Matiyò 8:29 - Mokpwe: Bakwery (New Testament)

²⁹ Nà òma hwa ma ɛnɛ Yerzù, rzìi hwa wòteyà lì tɛɛ nanù ema, “È Ŋmàna wà ama Lohwɛ̀, mamɛ ò hwɛnì lì jò gbeyàna e? O jelì ndi anù ò lì jò kɔ̀kìrzɛ̀ ema e hvònda e rzìi uki e?”

Matiyò 8:29 ပူးပေါင်းရင်းမြစ်များ

Matiyò 4:3

Mòkarzɛ̀ rzìi à mà mò jèeyà, rzìi à mò òhwèyà nanù ema, “Ò hwèlì tɛ è Ŋmanà wà ama Lohwɛ̀, kànèyà manù màŋyàyi mà timbe, hwèhvòòtò.”

Matiyò 8:30

O ma hwɛ gbàka wò ŋgòwa ema wò ma hwɛ lì leeya ŋmanà hvòka lì hwa kòmbɛ̀nɛ̀.

Makòrzì 1:24

“Jìyeyi! Ìi Yerzù wà Nàrzàrɛ̀tì, mamɛ ò jò àrzàna e? Ò jelì ndi lì jò hvàŋga e? Nà hwi njɛnɛ ò hwèlì, ò hwèlì ndi è mɔ̀ ema Lohwɛ̀ à òmi, ema à Tàni.”

Makòrzì 3:11

Tɔ̀ ima hvònda ema hwèŋge hwèlìŋgɛ̀ hwe wòhwe ema hwe ma hwɛ ò hwatò hwe mà mò ɛ̀nɛ, hwe mà kpìrzɛ hwaŋga hwatò ema hwe ma hwɛ ò tenì ya awu. Hwe hwa tɛ̀yìrzɛ merzeya nanù ema, “Ò hwèlì ndi è Ŋmanà wà àma Lohwɛ̀!”

Makòrzì 5:7

À mà tɛ nà lìlò lì karzami nanù ema, “O wa Yerzù, è Ŋmanà wà ama Lohwà lì Kàrzami mamɛ ì òhvanɛ e? Nà ò rzòzòmeya ò lìna la ama Lohwɛ̀ ò rza nò kɔ̀kìrzɛ̀.”

Lukàrzɛ̀ 4:34

“Jìyeyi! Ìi Yerzù wà Nàrzàrɛ̀tì, mamɛ ò jò àrzàna e? Ò jelì ndi lì jò hvàŋga e? Nà hwi njɛnɛ ò hwèlì, ò hwèlì ndi è mɔ̀ ema Lohwɛ̀ a òmi, ema à Tanì.”

Lukàrzɛ̀ 4:41

Hwèlìŋgɛ̀ hwe wòhwe hwe mà anjiya hvɛ rzayì-rzayì ja hwatò ò nyò ja awu na mèrzeya nanù ema, “Ò wa ndi ò hwèlì è Ŋmanà wà ama Lohwɛ̀!” À mà hwa kanja, rzìi a rzì hwa ŋgbe hvɛ tɔ̀ èhvòlò ò lì òhwà, èhwànja hwa mà hwiya ema mɔ̀ ndì à hwèlì è Mɔ̀ ema a Ɔ̀kirzɛ̀hwɛ̀yi nà Lohwɛ̀.

Lukàrzɛ̀ 8:28

Nà òmà ònò mòtò a mà ɛ̀nɛ Yerzù, à mà tɛɛ nà lùwa. Rzìi à mò kpèeyà ò màtàŋgà, a òhwa nà lìlò lì kàrzàmi nanù ema, “Ìi Yerzù è Ŋmanà wà ama Lohwà lì Kàrzàmi, mamɛ ì rzɔ nà ò wa jò òhvanɛyi e? Nà ò atɛkɛ ema ò rzì nò kɔ̀kìrzɛ̀.”

Yòwanìrzɛ̀ 2:4

Yerzù à mà mò alàhwɛ̀ nanù ema, “Ìi mòlanà kòkò, ò rza àŋgàmɛ̀nɛ̀ lì nò òhweyà mamɛ ema na hwɛni lì gbeyà. Ndi e hvònda ya ami e rzi ɔlɛyi.”

Hwègbèèlì 16:17

Oŋgò ŋmanà ŋgɔ̀ndɔ̀ à mà wòteyà lì òŋgama Pàwolò na irzɔ rzi a tɛ ò ŋmanyu nanù ema, “Hwanù wunyanà hwa hwèlì ndi hwàgbèèlì hwa ama Lohwɛ̀ ema lì karzami. Wɔ̀ hwa jèelì ndi ò lì e òhweyà nɛ inyɔ e tànɛyi lì rzùŋgàhwà.”

Jèmìrzì 2:19

Inyɔ e lòkɛ̀yi nanù ema o hwèlì ndi Lohwɛ̀ lɔ̀kɔ e? Gbamù rzayi! Tɔ̀ hwèlìŋgɛ̀ hwe wòhwe hweyɔ hvɛ hwe lòkɛ̀yi nanù, hweyɔ hwe tumeya mòkàmbiya.

2 Pètrò 2:4

Lohwɛ̀ à rzìi hwɛmɛ i aŋgèlì ema ì mà gbeyà wòhwe, ndi à mà hwa aŋgba ò tenì yà mùnya ema mò rza lìma. Ò èki ema wɔ̀ hwa kàkahwà nà iŋgɔ̀kɔ̀hwi nà jììtìtì ò lì ambɛ̀lɛ̀lɛ̀ Wùnyà wò Hwèkàyìrzèlèlì.

Judɛ 1:6

Nà arza ò lì è ɔ̀ŋgɛ̀lɛ̀nɛ hvɛ nanù ema iŋgi aŋgèlì ema ì rzìi lìya ò èki ema Lohwɛ̀ à mà hwa rzèkeyà, ndi ì mà kìnyɛ̀lɛ̀ èki yà awu yà jɔ̀kɛ̀ yà hwèlìyelì, Lohwɛ̀ à mà hwa ika ò hwèwòwà hwe jìtìtì ekì ema hwa hwɛ̀ɛ̀ natɛ̀ɛ tɔ̀ lì aka Wùùnyà wò hwèkàyìrzèlì wò ndɛnɛ.