Matiyò 8:15 - Mokpwe: Bakwery (New Testament)

¹⁵ Nà òma Yerzù à mà lɛ̀mbɛ̀ lìya là eni, rzìi eŋge ŋgɔwu è mò hwɛ̀mɛ̀. Rzìi à tɛ̀mɛ̀ à hwa kàrzɛ̀.

Matiyò 8:15 ပူးပေါင်းရင်းမြစ်များ

Matiyò 14:36

Rzìi hwa mò rzòrzòmeya ema hwaŋga hwà-òkèlì hwa tɔ̀te lìrzukù la eni la mòŋgòmbè mò eni na màà mà awu mɛnɛ, hwaŋga hwa arzɛ ema hwà mà tɔ̀tɔ̀ lìrzukù là mòŋgò mòŋgòmbè mò eni na màà mà awu hwà mà wɔ̀wɔ̀.

Matiyò 20:34

Yerzù à mà hwa òkeya ììlì, rzi a hwa hwàkɛ̀ màà mà eni ò mirzɔ̀ ma awu. Lìwòkìmɛ̀nɛ̀ rzi hwa wòteyà lì ɛnɛ̀ rzìi hwa mò òŋgama.

Matiyò 8:14

Nà òma Yerzù à mà uke ò è ndawò yà ama Pètrò, à mà ɛnɛ Pètrò nyàŋgò wà eni wà lìhwa, à naŋgani è ŋgɔwu ò lìnɔ̀ŋgɔ.

Matiyò 8:16

È hvònda yà è ŋgòmbe yà lohwà, hwatò hwa mà jàneyà Yerzù rzayì-rzayì ja hwatò ema hwa mà òhva hwèlìŋgɛ̀ hwe wòhwe ò tenì ja awu. Yerzù à mà gbeyànà è mbɔrzi yà eni yà wàna ò lì ulɛ̀ hweŋge hwèlìŋgɛ̀ hwe wòhwe, rzìi à wɔ̀wìrzɛ̀ hvɛ hwaŋga hwatò hwa arzɛ ema hwa mà ɔ̀kìrzɛ̀.

Matiyò 8:3

Yerzù à mà enyòwa lìya là eni à lì hwàkɛ òŋgò mòtò ò nyò yà eni, à òhwa nanù ema, “Nà lìŋgàni, rzàŋga!” O wòtɛmɛ̀tɛmɛ̀ è nyàmbɛ yà mɔ̀lɔ̀ŋgɔ è mà kuwa ò nyò yà eni.

Matiyò 9:20

Nà òma hwa ma hwɛ lì ɛndɛ, ò ma hwɛ mòlanà mɔ̀kɔ aŋga ema màyija ma mà hwɛ lì wurza ò nyò ya eni ya mòlanà, lìyòmɛ̀ la meya na mehwakɛ à mà ja ò mburza ya ama Yerzù, rzìi a tɔ̀tɔ̀ lìrzukù la mòŋgòmbè mò eni na lìya la eni.

Matiyò 9:29

Yerzù rzìi a hwàkɛ màà mà eni ò mìirzɔ̀ ma awu, a òhwa nanù ema, “È òhvi lì lòkɛ̀ nanù ema e ɛnɛ, ò èŋgànɛ̀lɛ̀ e gbèyɛ̀nɛ̀, na òma e lòkɛ̀yì.”

Makòrzì 1:29

Lìwòkimɛnɛ nà òmà hwa mà anjiye ò è ndawò yà Yudà yà màkanɛ̀, Yerzù, Jèmìrzì, nà Yòwanìrzɛ̀ hwa mà ɛ̀ndɛ ò ndawò yà àma Rzìmɔ̀nì nà Àndèlè.

Makòrzì 1:41

Yerzù à mà òkeya òŋgò mòtò ììlì rzìi à enyòwa lìya là eni, à lì hwàkɛ òŋgò mòtò ò nyò yà eni, à òhwa nanù ema, “Nà lìŋgàni, rzàŋga!”

Lukàrzɛ̀ 8:54

Yerzù à mà lɛ̀mbɛ lìya la ama òŋgò ŋmanà, rzìi a mò hwɛlɛ nanù ema, “È ŋmanà wà amì, imòwa!”