Matiyò 9:36 - Mokpwe: Bakwery (New Testament)

³⁶ È hvònda Yerzù à mà ɛnɛ è ŋgìndì, à mà è òkeyà ììlì rzayi-rzayi. Èhwanja hwa mà tàkirzɛhwɛ, hwa rza òhve hvɛ tɔ̀ lì òŋgòwànà. Hwa mà hwɛ ndi nàa mɛ̀ɛ̀lɛ̀ŋgù ema me rza òhvɛɛ mɔ̀ɔ̀ŋgèlì.

Matiyò 9:36 ပူးပေါင်းရင်းမြစ်များ

Matiyò 10:6

Ndi e ɛ̀ndɛ ndi ò hwatò hwa Irzàyɛ̀lì. Hwa hwèlì ndì nàa mɛ̀lɛ̀ŋgù ema me ma wɔ̀ɔ.

Matiyò 14:14

È hvònda Yerzù à mà rzihwe ò wɔ̀lɔ̀, rzìi à ɛnɛ ŋgìndì ndɛ̀nɛ̀ yà hwatò. À mà hwa kpèeyà ììlì rzìi à wɔ̀wìrzɛ̀ hwaŋga ema hwa mà ɔ̀kirzɛ̀.

Matiyò 15:24

Yerzù rzìi a hwa timbirzɛlɛlɛ ama, “Lohwɛ̀ a nò òmi ndi ò lì òŋgòwàna hwatò hwa Irzàyɛ̀lì ema hwa hwèlì ndi nàa mɛ̀ɛlɛ̀ŋgù ema me wɔ̀wu.”

Matiyò 15:32

Yerzù rzìi a hwɛlɛ Hwà-òkòwèlì hwa eni ò nyò, rzìi a hwa òhweyà nanù ema, “Nà òkeya hwanù hwatò ììlì, èhwanja hwà mà hwɛ na imba lì uka mèènyà meyawò, ò naŋgɛ nanù, hwa rza òhvi tɔ̀ yòma ya lì làa. Nà rza arza lì hwa òhweyà ema hwa ɛ̀ndɛ e rzi hwɛ lì hwa ŋgbà yòma ya lì làa èhwanja hwa tànɛ̀yi lì rzòòwà ò njiya.”

Makòrzì 6:34

È hvònda Yerzù à mà ùke aŋga à mà ùŋma ŋgìndì ndɛ̀nɛ̀ yà hwatò. À mà hwa òkeya ììlì rzayì-rzayì, èhwanja hwa mà hwɛ ndi nàa mɛ̀ɛ̀lɛ̀ŋgù ema mè rza òhvɛɛ mɔ̀ɔ̀ŋgèlì. Ò èŋgànɛ̀lɛ̀ à mà wòteya lì hwa òkòlɛ̀ hweyà rzayì-rzayì.

Makòrzì 8:2

“Nà òkeya hwanù hwatò ììlì. Èhwanja hwà mà hwɛ anù na imba mèènyà meyawò, hwa rzi lelì tɔ̀ yòma.

Hibrù 4:15

Ì hwɛnì è Pìlìrzì è kàrzàmi ema è jò òkeya ììlì. Èhwànja mɔ̀ à mà kèkìrzɛ̀hwɛ̀ ŋgana hvɔ̀kɔ nà oma irzɔ hvɛ ì mà kèkìrzɛ̀hwɛ̀, tɔ̀ nɛ mɔ̀ à rzìi gbèyɛ tɔ̀ wòhwe tɔ̀ wɔ̀kɔ.

Hibrù 5:2

O àjùlɛ̀nɛ̀ hwatò ema hwà mà hvònda e njiya, ehwànja wɔ̀ hwa rza hwi hweyà ema hwa gbeyà, ndèŋgànɛ̀lɛ̀ mɔ̀ hvɛ a hwèlì ndi e mòtò wa hwènàmà ndeŋga ehwànja mɔ̀ hvɛ a ohvi màtona.