Matiyò 8:20 - Mokpwe: Bakwery (New Testament)

²⁰ Yerzù rzìi à mò alàhwɛ̀ nanù ema, “I njùhwɛ̀ ja òhvi hvòkò ema i nàŋgeya. Hwenɔ̀ni hwe ŋmanyu hwèyɔ̀hvɛ hwe òhvi màwùmbù, ndi è Ŋmàna wà è Mòtò wà Hwènàmà mɔ̀ à rza òhvi tɔ̀ èki ema à nàŋgɛlɛ mòòhvò mò eni.”

Matiyò 8:20 ပူးပေါင်းရင်းမြစ်များ

Matiyò 12:32

Tɔ̀ ima mɔ̀ ema a òhwi ìrzìlàkò lì nò teŋgɛ̀nɛ̀ imba è Ŋmanà wà è Mòtò wà Hwènàmà Lohwɛ̀ a ò mò làkìrzɛ̀ ndi e mɔ̀ ema a òhwi ìrzìlàkò lì teŋgɛ̀nɛ̀ Èlìŋgɛ̀ yà Wòtani a rza ò làkìrzɛ̀hwɛ̀ ò ene nyɔ̀ŋgɔ̀ni ya naŋgɛ na e yɔ hvɛ ema e ò jɛ̀ɛ̀.

Matiyò 12:40

Jona à mà hwɛ ò lùuŋga la nyàmà màlìhwa ndɛnɛ menya meyawò. Ŋgàna hvɔ̀kɔ, mɛnɛ ndi è Ŋmanà wà è Mòtò wà Hwènàmà mɔ̀ hvɛ a ò hwɛ ò rze ya mɔ̀nyɛ̀ menya meyawò.

Matiyò 12:8

È hwɛni lì hwiya nanù ema, è Ŋmanà wà è Mòtò wà Hwènàmà à hwɛni wònja tɔ̀ ò ŋmanyu ya Wùnya wò lì Arzìyòlɛ̀.”

Matiyò 13:37

Yerzù a hwa alàhwɛ̀ nanù ema, “È mɔ̀ ema à mà òna ihvɔ̀ŋgɔ̀ ja gbamù a hwèlì ndi è Ŋmanà wà è Mòtò wà Hwènàmà,

Matiyò 16:13

Yerzù à mà anjiya aŋga rzìi a ɛ̀ndɛ ò erzòòkà e kòmbɛ̀nɛ̀ e mbòwà ya Kàyìrzèrìyà Hvìlìpì. Nà òma à mà uke aŋga à mà ijòwa Hwà-òkòwèlì hwa eni nanù ema, “Njɛnɛ hwatò hwa òhwa ema è Ŋmanà wà è Mòtò wà Hwènàmà a hwèlì e?”

Matiyò 16:27

Nà è òhweyà hwene hweyà hwe arzɛ nanù èhwanja è Ŋmanà wà è Mòtò wà Hwènàmà à ò jà ò èluhwe yà ama è Tatɛ̀ wà eni nà ì aŋgèlì jà eni. À jelì tɛ, à kɔ̀kìrzɛ̀ nà lì nàmìrzɛ̀ tɔ̀ ima mòtò ò lì hvòmɛ̀nɛ̀ mamɛ ema tɔ̀ ima mòtò à mà gbèèyɛ̀.

Matiyò 17:9

Nà òmà hwa mà hwɛ lì rzìhwa ò èŋge hvàko, Yerzù rzìi a hwa kànèyà nanù ema, “È rzi kèka lì òhweyà tɔ̀ mòtò mamɛ e ɛni natɛ̀ɛ nà è hvònda ema Lohwà à ò hvùmùlɛ̀ è Ŋmanà wà è Mòtò wà Hwènàmà.”

Matiyò 19:28

Yerzù rzìi a tìmba hvɛ lì hwa òhweyà nanù ema, “Nà e òhweyà ndi e jɔ̀kɛ̀ e hvònda ema è Ŋmanà wà è Mòtò wà Hwènàmà a ò lìya ò mbòkò ya lìkànèyà la eni la èluhwe, ò e rze ema e ò jɛ̀ɛ̀ inyɔ lìyòme la hwatò na hwahwakɛ ema e nò nɔŋgi e ò lìya ò mbòkò ja lìkànèyà ò lì kàyìrzɛ̀ lìyòmɛ̀ la matumba na mahwakɛ ma Irzàyɛ̀lì.

