Matiyò 9:27 - Mokpwe: Bakwery (New Testament)

²⁷ Nà òma Yerzù mɔ̀ à mà anjiye aŋga òma, ndima ihwàkɛ ja wunyanà hwa wòteyà lì mò nɔ̀ŋgɔ, rzìi hwa a tɛ lì òhwa nanù ema, “Ìi Ŋmanà wa e nyɔ̀ŋgɔ̀nì wà ama Dàhwitì ò jò òkeya ììlì!”

Matiyò 9:27 ပူးပေါင်းရင်းမြစ်များ

Matiyò 1:1

Nanù ndi mòtende mò imbamba jà ama Yerzù Krirztò mò hwèlì. Yerzù à mà uhwɛ̀lɛ̀lɛ ndi ò mòtende mò ama kiŋgɛ̀ Dàhwitì. Dàhwitì mɔ̀ hvɛ à mà uhwɛ̀lɛ̀lɛ ndi ò mòtende mò ama Abràhamù.

Matiyò 11:5

È mò òhweyà nanù ema, “I ndima je ɛnɛ̀, i mbòkò je ɛ̀ndɛ, e wɔ̀ hwa nyàmbɛ ja mɛ̀lɔ̀ŋgɔ̀ hwa wɔ̀wìrzɛ̀hwɛ̀yi, e wɔ̀ hwa hwètòòtò hwa hweya. È wɔ̀ hwa ŋwelì hwa tìmbì hvɛ ò lòŋgɛ, ŋmɛ̀ndì mò gbamù mɔ̀ hvɛ mò òhwàyɛ̀lɛ̀hwɛ̀yi mèlìrzà me hwatò.

Matiyò 15:22

Mòlanà mɔ̀kɔ ema à mà hwɛ lì lìya ò erzòòkà ya Kenà à mà jèeyà Yerzù rzìi a mò eyeya nanù ema, “Ìi è Ŋmanà wà e nyɔ̀ŋgɔ̀nì ya ama Dàhwitì, ò nò òkeya ììlì! È ŋmanà wa ami wa mòlanà a òhvi èlìŋgɛ̀ ya wòhwe ò nyò ya eni a hwèlì ò hwehwɛ̀ɛlì hwe wòhwe.”

Matiyò 17:15

“Ìi Rzàŋgò òkeya e ŋmanà wà ami wà mùnyanà ììlì! À hvòkòwa, à tàka rzayì-rzayì, à yɔ̀ki hvɛ lì kpa ò tenì yà mùnya nà malìhwa.

Matiyò 20:29

Nà òma Yerzù na Hwà-òkòwèlì hwa eni hwà mà hwɛ lì anjiya ò èkòmè ya Jèrìkò, ŋgìndì ndɛnɛ e ma hwɛ lì nɔ̀ŋgɔ Yerzù.

Matiyò 21:15

Ndi na òma Ipìlìrzì ndɛnɛ na Hwà-òkòlèlì hwa mbenda hwà mà ɛnɛ hwenè hweyà hwe mànyakà ema Yerzù à mà hwɛ lì gbeyà, ndèŋgànɛ̀lɛ̀ hvɛ merzeya ema hwàna hwarzàlì hwà mà hwɛ lì tɛ nanù ema, “Jèèka i hwɛ na è Ŋmanà wà e nyɔ̀ŋgɔ̀nì ya ama Dàhwitì,” hwà mà tàta rzayi-rzayi.

Matiyò 21:9

È ŋgìndì ema è mà hwɛ lì ɛ̀ndɛ ò wòrzò wà ama Yerzù, nà è yɔ̀ ema è mà hwɛ lì mò nɔ̀ŋgɔ ò mburzà, hwa mà hwɛ lì tɛ̀ɛ̀ nanù ema, “Hòrzana, nà jèka hvɛ ì hwɛ nà è Ŋmanà wà è nyɔ̀ŋgɔ̀nì yà ama Dàhwitì. Mònàmɛ̀ mò hwèlì nà òŋgò ema à jelì ò lìnà là ama è Rzàŋgò. Hòrzana, jèka ì hwɛ nà Lohwà ema mɔ̀ ndi à kàrzamì lì aka hwa arzɛ!”

