Matiyò 5:20 - Mokpwe: Bakwery (New Testament)

²⁰ O èŋgànɛ̀lɛ̀ rzɔ, na e òhwèyà nanù ema natɛ̀ɛ inyɔ è gbèèyà Lohwɛ̀ lì aka Ihvàlìrzàyì, nà Hwà-òkòlèlì hwa mbenda, inyɔhvɛ è rza ò kpèèyà a kpèèyà ò Likànèyà là è ŋmanyu yà lohwà.”

Matiyò 5:20 ပူးပေါင်းရင်းမြစ်များ

Matiyò 16:12

Hwà-òkòwèlì hwa eni rzìi hwa rzɔ̀ŋgìtɛ̀nɛ̀ nanù ema Yerzù a rzi hwɛ̀ ndi lì hwa òhweyà ema hwa aŋgòhweyà ehwindi ema hwa gbeyàna hwèhvòòtò. Ndi à mà hwɛ ndi lì hwa òhweyà ema hwa àŋgòhweyà hwèyòkòlelì hwe Ihvàlìrzàyì na Irzàdùrzì.

Matiyò 18:5

Tɔ̀ njɛnɛ hvɛ ema à kàrzɛ̀yi ene nyàyi yà ŋmanà ò lìnà là ami, nanù òma imba ndi à kàrzɛ̀yi.”

Matiyò 3:10

Naŋgɛ yòòndò è mà màà lì naŋga ò mèyaŋga mè màyi. O èŋgànɛ̀lɛ̀ tɔ̀ ima gbèe ema wò rza ŋyàayi hwehvùma hwe gbamù, wò hwɛnì lì kɛ̀ɛ̀hwɛ̀ lì hvimbahwa ò mùnya.

Matiyò 7:21

“Rzekɛtɛ tɔ̀ ima mɔ̀ ema à ò nò hwɛlɛ nanù ema, ‘Ìi Rzàŋgò, Rzàŋgò’ ndi à kpèeyà ò lìkànèyà là ŋmanyu. Ndi è mòtò mɛnɛ ema à gbèyi lì emeyà là ama Tatɛ̀ wà ami ema à hwèlì ò ŋmanyu yà lohwà, mɔ̀ ndi à ò kpèeyà ò Likànèyà là ama Lohwɛ̀.

Makòrzì 10:15

Nà è òhweyà è jɔ̀kɛ̀ nanù ema, tɔ̀ ima mɔ̀ ema à rza ìmànɛ̀lɛ̀ Lìkànèyà là ama Lohwɛ̀ nàa ŋmanà mòrzàlì, à rza lì kpèeyà.”

Makòrzì 10:25

O hwèlì ndi eyà rzàlì nà èembè ndɛnɛ e hwèlì ndi nàa Kamɛlì ò lì akeyà ò ehvɔ̀ndi ya ndɔ̀ndɔ̀kì, lì aka na èhwàŋgì ya mòtò lì kpèeyà ò Lìkànèyà la ama Lohwɛ̀”

Lukàrzɛ̀ 11:44

Èwòma na inyɔ! È gbèe ndi nàa ì rzɔ̀ŋgɔ̀, ema ì rza òhvɛ màyembelì ema hwatò hwa akeyà, hwa rzà ja emba.”

Lukàrzɛ̀ 12:1

O mburzà hvònda ŋgìndì yà hwatò è mà arzàŋgànɛ natɛ̀ɛ, ò rzi hwɛ tɔ̀ ehvòlò. Aŋgà ndi Yerzù à wòteyà lì hwa òhwànà lì wòtàneyà hwà-òkòwèlì hwe eni nanù ema, “È aŋgòhweyà mehvìlì me Ihvalìrzàyì ema me hwèlì ndi nàa èhwindi ema e hvùhvà.

Lukàrzɛ̀ 18:17

Nà è òhweyà è jɔ̀kɛ̀ nanù ema, tɔ̀ ima mɔ̀ ema à rza ìmànɛ̀lɛ̀ lìkànèyà la ama Lohwɛ̀ nàa ŋmanà mòrzàlì a rza lì kpèeyà.”

2 Kɔ̀rintìyà 3:9

Lohwɛ̀ à mà uŋmɛ̀lɛ̀ nanù ema mɔ̀ ndi à hwèlì e mɔ̀ ema a karzami, e hvonda ema à mà ŋgbee Morzè imbenda. Iŋgi mbenda i ma gbeyà hwatò ò lì hwiya nanù ema mɔ̀ à o hwa kɔ̀kìrzɛ̀ o wòhwe ema hwà mà gbeyɛ. Ndi mɔ̀ à timbi ndi o lì awuŋmɛ̀lɛ̀ mɔ̀ ŋmìti o e ŋginyà ya eni o lì jo gbèeyà ema jo òhwe ndi moŋgo ŋmɛ̀ndì o lì uŋmɛ̀lɛ̀ nɛ hwatò hwa imanɛhwɛ o mba eni.

2 Kɔ̀rintìyà 5:17

O èŋgànɛ̀lɛ̀ rzɔ, tɔ̀ njɛnɛ ema a hwèlì mɔ̀kɔ na Krirztò a hwèlì ndi ewèkèlì hvènya. Hwègbèèlì hwe eni hwe arzɛ hwe koohwa hwe ma aka, ndèŋgànɛlɛ a hwɛni ndi hwègbèèlì hwe hvènya hwe arzɛ nàŋgɛ.

Hvìlipìyà 3:9

ndèŋgànɛ̀lɛ̀ na hwɛ mòtò mɔ̀kɔ na mɔ̀. Rzeketɛ o lì ika imbenda ndi e gbèyi nanù ema na emàyɛ̀lɛ̀hwɛ̀ o worzo wo ama Lohwɛ̀. Ndi na emàyɛ̀lɛ̀hwɛ̀ o worzo wo ama Lohwɛ̀ ehwànja na lòkɛ̀ Krirztò. Ndeŋgànɛ̀lɛ̀ Lohwɛ̀ ndi à gbèyi nanù ema na emàyɛ̀lɛ̀hwɛ̀ o worzo wo eni ehwànja na lòkɛ̀ Krirztò.

Hibrù 12:14

È keke e hwɛnɛ ɛ̀yɔ̀lɛ̀ na hwatò hwa arzɛ na lì lìya lòŋgɛ la wòtani, èhwanja hwaŋga ema hwa rza nɔ̀ŋgɔ lòŋgɛ la wòtani hwa rza o ɛnɛ e Rzàŋgo.

Hwèwulùwèlì 21:27

Tɔ̀ yoma yà mbìndo tɔ̀ yɔ̀kɔ, tɔ̀ mòtò ema à gbeyà hweyà hwe wòhwe, tɔ̀ mòtò ema à kɔ̀ɔ hweyà, tɔ̀ mɔ̀kɔ wà awu a rza ò kpèeyà ò tenì yà eŋge mbowà ndɛ̀ɛ̀ndɛ̀. Hwàto ema mìinà mà awu mà hwèlì ò tenì yà è kààti yà lòŋgɛ yà ama è Ŋgumà yà Mɔ̀lɛ̀ŋgù wɔ̀ mɛnɛ ndi hwa ò kpèeyà ò tenì.