Matiyò 5:18 - Mokpwe: Bakwery (New Testament)

¹⁸ Nà è òhwèyà ndi è jɔ̀kɛ̀, natɛ̀ɛ è ŋmanyu yà lohwà nà e rze hwe è ò uka ò lìrzùkù, tɔ̀ ŋmanà mbumbu wà lìtɔ̀ti là mòtìla ema lì tìlahwì ò mbenda yà Lohwà è rza tànɛyi lì wuŋguhwèyà ò èki ya eni natɛ̀ɛ hwèyà hwe arzɛ hwe òndìrzɛ̀hwɛ.

Matiyò 5:18 ပူးပေါင်းရင်းမြစ်များ

Matiyò 10:15

Nà è òhweyà ndi e jɔ̀kɛ̀ nanù ema, ò Wùnyà wò Hwèkàyìrzèlèlì, Lohwɛ̀ à ò uŋmɛ̀lɛ̀ ììlì ò hwatò hwa màmbòwà ma Rzòdòmì na Gòmòrà lì aka mamɛ ema hwaŋga hwatò hwa eŋge mbòwa hwa ò lùwɛ.”

Matiyò 10:23

È ɛni tɛ ema hwa e tàkirzɛ tɛ ò mbòwa hvɔ̀kɔ, e hwaŋge, e ɛ̀ndɛ èhvɛhvɛ mbòwà. Nà e òhweyà ndi e jɔ̀kɛ̀ ema e rza ò kulɛ lì tàneya i mbòwà ja arzɛ ja èkòmè ya Irzàyɛ̀lì ndèŋgànà è Ŋmanà wà è mòtò wà Hwènàmà à è ja.

Matiyò 10:42

Ò jɔ̀kɛ̀, nà è òhweyà nanù ema, tɔ̀ ima mòtò ema à ŋgbelì tɔ̀ mòtò tɔ̀ mɔ̀kɔ wà hwaŋga ema hwa nò oŋgama tɔ̀ malìhwa mà lì nyɔ, tɔ̀ òŋgò mòtò à rzi hwɛ wòlìtò, òŋgò ema à ŋgbelì, à hwɛni lì lùwa etaŋgi jà ama Lohwɛ̀.”

Matiyò 11:11

Nà è òhweyà nà è jɔ̀kɛ̀ nanù ema, ò hwaŋga hwa arzɛ ema hwa ma lìya anù rze ya mɔ̀nyɛ̀, ò rza enje tɔ̀ mɔ̀kɔ ema a akayi Yòwanìrzɛ̀ è Mòlùhwìrzèlì. Ndi tɔ̀ e mɔ̀ ema a hwèlì e Njùŋgɛ̀ ò Lìkànèyà la ama Lohwɛ̀, a akayi Yòwanìrzɛ̀ wòlìtò.

Matiyò 13:17

Nà è òhweyà nà è jɔ̀kɛ̀ ema, rzayì-rzayì ja hwà-òhwèlì hwa hwèlìŋgɛ̀ na hwahvɛhvɛ hwatò hwa Lohwà hwa ma arza ò lì ɛnɛ na ò lì hwèya mamɛ ema inyɔ e ma ɛnɛ na lì hwèya, ndi hwa rzi tanɛ.’”

Matiyò 16:28

Nà è òhweyà nà è jɔ̀kɛ̀ nanù ema, lòŋgò la anyu è hwèlì anù ema è rza ŋwa, natɛ̀ɛ e hvònda hwa ɛnɛ è Ŋmanà wà è Mòtò wà Hwènàmà a jà na lìkànèyà là eni ò rze.”

Matiyò 17:20

Yerzù rzìi a hwa alàhwɛ̀ nanù ema, “Inyɔ e rzi tànɛyi lì hvaya eŋge èlìŋgɛ̀ èhwanja lìlòkɛ̀ la anyu lì rza òlò. È hwɛni tɛ lìlòkɛ ema lì òlò ndi nàa ŋmanà hvɔ̀ŋgɔ̀ wa wòrzaŋgò, e tànɛyi e kànèyà mònò mòoli nanù ema, ‘Anjiya anu, ò ɛ̀ndɛ ɔnɛyi!’ Ndèŋgànà mò ɛndɛ. È tànɛyi lì gbeyà tɔ̀ mamɛ.”

