Ròmànì 1:3 - Mokpwe: Bakwery (New Testament)

³ Mònò Ŋmɛ̀ndì mò Gbamù, mò hwèlì ndi lì hvòmɛ̀nɛ̀ è Ŋmanà wà eni. O hwehwɛ̀ɛlì hwe e mòtò wà hwènàmà òŋgò Ŋmanà à mà ŋyàahwɛlɛ ndi ò lìhwende la ama kiŋgɛ̀ Dàhwitì.

Ròmànì 1:3 ပူးပေါင်းရင်းမြစ်များ

Matiyò 1:1

Nanù ndi mòtende mò imbamba jà ama Yerzù Krirztò mò hwèlì. Yerzù à mà uhwɛ̀lɛ̀lɛ ndi ò mòtende mò ama kiŋgɛ̀ Dàhwitì. Dàhwitì mɔ̀ hvɛ à mà uhwɛ̀lɛ̀lɛ ndi ò mòtende mò ama Abràhamù.

Matiyò 1:16

Jèkɔ̀bù ndi à mà hwɛ è rzàŋgò yà ama Jòrzɛ̀hvù. Jòrzɛ̀hvù ndi à mà hwɛ mòjòmɛ̀ mò ama Màlìyɛ̀. Màlìyɛ̀ ndi à mà ŋya Yerzù. Yerzù a hwɛ̀lɛ̀hwɛ̀ Krìrztò.

Matiyò 1:6

Jɛ̀rzɛ̀ mɔ̀ ndi à mà hwɛ è rzàŋgò yà ama kiŋgɛ̀ Dàhwitì. Kiŋgɛ Dàhwitì nà jòjìyɛ̀ wà ama Urziya wɔ̀ ndi hwa mà ŋya Rzòlòmɔ̀nì.

Matiyò 12:23

Ene eyà ema Yerzù à mà gbèèye e ma tàmìrzɛ̀ e ŋgìndì ya hwatò ya arzɛ. Rzìi hwa wòteyà lì ayijòwanɛ mɔ̀kɔ na ɔ̀nɛyi nanù ema, “Aŋgàmɛnɛ ònò mòtò ndi à hwèlì è Ŋmanà wà e nyɔ̀ŋgɔ̀nì ya ama Dàhwitì ema a ambɛlɛhwɛyi e?”

Matiyò 15:22

Mòlanà mɔ̀kɔ ema à mà hwɛ lì lìya ò erzòòkà ya Kenà à mà jèeyà Yerzù rzìi a mò eyeya nanù ema, “Ìi è Ŋmanà wà e nyɔ̀ŋgɔ̀nì ya ama Dàhwitì, ò nò òkeya ììlì! È ŋmanà wa ami wa mòlanà a òhvi èlìŋgɛ̀ ya wòhwe ò nyò ya eni a hwèlì ò hwehwɛ̀ɛlì hwe wòhwe.”

Matiyò 26:63

Ndi Yerzù à mà andama e ye eni ŋmɛɛ. È Pìlìrzì e karzami e ma mò òhweyà hvɛ nanù ema, “O lìinà la ama Lòohwà ema lì hwèlì lòŋgɛ, na ò kànèlì na yòmbò ema ò jò òhweyà ŋga ò wa ndi ò hwèlì è Mɔ̀ ema à Ɔ̀kirzɛ̀hwɛ̀yi, è Ŋmanà wà ama Lohwà e?”

Matiyò 27:43

À lòkɛ̀yì nanù ema Lohwɛ̀ a hwèlì na mɔ̀ ndèŋgànɛ̀lɛ̀ hvɛ a hwèlì ndi è Ŋmanà wà amà Lohwɛ̀. Òole! Inyɛ̀ Lohwɛ̀ a mò òŋgòwane rzɔ naŋgɛ inyɛ jɛ̀ɛ̀ ɛnɛ.”

Matiyò 3:17

Lìlò lì mà òhwa ò ŋmanyu yà lohwà nanù ema, “È Ŋmanà wà ami wà ndìŋgɛ yà màlìŋgò ònò, à nò òkirzɛ imba mɔ̀nyɛ̀ŋgì.”