Matiyò 9:28

Nà òma Yerzù à mà kpèeyà ò tenì ya ndawò iŋgi ndima ja hwatò ja ahwakɛ ima mò jèeyà. Yerzù rzìi a hwa ijòwa nanù ema, “È lòkɛ̀yi ema na tànɛyi lì e gbèeyà mamɛ e arza ema na gbeyà e?” Hwa ma mò alàhwɛ̀ nanù ema, “Ɛ̀ɛ, Rzàŋgò i lòkɛ̀yi.”

Makòrzì 11:10

Mònàmɛ̀ nà lìkànèyà ema lì hwɛnì lì jà, là amà è rzàŋgò yà àrzu Dàhwitì. Hòrzanà, Jèka nà Lohwɛ̀ ema à hwèlì natɛ̀ɛ nà ò ŋmanyu!”

Makòrzì 9:22

Hvònda tɛ èŋge èlìŋgɛ̀ è mò hvimba ò mùnya nà ò màlìhwa, ò lì mò òŋwa. O tànɛyi tɛ lì gbeyà eyà, ò jò òkeya ììlì, ò jò òŋgòwane.”

Lukàrzɛ̀ 17:13

Hwàŋga hwatò hwa mà mò hwɛlɛ nà lìlò lì kàrzàmi nanù ema, “Ìi Yerzù Rzàŋgò kòkò, ò jò òkeya ììlì!”

Lukàrzɛ̀ 20:41

Yerzù rzìi a hwa ijòwa nanù ema, “Nɛ e tànɛyi lì òhwahwa ema è Mɔ̀ ema à Ɔ̀kirzɛ̀hwɛ̀yi à uwɛ̀lɛ̀lɛ̀yi ndi ò mòtende mò ma kiŋgɛ̀ Dàhwitì e?

Lukàrzɛ̀ 7:21

Lirzàkò ema hwà mà ùke aŋga, à mà hwɛ lì wɔ̀wìrzɛ̀ rzayì-rzayì jà hwatò ema hwà mà ɔ̀kirzɛ merziyò na ì nyàmbɛ, na è wɔ̀ hwà mà òhva hwèlìŋgɛ̀ hwe wòhwe rzìi a wɔ̀wìrzɛ̀ hvɛ è wɔ̀ hwa ndima.

Yòwanìrzɛ̀ 7:42

È tìlahwì ò Kaàti ya Lohwà ema, è Mɔ̀ ema à Ɔ̀kirzɛ̀hwɛ̀yi a hwɛnì ndi lì ŋyaahwɛlɛ ò mòtende mò òma Dàhwitì, ò mbòwa ya Bɛtlɛ̀hɛmù ema Dàhwitì a mà uwɛ̀lɛ̀lɛ̀yi.”

Ròmànì 1:3

Mònò Ŋmɛ̀ndì mò Gbamù, mò hwèlì ndi lì hvòmɛ̀nɛ̀ è Ŋmanà wà eni. O hwehwɛ̀ɛlì hwe e mòtò wà hwènàmà òŋgò Ŋmanà à mà ŋyàahwɛlɛ ndi ò lìhwende la ama kiŋgɛ̀ Dàhwitì.

Ròmànì 9:5

Wɔ̀ hwa uwɛlɛlɛyi ndi ò mòtende mò ama imbamba ja arzu ja kòhwa. Ndeŋgànɛ̀lɛ̀ Krirztò ò hwehwɛ̀ɛlì hwe eni nàa e mòtò wa hwènàmà, mɔ̀ à uwɛlɛlɛyi ndi ò mòtende mò awu. Inyɛ̀ Lohwɛ̀ ema a kànèyà hweyà hwe arzɛ a ekàhwè i hvònda ja arzɛ. Inyɛ̀ wò lìya nanù.