Matiyò 9:20 - Mokpwe: Bakwery (New Testament)

²⁰ Nà òma hwa ma hwɛ lì ɛndɛ, ò ma hwɛ mòlanà mɔ̀kɔ aŋga ema màyija ma mà hwɛ lì wurza ò nyò ya eni ya mòlanà, lìyòmɛ̀ la meya na mehwakɛ à mà ja ò mburza ya ama Yerzù, rzìi a tɔ̀tɔ̀ lìrzukù la mòŋgòmbè mò eni na lìya la eni.

Matiyò 9:20 ပူးပေါင်းရင်းမြစ်များ

Matiyò 14:36

Rzìi hwa mò rzòrzòmeya ema hwaŋga hwà-òkèlì hwa tɔ̀te lìrzukù la eni la mòŋgòmbè mò eni na màà mà awu mɛnɛ, hwaŋga hwa arzɛ ema hwà mà tɔ̀tɔ̀ lìrzukù là mòŋgò mòŋgòmbè mò eni na màà mà awu hwà mà wɔ̀wɔ̀.

Matiyò 23:5

Tɔ̀ mamɛ ya arzɛ ema hwa gbeyà, hwa e gbeyà ndi nanù ema hwatò hwa hwà ɛnɛ. Hwa gbeyà hwanà hwewòŋgò ema hwa tìla mòtìla mò Eyà ya Lohwà ò tenì rzi hwa hwe kaka ò mbɔ̀mbɔ̀ na ò mèyɔ̀yɔ̀ mè awu. Hwa gbeyà ŋmàamba mò èluhwe ema mà wàwà rzi hwà mà wɔ̀tɔ̀ ò ŋmanyu ya meŋgòmbe me awu.

Matiyò 9:19

Yerzù à mà tɛ̀mɛ̀ ò ŋmanyu na hwà-òkòwèlì hwa eni rzìi hwa mò nɔ̀ŋgɔ.

Makòrzì 6:56

Tɔ̀ ima èki ema à mà ɛ̀ndɛ ò màmbòwà marzàlì, na màndɛnɛ na ò ihvaya ema hwatò hwa lìya. Hwatò hwà mà jànà hwà-òkèlì tɔ̀ ima njuka ema hwatò hwà mà arzàŋganɛ ò lì gbeyà è nyòŋga. Nà òmà hwà mà hwa jane hwa rzòrzòmeya Yerzù nanù ema a hwɛmɛ hwà-òkèlì hwa tɔ̀te màà mà awu ò lìrzukù la lìwɔti la eni. Tɔ̀ ima mòòkelì ema à mà tɔ̀tɔ̀ lìrzukù la lìwɔti la ama Yerzù à mà wɔ̀wɔ̀.

Makòrzì 8:22

Yerzù nà hwà-òkòwèlì hwa eni hwa mà jà ò Bɛ̀trzàyìdà. Àŋga ndi lòŋgò la hwatò hwà mà jàne mòtò mɔ̀kɔ wa ndima rzìi hwa rzòrzòmeya Yerzù hwa ama a mò hwàkɛ lìya la eni.

Hwègbèèlì 19:12

Hwàtò hwà mà wòwa tɔ̀ ìpɔ̀tìkà na hwehvɛhvɛni ema Pàwolò à mà gbeyàne, ò lì ɛndɛ lì wɔ̀wìrzɛ̀ hwà-òkèlì, na ò lì ulɛ hwèlìŋgɛ̀ hwe wòhwe ò inyò ja hwatò.

Hwègbèèlì 5:15

Nàa e mbakò ya mamɛ ema i àpɔ̀rzìtòlò i ma hwɛ lì gbeyà, hwatò hwà mà hwanɛ hwaŋga ema hwà mà ɔ̀kirzɛ̀ ò lì hwa ika ò tòŋgòŋgò jà mà njiya, rzìi hwa hwà nàŋgirzɛ ò mànɔ̀ŋgɔ̀ na ò hwèrzarzì aŋga. Hwà mà hwɛ lì gbeyà nanù na màlùtèyà nanù ema Pètrò à aka tɛ èlìŋgɛ̀ ya eni e hwa undeya ndèŋgànà hwa ò wɔ̀wìrzɛ̀hwɛ.