Matiyò 9:27

Nà òma Yerzù mɔ̀ à mà anjiye aŋga òma, ndima ihwàkɛ ja wunyanà hwa wòteyà lì mò nɔ̀ŋgɔ, rzìi hwa a tɛ lì òhwa nanù ema, “Ìi Ŋmanà wa e nyɔ̀ŋgɔ̀nì wà ama Dàhwitì ò jò òkeya ììlì!”

Lukàrzɛ̀ 1:35

È aŋgèlì è mà mò alàhwɛ̀ nanù ema, “Èlìŋgɛ̀ yà Wòtani e ò rzìhweyà, ndèŋgàna è ŋginyà yà ama Lohwɛ̀ lì karzamì è ò hwandà. O eŋgànɛ̀lɛ̀, òŋgò Ŋmanà wà wòtani ema o ò ŋya, a ò hwɛ̀lɛ̀hwɛ̀ ndi è Ŋmanà wà ama Lohwɛ̀.

Lukàrzɛ̀ 1:69

À è ò kòkìrzɛ̀lɛ̀lɛ̀ mòtò mɔ̀kɔ wà ŋginyà, ò ndawò yà àma è mògbèèlì wà èni Dàhwitì, mɔ̀ ndì à hwèlì è mɔ̀ ema a e ò e rzùŋgà.

Yòwanìrzɛ̀ 1:14

Eyà è mà jà mòtò wà hwènàmà, rzi è lìya nà irzɔ. Ì mà ɛnɛ èluhwe yà eni ema Tatɛ̀ wà eni à mà mò ŋgbèe nàa ehvòwà yà eni yà ŋmanà. À mà ònda ndèli rzi à jò wùlùhweyà è jɔ̀kɛ̀ lì hvòmɛ̀nɛ̀ Lohwɛ̀.

Yòwanìrzɛ̀ 1:34

Nà mà ɛnɛ hwene hweyà hwe arzɛ, ò èŋgànɛ̀lɛ̀ nà tɛ̀mi mbòŋgi ò lì òhwa ema mɔ̀ ndi à hwèlì è Ŋmanà wà ama Lohwɛ̀.”

Yòwanìrzɛ̀ 1:49

Nàtànìyɛ̀lì rzìi à òhwa nanù ema, “Ìi Mòòkòlèlì, ò wà ndi ò hwèlì è Ŋmanà wà ama Lohwɛ̀. Ò wà ndi ò hwèlì è Kìŋgɛ yà Irzàyɛ̀lì.”

Yòwanìrzɛ̀ 10:30

È Tatɛ̀ na imba i hwèlì ndi mòtò mɔ̀kɔ.”

Yòwanìrzɛ̀ 10:36

Imba ndì na hwèlì e mɔ̀ ema Lohwɛ̀ à nàmìrzɛ̀yi rzi a nò òmi ò rze, nɛ rzɔ inyɔ e tànɛ̀yi lì òhwa nanù ema imba na hwɛnyɛ Lohwɛ̀ e? Èhwanja imba na òhwi nanù ema imba ndì nà hwèlì è Ŋmanà wà ama Lohwɛ̀ e?

Yòwanìrzɛ̀ 20:28

Tɔ̀màrzì à mà mò alàhwɛ̀ nanù ema, “Rzàŋgò wa ami na Lohwà la ami!”

Yòwanìrzɛ̀ 20:31

Ndi hwenè hweyà hwe tìlahwì aŋga nanù e lòkɛ̀ nanù ema Yerzù ndi à hwèlì è Mɔ̀ ema à Ɔ̀kirzɛ̀hwɛ̀yi, è Ŋmanà wà Lohwà. O mò lòkɛ̀yì tɛ o ò luwa lòŋgɛ la gbìndèyà ò lìna la eni.

Yòwanìrzɛ̀ 5:25

Nà e òhweyà e jɔ̀kɛ̀ nanù ema, e hvònda e hwèlì e ja èŋge hvònda e ma màa lì jà, ema hwatò ema hwà mà ŋwɛɛ hwa hwèya lìlò la ama è Ŋmanà wà ama Lohwɛ̀, rzìi hwaŋga ema hwa hweyi lìŋgi lìlò hwa ò hwɛ ò lòŋgɛ.

