Matiyò 5:22 - Mokpwe: Bakwery (New Testament)

²² Ndi nà è òhwèyà ema tɔ̀ ima mòtò ema à tatani òhvɛhvɛ mòtò, mɔ̀hvɛ à ò ikahwa ò hwèkàyìrzelèlì. Tɔ̀ ima mòtò hvɛ ema à hwɛnyi ŋmànyàŋgò wà eni nanù ema, ‘Èleŋgè’ à hwɛnì lì alàhwɛ̀ è ndawò yà hwèkàyìrzelèlì yà hwa ndɛnɛ. Ndi tɔ̀ njɛnɛ hvɛ ema à hwɛlɛ ŋmànyàŋgò wà eni nanù ema, ‘Ò wà èèti yà mòtò,’ à ò aŋgbahwa ò mùnya ema mò rza lìma.

Matiyò 5:22 ပူးပေါင်းရင်းမြစ်များ

Matiyò 10:17

È wòwe hvɛ hvònda na hwatò, ehwànja o ò hwɛ hwatò ema hwa e ò ɛ̀ndɛ̀nɛ̀ ò i ndawò ja hwèkàyìrzèlì, ndèŋgànà e gbiyɛhwɛ hvɛ hvònji ò ndawò ja awu ja màkanɛ̀.

Matiyò 10:28

È rzi òka tɔ̀ mòtò wa hwènàmà ema a tànɛyi lì òŋwa e nyàmà nyò wɔ̀ŋgɔ̀, ndi à rza tànɛyi lì òŋwa èlìŋgɛ̀. Ndi e òke Lohwɛ̀ wɔ̀ŋgɔ̀ ema a tànɛyi lì hvàŋga e nyò na èlìŋgɛ̀ ò tenì ya èhvɔ̀ndì ya mùnya.

Matiyò 12:24

Ndi e hvònda ema Ihvàlìrzàyì i ma hwèye nanù ema, hwa ma òhwa nanù ema, “Rzekɛ à gbeyànà ndi è wònjà yà èlìŋgɛ̀ ya ama Bɛ̀lrzɛ̀bùlì ema a hwèlì e mòkànèlì hwa hwèlìŋgɛ̀ hwe wòhwe ò lì ulɛ hwèlìŋgɛ̀ hwe wòhwe ò inyò ja hwatò e?”

Matiyò 17:5

Nà òma à mà hwɛ lì òhwa, lìmbàkì ema lì ma ɛneya rzìlìhwà lì ma hwa hwànda, lìlò lì ma wurza ò lìŋgi lìmbàkì lì ma òhwa ema, “È Ŋmanà wà ami wà ndìŋgɛ ya màlìŋgò ònò, ema a nò òkirzɛ̀ mɔ̀nyɛ̀ŋgì, e mò hweyàne!”

Matiyò 18:21

Pètrò rzìi a jèeyà Yerzù a mò ijòwa nanù ema, “Ìi Rzàŋgò, ŋgelì iti na tànɛyi lì làkìrzɛ̀ ŋmanyàŋgò wa ami e hwèlì tɛ ema a nò gbeyànì wòhwe e? È hwèlì ndi lìrzamba la ŋgelì e?”

Matiyò 18:35

Yerzù rzìi a umba eŋge mbɔrzi ò lì òhwa nanù ema, “Nànù ndi Tatɛ̀ wa ami wa e ŋmanyu yà lohwà à ò gbèyɛ. O rza làkìrzɛ̀ tɛ ŋmànyàŋgo wà aŋgɔ̀ nà ŋmèma mò aŋgɔ̀ ma arzɛ eŋge ŋgàna e hwèlì ndi nanù ema Lohwɛ̀ a ò kɔ̀kìrzɛ̀ ndi na òma eŋge kiŋgɛ e ma kɔ̀kìrzɛ̀ òŋgò mògbèèlì.”

