ndèŋgàna o ètìrzɛ̀ mèèmà me awu o lì hwe nɔ̀ŋgɔ.

2 Tìmotì 1:2

Ìi Tìmòtì ò wà ndi nà tìlèlì ini ìtìtà ò hwèlì ndi è ŋmanà wà ami wà ndìŋgɛ yà màlìŋgo. Ndèli, ììlì nà ɛ̀yɔ̀lɛ̀ ema hwe uhwɛlɛ nà Lohwɛ̀ è Tatɛ̀ nà Yerzù Krirztò è Rzàŋgo yà arzu è hwɛ nà ò wà.

2 Tìmotì 4:22

Rzàŋgo à hwɛ nà ò wà. È ndèli ya ama Lohwɛ̀ e hwɛ nà ò wà.

Tàyìtùrzì 1:4

Ò wà Tàyìtùrzì ndi nà tìlèlì ene kààtì. Ò hwèlì ndi nàa è ŋmanà wà ami wà jɔ̀kɛ̀ ò lìlòkɛ̀ ema irzɔ hwa arzɛ jo ohvi. È ndèli nà ɛ̀yɔ̀lɛ̀ ema è uwɛ̀lɛ̀lɛ̀ ò mà Lohwɛ̀ è Tatɛ̀ nà Yerzù Krirztò è Mòrzùŋgèlì hwa arzu è hwɛ nà ò wà.

Hvìlɛ̀mɔ̀nì 1:25

Inyɛ̀ è ndèli yà ama Rzàŋgo Yerzù Krirztò è hwɛ nà inyɔ hwa arzɛ.

Hvìlɛ̀mɔ̀nì 1:3

Inyɛ̀ è ndèli nà ɛ̀yɔ̀lɛ̀ yà ama Lohwɛ̀ Tatɛ̀ wà arzu nà Rzàŋgo Yerzù Krirztò, è hwɛ nà inyɔ.

Jèmìrzì 1:1

Imba Jèmìrzì e mògbèèlì wa ama Lohwɛ̀ na Rzàŋgo Yerzù Krirztò ndi na tilì ene kààtì. Nà e kɔ̀mi inyɔ hwa arzɛ lìyomɛ la matumba na mahwakɛ ma wonyà Irzàyɛ̀lì ema e bùhwèlì o e rze ya mɔ̀nyɛ̀ ya arzɛ.

1 Pètrò 1:15

Ndi, inyɔ e hwɛ wòtani o mamɛ ya arzɛ ema e gbèeyà, nàa oma Lohwɛ̀ ema a e hwɛlɛyi a hwèlì wòtani.

1 Yòwanìrzɛ̀ 3:1

È ɔŋgɔ tɛ e ndìŋgɛ ndɛnɛ ema Tatɛ̀ a jo lìŋgàni. Èŋge ndìŋgɛ e olo natɛ̀ɛ irzɔ i hwɛ̀lɛ̀hwɛ̀ hwàanà hwa ama Lohwɛ̀, ndèŋgànɛ̀lɛ̀ nanù ndi irzɔ i hwèlì. Lìtiŋga ndeŋgatɛ ene rze e rza jo hwi lì hwèlì ndi ehwànja hwa rzi lome lì hwiya e Tatɛ̀.

2 Yòwanìrzɛ̀ 1:3

Inyɛ̀ Lohwɛ̀ è Tatɛ̀ nà Yerzù Krirztò ema à hwèlì è Ŋmanà wà ama Tatɛ̀, hwa jò ŋgbe è ndèli, hwa jò uŋmɛ̀lɛ̀ ììlì hwa jò kòmeyà ɛ̀yɔ̀lɛ̀, inyɛ hwa jò ŋgbe hwene hweyà nà oma ì lìya ò lì gbeyà hweyà hwe jɔ̀kɛ̀ nà lì lìŋgàna mɔ̀kɔ nà ɔ̀nɛyi.

Hwèwulùwèlì 2:1

Oŋgo ema à mà àyɛ̀kɛ̀nɛ̀ è mòtò wà hwènàmà rzìi à nò òhweyà nanù ema, “Tìleyà è aŋgèlì ema è hwèlì ò ŋmèmba mò Ɛ̀hvɛ̀rzɔ̀rzì nanù ema, è mòtò ema à tɛ̀tì lìrzàmba là rzòmbe ò lìya là enì là momɛ̀, ema à ɛ̀ndeyà ò ìtììtènì jà lìrzamba là mboko jà gòòlù ema jò ohvi hwètùlù, mɔ̀ ndi à omi mono ŋmɛ̀ndì.

