Matiyò 5:45 - Mokpwe: Bakwery (New Testament)

⁴⁵ È gbèyi tɛ nanù, è ò hwɛ ndi hwàànà hwa ama Tatɛ̀ wà anyu ema à hwèlì ò ŋmanyu yà lohwà. Mɔ̀ à gbèya igbèyi ì hvanyeya nà è mbuwà ò lì yɔ̀yèyà hwatò hwa wòhwe nà hwatò hwa gbamù, nyàyi hvɔ̀kɔ.

Matiyò 5:45 ပူးပေါင်းရင်းမြစ်များ

Matiyò 5:9

Mònàmɛ̀ na hwatò ema hwa jàneyà hwahvɛhvɛ hwatò ɛ̀yɔ̀lɛ̀, èhwanja Lohwɛ̀ à ò hwa hwɛlɛ hwàànà hwa eni.

Lukàrzɛ̀ 6:35

Ndi e lìŋgàne hwàkɔ̀yèlì hwa anyu. È hwa gbèeyà gbamù. È hwàlɛ̀ hwatò è rzì hwɛ lì ikà lìhvìtà ema è hwa àrzànà lìyɛmɛ ò lì è tìmbirzɛlɛlɛ. Aŋgà ndi Lohwɛ̀ a e ŋgba jàhwèyà ema ì karzami, ndèŋgànɛ̀lɛ̀ e ò hwɛ̀lɛ̀hwɛ̀ ndi hwàànà hwa eni, hwàànà hwa ama Lohwɛ̀ lì Kàrzami, e hwɛnì hvɛ lì hwiya nanù ema Lohwɛ̀ à òhvi ììlì jà èni ò hwaŋga hwatò ema hwa rza eka Lohwɛ̀ nà hwaŋga hwa ekɔnì.

Yòwanìrzɛ̀ 13:35

È alìŋgànɛ tɛ mɔ̀kɔ na ɔ̀nɛyi, hwatò hwa arzɛ hwa ò hwiya ema inyɔ e hwèlì ndi hwà-òkòwèlì hwa ami.”

Hwègbèèlì 14:17

Ndi tɔ nanù, mɔ̀ à mà uŋmɛ̀lɛ̀ hwèmɛ̀nɛ̀nì nanù ema à hwèlì, ò hweyà hwe gbamù ema mɔ̀ à gbeyà. À è yɔ̀lìrzɛ̀lɛ̀lɛ̀ è mbuwà ema è uwɛ̀lɛ̀lɛ̀yi ò ŋmanyu yà lohwà, ndèŋgànɛ̀lɛ̀ à mà è ŋgba hvɛ è mbòtà ò hvònda yà jɔ̀kɛ̀. À è ŋgba mòlelì rzìi à è òndìrzɛ̀ mèèmà mè anyu nà mɔ̀nyɛ̀ŋgì.”

Ɛ̀hvìrzìyà 5:1

Ɛ̀ɛmɛ̀ ya anyu e hwɛni ndi lì hwɛ nàa e ya ama Lohwɛ̀ èhwanja e hwèlì ndi hwàanà hwa eni ema mɔ̀ à lìŋgàni rzayi-rzayi.

Hvìlipìyà 2:15

O lì arza nanù ema inyɔ e rza hwɛ̀lɛ̀hwɛ̀ ndèŋgànɛ̀lɛ̀ e rzaŋgi. Ène ŋgànà e hwèlì ndi nanù ema inyɔ e o hwɛ hwàanà hwa ama Lohwɛ̀ ema hwa rza ohvɛ tɔ̀ njɔ̀mi, ema hwa hwèlì o ìtììtènì ja hwatò ema hwa gbeyà wòhwe hvonda tɛ. Inyɛ̀ e hwɛ o ìtììtènì ja awu o e rze ya mɔ̀nyɛ̀ nàa rzombe ndi i hvànya ihvonda ja arzɛ.

1 Yòwanìrzɛ̀ 3:9

Tɔ̀ mɔ̀kɔ hwa hwaŋga ema à hwèlì è ŋmanà wà ama Lohwɛ̀ à rza tànɛ lì lìmeyà ò lì gbeyà wòhwe. Èhwànja hwèhwɛ̀ɛ̀lì hwe ama Lohwɛ̀ hwe hwèlì ò tenì yà awu. Hwa rza tanɛ lì lìmeyà ò lì gbeyà wòhwe hvɛ ehwànja Lohwɛ̀ à hwèlì ndi Tatɛ̀ wà awu.