Matiyò 23:15

Mòjèmà na inyɔ Hwà-òkòlèlì hwa mbenda na inyɔ Hvàlìrzàyì, e hwèlì ndi hwatò hwa mèhvìlì! È lìŋgòwa ò èkòmè yɔ̀kɔ tɛ na enɛyi aŋga nanù e lùwa mòtò mɔ̀kɔ ema a tànɛyi lì e lata. Ndi mɔ̀ à e lati tɛ, inyɔ e mò hvaŋga nyayi ema mɔ̀ à hwɛni lì luwa kɔ̀kìrzɛ̀ ya ŋgelì ihwàkɛ ya mùùnya ema mò rza lìma lì aka tɔ̀ inyɔ.

Matiyò 23:33

Inyɔ manù màahwa! Yòma lìtumba la hvèyi! Nɛ e ɔ̀ŋgɛ̀lɛ̀yi ema e tànɛyi lì hwaŋga e kɔ̀kìrzɛ̀ ya èhvɔ̀ndì ya mùnya ema mò rza mòkòna e?

Matiyò 25:41

“Ndi e Kiŋgɛ̀ e ò ayèŋgòwɛ̀lɛ̀lɛ̀ hwaŋga ema hwa ò hwɛ ò lìya la eni la ŋmalì rzìi a hwa òhweyà nanù ema, ‘È nò anjiya anu inyɔ ema e jemahwi na Lohwɛ̀! È ɛndɛ e kpèeyà ò ehvɔ̀ndi ya mùnya ema Lohwɛ̀ à mà rzekeya Mòkarzɛ̀ na i aŋgèlì ja eni.

Matiyò 26:59

Ipìlìrzì ndɛnɛ nà hwanɛyi hwèkàyìrzèlèlì hwa arzɛ hwà mà keka lì arza hwatò ema hwa hwà tɛmeya mbòŋgi ja mòlàŋgà lì hvòmɛ̀nɛ̀ Yerzù aŋga nanù a ò òŋwahwa.

Matiyò 3:17

Lìlò lì mà òhwa ò ŋmanyu yà lohwà nanù ema, “È Ŋmanà wà ami wà ndìŋgɛ yà màlìŋgò ònò, à nò òkirzɛ imba mɔ̀nyɛ̀ŋgì.”

Matiyò 5:34

Ndi imba nà è òhwèyà nanù ema, è rzi keka lì ààtɛ̀, è rzì keka hvɛ là ààtɛ̀ ò lìnà là likànèyà là ŋmanyu, èhwanja aŋga ndi Lohwɛ̀ à òhvi likànèyà là eni.

Matiyò 5:44

Ndi imba nà è òhwèyà nanù ema, è lìŋgàne hwatò ema hwa è kɔ̀wu. È kanɛ̀lɛ̀lɛ̀ hvɛ hwaŋga hwatò ema hwa è tàkìrzɛ̀.

Makòrzì 14:55

Ipìlìrzì ndɛnɛ na Hwakànèlì hwa lìkànèyà la mbòwà hwà mà hwɛ lì arza hwatò ema hwà mà tànɛyi lì tɛ̀mɛ̀ imbòŋgi ja mòlàŋgà lì hvòmɛ̀nɛ̀ Yerzù, aŋga nanù òma hwà mà mò òŋwa. Ndi hwa rzi luwe tɔ̀ mɔ̀kɔ.

Makòrzì 15:1

O ekpaarzɛ ya wùnyà, Ipìlìrzì ndɛ̀nɛ, hwàmbaki hwa Irzàyɛ̀lì, hwà-òkòlèlì hwa mbenda nà hwatò hwa ndawò yà hwèkàyìrzèlì hwe kàrzàmì hwa mà hwɛnɛ hwèlìyelì. Hwà mà kaka Yerzù, hwa mò ɛ̀ndɛnɛ, rzìi hwa mò akɛlɛlɛ Pìlatò.

Lukàrzɛ̀ 12:5

Ndi inyɛ na è òhweyà njɛnɛ e hwɛnì lì òkà wɔ̀ŋgɔ̀. È mòtò ema ya àŋgàmɛ̀nɛ̀yi lì òka wɔ̀ŋgɔ̀, a hwèlì ndì e mɔ̀ ema a e kɛɛ̀ni tɛ muulù, a hwɛnì hvɛ ŋginyà ò lì è àŋgba ò èhvɔ̀ndi ya mùnya ema mò rza lìma. Ò jɔ̀kɛ̀ nà è òhweyà ndi nanù ema mɔ̀ ndì ya àŋgàmɛ̀nɛ̀yi lì òkà wɔ̀ŋgɔ̀.