Yòwanìrzɛ̀ 7:42

È tìlahwì ò Kaàti ya Lohwà ema, è Mɔ̀ ema à Ɔ̀kirzɛ̀hwɛ̀yi a hwɛnì ndi lì ŋyaahwɛlɛ ò mòtende mò òma Dàhwitì, ò mbòwa ya Bɛtlɛ̀hɛmù ema Dàhwitì a mà uwɛ̀lɛ̀lɛ̀yi.”

Hwègbèèlì 2:30

Dàhwitì à mà hwɛ ndi mòòhwèlì wà èlìŋgɛ̀ ndèŋgànà mɔ̀ à mà hwiya yòòma ema Lohwɛ̀ à mà òhwe nanù ema a mò ŋgba. Lohwɛ̀ à mà aàtɛ yòmbò nanù ema, a ò wòwa ŋmanà ò mòtende mò ama Dàhwitì a ò mò lìirzɛ kiŋgɛ nyayi hvɔ̀kɔ na òma Dàhwitì hvɛ à mà hwɛ kiŋgɛ.

Hwègbèèlì 3:13

Lòohwà là ama, Abràhamù, Irzàkì nà Jèkɔ̀bù, Lòohwà là ama hwà tàatɛ̀, lɔ̀ ndi lì ŋgbèlì è mògbèèlì hwa eni Yerzù èluhwe. Inyɔ è mà mò akɛ̀lɛ̀lɛ̀ ò màà mà hwàkànèlì nanù ema à òŋwahwe, rzìi è mò rzɔ̀rzɔ̀ ò wòrzò wò ama Pìlatò. Tɔ̀ nɛ Pìlatò mɔ̀ à mà ɔ̀ŋgɛ̀lɛ̀ nanù ema à rzòlòwàhwè inyɔ è mà tìmba lì mò rzɔ̀rzɔ̀.

Hwègbèèlì 8:36

Nà òma hwà mà hwɛ lì ɛndɛ, rzìi hwa uka èki ema e ma hwɛ malìhwa, rzìi eŋge yumɛ e òhwa nanù ema, “Ɔŋgɔ̀ malìhwà mà anu, ò rza nò lùhwìrzɛ̀ ŋgelì hvɔ̀kɔ e?”

Hwègbèèlì 9:20

O lìwòkimɛnɛ a wòteyà lì òhwa eyà ya Lohwà ò tenì ya i ndawò ja màkanɛ̀ nanù ema, Yerzù ndi à hwèlì è Ŋmanà wà ama Lohwɛ̀.

Ròmànì 1:9

Lohwɛ̀ ema nà gbèeyà nà ŋmèma mɔ̀kɔ ò lì òhwa Ŋmɛ̀ndì mò Gbamù mò ama è Ŋmanà wà eni, mɔ̀ ndi à hwèlì è mbòŋgi yà ami nanù ema nà è ɔ̀ŋgɛ̀lɛ,

Ròmànì 4:1

Mamɛ rzɔ i tànɛyi lì òhwa lì hvòmɛ̀nɛ̀ e mbamba ya arzu Abràhamù e? Mamɛ e ma gbèyɛ̀nɛ ò e hvònda ya eni e?

Ròmànì 9:3

ò wònyànyàŋgò hwa ami, hwa màyija. O nyòla awu, ò mà nà àhvìtɛ̀ nanù ema, Lohwɛ̀ à mà nò ŋgba mòjèmà, na lì nò akakòwɛ ò ma Krirztò.

Ròmànì 9:5

Wɔ̀ hwa uwɛlɛlɛyi ndi ò mòtende mò ama imbamba ja arzu ja kòhwa. Ndeŋgànɛ̀lɛ̀ Krirztò ò hwehwɛ̀ɛlì hwe eni nàa e mòtò wa hwènàmà, mɔ̀ à uwɛlɛlɛyi ndi ò mòtende mò awu. Inyɛ̀ Lohwɛ̀ ema a kànèyà hweyà hwe arzɛ a ekàhwè i hvònda ja arzɛ. Inyɛ̀ wò lìya nanù.

1 Kɔ̀rintìyà 1:9

Lohwɛ̀ à hwèlì à gbeyà mamɛ yà arzɛ ema à mà ohwe nanù ema à gbeyà. Mɔ̀ à è hvɔ̀rzì ò lì hwɛ mɔ̀kɔ nà è ŋmanà wà mùnyanà wà eni Yerzù Krirztò, è Rzàŋgo yà arzù.

