Matiyò 5:28 - Mokpwe: Bakwery (New Testament)

²⁸ Ndi nà è òhwèyà ema, tɔ̀ ima mòtò ema à ɔ̀ŋgɔ mòlanà nà màlùtèyà ema mɔ̀ à mò naŋgane, mɔ̀ à mà màa lì mò gbèyana mòrzònje ò ŋmèma mò eni.

Matiyò 5:28 ပူးပေါင်းရင်းမြစ်များ

Matiyò 15:19

O ŋmèma mò eni ɔ̀ndi màlùtèyà ma wòhwe ema mà mò lìyɛ̀lɛ̀ ò lì òŋwa, lì gbeyà mòrzònje mò ndawò ya lìhwa, na lì gbeyà hvɛ la hwehvɛhvɛ hweyà hwe hwèŋgòmba. Manù màlùtèyà hvɛ ndi ma gbeyà a ihwa, ò lì tɛ̀mɛ̀ mbòŋgi ja mòlàŋgà na lì indà hwahvɛhvɛ hwatò.

Matiyò 5:22

Ndi nà è òhwèyà ema tɔ̀ ima mòtò ema à tatani òhvɛhvɛ mòtò, mɔ̀hvɛ à ò ikahwa ò hwèkàyìrzelèlì. Tɔ̀ ima mòtò hvɛ ema à hwɛnyi ŋmànyàŋgò wà eni nanù ema, ‘Èleŋgè’ à hwɛnì lì alàhwɛ̀ è ndawò yà hwèkàyìrzelèlì yà hwa ndɛnɛ. Ndi tɔ̀ njɛnɛ hvɛ ema à hwɛlɛ ŋmànyàŋgò wà eni nanù ema, ‘Ò wà èèti yà mòtò,’ à ò aŋgbahwa ò mùnya ema mò rza lìma.

Matiyò 5:39

Ndi imba na e òhwèyà nanù ema, mòtò à è gbèyi tɛ wòhwe, è rzi timbirzɛlɛ. È hwèlì tɛ ema mòtò à ò rzamì tɛ lùùmbɛ̀ ò lìyamà lì aŋgɔ̀ lɔ̀kɔ, ò mò uŋmɛ̀lɛ̀ hvɛ lìnɛyi lìyamà.

Ròmànì 7:14

I hwi nanù ema e mbenda ema jò òhwa nanù e hwèlì ndi eyà ya hwèlìŋgɛ̀ ndi imba nà hwèlì ndi e mòtò wa hwènàmà ema na àhwirzɛ̀hwɛ̀ nàa mòkòmì ò wòhwe.

2 Pètrò 2:14

Èwòlò ya awu ya arzɛ e hwèlì ndi o lì gbeyà mòrzònje na tɔ̀ ima mòlana ema hwa ɛni. È nyɔ̀ŋgi ya awu ya lì gbeyà wòhwe e rza tànɛ lì kuwa. Wɔ̀ hwa lukɛlɛ hwatò ema lìlòkɛ̀ la awu lì rza imbamɛ rzìi hwa hwà gbeyà hwa unda o wòhwe. È nyɔ̀ŋgi e hwèlì o mèèmà me awu. Hwa hwèlì ndi o rze ya mòjèmà mo ama Lohwɛ̀.

1 Yòwanìrzɛ̀ 2:16

Èhwànja hwèèmà hwe arzɛ ema hwe hwèlì o e rze ya mɔ̀nyɛ̀ hwe hwèlì ndi hweyàrzèlì hwe e nyàmà nyo, na e nyɔ̀ŋgi ya mamɛ ema mìirzɔ ma lìŋgàna lì ɛnɛ, na hweyà hwe arzɛ ema hwatò hwa ekìrzɛ̀nɛ̀ anu rze ya mɔ̀nyɛ̀, hwene hweyà hwe arzɛ, hwe rza uwɛ̀lɛ̀lɛ̀yi o ma Tatɛ̀, ndi hwe hwèlì ndi hweyà hwe e rze ya mɔ̀nyɛ̀.