Lukàrzɛ̀ 22:66

Nà òmà wùùnya wò mà yahwe, hwàmbaki hwa hwatò hwa Irzàyɛ̀lì, Ipìlìrzì ndɛnɛ̀, nà hwà-òkòlèlì wa mbenda hwa mà hwɛnɛ hwèlìyelì, rzìi hwa jànà Yerzù ò hwèkàyìrzèlì hwe ndɛnɛ̀.

Yòwanìrzɛ̀ 11:47

Aŋga ndi Ipìlìrzì ndɛnɛ nà Ihvàlìrzàyì ja arzàŋganɛ ò ndòŋgamɛni, hwà mà òhwa nanù ema, “Mamɛ i gbeyà naŋgɛ e? I hwɛni lì gbeyà eyà èhwanja ònò mòtò a gbeyà hweyà rzayi-rzayi hwe mànyakà.

Yòwanìrzɛ̀ 15:25

Ène eyà e ma hwɛnɛ lì gbèyɛ̀nɛ mɛnɛ, ò lì òndìrzɛ̀ mamɛ ema e tìlahwì ò e mbenda ya awu nanù ema, ‘Hwà mà nò kɔwu ŋgundɛ-ŋgundɛ.’”

Yòwanìrzɛ̀ 7:20

Rzìi e ŋgìndì e timbirzɛlɛlɛ nanù ema, “Yerzù ò òhvi èlìŋgɛ̀ ya wòhwe! Hwa njɛnɛ hwa arza lì ò òŋwa e?”

Yòwanìrzɛ̀ 8:48

Hwatò hwa Yudà hwa mò alàhwɛ̀ nanù ema, “O èŋgànɛ̀lɛ̀ irzɔ i rza hvòmɛ̀nɛ̀ lì òhwa nanù ema ò wa ò hwèlì ndi mòtò wa Rzàmàrìyà, ndèŋgànɛ̀lɛ̀ ò òhvi èlìŋgɛ̀ ya wòhwe ò nyò ya aŋgɔ e?”

Hwègbèèlì 17:18

Hwàtò ema hwà mà hwɛ ò ehvehva ema e ma hwɛ̀lɛ̀hwɛ̀ Èpìkòlìyànì na Rzìtɔ̀yìkì, wɔ hvɛ hwà mà wòteyà ò lì taa e hvenda na mɔ̀. Lòŋgò la awu hwà mà ijòwa nanù ema, “Mamɛ hvɛ ene ema tɔ̀ ònò hvɛ ema a rza òkòwɛ a arza ò lì òhwa e?” Hwahvɛhvɛ hwatò hwà mà òhwa nanù ema, “È gbèyi ndi nàa ò a ɛnɛ ema mɔ̀ à òhwa ndi ò lì hvòmɛ̀nɛ̀ mahvɛhvɛ mòhwà ma hwàyɛ̀nì.” Wɔ̀ hwà mà òhwa ndi nanù èhwanja Pàwolò à mà hwɛ lì òhwa lì hvòmɛ̀nɛ̀ ŋmɛ̀ndì mò gbamù mò ama Yerzù na hwèhvùmùwèlì.

Hwègbèèlì 22:30

È mòkànèlì wà hwàànèlì wà njuma à mà arza ò lì hwiya kɔ̀yi-kɔ̀yi mamɛ wònyà Yudà hwa òhwa nanù ema Pàwolò à gbèyi. Ò eŋgànɛ̀lɛ̀ ò wònɛyi wùnyà à mà òhwa ama hwa rzòlòhwè Pàwolò iŋgi ŋgɔ̀kɔ̀hwì. Rzìi à yòwɛ̀ ipìlìrzì ndɛ̀nɛ nà wòlìya wò arzɛ wò mbòwà wò wònyà Yudà nanù ema wɔ̀ nà mɔ̀ hwa hwɛnɛ wòlìyà. Rzìi à wòwa Pàwolò à hwa tɛ̀mìrzɛ̀lɛ̀lɛ̀ è mɔ̀ ò màrzò mà awu.

