Ròmànì 1:2 - Mokpwe: Bakwery (New Testament)

² Mòŋgò Ŋmɛ̀ndì mò Gbamù mɔ̀ ndi Lohwɛ̀ à mà òhwe ndèŋgànà e hvònda nanù ema a ò ŋgba hwatò hwa eni. À mà òhweyà hwà-òhwèlì hwa hwèlìŋgɛ̀ hweyà lì hvòmɛ̀nɛ̀ mòŋgò Ŋmɛ̀ndì mò Gbamù na òma mò tìlahwì ò tenì ya e kààtì ya wòtani.

Ròmànì 1:2 ပူးပေါင်းရင်းမြစ်များ

Matiyò 1:22

Hwenè hwe arzɛ hwe mà gbèyɛnɛ ò lì òndìrzɛ eyà ema Lohwɛ̀ à mà òme è mòòhwèlì wà èlìŋgɛ̀ ò lì òhwa nanù ema,

Lukàrzɛ̀ 1:70

Nà òmà a mà òhwe nà è kòhwa, à mà òma Hwà-òhwèlì hwa eni hwa Hwèlìŋgɛ̀ hwa wòtani ò lì òhwa nanù ema,

Hwègbèèlì 10:43

Hwà-òhwèlì hwa hwèlìŋgɛ̀ hwa arzɛ hwa kòhwa hwà ma òhwa lì mò hvòmɛ̀nɛ̀, nanù ema tɔ̀ ima mòtò ema a mò lòkɛ̀yì, Lohwɛ̀ à làkìrzɛ̀ wòhwe wò eni. Ène eyà e ò gbèyɛ̀nɛ ò e ŋginyà ya lìinà la eni.”

Hwègbèèlì 13:32

Nàŋgɛ rzɔ̀ mòŋgò Ŋmɛ̀ndì mò Gbamù mɔ̀ ndi ì mà è jàneyà. Mòŋgò ŋmɛ̀ndì mò hwèlì ndi nanù ema eyà ema Lohwɛ̀ à mà òhwe nanù ema à ŋgba irzàŋgo jà arzu mɔ̀ à mà è òndìrzɛ̀ lì akeyà nà irzɔ.

Hwègbèèlì 26:6

O yàwònò imba na tɛmi ndi anù ò lì kàyìrzɛ̀hwɛ na ò wa ehwànja na lòkɛ̀ nanù ema Lohwɛ̀ a òndìrzɛ lì kàkɛ̀nɛ la eni ema à mà kàkɛ̀nɛ imbamba ja arzu.

Ròmànì 16:26

Ndi ò nàŋgɛ eŋge jɔ̀kɛ̀ e ma jò wuluhwàhwɛlɛ. Mɔ̀ à mà e wuluhwa nàŋgɛ na hweyà ema hwà-òhwèlì hwa hwèlìŋgɛ̀ hwà mà tile ò e kààtì ya ama Lohwɛ̀. Mɔ̀ à mà gbeye ndi nanù, aŋga nanù hwatò hwa arzɛ̀ hwa hwèkòmè hwe ya arzɛ hwa mò lòkɛ̀ na lì mò hweyàne.

Ròmànì 3:2

Ɛ̀ɛ ò hwèlì mɔ̀rzɛ̀ŋgì rzayi-rzayi. Eyà ya wòrzò e hwèlì ndi nanù ema, ò màà mà ama wònyà Yudà ɔndi Lohwɛ̀ à mà ŋgbe ŋmɛ̀ndì mò eni.

Ròmànì 3:21

O nàŋgɛ nanù Lohwɛ̀ à mà jò uŋmɛ̀lɛ̀ nɛ hwatò hwa tɛmi ehve-ehve ò wòrzò wò eni. Èŋge ŋgàna e rza hwɛnì tɔ̀ eyà ya lì gbeyà na e mbenda ya ama Mòrzè. Iŋgi mbenda na hwà-òhwèlì hwa hwèlìŋgɛ̀ hwà mà òhwa lì hvòmɛ̀nɛ̀ eŋge ŋgàna natɛ̀ɛ na ò mòlòmɛ̀.

Tàyìtùrzì 1:2

Aŋga nanù, hwatò hwa ama Krirztò hwa ò luwa lìhvìta là lì luwa lòŋgɛ la gbìndèyà. Ndèŋgana Lohwɛ̀ à è wèka è rze, a mà kàkɛ̀nɛ̀ nanù ema, hwatò hwa eni hwa o hwɛ na mɔ̀ natɛ̀ɛ nà ò gbìndèyà. Mɔ̀ a rza kɔ̀ hweyà.