Matiyò 5:46 - Mokpwe: Bakwery (New Testament)

⁴⁶ O lìŋgàni tɛ ndi hwaŋga hwatò mɛnɛ ema hwa ò lìŋgàni, eŋge eyà è rza ò jànèyà tɔ̀ mɔ̀rzɛ̀ŋgì. Tɔ hwàrzàŋgèlì hwa è njàŋge yà lìkànèyà wɔ̀ hvɛ hwa gbèya ndi nanù mɛnɛ

Matiyò 5:46 ပူးပေါင်းရင်းမြစ်များ

Matiyò 11:19

È Ŋmanà wà è Mòtò wà Hwènàmà à mà jèe, mɔ̀ à mà làa mòlelì, a nyɔ hvɛ mììmba, e òhwa nanù ema, ‘È mò ɔ̀ŋgɔ aŋga a lìŋgàni mòlelì rzayi-rzayi. A hwèlì hvɛ ndì mòtò wa mbòma, a hwèlì hvɛ ndì e mbunda ya hwarzàŋgelì hwa e njàŋge ya lìkànèyà na hwatò hwa wòhwe.’ Ndi ò lìrzukù hweyà ema hwe ò gbèyɛ̀nɛ hwe ò uŋmɛ̀lɛ̀ nanù ema lìhwiyè la ama Lohwɛ̀ lì hvòmɛ̀nɛ̀yi.”

Matiyò 18:17

A rzi imanɛlɛ tɛ mamɛ ema imbòŋgi jò òhwi, ò mò ɛ̀ndɛnɛ ò mìitelì, a rza emelì hvɛ tɛ lì hweyàna e hwaa mìitelì ò mò wòwe nàa mɔ̀kɔ ema a rza lòkɛ̀yì tɔ̀ e mòrzaŋgelì wa e njàŋge ya lìkànèyà.

Matiyò 5:47

O kɔmɔ̀ tɛ hwatò hwà aŋgɔ̀ mɛnɛ, òma ò wà hvɛ ò mà gbèya ndi nà òma hwahvɛhvɛ hwatò hwa gbèya. Tɔ̀ hwaŋga hwatò ema hwa rza enje wònyà Yudà hwa gbeyà nanù mɛnɛ.

Matiyò 6:1

“È aŋgòwe! È rzìi gbeyà èwòlò yà anyu yà Lohwɛ̀ èhwanja è arza nanù ema hwatò hwa è ɛnɛ. È gbèyi tɛ nanù, è rza lùwa tɔ̀ mòrzawèlì na Tatɛ̀ wà anyu ema à hwèlì ò lìkànèyà là ŋmanyu.”

Makòrzì 2:15

O mburzà hvònda nà òmà Yerzù à mà hwɛ lì làa ò ndawò yà àma Lɛ̀hvì. Rzayì-rzayì ja hwàrzàŋgèlì hwa njàŋge yà lìkànèyà, nà hwahvɛhvɛ hwatò hwa wòhwe hwa mà hwɛ lì nɔ̀ŋgɔ̀ Yerzù. Hwà mà hwɛ lì làa na mɔ̀ nà hwà-òkòwèlì hwa eni ò tehwèlì.

Makòrzì 2:16

Lòŋgò la hwà-òkòlèlì hwa mbenda ema hwà mà hwɛ Hvalìrzàyì hwa mà ɛnɛ Yerzù à làa nà hwaŋga hwatò hwa wòhwe nà hwàrzàŋgèlì hwa è njàŋge yà lìkànèyà, hwa mà ijòwa hwà-òkòwèlì hwa eni nanù ema, “Mamɛ ndèŋgàtɛ̀ Yerzù à làa nà iŋgi nyàyi ja hwatò e?”

Lukàrzɛ̀ 15:1

Wùnya wɔ̀kɔ, hwàrzàŋgèlì hwa è njàŋge yà lìkànèyà, nà hwahvɛhvɛ hwatò hwa wòhwe hwa mà ja ò ma Yerzù ò lì mò òkànèyà.

Lukàrzɛ̀ 18:13

“Ndi è mòrzàŋgèlì wà è njàŋge yà lìkànèyà à mà tɛ̀mɛ̀ hvòhvò. À rzi tanɛ̀ hvɛ tɔ̀ lì kàrzɛ mìirzɔ̀ ma eni ò lì ɔŋgɔ̀ lìwòhwɛ̀ la ŋmanyu. À mà ika màà mà eni ò màhwembe ma eni rzìi a kànɛ̀ nanù ema, ‘Ìi Lohwɛ̀ ò nò òkeya ììlì. Nà hwèlì ndi mòtò wà wòhwe.’”

Lukàrzɛ̀ 19:2

O tenì yà èŋge mbòwà, ò mà hwɛ èhwàŋgì ya mòtò mɔ̀kɔ ema à ma hwɛ ndi è mòrzàŋgèlì wà è njàŋge yà lìkànèyà. Lìinà la eni lì mà hwɛ ndi Rzàkiyɔ̀rzì.

Lukàrzɛ̀ 19:7

Hwatò hwa àrzɛ hwa mà ɛ̀nɛ nanù, rzìi hwa wòteya lì arzàrzòhwɛ̀ nanù ema, “Yerzù à ɛ̀ndi ndi lì kpèeyà ò ndawò yà àma è mòtò wà wòhwɛ.”

Lukàrzɛ̀ 3:12

Hwarzàŋgèlì hwa njàŋge yà lìkànèyà wɔ̀ hvɛ hwa mà jà ema a hwa lùhwìrzɛ̀. Rzìi hwa mò ijòwa nanù ema, “Ìi Mòòkòlèlì mamɛ ì tànɛyì lì gbeyà e?”

Lukàrzɛ̀ 5:29

Lɛ̀hvì rzìi a rzèkeyà Yerzù ndèma ndɛnɛ̀ ò ndawò yà èni. Rzayì-rzayì ja hwàkɔ̀tèlì hwa è njàŋge yà lìkànèyà nà hwahvɛhvɛ hwatò hwa mà ùkeya aŋga.

Lukàrzɛ̀ 5:30

Ìhvalìrzàyì nà hwà-òkòlèlì hwà awu hwa mbenda, hwa a tɔ̀kirzɛnɛ, rzi hwa wòteya lì ijòwa hwà-òkòwèlì hwà mà Yerzù nanù ema, “Mamɛ ndeŋgàtɛ inyɔ è làa, nà lì nyɔ nà hwàkɔ̀tèlì hwa è njàŋge yà lìkànèyà nà hwahvɛhvɛ hwatò hwa wòhwe e?”

Lukàrzɛ̀ 7:29

(È ŋgìndì ya àrzɛ, nà hwàrzàŋgèlì hwa njàŋge yà lìkànèyà ema hwa mà hwèya nanù, hwa mà emeyà ema Lohwɛ̀ à hvòmɛ̀nɛ̀yi. Wɔ̀ hvɛ ndi hwà mà hwɛ hwaŋga ema hwà mà emeyà lì lùhwìrzɛ̀ lì ama Yòwanìrzɛ̀.

Lukàrzɛ̀ 7:34

È Ŋmanà wà e Mòtò wà Hwènàmà, à jelì, à làa mòlelì, à nyɔ mììmba, inyɔ ema, ‘È mò ɔ̀ŋgɔ aŋga, à òndì njɔ̀ŋgu. À òndi mbòma, à hwèlì hvɛ ndi è mbunda yà hwàrzàŋgèlì hwa njàŋge ya lìkànèyà, nà hwatò hwa wòhwe.’