Hwègbèèlì 23:1

Pàwolò à mà ɔ̀ŋgɔ hwatò hwa hwèlìyelì hwe lìkànèyà la mbòwa kòò rzìi a òhwa nanù ema, “Ìi wònyànyàŋgò hwa ami kòkò hwa wònyà Yudà! Nàtɛ̀ɛ na ò wònò wùnyà wò yawònò èlìŋgɛ̀ ya ami e hwèlì gbamù, ò lì hvòmɛ̀nɛ̀ lòŋgɛ la ami ò wòrzò wa ama Lohwɛ̀.”

Hwègbèèlì 24:20

Tɔ̀ hwanù hwatò ema hwa nò jàni anù, inyɛ wɔ̀ hwiti hwa òhwe eyà ya wòhwe ema nà mà gbeye e hvònda ema hwà mà nò kàyìrzɛ ò wòrzò wò wòlìya wò e mbòwa wò hwatò hwa wònyà Yudà.

Hwègbèèlì 4:15

O èŋgànɛ̀lɛ̀ hwà mà òhweyà Pètrò nà Yòwanìrzɛ̀ ò lì anjiya ò ilùkù ja hwàkàyirzèlì, rzìi hwaŋga hwàkàyirzèlì hwa wòteyà lì chakùmɛ̀lɛ̀ eŋge mbɔrzi wɔ̀ na wɔ̀.

Hwègbèèlì 5:21

Iŋgi àpɔ̀rzìtòlò i ma hweyàna rzìi ò eka ya elele hwà mà ɛ̀ndɛ rzìi hwa kpèeyà ò Ndawò yà Lohwà rzìi hwa wòteya lì òkòlɛ̀ hwatò. Nà òma e Pìlìrzì e karzami na hweyòrza hwe eni hwà mà kpèeyà hwà mà hwɛlɛ hwàmbaki hwa arzɛ hwa wònyà Yudà ò wòlìya wò hwatò hwa arzɛ hwa lìkànèyà la mbòwa. Rzìi hwa òma lìlò ò ndawò ya hwèwòwà nanù ema hwa hwà jàneyà I àpɔ̀rzìtòlò.

Hwègbèèlì 5:27

Hwà mà kpeyane iŋgi àpɔ̀rzìtòlò ò tenì ya wòlìya rzìi hwa hwà tɛmirzɛ ò wòrzò wò wòlìya. Aŋga ndi e Pìlìrzì ema è kàrzamì ya hwa kàyìrzɛ̀ na lì hwa òhweyà nanù ema,

Hwègbèèlì 6:12

O ene ŋgàna rzɔ hwaŋga hwatò ema hwà mà teŋgɛ̀nɛ̀ Rzìtehvànɛ, rzìi hwa hvuŋguwa mèèmà me hwatò, hwàmbaki hwa mbòwa na hwà-òkòlèlì hwa mbenda. Hwà mà hvùma Rzìtehvànɛ rzìi hwa mò ɛ̀ndɛnɛ ò wòrzò wò wòlìya wò hwèkàyìrzèlì.

Hwègbèèlì 6:15

Hwatò hwa arzɛ ema hwà mà hwɛ ò wòŋgò wòlìya hwà mà rzòkɛ Rzìtehvànɛ mìirzɔ̀ rzìi hwa ɛnɛ nanù ema wòrzò wò eni wò ma hvànya ndi nàa wòrzò wò aŋgèlì.

Hwègbèèlì 7:37

Onò Mòrzè ndi à mà hwɛ è mɔ̀ ema à mà òhweyà wònyà Irzàyɛ̀lì nanù ema, ‘Lohwɛ̀ à è òmèya mòòhwèlì wà èlìŋgɛ̀, ema à ò uwɛ̀lɛ̀lɛ̀yi ndi ò ìtììtènì jà anyu, nyayi hvɔ̀kɔ nà òma à nò òmi.’