1 Kɔ̀rintìyà 10:18

È lùteyà hwatò hwa Irzàyɛ̀lì, hwaŋga ema hwa làa mamɛ e ŋgbàahwi nàa màahweyà rzeke hwa aŋgbàànɛ mamɛ e wurzà o èwòlò ya ama Lohwɛ̀ ya lììyɔ̀ là màkanɛ̀.

Gàletìyà 4:4

Ndi lìrzako ema e hvonda ya jɔ̀kɛ̀ e ma uke ema Lohwɛ̀ à mà kàkɛ̀nɛ̀, Lohwɛ̀ à mà oma Ŋmanà wa eni o rze. Oŋgo ŋmanà à mà uwɛ̀lɛ̀lɛ̀yi ndi o luŋga la molanà rzi a oŋgeya o rze ya e mbenda.

1 Tɛ̀rzàlonìyà 1:10

Hwa ohwa hvɛ nà oma inyɔ è ambɛ̀lɛ̀lɛ̀ hwèjèelì hwe è Ŋmanà wà ama Lohwɛ̀ ema à uwɛ̀lɛ̀lɛ̀yi ò ŋmanyu yà lohwà. Oŋgo Ŋmanà wà ama Lohwɛ̀ Yerzù, ema à jò rzùŋgi ò è kɔ̀kìrzɛ̀ yà ama Lohwɛ̀ ema è jà, mɔ̀ ndi Lohwɛ̀ à mà hvùmùlɛ̀.

1 Tìmotì 2:5

È hwiyawi nanù ema o hwèlì ndi Lohwà lɔ̀kɔ̀ mɛnɛ. Ndeŋgànɛ̀lɛ̀ o hwèlì ndi mòtò mɔ̀kɔ mɛnɛ ema a jàni Lohwɛ̀ na hwatò hwa hwènàmà o lì rzɔ̀ŋgìtɛ̀nɛ̀ lɔ̀kɔ. Oŋgo mòtò a hwèlì ndi Yerzù Krirztò.

1 Tìmotì 3:16

Lohwɛ̀ à mà jo gbeyà o lì hwiya nanù ema ŋmɛ̀ndì mo eni mo hwɛni wòlìto rzayi-rzayi. Nànù ndi mo hwèlì: Krirztò à mà jà, ndèŋgàna mɔ̀ à mà hwɛ ndi mòtò wa hwènàmà, Èlìŋgɛ̀ yà Wòtani e ma jo uŋmɛ̀lɛ̀ nanù ema a hwèlì ndi è Ŋmanà wà Mùnyanà wa ama Lohwɛ̀, ndeŋgànɛ̀lɛ̀ i aŋgèlì i ma mo ɛnɛ. Hwà mà ohweyà hwatò hwa arzɛ hwa ene rze ya mɔ̀nyɛ̀ ndèŋgànɛ̀lɛ̀ hwà mà mo lòkɛ̀. Lohwɛ̀ à mà mo hvùmùlɛ̀, à mà ɛndɛ o ŋmanyu ya Lohwà o tenì ya ŋmàye.

2 Tìmotì 2:8

O hwɛni ndi lì ɔ̀ŋgɛ̀lɛ̀ nanù ema Yerzù Krirztò ema à mà hwɛ o e nyɔ̀ŋgɔ̀nì ya ama kiŋgɛ̀ Dàhwitì, Lohwɛ̀ à mà mo hvùmùlɛ̀ o kpelì. Ŋmɛ̀ndì mò Gbamù mòno ema imba na òhwèyà hwatò.

1 Yòwanìrzɛ̀ 1:3

Je ohweyà lì hvomɛ̀nɛ̀ mamɛ irzɔ i ma ɛnɛ na lì hweyà, aŋga nanù oma inyɔ hvɛ e ma hwɛ ndi mɔ̀kɔ na irzɔ. Ndeŋgànɛ̀lɛ̀ lìni lì ahvìyànɛ̀ la arzu, lì hwèlì ndi lì àrzàŋgànɛ̀ ema jo òhvi na e Tatɛ̀, na è Ŋmanà wà eni, Yerzù Krirztò.

