Matiyò 9:6 - Mokpwe: Bakwery (New Testament)

⁶ Nà e uŋmɛ̀lɛ̀ nanù ema è Ŋmanà wà è Mòtò wà Hwènàmà a hweni wònjà ya lì làkìrzɛ̀ wòhwe ò rze.” Yerzù rzìi a òhweyà òŋgò mòtò hwa e nyàmbɛ yà njɛmbu nanù ema, “Nà ò òhwèlì nanù ema, tɛ̀mɛ̀ ò wòwè lìkɔ̀kɔ̀ lì àŋgɔ, ò ɛ̀ndɛ̀ ò mààndà ma aŋgɔ.”

Matiyò 9:6 ပူးပေါင်းရင်းမြစ်များ

Matiyò 4:24

O èŋgànɛ̀lɛ̀ hwèyà ema Yerzù à mà hwɛ lì gbèya hwe mà hwèyàhwà ò erzòòkà yà arzɛ yà Rzìlèyà. Ene eyà è mà gbèya ema hwatò hwa mà hwɛ lì mò jànèyà hwà-òkèlì hwa arzɛ. Hwa mà hwɛ lì mò jàneyà hwatò ema hwa mà ɔ̀kìrzɛ̀ inyayi na nyayi ja nyàmbɛ na merziyò mè nyò. Hwatò ema hwa ma òhva hwèlìŋgɛ̀ hwe wòhwe, hwatò ema hwa ma hwɛ lì hvòkòwa, nà hwatò hwa è nyàmbɛ yà njɛmbu Yerzù à mà hwa wɔ̀wìrzɛ̀ wɔ̀ hwa arzɛ.

Matiyò 8:20

Yerzù rzìi à mò alàhwɛ̀ nanù ema, “I njùhwɛ̀ ja òhvi hvòkò ema i nàŋgeya. Hwenɔ̀ni hwe ŋmanyu hwèyɔ̀hvɛ hwe òhvi màwùmbù, ndi è Ŋmàna wà è Mòtò wà Hwènàmà mɔ̀ à rza òhvi tɔ̀ èki ema à nàŋgɛlɛ mòòhvò mò eni.”

Matiyò 9:2

Nà òmà à mà uke ò mbòwà ya eni, lòŋgò la hwatò hwa ma mò jàneyà mòtò mɔ̀kɔ ò lìkɔ̀kɔ̀ ema à mà ɔ̀kìrzɛ̀ e nyàmbɛ ya njɛmbu. Nà òma Yerzù à mà ɛnɛ lìlòkɛ̀ la awu, rzìi à òhweyà òŋgò mòòkèlì nanù ema, “È ŋmanà wa munyanà wa ami kòkò, ò rza òka wɔ̀ŋgɔ̀, na mà ò làkìrzɛ̀ wòhwe wò aŋgɔ̀.”

Matiyò 9:5

Ì ma yɔ̀ e wɔ̀hwèlì, ò lì òhwà nanù ema, ‘Nà ma ò làkìrzɛ̀ wòhwe wò aŋgɔ̀,’ ŋgà ò lì òhwà nanù ema, ‘Tɛ̀mɛ̀nɛ̀ ò wòteyà lì ɛ̀ndɛ̀ e?’

Matiyò 9:7

Ò wòtɛmɛ̀tɛmɛ̀ rzìi òŋgò mòtò à tɛ̀mɛ̀nɛ̀, à ɛ̀ndɛ ò mààndà mà eni.

Makòrzì 2:10

Nà e uŋmɛ̀lɛ̀ nanù ema è Ŋmanà wà è Mòtò wà Hwènàmà a hweni wònjà ya lì làkìrzɛ̀ wòhwe ò rze.” Yerzù rzìi a òhweyà òŋgò mòtò hwa e nyàmbɛ yà njɛmbu nanù ema,

Makòrzì 2:7

“Mamɛ ndeŋgatɛ ònò mòtò a àŋgàmɛ̀nɛ̀ lì òhwà nanù e? Ìrzìlakò ini. Njɛnɛ à tànɛyi lì làkìrzɛ̀ wòhwe, lì akà tɛ Lohwɛ̀ e?”

Lukàrzɛ̀ 5:21

Hwà-òkòlèlì hwa mbenda nà Ihvàlìrzàyì rzìi hwa wòteyà lì arzàrzòhwɛ nanù ema, “Njɛnɛ ònò ema a hwɛ̀nyɛ̀ Lohwɛ̀ e? Njɛnɛ à tànɛyi lì làkìrzɛ̀ wòhwe lì akà Lohwɛ̀ e?”

