24 Yerzù à mà òhwa nanù ema, “Inyɔ hwa arzɛ e anjiye anù, èhwanja ònò ŋmanà ŋgɔ̀ndɔ̀ a nàŋgayi ndi ijɔ, a rzi ŋwelì.” Ndi wɔ̀ hwa ma wòteyà ndi lì mò yɔ̀yeyà.
Ndì lìnyɛyi la hwatò hwà mà mò yɔ̀yèyà. A ma hwa wurzirzɛ wɔ̀ hwa arzɛ ò èwòka. Rzi a wòwa e rzàŋgò, na e nyàŋgò ya ama òŋgò ŋmanà, na Hwà-òkòwèlì hwa eni hwaayɛɛ̀ e ma à mà jane, hwa ɛ̀ndɛ ò èki ema e ŋmanà à mà hwɛ.
Ndi nà òma Yerzù à mà hwèya nanù à mà òhwa nanù ema, “È nyàmbɛ ya ama Làrzàrɔ̀rzì e rza mò ùkirzɛ̀ ò kpelì. È gbèyɛ̀nɛ ndi ò lì ŋgbà Lohwɛ̀ èluhwe ò lì arza nanù ema è Ŋmanà wà ama Lohwà a lùwane enè eyà èluhwe.”
Ndi Pàwolò mɔ̀ à mà rzihwa ò rze ya eŋge ndawò rzìi a mò gbiyama ò nyò rzìi a mò rzɛhwɛ. A hwa òhweyà nanù ema, “È rza atàkìrzɛ̀, mɔ̀ à e hwèlì ò lòŋgɛ.”
Pètrò à mà hwa wurzirzɛ hwa arzɛ ò tenì ya eŋge tùu, rzìi a rzùma màwɔ̀ŋgɔ̀ŋgɔ̀ ma eni ò rze, rzìi a wòteyà ò lì kànɛ̀. Rzi a àyèŋgòwɛ̀lɛ̀lɛ̀ mòŋgò ŋmìmbà, a òhwa nanù ema, “Tàbità, tɛ̀mɛ̀nɛ ò ŋmanyu!” Tàbità à mà kutuwa mìirzɔ ma eni. Nà òma à mà ɛnɛ Pètrò rzìi a tɛ̀mɛ̀nɛ̀.