28 “Mamɛ hvɛ ndèŋgatɛ̀ è à tàkìrzɛ̀ ò mbɔti e? È ɔ̀ŋgɔ tɛ nà òma i mbònji ja waŋga jò òŋga. I mbònji jɔ̀ i rza gbeyà èwòlò tɔ̀ lì àkɔ̀lìrzɛ̀ hvɛ mààtù mè awu.
È rzìi hwanɛ̀ tɔ̀ ekpa, tɔ̀ ehvɛhvɛ mbɔ̀ti. È rzìi wòwà hwètàmbì, tɔ̀ èeyè ya yɔ̀ndɔ̀ na inyɔ. Èhwanja è mògbèèlì a hwɛni lì wòŋgòwàhwà na e mòtò ema a gbeyà.
“Ɔ̀ndeŋgàtɛ̀, nà è òhweyà nanù ema, è rza atàkìrzɛ̀ ò lòŋgɛ, ò inyɔ lì òhwa nanù ema, mamɛ jò ò lɛ̀ɛ̀, tɔ̀ mamɛ jò ò nyɔ, tɔ̀ mamɛ ema jò ò wɔ̀tɛ. Rzeke lòŋgɛ lì hwɛnì wòlìtò lì aka mòlelì e? Ndèŋgànà rzeke è nyò hvɛ è hwɛnì wòlìtò lì aka lìwɔtì e?
È rzɔ̀mɔ̀nɛ̀hwɛ tɛ ò ndawò ja màkanɛ̀, ò màrzò ma hwàtìmbèlì hwa mbòwà, nà hwàkànèlì hwa kàrzàmi, ò lì è kàyìrzɛ̀, è rzì àtàkirzɛ nɛ e kaya tɔ̀ mamɛ ema e hwɛnì lì òhwà.
Yerzù à mà òhweyà hwà-òkòwèlì hwa eni nanù ema, “O èŋgànɛ̀lɛ̀ rzɔ, nà è òhweyà nanù ema è rza atàkìrzɛ̀ mòŋgɛ ma anyu. O lì àrza mamɛ e hwɛnì lì làa, tɔ̀ mamɛ ema e hwɛnì lì wɔ̀tɔ̀.”
“È ɔ̀ŋgɔ tɛ na òma i mbònji ja waŋga jò òŋga. I mbònji jɔ̀ i rza gbeyà èwòlò tɔ̀ lì àkɔ̀lìrzɛ̀ hvɛ mààtù me awu. Ndi nà è òhweyà nà è jɔ̀kɛ̀ nanù ema, tɔ̀ Kìŋgɛ Rzòlòmɔ̀nì ò tenì yà mònàmɛ̀ mò eni, à rzi wɔ̀tè tɔ̀ lìwɔtì tɔ̀ lɔ̀kɔ ema lì ma lɔ̀ɔ, lì uka tɔ̀ lìnyèŋge tɔ̀ lɔ̀kɔ la mbònji.
Yòwanìrzɛ̀ à mà alàhwɛ̀ nanù ema, “Tɔ̀ njɛnɛ ema à hwɛnì mèŋgòmbè mehwàkɛ a ŋgbè mɔ̀kɔ òma òŋgò ema à rza òhvɛ̀ɛ, òŋgò hvɛ ema à òhvi mòlelì a ŋgbè hwaŋga ema hwa rza òhvɛ̀.”
È rzi ahvàhvɛ lì hvomɛ̀nɛ̀ tɔ̀ eyà. Ndi tɔ nanù o tɔ ima eyà ema ye e ùŋmànɛ̀lɛ̀, e kànɛ Lohwɛ̀ nanù ema a e ŋgbe mamɛ ema e arza. Ndeŋgànɛlɛ e kànɛ tɛ e mo eke.