Matiyò 5:30 - Mokpwe: Bakwery (New Testament)

³⁰ È hwèlì hvɛ tɛ nanù ema lìya là aŋgɔ̀ là mòmɛ̀ lì gbèya ema ò gbèye wòhwe, ò lì kɛ ò lì hvimbe ɔ̀nɛyi. È hwèlì gbamù ema ò wɔ̀lɛ̀nɛ̀ èhvarzù yɔ̀kɔ yà aŋgɔ̀ yà nyò, lì aka ema è nyò yà aŋgɔ̀ yà arzɛ è aŋgbawe ò mùnya.”

Matiyò 5:30 ပူးပေါင်းရင်းမြစ်များ

Matiyò 11:6

Mònàmɛ̀ na òŋgò mòtò ema a rza àyèŋgòwɛ̀ ŋmèma mò eni lì nò hvòmɛ̀nɛ̀.”

Matiyò 13:21

Ndi Èya ya Lohwà e rza hwa rzɔ̀ŋgɔ ò mèèmà me awu, ndèŋgànà e rza kùwà mbɔ ò mèèmà me awu. O èŋgànɛ̀lɛ̀ rzɔ mòtàkà tɔ̀ mòhvùŋgu mò hwa jɛlɛlɛ tɛ lì hvòmɛ̀nɛ̀ mòŋgò ŋmɛ̀ndì mò ama Lohwɛ̀, wɔ̀ hwa rzɔnjɛ̀lɛ̀ ŋgelì hvɔ̀kɔ.

Matiyò 16:23

Yerzù à mà ayèŋgòwɛ̀ rzìi a òhwàna Pètrò nànù ema, “O nò anjiya ò wòrzò wa ami Mòkarzɛ̀! Mamɛ ndeŋgatɛ ònò keka ò lì gbeyà hweyà ema Lohwɛ̀ a lùteyà e? O òhwa ndi nanù na màlùtèyà ma mòtò wa hwènàmà rzeketɛ màlùtèyà ma ama Lohwɛ̀.”

Matiyò 17:27

Ndi ò lì arza nanù ema i rza hwa tàtìrzɛ̀, ɛ̀ndɛ ò yulu ò aŋgbe lìyɔ̀hwi la aŋgɔ̀. È nyàmà ya wòrzò ema o ò lɛ̀mbɛ, ò e lìhvòhwè e wàna ò ùŋmanɛlɛ kahvà ema i lòŋgamɛnɛ ò lì jò rzaweya e njàŋge ya arzu ya e ndawò yà Lohwà. O ji wòwe ò ɛndɛ ò jò rzaweya e njàŋge ya arzu ya e Ndawò ya Lohwà.

Matiyò 18:8

È hwèlì tɛ ema lìya là aŋgɔ̀ tɔ̀ lìtaŋgà lì aŋgɔ̀ lì ò undìrzɛ̀ tɛ ò wòhwe ò lì kɛ ò lì hvimbe ɔ̀nɛyi. Ò lɔ̀wu nanù ema ò òhve lòŋgɛ nà lì hwɛ èhvàrzù yà nyò, lì aka ò lì hwɛnɛ màà màhwàkɛ̀ nà mèèndè mèhwàkɛ̀ rzìi hwa ò hvimba ò tenì yà mùnya ema mò rza lìma.

Matiyò 22:13

O èŋgànɛ̀lɛ̀ e kiŋgɛ rzìi e òhweyà hwàgbèèlì ema hwà mà hwɛ lì gbèeyà hwàyɛ̀nì hwa eŋge ndèma nanù ema, ‘È mò kake màa na matàŋgà, e mò hvimbe ò èwòka, ò tenì ya jììtìtì. Aŋga ndi à eeya na lì kɔ̀kɔ̀ mehvehve.’”

Matiyò 25:20

È mɔ̀ ema à mà ŋgbààhwà hwekòlì hweta hwe wòlì à mà jànà hwehvɛhvɛ hwekòlì hweta hwe wòlì rzìi a òhweyà rzaŋgɛ wa eni wa èwòlò nanù ema, ‘O ma nò ŋgba hwekòlì hweta hwe wòlì. Nà ma hwe ika ò nyòŋga rzìi na yalɛ hwehvɛhvɛ hwekòlì hweta hwe wòlì.’

Matiyò 26:31

Nà òma hwà mà uke ò ŋmanyu ya mòòlì, Yerzù rzìi a òhweyà hwà-òkòwèlì hwa eni nanù ema, “O wònò wuu mɛnɛ, inyɔ hwa arzɛ e ò hwaŋga ò lì nò lìya. È ò hwaŋga èhwanja ò mamɛ ema e ò nò gbèyɛ̀nɛ. È tìlahwì ò kààtì ya Lohwà nanù ema, ‘Nà ò òŋwa e mɔɔŋgelì wa mɛ̀lɛ̀ŋgù ndèŋgànà mɛ̀ɛlɛ̀ŋgù me arzɛ me ò wuhweyà.

