Matiyò 8:27 - Mokpwe: Bakwery (New Testament)

²⁷ Hwà-òkòwèlì hwa eni hwa ma tàmà rzayi-rzayi, rzìi hwa ijòwa nanù ema, “Ima ŋgàna mòtò ònò, ema natɛ̀ɛ na è mbɛ̀hvɛ̀nì na hwèmùnɛ̀ hwe ŋmànja hwe mò hweyànà e?”

Matiyò 8:27 ပူးပေါင်းရင်းမြစ်များ

Matiyò 14:33

Nà òma ene eyà e ma gbèyɛnɛ nanù, hwanɛyi Hwà-òkòwèlì ema hwà mà hwɛ ò tenì ya wɔ̀lɔ̀ rzìi hwa kànɛ Yerzù. Rzìi hwa òhwa nanù ema, “Ò jɔ̀kɛ̀-jɔ̀kɛ̀ ò hwèlì ndi è Ŋmanà wà mùnyanà hwa ama Lohwɛ̀.”

Matiyò 15:31

Hwàŋga hwatò hwà mà jeja rzayi na òma hwà mà ɛnɛ nɛ imbùke jò òhwa, imbòkò i wɔ̀wìrzɛ̀wɛ̀yi, hwaŋga ema hwà mà kperzòhwa hwà ma ɛ̀ndɛ gbamù, na òma indima hvɛ i ma ɛ̀nɛ, rzìi hwa eka Lòohwà la hwatò hwa Irzàyɛ̀lì.

Matiyò 8:10

Nà òma Yerzù à mà hweye hwenè hwèyòhwèlì, à mà tàmà rzayi-rzayi, rzìi à òhweyà hwaŋga ema hwa mà mò nɔ̀ŋgɔ nanù ema, “Nà è òhweyà ndi è jɔ̀kɛ̀, nà rzì ɛnì tɔ̀ mòtò tɔ̀ mɔ̀kɔ ò èkòmè ya arzɛ yà Irzàyɛ̀lì ema à òhvi ene tumba ya lìlòkɛ̀ ema ònò ŋmɛ̀nì à òhvi.

Matiyò 8:26

Yerzù rzìi a hwa alàhwɛ̀ nanù ema, “Mamɛ ndèŋgatɛ̀ è òka wɔ̀ŋgɔ̀ nanù e? Mamɛ ndeŋgatɛ lìlòkɛ̀ la anyu lì tùù nanù e?” Rzìi à tɛ̀mɛ̀ ò ŋmanyu, à lòmeyà è mbɛ̀hvɛ̀nì ema e ma hwɛ lì hvɛhvɛ na hwèmùnɛ̀. O wòtɛmɛ̀tɛmɛ̀ e mbɛ̀hvɛ̀nì e ma kɛ̀ɛ̀yà rzìi hwèmùnɛ̀ hvɛ hwe lɔ̀kɔ̀meyà.

Matiyò 8:28

È hvònda ema Yerzù na hwà-òkòwèlì hwa eni hwa ma uke ò ɛnɛyi èhvarzù yà yulu, yà erzòòkà yà Gɛ̀ràrzɛ̀nì, hwatò hwahwàkɛ ema hwa mà òhva hwèlìŋgɛ̀ hwe wòhwe ò tenì ja awu, hwa ma uwɛ̀lɛ̀lɛ ò mòònda mò rzɔ̀ŋgɔ̀ hwa ma mò ùŋmanɛlɛ. Hwanù hwatò hwa ma ambìrzɛ̀nɛ̀ ema, tɔ̀ mòtò à rzìi tanɛ lì akeyà ò eŋge èhvàrzù ya njiya ema hwa ma hwɛ.

Makòrzì 1:27

Hwatò hwa arzɛ hwa mà tàmeya enè eyà rzayì-rzayì, rzìi hwa ijòwànɛ mɔ̀kɔ nà ɔnɛ̀yi nanù ema, “Ima tumba eyà ène! Hwèyòkòlelì hwe hvènya hwe ene e? Ònò mòtò à hwɛnì ŋginyà ò lì kànja hwèlìŋgɛ̀ hwe wòhwe natɛ̀ɛ hwe mò hweyànà!”

Makòrzì 6:51

Nà òmà à mà kpèeyà ò tenì ya wɔ̀lɔ̀ lì hwa ùŋmanɛlɛ rzìi muulì mò wɔ̀tɔ̀meya. Hwà-òkòwèlì hwa arzɛ̀ hwà mà ònda na hwètàmirzelì.

Makòrzì 7:37

Tɔ̀ ima mɔ̀ ema a mà hwèya hwenè hweyà a mà hwe tameya rzayì-rzayì, rzìi hwa òhwà nanù ema, “A gbèyi hweyà hwe arzɛ gbamù. A gbeyà hvɛ hwetòòtò hwe hweyà, ìmbùke hvɛ jò òhwa.”