Matiyò 9:15 - Mokpwe: Bakwery (New Testament)

¹⁵ Yerzù rzìi a hwa alàhwɛ̀ nanù ema, “Nɛ hwatò ema hwa yòhwɛ̀hwɛ̀yi ò ndèma yà lìhwa hwà tànɛyi lì lìya rzɔ̀lùù wɔ̀ hwa hwèlì tɛ na e mòhwɛnɛ wa mɔ̀ɔ̀mbì e? Jàyɛ̀ hwa rzà tànɛ̀yi! Ndi o ò jà wùnyà ema wò ò hwa wòwàna è mòhwɛnɛ wa mɔ̀ɔ̀mbì. O wòŋgò wùnyà ndi hwa ò lìya e mòkìyà njàwò ò màkanɛ̀.

Matiyò 9:15 ပူးပေါင်းရင်းမြစ်များ

Matiyò 9:14

Hwà-òkòwèlì hwa ama Yòwanìrzɛ̀ e mòlùhwìrzèlì rzìi hwa jèeya Yerzù rzìi hwa mò ijòwa ema, “Mamɛ ndeŋgatɛ irzɔ na Ihvàlìrzàyì i lìya mòkìyà njàwò, ndi Hwà-òkòwèlì hwa aŋgɔ̀ wɔ̀ hwa rza lìya tɔ̀ mòkìyà njàwò e?”

Matiyò 9:16

È hwɛni lì hwiya nanù ema mòtò a rzɛ̀ŋgɛ̀nɛ̀ tɛ mbɔti, a rza wòwà ehvàhvè ya lìhwàtù lì hvènya ò lì rzɛ̀ŋgɛ̀nɛ̀ è mbòlòwa ya mbɔ̀ti. Èhwanja eŋge ehvàhvè ya lìhwàtù lì hvènya è wòtèlì tɛ lì nyùkeyà òma la akakòwɛ ò mbòlòwa lìhwàtù. Oma eŋge èhvɔ̀ndì ya eŋge mbòlòwa ya lìhwatu ema nyàla.

Makòrzì 2:19

Yerzù rzìi a hwa alàhwɛ̀ nanù ema, “Nɛ hwatò ema hwa yòhwɛ̀hwɛ̀yi ò ndèma yà lìhwa, hwà tànɛyi lì lìya mòkìyà njàwò, wɔ̀ hwa hwèlì tɛ na e mòhwɛnɛ wa mɔ̀ɔ̀mbì e? Jàyɛ̀ hwa rzà tànɛ̀yi!

Makòrzì 2:20

Ndi o ò ja wùnyà ema hwa ò hwa wòwàna e mòhwɛnɛ wa mɔ̀ɔ̀mbì. O wòŋgò wùnyà ndi hwa ò lìya e mòkìyà njàwò ò màkanɛ̀.

Lukàrzɛ̀ 17:22

Yerzù rzìi a òhweyà hwà-òkòwèlì hwa eni hvɛ nanù ema, “È hvònda è hwèlì e jà ema jò ò lìŋgànà lì ɛnɛ tɔ̀ wùnyà wɔ̀kɔ ema è Ŋmanà wà è Mòtò wà Hwènàmà a jò àwuŋmɛ̀lɛ mɔ̀ ŋmìti, ndi è rza wò ɛnɛ.

Lukàrzɛ̀ 5:34

Yerzù rzìi a hwa alàhwɛ̀ nanù ema, “Nɛ hwatò ema hwa yòhwɛ̀hwɛ̀ ò ndèma yà lìhwa hwà tànɛyi lì lìya mòkìyà njàwò, wɔ̀ hwa hwèlì tɛ na e mòhwɛnɛ wa mɔ̀ɔ̀mbì e?

Lukàrzɛ̀ 5:35

Jàyɛ̀ hwa rzà tànɛ̀yi! Ndi o ò ja wùnyà ema hwa ò hwa wòwàna e mòhwɛnɛ wa mɔ̀ɔ̀mbì. O wòŋgò wùnyà ndi hwa ò lìya e mòkìyà njàwò ò màkanɛ̀.”