Matiyò 5:22

Ndi nà è òhwèyà ema tɔ̀ ima mòtò ema à tatani òhvɛhvɛ mòtò, mɔ̀hvɛ à ò ikahwa ò hwèkàyìrzelèlì. Tɔ̀ ima mòtò hvɛ ema à hwɛnyi ŋmànyàŋgò wà eni nanù ema, ‘Èleŋgè’ à hwɛnì lì alàhwɛ̀ è ndawò yà hwèkàyìrzelèlì yà hwa ndɛnɛ. Ndi tɔ̀ njɛnɛ hvɛ ema à hwɛlɛ ŋmànyàŋgò wà eni nanù ema, ‘Ò wà èèti yà mòtò,’ à ò aŋgbahwa ò mùnya ema mò rza lìma.

Matiyò 5:29

È hwèlì tɛ ema lìirzɔ̀ là aŋgɔ̀ lì ò gbèya ema ò gbèyè wòhwe, ò lì tɔ̀ŋge, ò lì hvimbe ɔ̀nɛyi. O lɔ̀wu ema ò lì wɔ̀lɛ̀nɛ̀, lì aka ema è nyò yà aŋgɔ̀ yà arzɛ è hvimbahwe ò mùnya.

Makòrzì 9:43

O èŋgànɛ̀lɛ̀ lìya là aŋgɔ̀ lì ò gbèyi tɛ nanù ema ò gbeyè wòhwe ò lì kɛ ò lì hvimbe. È hwèlì gbamù nà òhwa lì lùwa lòŋgɛ là gbìndèyà nà èhvàrzù yà aŋgɔ̀ yà nyò lì aka lì òhva màà màhwàkɛ rzìi ò undirzɛhwɛ ò ehvɔ̀ndi yà mùnya ema e rza lìma.

Lukàrzɛ̀ 12:5

Ndi inyɛ na è òhweyà njɛnɛ e hwɛnì lì òkà wɔ̀ŋgɔ̀. È mòtò ema ya àŋgàmɛ̀nɛ̀yi lì òka wɔ̀ŋgɔ̀, a hwèlì ndì e mɔ̀ ema a e kɛɛ̀ni tɛ muulù, a hwɛnì hvɛ ŋginyà ò lì è àŋgba ò èhvɔ̀ndi ya mùnya ema mò rza lìma. Ò jɔ̀kɛ̀ nà è òhweyà ndi nanù ema mɔ̀ ndì ya àŋgàmɛ̀nɛ̀yi lì òkà wɔ̀ŋgɔ̀.

Lukàrzɛ̀ 17:2

O mà lɔ̀wu ndi ema, ene nyayi yà mòtò, è kakahwè ndi lìŋyàyi lì ndɛnɛ ò lìwɔ, rzìi hwa mò indirzɛ ò ŋmanjà. Lì akà ema à èmìrzɛ̀ hwanù hwanà hwàrzàlì ò lì gbeyà wòhwe.

Ròmànì 9:33

È tìlahwì ò e kààtì ya Lohwà lì hvòmɛ̀nɛ̀ eŋge nanù ema, “Inyɔ e ɔ̀ŋgɔ tɛ, na ikayi lìŋyàyi ò Rzàyɔ̀nì ema lì ma gbeyà hwatò ò lì ayirzɛ màtaŋgà mà awu, ewòmɛ ya lìŋyàyi ema e gbeyà ò lì nòŋgòwa. Ndi tɔ̀ njɛnɛ ema a mò lòkɛ̀yì, a rza ò timba màa màtò.”

1 Kɔ̀rintìyà 8:13

O èŋgànɛ̀lɛ̀, e hwèlì tɛ nanù ema mòlelì imba nà làa mɔ̀ ndi mò gbeyà ema ŋmànyàŋgò wà ami wà Krirztò a unde o wòhwe, imba nà rza làa mòŋgo mòlelì hvɛ. Aŋga nanù nà rza gbeyà ema ŋmànyàŋgo wà ami à rzi unda hvɛ ò wòhwe.

Gàletìyà 5:11

Wònyamòwè kòkò, na ɛndi tɛ o worzo ò lì ohwa nanù ema mòtò a kànɛ̀yi lì endàhwà ndèŋgàna Lohwɛ̀ a o mo emeyà nàa mòtò ema a rzaŋgi na oma wònyà Yudà hwa lòkɛ̀yi, mamɛ ndèŋgàtɛ̀ inyɔ e no kàyìrzɛ e? Imba nà mà hwɛ tɛ lì ohwa nanù ema hwa àŋgàmɛ̀nɛ̀yi lì enda mòtò, e rzi hwɛ imba lì ohwa lì hvomɛ̀nɛ̀ e kpelì ya ama Yerzù o mbarza o ma eŋge e rza tàtìrzɛ̀ wònyà Yudà.

1 Pètrò 2:8

Ndeŋgànɛ̀lɛ̀ e tìlahwì hvɛ o ehvɛhvɛ kààti ya Lohwà nanù ema, “Mɔ̀ ndi à hwèlì lìŋyàyi ema lì o nòŋgolɛ hwatò, nàa ewòmɛ ya lìŋyàyi ema e hwa kpìrzɛ. Hwàto hwa nòŋgowa ehwànja hwa rza hweyàna Lohwɛ̀. Nànù ndi Lohwɛ̀ à mà kàkɛ̀nɛ nanù ema e hwa gbèyɛ̀nɛ.”