Matiyò 18:18

“Nà e òhweyà ndi e jɔ̀kɛ̀ nanù ema, Mamɛ ema e kakahwi ò rze, e kakahwa hvɛ ò ŋmanyu yà lohwà mamɛ hvɛ ema e kanɛ̀lɛ̀hwɛ̀yi ò rze, è kanɛ̀lɛ̀hwɛ̀ hvɛ ò ŋmanyu yà lohwà.

Matiyò 18:3

rzìi à òhwa nanù ema, “Nà è jɔ̀kɛ̀ nà è òhweyà nanù ema, è rza tikòhwi tɛ mòŋgɛ mà anyu rzìi è hwɛ nàa ini njuma ŋmanà, è rza ò tànɛ̀ lì kpeya ò lìkànèyà là ŋmanyu.

Matiyò 19:23

Yerzù rzìi a òhweyà Hwà-òkòwèlì wa eni nanù ema, “Nà e òhweyà ndi e jɔ̀kɛ̀ ema e ambani èhwàŋgì ya mòtò ò lì kpèeyà ò lìkànèyà la ŋmanyu yà lohwà.

Matiyò 19:28

Yerzù rzìi a tìmba hvɛ lì hwa òhweyà nanù ema, “Nà e òhweyà ndi e jɔ̀kɛ̀ e hvònda ema è Ŋmanà wà è Mòtò wà Hwènàmà a ò lìya ò mbòkò ya lìkànèyà la eni la èluhwe, ò e rze ema e ò jɛ̀ɛ̀ inyɔ lìyòme la hwatò na hwahwakɛ ema e nò nɔŋgi e ò lìya ò mbòkò ja lìkànèyà ò lì kàyìrzɛ̀ lìyòmɛ̀ la matumba na mahwakɛ ma Irzàyɛ̀lì.

Matiyò 21:21

Yerzù à mà hwa alàhwɛ̀ nanù ema, “Nà e òhweyà ndi e jɔ̀kɛ̀, e òhvi tɛ lì lòkɛ̀ rzi e rzi tame, inyɔ hvɛ e tànɛyi lì gbeyà mamɛ ema na gbeyànì wònò gbee. Rzeke hvɛ tɔ̀ ene mɛnɛ, e tànɛyi hvɛ lì òhweyà ene hvàko nanù ema, ‘Anjiya anu òma, ò ɛndɛ ò ahvimbɛ ò wà witi ò tenì ya ŋmànja’ e gbèyɛ̀nɛ nanù.

Matiyò 21:31

Yerzù rzìi a ijòwa ipilìrzi ndɛnɛ nanù ema, “Ima mɔ̀ wa hwanù hwàna hwahwàkɛ à mà gbeyà mamɛ ema e rzaŋgò ya awu e ma arze e?” Hwà mà alàhwɛ̀ Yerzù nanù ema, “È ŋmanà wa wòrzò.” Yerzù rzìi a hwa òhweyà nanù ema, “Nà e òhweyà na e jɔ̀kɛ̀ ema, hwàrzàŋgèlì hwa e njàŋge yà lìkànèyà, na hwaŋga hwalanà hwa àkpàlà, hwa lòma lì kpèeyà ò lìkànèyà la ama Lohwɛ̀ ndèŋgànà inyɔ.

Matiyò 23:36

Nà è òhweyà ndi e jɔ̀kɛ̀ nanù ema ene nyɔ̀ŋgɔ̀nì ndi è ò lùwɛ è kɔ̀kìrzɛ̀ ya iŋgi kpelì janyu ja arzɛ.”

Matiyò 24:2

Yerzù rzìi a hwa ijòwa nanù ema, “È ɛnɛ̀ hwenè hwèèmà hwe àrzɛ e? Nà e òhweyà na e jɔ̀kɛ̀ ema, tɔ̀ lìŋyàyi tɔ̀ lɔ̀kɔ lì rza o lìiya ò ŋmanyu yà lìnɛyi, marzɛ-marzɛ ma kùwà lì rzùuhwa ò rze.”

