Matiyò 5:19 - Mokpwe: Bakwery (New Testament)

¹⁹ O èŋgànɛ̀lɛ̀ rzɔ tɔ̀ ima mòtò ema à undi tɔ̀ mbenda tɔ̀ hvɔ̀kɔ ò ini mbenda ja ama Lohwɛ̀, tɔ̀ eŋge mbenda ema hwa ɔ̀ŋgɛ̀lɛ̀ nanù ema è rza òhvi wòlìtò, rzìi à è òkòlɛ̀ hwahvɛhvɛ hwatò ema wɔ̀hvɛ hwa gbèye nanù mɛnɛ, eŋge tumba mòtò è hwɛ ndi è wà lìrzùkù ò likànèyà là ama Lohwɛ̀. Ndi tɔ̀ njɛnɛ ema à gbèyi mamɛ ema è mbenda è òhwa rzìi à a òkòlɛ̀ hwahvɛhvɛ hwatò nanù mɛnɛ, à ò hwɛ̀nɛ̀ wòlìtò rzayi-rzayi ò ìtììtènì ja hwatò ema hwa hwèlì ò rze yà likànèyà là ama Lohwɛ̀.

Matiyò 5:19 ပူးပေါင်းရင်းမြစ်များ

Matiyò 11:11

Nà è òhweyà nà è jɔ̀kɛ̀ nanù ema, ò hwaŋga hwa arzɛ ema hwa ma lìya anù rze ya mɔ̀nyɛ̀, ò rza enje tɔ̀ mɔ̀kɔ ema a akayi Yòwanìrzɛ̀ è Mòlùhwìrzèlì. Ndi tɔ̀ e mɔ̀ ema a hwèlì e Njùŋgɛ̀ ò Lìkànèyà la ama Lohwɛ̀, a akayi Yòwanìrzɛ̀ wòlìtò.

Matiyò 19:28

Yerzù rzìi a tìmba hvɛ lì hwa òhweyà nanù ema, “Nà e òhweyà ndi e jɔ̀kɛ̀ e hvònda ema è Ŋmanà wà è Mòtò wà Hwènàmà a ò lìya ò mbòkò ya lìkànèyà la eni la èluhwe, ò e rze ema e ò jɛ̀ɛ̀ inyɔ lìyòme la hwatò na hwahwakɛ ema e nò nɔŋgi e ò lìya ò mbòkò ja lìkànèyà ò lì kàyìrzɛ̀ lìyòmɛ̀ la matumba na mahwakɛ ma Irzàyɛ̀lì.

Matiyò 20:26

Ndi e rza hwɛni lì hwɛ nanù na inyɔ. Tɔ̀ ima mɔ̀ wa anyu ema a arza lì hwɛ e mòndɛnɛ wa anyu, a hwɛnì ndi lì hwɛ nàa e mòkutu wa anyu.

Matiyò 28:20

È hwa òkòlɛ̀ hvɛ ò lì nɔ̀ŋgɔ hweyà hwe arzɛ ema na e kànèlì ò lì gbeyà. È hwiye nanù ema na hwɛ na inyɔ natɛ̀ɛ na ò lìrzùkù la rze.”

Lukàrzɛ̀ 1:15

È ò hwɛ ndi nanù, èhwanja ò nò ŋmanà a ò hwɛnɛ èluhwe ndɛnɛ̀ ò wòrzò wò amà Rzàŋgò. A rza ò nyɔ mimba ema mà èèti tɔ̀ hwelandì. Lìwòteya ò hwèŋyàyèlì hwe eni, a ò òndìrzɛ̀hwɛ̀ nà Èlìŋgɛ̀ yà Wòtani.

Lukàrzɛ̀ 11:42

“Èwòma na inyɔ Ihvàlìrzàyì! È ŋgbà Lohwɛ̀ lòŋgò lɔ̀kɔ la lìyòmɛ̀, màrzèhvu, e ndòwu nà hwenɛyi hwèwùlè hwe àrzɛ. Ndi è rza àrza lì uŋmɛ̀lɛ̀ mèèmà me gbamù nà è ndìŋgɛ yà ama Lohwɛ̀. È hwɛnì lì gbeyà hwenè hweyà hwe àrzɛ e rzì hwɛ lì lìyà hwenɛ̀yi.

Lukàrzɛ̀ 9:48

Yerzù rzìi à hwa òhweyà nanù ema, “Tɔ̀ ima mòtò ema à kàrzɛ̀ jùma ŋmanà nàa ònò nanù, ò lìnà là amì, ò ma ìmba ndi à kàrzɛ̀yi! Tɔ̀ njɛnɛ hvɛ ema à nò kàrzɛ̀yi, òma à kàrzɛ̀yi ndi Lohwɛ̀ ema à nò òmi. O èŋgànɛ̀lɛ̀ rzɔ, tɔ̀ ima mɔ̀ ema à atìmbìrzɛ̀ nàa jùma ŋmanà ò ìtììtènì ja anyu, mɔ̀ ndì à hwɛ̀ɛ̀ è mòtìmbèlì.”