Yòwanìrzɛ̀ 10:28

Nà ŋgbà mɛ̀ɛlɛ̀ŋgù me ami lòŋgɛ là gbìndèyà, ò èŋgànɛ̀lɛ̀ me rza ŋwa tɔ̀ wùnyà. Tɔ̀ mòtò arza tànɛyi lì nò hvùmana e meyɔ ò lìya la ami.

Yòwanìrzɛ̀ 17:2

Èhwanja ò mò ŋgbelì wònjà lì kànèyà hwatò hwa arzɛ ò lì arza nanù ema a ŋgbè hwaŋga ema ò mò ŋgbelì lòŋgɛ la gbìndèyà.

Yòwanìrzɛ̀ 5:27

A ŋgbelì è Ŋmanà è ŋginyà ò lì kàyìrzɛ̀ èhwànja e Ŋmanà ndi à hwèlì e mɔ̀ ema hwa hwɛlɛ è Ŋmanà wà è Mòtò wà Hwènàmà.

Yòwanìrzɛ̀ 5:8

Yerzù à mà mò òhweyà nanù ema, “Tɛ̀mɛ̀ ò wòwè lìkɔ̀kɔ̀ lì àŋgɔ, ò ɛ̀ndɛ̀ wòteyà yɔ̀ndɔ̀.”

Hwègbèèlì 5:31

Lohwɛ̀ à mà mò kàrzɛ, rzìi à mò ika ò lìya là eni là mòmɛ̀ nàa Mòtìmbèlì nà è Mòrzùŋgèlì. À mà gbeyà ndi nanù èhwanja, à uŋmɛ̀lɛ̀ hwatò hwa Irzàyɛ̀lì è njiya yà lì hwɛ̀mɛ̀ hwɛ̀ɛ̀mɛ̀ hwe awu hwe wòhwe aŋga nanù, Lohwɛ̀ à ò hwa làkìrzɛ̀ wòhwe wò awu.

Hwègbèèlì 9:34

Pètrò à mà mò òhweyà nanù ema, “Aneyàrzì e, Yerzù Krirztò a ò wɔ̀wìrzɛ̀ anu naŋgɛ. Tɛmɛ ò ŋmanyu, ò rzeeya lìnɔ̀ŋgɔ la aŋgɔ̀.” Ŋgelì hvɔ̀kɔ Aneyàrzì à mà tɛ̀mɛ̀nɛ.

2 Kɔ̀rintìyà 2:10

Tɔ̀ ima mòtò ema e làkìrzɛ̀, imba hvɛ nà mà mo làkìrzɛ̀. Eyà ema e gbèyi na làkìrzɛ̀ na e làkìrzɛ̀ ndi o nyòla anyu, Krirztò ndi à gbèyi ndèŋgànɛlɛ a hwi nanù ema nà mà e làkìrzɛ̀.

2 Kɔ̀rintìyà 5:20

Nà oma Lohwɛ̀ a jo òhweyà hweyà ema i hwɛni lì ohweyà hwatò, i hwèlì ndi hwatò ema hwa ohwa hweyà ema Krirztò à mà jo òhweyà ema jo òhwe. I hwèlì ndi o lì e kànèyà o lìna la ama Krirztò nanù ema e hwɛ o lì hweyànɛlɛ na Lohwɛ̀.

Ɛ̀hvìrzìyà 4:32

Inyɔ è àwùŋmɛ̀lɛ̀nɛ̀ mɔ̀kɔ nà ɔ̀nɛyi èènjì ndèŋgana è àwòhvànɛ mèèmà mè ììlì. È àlàkìrzɛ̀nɛ̀ mɔ̀kɔ nà ɔ̀nɛyi nà oma Lohwɛ̀ à mà è làkìrzɛ̀ lì akeyà nà Krirztò.

Kòlòrzìyà 3:13

È hwɛni lì àjùlɛ̀nɛ̀yi mɔ̀kɔ nà ɔ̀nɛyi. È hwèlì tɛ nanù ema mòtò à hwɛni tɛ kàyɛ nà ohvɛhvɛ mòtò inyɛ à mò làkìrzɛ. Nà oma è Rzàŋgo yè è làkìrzɛ, inyɔ hvɛ è hwɛni lì làkìrzɛ mɔ̀kɔ nà ɔ̀nɛyi.