Matiyò 24:47

Nà e òhweyà ndi e jɔ̀kɛ̀, a mò ika ò lì kànèyà erzaŋgò ya eni ya arzɛ.

Matiyò 25:12

Rzìi è mòhwayèlì à hwa timbirzɛlɛ nanù ema, ‘Nà è jɔ̀kɛ̀, nà rza è hwi.’”

Matiyò 25:40

Ndi e Kiŋgɛ̀ e hwa alàhwɛ̀ nanù ema, ‘O tɛ̀ɛ̀tɛ̀ɛ na e òhweyà ema tɔ̀ mamɛ ema e ma gbèeyà mɔ̀kɔ wa hwanù wònyanyàŋgò wa ami ema hwa rza òhvɛ hwe tɛmelì, imba ndi ema gbèeyà.’

Matiyò 25:45

Ndi eŋge Kiŋgɛ e hwa alàhwɛ̀ nanù ema, ‘Nà e òhweyà na e jɔ̀kɛ̀ ema, tɔ̀ ima lìrzakò ema e ma rzɔ̀rzè ò lì gbeyà hwanù wònyànyàŋgò wa ami ema hwa rza òhvɛ hwe tɛmelì, imba ndi e ma rzɔ̀rze lì gbèeyà nanù.’

Matiyò 5:26

Nà ò òhwèyà ndi è jɔ̀kɛ̀ nanù ema ò rza tanɛ lì anjiya ò tenì yà hwèwòwà natɛ̀ɛ ò rzààwà lìyɛmɛ là aŋgɔ̀ là arzɛ.’”

Matiyò 6:16

“È hwèlì tɛ ò mòkìyà njàwò, è rzìi emeyà ema màrzò mà anyu mà ɛneya rzɔ̀luu, nà òma hwatò hwa mèhvìlì hwa gbeyà. Hwatò hwa mèhvìlì wɔ̀ hwa nyùkɛ̀ marzò mà awu aŋga nanù òma hwatò hwa mà ayèmbɛ ema hwa hwèlì ò mòkìyà njàwò. Nà è òhweyà nà è jɔ̀kɛ̀ ema, wɔ̀ hwa mà màa lì lùwa mòrzawèlì mò awu mò arzɛ.

Matiyò 6:2

“O èŋgànɛ̀lɛ̀ rzɔ è ŋgbà tɛ mòtò yòma ema mɔ̀ à endelì, è rza tòŋga rzehwa, nà òma hwatò hwa mèhvìlì hwa gbeyà. Wɔ̀ hwa tòŋga irzehwa ò indawò ja màkanɛ̀ nà ò hwèwòka hwe màlòkò ema hwatò hwa arzàŋganɛ, ema wɔ̀ hwa ɛnɛhwɛ. Nà è òhwèyà ndi è jɔ̀kɛ̀ nanù ema wɔ̀ hwa mà màa lì lùwa mòrzawèlì mò awu mò arzɛ hvɔni.

Matiyò 8:10

Nà òma Yerzù à mà hweye hwenè hwèyòhwèlì, à mà tàmà rzayi-rzayi, rzìi à òhweyà hwaŋga ema hwa mà mò nɔ̀ŋgɔ nanù ema, “Nà è òhweyà ndi è jɔ̀kɛ̀, nà rzì ɛnì tɔ̀ mòtò tɔ̀ mɔ̀kɔ ò èkòmè ya arzɛ yà Irzàyɛ̀lì ema à òhvi ene tumba ya lìlòkɛ̀ ema ònò ŋmɛ̀nì à òhvi.

Makòrzì 10:15

Nà è òhweyà è jɔ̀kɛ̀ nanù ema, tɔ̀ ima mɔ̀ ema à rza ìmànɛ̀lɛ̀ Lìkànèyà là ama Lohwɛ̀ nàa ŋmanà mòrzàlì, à rza lì kpèeyà.”