Hwègbèèlì 1:1

Ìi Tìyòhvilɔ̀rzì: Ò e kààtì ya ami yà wòrzò ema nà mà lòme lì ò tìleya, nà mà tìla lì hvòmɛ̀nɛ̀ hweŋge hweyà hwe arzɛ, ema Yerzù à ma hwɛ lì gbeyà na ò lì òkòlɛ̀ hwatò. A ma gbeyà ndi hwene hweyà hwe arzɛ lì wòteyà e hvònda ema a wòtelì èwòlò ya eni,

Ròmànì 3:8

Mamɛ ndèŋgàtɛ irzɔ, i rza tanɛ jò òhwa nanù ema, “Inyɛ̀ i gbeye wòhwe aŋga nanù gbaamù wò ò ɛneya e?” Ò jɔ̀kɛ̀ lòŋgò la hwatò hwa òhwa hweyà hwe wòhwe lì jò teŋgɛ̀nɛ nanù ema jò òhwi eŋge eyà. Lohwɛ̀ a ò kɔ̀kìrzɛ̀ hwaŋga hwatò ema hwa òhwa nanù ŋgàna ema e hvòmɛ̀nɛ̀yi.

Ròmànì 6:1

Mamɛ i tànɛyi lì òhwa nàŋgɛ e? I hwɛni ndi lì eleyà ò wòhwe aŋga nanù e ndèli ya ama Lohwɛ̀ e ahwatɛ e?

Ròmànì 6:15

Mamɛ rzɔ irzɔ i hwɛni ò lì òhwa naŋgɛ e? Nà òma i hwèlì ò rze yà è ndèli ya ama Lohwɛ̀, e hwèlì ndi nanù ema je ɛ̀ndɛ̀nɛ̀ ndi lì gbeyà la wòhwe ò wòrzò èhwanja irzɔ i rza enje ò rze ya e mbenda hvɛ e? Jàyɛ̀ rzeketɛ nanù.

1 Tìmotì 6:11

Ndi o wa Tìmòtì, mòtò wa Lohwà, o hwɛni lì tinda hweŋge hweyà hwe arzɛ hwe wòhwe. Keka o lì gbeyà nanù ema o gbèyi ndi mamɛ ema e hvomɛ̀nɛ̀ o worzo wo ama Lohwɛ̀, gbeyà ndi na oma Lohwɛ̀ a arza nanù ema o gbeye. Lòkɛ̀ Krirztò, o lìŋgàne hvɛ hwatò, o hwɛ ndi o lì àjùlɛ̀ ihvonda ja arzɛ, o arzìirzɛ̀.

Tàyìtùrzì 3:8

Hwène hweyà hwe arzɛ ema nà mà ohwɛ hwe hwèlì ndi e jɔ̀kɛ̀. Nà arza ema e ùkirzɛ̀lɛ̀lɛ̀ hwene hweyà nɔ̀ke-nɔ̀ke aŋga nanù, hwaŋga ema hwà mà lòkɛ̀ Lohwɛ̀ hwa o aŋgowa o lì aŋgbɛ wɔ̀ hwiti o lì gbeyà mamɛ ema e hvomɛ̀nɛ̀. Nànù ndi i gbeye ndèŋgànɛ̀lɛ̀ nanù ndi hwe jànà hwatò hwa arzɛ mɔ̀rzɛ̀ŋgi.

1 Pètrò 5:4

Aŋga nanù, e kìŋgɛ ya Hwà-ɔ̀ŋgèlì hwa mɛ̀lɛ̀ŋgù e jelì tɛ mɔ̀ à e ŋgba mòrzawèlì ema mo tuti. Moŋgo mòrzawèlì mo ò hwɛ natɛ̀ɛ na o mòlìkɛ̀.

1 Yòwanìrzɛ̀ 3:4

Tɔ̀ njɛnɛ ema a gbèyi wòhwe, a tùu ŋmàŋgo ehwànja a undi e mbenda ya ama Lohwɛ̀. O lì ohwa la jɔ̀kɛ̀, wòhwe wo hwèlì ndi lì unda la mbenda la ama Lohwɛ̀.

Hwèwulùwèlì 2:20

Mamɛ ema imba nà ohwa ò lì è teŋgɛ̀nɛ̀ è hwèlì ndi nanù ema, inyɔ e àjùlɛ̀nɛ̀ òŋgo molanà ema à hwɛ̀lɛ̀hwɛ̀ Jèrzɛ̀bɛ̀lì à àhwɛ̀lɛ̀hwɛ̀ mɔ̀ ŋmìti nanù ema à hwèlì ndi mòòhwèlì wà èlìŋgɛ̀ wà molanà wà ama Lohwɛ̀. Mɔ̀ à okòlɛ nà lì ɔnjɔ hwàgbèèlì wà ami ema wɔ̀ hwa gbeyà hweyà hwe mòrzònje, nà ò lì làa mòlelì ema hwa ŋgbàà mahvɛhvɛ mohwà nàa jàhwèyà.