1 Yòwanìrzɛ̀ 3:23

È mbenda ema a ŋgbelì e hwèlì ndi nanù ema, i lòkɛ̀ o lìinà la ama è Ŋmanà wà eni Yerzù Krirztò na o lì alìŋgànɛ mɔ̀kɔ na ɔ̀nɛyi. Ène mbenda hvɛ mɛnɛ ndi Krirztò à mà jo ŋgbe.

1 Yòwanìrzɛ̀ 3:8

Tɔ̀ njɛnɛ ema a lìmelì o lì gbeyà wòhwe a hwèlì ndi e wa ama Mòkarzɛ̀, ehwànja Mòkarzɛ̀ à mà gbeyà wòhwe lì wòteyà o hwewotelì. Lìtiŋga ema è Ŋmanà wà ama Lohwɛ̀ à mà jèe o e rze ya mɔ̀nyɛ̀ lì hwèlì ndi o lì hvàŋga èwòlò ya ama Mòkarzɛ̀.

1 Yòwanìrzɛ̀ 4:15

Tɔ̀ njɛnɛ ema à ohwi nanù ema Yerzù ndi à hwèlì è Ŋmanà wà ama Lohwɛ̀, Lohwɛ̀ à hwèlì nà mɔ̀ ndèŋgàna mɔ̀ hvɛ à hwèlì nà Lohwɛ̀.

1 Yòwanìrzɛ̀ 5:1

Tɔ̀ ima mòtò ema à lòkɛ̀ nanù ema Yerzù mɔ̀ ndi à hwèlì è Mɔ̀ ema à Ɔ̀kirzɛ̀hwɛ̀yi à hwèlì ndi nàa è ŋmanà wà ama Lohwɛ̀, ndèŋgàna tɔ̀ njɛnɛ ema à lìŋgàni Tatɛ̀ nanù oma à lìŋgàni hvɛ è Ŋmanà wà eni.

1 Yòwanìrzɛ̀ 5:20

Ì hwi nanù ema è Ŋmanà wà ama Lohwɛ̀ à mà jà ò rze yà mɔ̀nyɛ̀, ndèŋgànɛ̀lɛ̀ à mà jò gbeyà ò lì hwiya Lòohwà là jɔ̀kɛ̀. Ndeŋgana irzɔ ì hwèlì ndi ò lì ahvìyànɛ̀ nà mɔ̀, nà oma jà ahvìyànɛ̀ nà è Ŋmanà wà eni Yerzù Krirztò. Mɔ̀ ndi à hwèlì Lohwà là jɔ̀kɛ̀ ndèŋgànɛlɛ mɔ̀ ndi à hwèlì è mɔ̀ ema à ŋgba lòŋgɛ là gbìndèyà.

1 Yòwanìrzɛ̀ 5:5

Ò rza enje tɔ̀ mòtò ema à mà rzuwànɛ̀ è rze lì aka tɛ è mòtò ema à lòkɛ̀ nanù ema Yerzù ndì à hwèlì è Ŋmanà wà ama Lohwɛ̀.

2 Yòwanìrzɛ̀ 1:7

Hwàlùkèlì rzayì-rzayì hwa mà kpèeyà ò rze, hwatò ema hwa rza emeyà nanù ema Yerzù Krirztò à mà ŋyàahwa ò rze nàa mòtò wà hwènàmà. Tɔ̀ ima mòtò wà nanù à hwèlì ndi molùkelì ndèŋgàna è mɔ̀kɔ̀yèlì wà ama Krirztò.

Hwèwulùwèlì 2:18

À mà nò ohweyà hvɛ nanù ema, “Tìleyà è aŋgèlì ema è hwèlì ò ŋmèmba mo Tìyatìrà nanù ema, “Mono ŋmɛ̀ndì mò uwɛ̀lɛ̀lɛ̀yi ndi ò mà è Ŋmàna wà ama Lohwɛ̀, ema mììrzɔ̀ mà eni mà tèeyà ndi nàa mùnya ema mò òŋwa, matàŋga mà eni hvɛ mà ɛneyà ndi nàa ɛ̀ɛkɛ̀ ema è hwɛ̀lɛ̀hwɛ̀ brɔ̀nrzi ema è hvànya.