Hwèwulùwèlì 2:12

À mà nò ohweyà hvɛ nanù ema, “Tìleyà è aŋgèlì ema è hwèlì ò ŋmèmba mò Pɛ̀gàmùmì nanù ema, “‘Mono ŋmɛ̀ndì mò uwɛ̀lɛ̀lɛ̀yì ndi nà è mɔ̀ ema à ohvi è rzɔ̀lɔ̀ ema yè èeyà hwèhvàrzù hwe ahwàkɛ.

Hwèwulùwèlì 2:18

À mà nò ohweyà hvɛ nanù ema, “Tìleyà è aŋgèlì ema è hwèlì ò ŋmèmba mo Tìyatìrà nanù ema, “Mono ŋmɛ̀ndì mò uwɛ̀lɛ̀lɛ̀yi ndi ò mà è Ŋmàna wà ama Lohwɛ̀, ema mììrzɔ̀ mà eni mà tèeyà ndi nàa mùnya ema mò òŋwa, matàŋga mà eni hvɛ mà ɛneyà ndi nàa ɛ̀ɛkɛ̀ ema è hwɛ̀lɛ̀hwɛ̀ brɔ̀nrzi ema è hvànya.

Hwèwulùwèlì 2:29

Tɔ̀ njɛnɛ ema à hwɛnì matò inyɛ à okànèyà mamɛ ema Èlìŋgɛ̀ è ohweyà ŋmèmba.”

Hwèwulùwèlì 2:8

À mà nò ohweyà hvɛ nanù ema, “Tìleyà è aŋgèlì ema è hwèlì ò ŋmèmba ema mò hwèlì ò Rzàmàyinà nanù ema, “È mòtò ema à hwèlì è wà worzo ndèŋgànɛ̀lɛ̀ à hwèlì è mòtò ema à hwèlì è wà lìrzùkù, mɔ̀ ema à mà ŋwa ndèŋgànɛ̀lɛ̀ à hwèlì ò lòŋgɛ hvɛ, mɔ̀ ndi à omi mono ŋmɛ̀ndì.

Hwèwulùwèlì 22:21

Inyɛ̀ è ndèli yà ama è Rzàŋgo Yerzù è hwɛ nà hwatò hwa arzɛ.

Hwèwulùwèlì 3:14

À mà nò ohweyà hvɛ nanù ema, “Tìleyà è aŋgèlì ema è hwèlì ò ŋmèmba ema mò hwèlì ò Làwòdèrzìyà nanù ema, “Ŋmɛ̀ndì mono ema mò uwɛ̀lɛ̀lɛ̀yì nà è mɔ̀ ema à hwèlì, Inyɛ̀ wò Lìya Nànù. Mɔ̀ à gbeyà ndi nà oma Lohwɛ̀ à àrzeyà, à hwèlì ndi mboŋgi ya jɔ̀kɛ̀, ndèŋgànɛ̀lɛ̀ ò lì akeyà nà mɔ̀, ɔndi Lohwɛ̀ à mà wèkè hwèèmà hwe arzɛ natɛ̀ɛ nà ò hwèwòtèlì.

Hwèwulùwèlì 3:22

Tɔ̀ njɛnɛ ema à ohvi màto inyɛ a okànèyà mamɛ Èlìŋgɛ̀ e ohweyà ŋmèmba.”

Hwèwulùwèlì 3:7

À mà nò òhweyà hvɛ nanù ema, “Tìleyà è aŋgèlì ema è hwèlì ò ŋmèmba ema mò hwèlì ò Hvìladɛlhvìyà nanù ema, “Ŋmɛ̀ndì mono ema mò uwɛ̀lɛ̀lɛ̀yì nà è mɔ̀ ema à hwèlì wòtani nà jɔ̀kɛ̀. Mɔ̀ à hwɛni màyìmbì ò lì kànèyà nyayi hvɔ̀kɔ nà oma kìŋgɛ Dàhwitì à mà hwɛ lì kànèyà. Mɔ̀ à lìhvo tɛ lìyòhva tɔ̀ mòtò à rza tànɛ à lì umba, ndèŋgànɛlɛ à umbi tɛ lìyohva tɔ̀ mòtò à rza tànɛ à lì lìhvowa.