Yòwanìrzɛ̀ 16:6

È òndi na ndùtù èhwanja na e òhwèlì hwenè hweyà.

Yòwanìrzɛ̀ 3:29

Mɔ̀ɔ̀mbì mò hwɛnɛhwi ndi na e mòhwɛ̀nɛ̀ wà mɔ̀ɔ̀mbì. È mbunda ya ama e mòhwɛ̀nɛ̀ wà mɔ̀ɔ̀mbì ema a tɛ̀mɛ̀ ò tòŋgòŋgò ya eni ò lì mò òkànèyà a lìŋga a hweyi tɛ lìlò la eni. Ɔ̀ndeŋgàtɛ̀ màlìŋgò ma ami ma òndi nàŋgɛ.

Hwègbèèlì 14:23

O tɔ̀ ima ŋmèmba ema wɔ̀ hwà mà uke, wɔ̀ hwà mà hwɛ lì hvɔ̀rzɔ̀ hwatò ema hwa ò timbàa ŋmèmba mò arzɛ. È hvònda ema hwà mà kànɛ̀ na lì hwɛ ò mòkìyà njàwò, hwà mà ŋgba hwaŋga hwàtimbèlì ò màà mà ama Rzàŋgò ema wɔ̀ hwa ika lìlòkɛ̀ la awu.

1 Kɔ̀rintìyà 7:5

Inyɔ ema e hwàahwì, e rzìi a imànɛ̀yi mɔ̀kɔ na ɔ̀nɛyi, o lìnɔ̀ŋgɔ, e hwɛ ndi nanù ema inyɔ ya ahweyànɛlɛ nanù ema, e gbeyà ndi nanù o ŋmàna hvòkà wà hvondà, aŋga nanù ya aŋgbɛ̀ɛ inyɔ hwiti o Màkànɛ. O mburzà ya nanù, e timbe e hwɛ ndi na oma e ma lome lì hwɛ, aŋga nanù Mòkarzɛ̀ à rza e kèkirzɛ, o lì ɛ̀ndɛ o mòrzònje.

2 Kɔ̀rintìyà 11:27

Nà ma gbeyà rzayi-rzayi ja hwèwòlò hwe ŋginyà, rzayi-rzayi ja ŋgèlì hvɛ nà mà lìya na hwehvɛnyɛ. Marzako hvɛ na rzi luwe tɔ̀ yoma ya lì laa tɔ̀ e yɔ la lì nyɔ, na rzi hwɛnɛ hvɛ tɔ̀ e hvolo ya lì laa mòlelì. Manɛyi marzako hvɛ yùululì ya ŋginyà e ma no kpeya o nyo ema na rza ohvɛ tɔ̀ yoma ya lì wɔtɔ̀.

Hwèwulùwèlì 19:9

Èŋge aŋgèlì rzìi e no ohweyà nanù ema, “Tila nanù ema, mònàmɛ̀ na hwaŋga ema hwa yowɛhwɛyi o e ndèma ya lìhwa ya ama e Ŋguma ya Mɔ̀lɛ̀ŋgù.” Èŋge aŋgèlì rzìi e lata hvɛ o lì ohwa nanù ema, “Hwene hweyà hwe jɔ̀kɛ̀ hwe uwɛ̀lɛ̀lɛ̀yi ndi o ma Lohwɛ̀.”

Hwèwulùwèlì 21:2

Aŋga ndi nà à ɛnɛ e mbowà ndɛɛndɛ ya wòtani, e Jèrurzalɛ̀mù hvènya e uwɛ̀lɛ̀lɛ̀yi o ma Lohwɛ̀ o ŋmanyu yà lohwà. Lohwɛ̀ à mà mo rzekeya ndi nà oma hwalana hwa rzekeya mɔ̀ɔ̀mbì ema mo ɛndɛ o lìhwa.