Makòrzì 10:29

Yerzù rzìi a alàhwɛ̀ nanù ema, “Nà è òhweyà ndi e jɔ̀kɛ̀, ema tɔ̀ njɛnɛ ema a hwɛmɛ e ndawò ya eni, wònyanyàŋgò hwa eni, ìndòmɛ ja eni, e nyàŋgò ya eni, e rzàŋgò ya eni, tɔ̀ hwàànà hwa eni, tɔ̀ erzàŋgò ya eni, ò nyòla ya ami nà ò gbàmù wò Ŋmɛ̀ndì mò Gbamù,

Makòrzì 11:23

Nà è òhweyà è jɔ̀kɛ̀ nanù ema, tɔ̀ ima mɔ̀ ema a òhwanì enè hvàko nanù ema, ‘Tɛmɛ ò ɛ̀ndɛ ò ahvimbɛ ò ŋmanjà,’ rzìi a rza òhve hwètamirzelì ò ŋmèma mò eni ndì à lòkɛ̀ nanù ema mamɛ ema à òhwi è gbèyɛ̀nɛ̀, è mò gbèyɛ̀nɛ̀.

Makòrzì 12:43

Yerzù rzìi a hvɛ̀tɛlɛ hwà-òkòwèlì hwa eni ema hwa je hwa mò kòmbɛ̀nɛ̀, rzìi a hwa òhweyà nanù ema, “Nà e òhweyà è jɔ̀kɛ̀ ema mònò mòlìrzà mò mòkurze mò mòlanà, mò ikayi lì aka hwèwàŋgì hwe arzɛ.

Makòrzì 13:30

Nà è òhweyà nà è jɔ̀kɛ̀ nanù ema ène nyɔ̀ŋgɔ̀nì è ò hwɛ lòŋgɛ nanù mɛnɛ è hvònda ema hwenè hweyà hwe àrzɛ hwe gbèyɛnɛ.

Makòrzì 14:18

Nà òmà hwà mà hwɛ lì làa ò tehwèlì, Yerzù rzìi a hwa òhweyà nanù ema, “Nà e òhweyà na e jɔ̀kɛ̀ nanù ema, mɔ̀kɔ wa anyu ema a làa anù nà ìmba a hwɛnì lì nò akɛlɛ ò maà ma hwàkɔ̀yèlì.”

Makòrzì 14:25

Nà è òhweyà è jɔ̀kɛ̀, na rzà ò nyɔ manù mimbà hvɛ, natɛ̀ɛ nà ò ma nyɔ hvɛ ma hvènya ò Lìkànèyà là ama Lohwɛ̀.”

Makòrzì 14:30

Yerzù rzìi à mò òhweyà nanù ema, “Nà ò òhweyà è jɔ̀kɛ̀, nanù ema ò wònò wùù mɛnɛ ndèŋgana è mòmɛ̀ wà wuhwà à è, tòŋga ŋgèlì ihwàkɛ ò nò rzɔ̀rzɔ̀ ŋgèlì Iyàwò.”

Makòrzì 14:9

Nà è òhweyà nà è jɔ̀kɛ̀ nanù ema, tɔ̀ ima èki ema Ŋmɛ̀ndì mò Gbamù mò òhwahwa ò ene rze yà arzɛ, hwa òhwa eyà ema ònò mòlanà à gbèyi ò lì mò ɔ̀ŋgɛlɛnɛ.”

Makòrzì 3:28

Nà è òhweyà è jɔ̀kɛ̀ nanù ema, wòhwe wò àrzɛ nà ìrzìlàkò hwatò hwa òhwa, Lohwɛ̀ à hwa làkìrzɛ̀,

Makòrzì 6:11

È ɛndì tɛ mbòwà ema e rza e kàrzɛ̀ na lì e òkànèyà è ànjiye aŋga, e hvùhvùhwè irzɔ̀hwɛ̀ ja anyu ja màtàŋgà nàa mbòŋgi lì uŋmɛ̀lɛ̀ nanù ema wòhwe wò awu wò hwa ɔ̀ŋgɔ ndi wɔ̀ ò hwètìmbèlì hwe anyu.”