Makòrzì 8:38

È mɔ̀ ema à nò òkana imba nà Eyà yà Lohwà irzɔ̀ni, ò ene nyɔ̀ŋgɔ̀nì yà yàwònò ema è òŋgamà Lohwɛ̀ nà mèèmà mè hwàkɛ ema è hwèlì hvɛ ndi è nyɔ̀ŋgɔ̀nì yà wòhwe, è Ŋmanà wà è Mòtò wà Hwènàmà mɔ̀ hvɛ à mò òkana irzɔ̀ni è hvònda ema à jà nà i aŋgèlì jè eni jà wòtani nà èluhwe yà ama Tatɛ̀ wà eni.”

Lukàrzɛ̀ 12:8

“Nà è òhweyà è jɔ̀kɛ̀ ema, tɔ̀ njɛnɛ ema à nò tɛ̀mèlì mbòŋgi ò màrzò ma hwatò, imba hvɛ è Ŋmanà wà è Mòtò wà Hwènàmà nà mò tɛ̀meyà mbòŋgì, ò màrzò ma i aŋgèlì ja ama Lohwɛ̀.

Lukàrzɛ̀ 18:8

Nà è òhweyà nanù ema, Lohwɛ̀ à òŋgòwànà hwatò wa eni kàrzì-kàrzì. Ndi è lòkɛ̀ nanù ema è Ŋmanà wà è Mòtò wà Hwènàmà à jelì tɛ, à ùŋmànɛ̀lɛ̀ lìlòkɛ̀ ò rze e?”

Lukàrzɛ̀ 2:12

È embànèlì e hwèlì ndi è Ŋmanà ema e ùŋma à lìŋgɛ̀lɛ̀hwɛ̀yì nà hwèhvàhve hwe mààtù. À ò nàŋgɛlɛhwɛ ò èwòki ema hwèembe hwe lèeyà.”

Lukàrzɛ̀ 2:16

Hwa mà ɛ̀ndɛ kàrzì-kàrzì, rzìi hwa lùwa èki ema Màlìyɛ̀ nà Jòrzɛ̀hvù hwa mà hwɛ. Rzìi hwa ɛnɛ è ŋmanà à ma nàŋgɛlɛhwɛ ò èwòki ema hwèembe hwe mà lèeyà.

Lukàrzɛ̀ 2:7

Màlìyɛ̀ rzìi a ŋya è ŋmanà wà mùnyanà. Mɔ̀ ndì à ma mò lìhvòhwa ewònì. À mà mò lìŋgɛ̀lɛ̀ ndi nà hwèhvàhve hwe mààtù. Rzìi à mò nàŋgɛlɛ ò èwòki ema hwèembè hwe mà leeyà. À mà gbeyà ndi nanù èhwanja, ò rzi hwɛ èhvòlò ò ndawò yà hwàyɛ̀ni.

Lukàrzɛ̀ 21:36

È aŋgòhweyà ì hvònda ja arzɛ. È kanɛ̀ ema e hwɛnɛ è ŋginyà ema è ò karzòlɛ̀ hwenè hweyà ema hwe gbeyɛ̀nɛ̀, aŋga nanù e tanɛ lì tɛmeyà ò wòrzò wò è Ŋmanà wà è Mòtò wà Hwènàmà.”

Lukàrzɛ̀ 8:3

Yòwanà è jòjìyɛ̀ yà ama Kurzà ema à ma hwɛ è mòkànèlì wà hwàgbèèlì hwà mà Hɛ̀rɔ̀dì, Rzùrzanà, nà hwahvɛhvɛ hwalanà rzayì-rzayì. Hwanù hwalanà hwa mà gbeyàna ì hvèyò ja awu ò lì òŋgòwàna Yerzù, na hwà-òkòwèlì hwa eni.

Lukàrzɛ̀ 9:58

Ndi Yerzù à mà mò òhwìrzɛ̀nɛ̀ nanù ema, “I njùhwɛ̀ ja òhvi hvòkò ema i nàŋgeya. Hwenɔ̀ni hwe ŋmanyu hweyɔ hvɛ hwe òhvi màwùmbù, ndi e Ŋmàna wà e Mòtò wà Hwènàmà mɔ̀ à rza òhvi tɔ̀ èki ema a nàŋgɛlɛ mòòhvò mò eni.”

Yòwanìrzɛ̀ 1:51

Yerzù rzìi à òhwa hvɛ nanù ema, “Nà è òhweyà ndi è jɔ̀kɛ̀ è ɛnɛ è ŋmanyu yà lohwà è lìhvòweyà rzìi i aŋgèlì jà ama Lohwɛ̀ jà agba jò ɔ̀ndɔ̀ ò ŋmanyu yà ama è Ŋmanà wà è Mòtò wà Hwènàmà.”