Ròmànì 12:10

Inyɛ̀ tɔ̀ ima mòtò a lìŋgàne ŋmanyàŋgò wa eni na ŋmèma mò eni mò arzɛ. Inyɛ̀ tɔ̀ ima mòtò a ŋgbe ŋmanyàŋgò wa eni èluhwe lì aka mamɛ ema a aŋgbɛ mɔ̀ ŋmìti.

1 Kɔ̀rintìyà 6:10

Hwàyihwɛ, è wɔ̀ ema hwa hwèlì wɔ̀ɔ, è wɔ̀ hwa mboma, è wɔ̀ hwa mèhvìlì, tɔ̀ hwaŋga ema hwa hvùmana hwatò hwema hwe awu. Tɔ̀ mɔ̀kɔ wà hwanù hwatò à rza hwɛnɛ èkì ò lìkànèyà là ama Lohwɛ̀.

1 Kɔ̀rintìyà 6:6

Ndi mòtò wa Krirztò a ɛ̀ndɛ̀nɛ̀ ŋmànyàŋgò wà èni wà ŋmèmba o kotì yà hwàkàyìrzèlì ema hwa rza hwiyɛ Lohwɛ̀ o lì hwa kàyìrzɛ̀.

1 Tɛ̀rzàlonìyà 4:6

O ene eyà rzɔ, tɔ̀ mòtò a rza àŋgàmɛ̀nɛ̀ o lì tònana ŋmanyàŋgò wa eni tɔ̀ o lì mo wowàna yòoma ya eni. I ma loma lì e ohweyà hwene hweyà, ndèŋgànɛ̀lɛ̀ i ma e kòkòwɛ̀lɛ̀ towotowo nanù ema Lohwɛ̀ a kɔ̀kìrzɛ̀ hwatò ema hwa gbeyà nanù.

Tàyìtùrzì 3:2

O hwa ohweyà nanù ema hwa rzi keka lì ohwàna tɔ̀ mòtò eyà ya wòhwe, ndi inyɛ hwa hwɛ o ɛ̀yɔ̀lɛ̀ na hwatò nà ò lìŋgànà hwahvɛhvɛ hwatò, nà o lì arzìhwìrzɛ̀lɛ̀lɛ̀ o hwatò hwa arzɛ.

Hibrù 12:25

È hwɛnì lì aŋgòwa, nanù ema e rzi ndinda mamɛ ema Lohwɛ̀ a e ohweyà. Hwatò ema hwa rzi hweyàne e mòtò ema Lohwɛ̀ à mà ike o rze o lì kòkòwɛ̀lɛ̀ hwatò hwà mà kɔ̀kìrzɛ̀hwɛ̀. Nà oma hwà mà kɔ̀kìrzɛ̀hwɛ̀, nanù ndi irzɔ hvɛ jo ò kɔ̀kìrzɛ̀hwɛ̀ i rza hweyàni tɛ màyòwà ema mà uwɛ̀lɛ̀lɛ̀yi o ŋmanyu ya Lohwà.

Hibrù 5:9

Lohwɛ̀ à mà mo gbeyà o lì hwɛ e Pìlìrzì e Kàrzàmi ema e hvomɛ̀nɛ̀, aŋga nanù, hwatò ema hwa mo hweyàna, hwa o luwa lìrzùŋgàhwa ema lì o hwɛ natɛ̀ɛ na o gbìndèyà.

Jèmìrzì 2:20

O wa èèti ya mòtò o arza embànelì o lì o uŋmɛ̀lɛ̀ nanù ema e hwèlì tɛ nanù ema mòtò a ohvi lìlòkɛ̀ rzìi a rzi gbeeye nà oma lìŋgi lìlòkɛ̀ lì ohwa, nanù oma rzeke lìŋgi lìlòkɛ̀ lì hwèlì ndi ŋgundu e?

Jèmìrzì 3:6

Ndèŋgànɛ̀lɛ̀ jɛ̀ɛ̀mɛ̀ jɔ̀ hvɛ i gbèyi ndi nàa mùnya. I hwèlì ndi enama o e nyo ya mòtò wa hwènàmà, ndeŋgànɛlɛ i gbeyà wòhwe wo kànèyà e nyo ya arzɛ ya e mòtò wa hwènàmà. Jɛ̀ɛ̀mɛ̀ i gbeyà lòŋgɛ la e mòtò wa hwènàmà lì gbeyà ndi o a ɛnɛ oma lì oŋwa ndi mùnya. Moŋgo mùnya mo uwɛ̀lɛ̀lɛ̀yi ndi o yulu ya mùnya ema mo rza lìma.

