Mòtò a rza tànɛyi lì hvààlɛ̀ ètùlù rzi à è ika ò rze yà èwòki. À hwɛnì ndi lì è tɛ̀yìrzɛ̀ ò ŋmanyu yà è mbòkò ema hwètùlù hwe tɛ̀mɛ̀. Aŋga nanù e uŋmɛ̀lɛ̀ ŋmàye ò hwatò hwa arzɛ ema hwa hwèlì ò ndawò.
Ndi tɔ̀ nanù, na oka wɔ̀ŋgɔ̀ nanù ema, na oma Mòkarzɛ̀ à mà lukɛlɛ Èhva, nanù mɛnɛ hvɛ ndi hwa e o lukɛlɛ aŋga nanù e rza ika mèèmà me anyu me arzɛ oma Yerzù Krirztò, ndèŋgànɛlɛ e rza o mo gbèeyà na mèèmà me anyu me arzɛ.
Inyɔ hvɛ hwàkòmì e hweyàne irzaŋgo ja anyu ja èwòlò. Ndeŋgànɛ̀lɛ̀ e hwa ŋgbe èluhwe, ndeŋga e hwa hweyàne na ŋmèma mɔ̀kɔ molemilemi na oma e hweyàna Krirztò.
Inyɔ hwàkòmì, è hweyàne è wɔ̀ ema hwa è hwɛni ò ihvonda jà arzɛ. È rzi hwa gbèeyà ndi lìrzakò mɛnɛ ema hwa ɛnɛ̀ ò lì arza nanù ema hwa yè èke. Ndi è hwa gbèeyà èwòlò nà ŋmèma mɔ̀kɔ ehwànja è Rzàŋgo ndi inyɔ è ŋgba èluhwe.