Yòwanìrzɛ̀ 12:34

È ŋgìndì rzìi e mò alàhwɛ̀ nanù ema, “È mbenda ya arzu e jò òhwèlì nanù ema, ‘È Mɔ̀ ema a Ɔ̀kirzɛ̀hwɛ̀yi à hwɛ natɛ̀ɛ nà ò mòlìkɛ̀.’ Nɛ rzɔ ò wa ò tànɛyi lì òhwa nanù ema, ‘È Ŋmanà wa e Mòtò wa Hwènàmà a àŋgàmɛ̀nɛ̀ lì karzɛhwɛ ò ŋmanyu e?’ Njɛnɛ rzɔ a hwèlì ònò ‘Ŋmanà wà è Mòtò wà Hwènàmà e?’”

Yòwanìrzɛ̀ 13:31

O mburza ema Jùdàrzì à mà ɛ̀ndɛ, rzìi Yerzù a òhwa nanù ema, “Nàŋgɛ ndi èluhwe ya ama è Ŋmanà wà è Mòtò wà Hwènàmà e ɛneya. Èluhwe ya ama Lohwɛ̀ yɔ hvɛ e ɛnɛhwɛ lì akeyà nà è Ŋmanà.

Yòwanìrzɛ̀ 3:13

O rza enje tɔ̀ mɔ̀kɔ ema à mà ɛ̀ndɛ ò ŋmanyu ya Lohwà lì aka tɛ è Ŋmanà wà è Mòtò wà Hwènàmà ema a uhwɛlɛlɛ ò ŋmanyu ya Lohwà lì jà ò rze ya mɔ̀nyɛ̀.”

Yòwanìrzɛ̀ 3:14

Nà òma Mòrzè à mà wòmeyà gbàahwà ò lìwòndì rzìi a lì tɛ̀mìrzɛ̀ ò mòrzanjɛ̀, nanù mɛnɛ hvɛ ndi è Ŋmanà wà è Mòtò wà Hwènàmà a ò tɛ̀mìrzɛ̀hwɛ̀.

Yòwanìrzɛ̀ 6:27

È rza atàkìrzɛ̀ ò mòlelì ema mò hvaŋgeyà, ndi è atàkìrzɛ̀ ndi ò mòlelì ema mò ò hwɛ̀ɛ natɛ̀ɛ na ò gbìndèyà mòŋgò mòlelì ndi mò ŋgba lòŋgɛ ema lì rza kuwa. Mòŋgò mòlelì ndi è Ŋmanà wà è Mòtò wà Hwènàmà a ò e ŋgba. Mɔ̀ ndi Tatɛ̀ Lohwɛ̀ à mà ika èèmbanelì ò lì gbeyà nanù.”

Yòwanìrzɛ̀ 6:53

Yerzù rzìi a hwa òhweyà àma, “Nà e òhweyà ndi e jɔ̀kɛ̀ e rza lelì tɛ e nyàmà nyò ya ama è Ŋmanà wà è Mòtò wà Hwènàmà rzi e nyɔ hvɛ màyija ma eni e rza tànɛyi lì òhva lòŋgɛ la gbìndèyà.

Yòwanìrzɛ̀ 6:62

Mamɛ e òhwa e ɛni tɛ è Ŋmanà wà è Mòtò wà Hwènàmà a kòòhwa tɛ lì timba ò èki ema à mà uwɛ̀lɛ̀lɛ̀yi!

Hwègbèèlì 7:56

À mà hwa òhweyà nanù ema, “È ɔŋgɔ̀ tɛ, nà ɛni è ŋmanyu yà lohwà è lìhvòwelì. Ndeŋgànɛ̀lɛ̀ hvɛ è Ŋmanà wà è Mòtò wà Hwènàmà, à tɛ̀mì ò ehvarzù yà lìya là mòmɛ̀ là ama Lohwɛ̀.”

2 Kɔ̀rintìyà 8:9

È hwi na oma e Rzàŋgo ya arzu Yerzù Krirztò a e oŋgòhwànà o lì hwɛ enji. Tɔ̀ ima lìtumba la yòma ema Lohwɛ̀ a hwɛnì, mɔ̀ Yerzù ndi à e hwɛni. Ndi tɔ̀ nanù o nyòla ya anyu à mà hwɛmɛ eŋge ehwàŋgì ya eni ya arzɛ o ŋmanyu rzìi a rzihwa anù rze nàa mòtakèlì wa mòtò. A ma gbeyà ndi nanù o lì arza nanù ema inyɔ e luwe mònàmɛ̀ ema Lohwɛ̀ a ŋgbà hwatò.