1 Pètrò 2:23

È hvonda ema hwà mà mo hwɛnyɛ, mɔ̀ à rzi timbirzɛlɛlɛ na yolì. È hvonda ema à mà take a rzi kimeya tɔ̀ mòtò, ndi à mà ika ndi lìhvìtà la eni na Lohwɛ̀ e mòkàyìrzèlèlì wa jɔ̀kɛ̀.

1 Pètrò 3:9

È rzi timbirzɛlɛlɛ wòhwe o wòhwe. Mòtò a e ohwìrzɛ̀nɛ̀ tɛ eyà ya wòhwe inyɔ hvɛ e rzi mo òhwìrzɛ̀nɛ̀ eyà ya wòhwe, inyɔ e hwɛ ndi o lì kànɛ nanù ema Lohwɛ̀ a mo nàmìrzɛ̀, ehwànja mònàmɛ̀ ndi Lohwɛ̀ a mo òhwe nanù ema a e ŋgba e hvonda à mà e hvɔ̀rzè.

1 Yòwanìrzɛ̀ 2:9

Tɔ̀ njɛnɛ ema à ohwa nanù ema à hwèlì ò ŋmàye ndi à kɔ̀wu ŋmanyàŋgò tɔ̀ ndomɛ wà eni, eŋge tùmba mòtò è hwèlì ndi ò jììtìtì nanù mɛnɛ.

1 Yòwanìrzɛ̀ 3:10

Nànù ndi irzɔ ì hwɛni lì hwiya njɛnɛ hwàànà hwa ama Lohwɛ̀ hwa hwèlì, nà njɛnɛ hwàànà hwa ama Mòkarzɛ̀ hvɛ hwa hwèlì, tɔ̀ njɛnɛ ema à rza gbèyɛ mamɛ ema è hvomɛ̀nɛ̀yi à rza enje è ŋmanà wà ama Lohwɛ̀. Ŋgànà hvɔ̀kɔ hvɛ nà tɔ̀ njɛnɛ ema à rza lìŋgànɛ̀ ŋmanyàŋgò tɔ̀ è ndomɛ̀ yà eni.

1 Yòwanìrzɛ̀ 5:16

Tɔ̀ ima mòtò ema a ɛni ŋmanyàŋgò wa eni a undi o wòhwe ema wo rza mo lìyɛlɛ o kpelì, mɔ̀ à mo kànɛ̀lɛlɛ aŋga nanù Lohwɛ̀ a mo ŋgba lòŋgɛ. Hwàto ema na ohwa nanù ema inyɔ e kànɛlɛlɛ, hwa hwèlì ndi hwatò ema wòhwe wo awu wo rza oŋwa èlìŋgɛ̀ ya awu. O hwèlì wòhwe ema wo òŋwa èlìŋgɛ̀. È hwèlì tɛ nanù ema mòtò a undi tɛ o tenì ya woŋgo wòhwe, na rza ohwa nanù ema e kànɛlɛlɛ oŋgo mòtò.

Judɛ 1:9

Ndi tɔ̀ Màyìkɛ̀lì è aŋgèlì ndɛnɛ à rzi hwɛnyɛ dɛhvùlì, è hvonda ema wɔ̀ nà mɔ̀ hwa mà hwɛ lì tɔ̀wɔ̀ ò lì hvomɛ̀nɛ̀ è mòtò ema à wòwà èèmbè ya ama Morzè. À mà mò ohweyà ndi nanù ema, “Rzàŋgo à ò kɔ̀kìrzɛ̀.”

Hwèwulùwèlì 20:14

È kpelì nà èkomè yà hwatò ema hwa mà ŋwɛ̀ɛ̀ hwa mà komàhwa ò tenì yà yùlu yà mùnya. Ène kpelì yà yùlu yà mùnya è hwèlì ndi kpelì yà hwèlìŋgɛ̀.