Makòrzì 8:12

A ma rzìyòwa hvɔ̀ɔ̀ rzìi a òhwa nanù ema, “Mamɛ ndèŋgàtɛ̀ ene nyɔ̀ŋgɔ̀nì ya arza embànèlì e? Nà e òhweyà e jɔ̀kɛ̀, nà rza e uŋmɛ̀lɛ̀ tɔ̀ embànèlì.”

Makòrzì 9:1

Yerzù à mà hwa òhweyà nanù ema, “Nà è òhweyà è jɔ̀kɛ̀, lòŋgò la anyu è rza ò ɛnɛ è kpelì ema è rza ɛnɛ Lìkànèyà là ama Lohwɛ̀ nà òmà lì jà nà ŋginyà.”

Makòrzì 9:41

Nà è òhweyà è jɔ̀kɛ̀ nanù ema tɔ̀ njɛnɛ ema à è ŋgbèlì tɔ̀ lìwònde la malìhwa ò lìinà la ami, èhwanja è hwèlì ndi è wɔ̀ hwa ama Krirztò a àŋgàmɛ̀nɛ̀yi lì lùwa mɔ̀rzɛ̀ŋgì.

Lukàrzɛ̀ 11:51

Lìwòteya nà màyija mà amà Abɛ̀lì natɛ̀ɛ nà è màa ama Rzàkàriyà ema à mà òŋwahwa ò ìtììtènì ja lììyɔ̀ là màkanɛ̀ nà ò èki yà Wòtani. Nà è òhweyà è jɔ̀kɛ̀ ema ène nyɔ̀ŋgɔ̀nì ndi è kɔ̀kìrzɛ̀hwɛ̀ ò nyòla hwenè hweyà hwe àrzɛ.

Lukàrzɛ̀ 12:37

Mònàmɛ̀ nà hwaŋga hwàgbèèlì ema rzàŋgò hwà àwu wa èwòlò a ò jà lì ùŋma hwa hwèlì lì mò ambɛ̀lɛ̀lɛ̀. Nà è òhweyà è jɔ̀kɛ̀ ema à gbeyà hwa lìya, rzìi a hwa akɛlɛlɛ mòlelì.

Lukàrzɛ̀ 13:35

È ɔ̀ŋgɔ tɛ! Lohwɛ̀ à ò kìnyɛlɛlɛ è ndawò ya aŋgɔ̀. Nà ò òhweyà ndi è tɛ̀ɛtɛ, ema ò rza nò ɛnɛ hvɛ natɛ̀ɛ è hvònda ò òhwa nanù ema, ‘Mònàmɛ̀ nà è mɔ̀ ema à jèlì ò lìna la è Rzàŋgò.’”

Lukàrzɛ̀ 16:17

“Tɔ̀ nɛ è ŋmanyu ya Lohwà nà è rze hwe tànɛyi lì nyɔ̀ŋgɔ, ndi tɔ̀ ŋmanà èniminìmì ya mbenda yà àma Lohwɛ̀ è rza kpa.

Lukàrzɛ̀ 18:17

Nà è òhweyà è jɔ̀kɛ̀ nanù ema, tɔ̀ ima mɔ̀ ema à rza ìmànɛ̀lɛ̀ lìkànèyà la ama Lohwɛ̀ nàa ŋmanà mòrzàlì a rza lì kpèeyà.”

Lukàrzɛ̀ 18:29

Yerzù à mà hwa alàhwɛ̀ nanù ema, “Nà e jɔ̀kɛ̀ nà è òhweyà ema, tɔ̀ ima mòtò ema à hwɛ̀mi è ndawò yà èni, jòjìyɛ̀ wà èni, wònyànyàŋgò wà eni, rzàŋgò wà èni, nà è nyàŋgò yà èni, tɔ̀ nà hwàna hwa eni, ò lì hvòmɛ̀nɛ̀ Lìkànèyà là ama Lohwɛ̀,

Lukàrzɛ̀ 23:43

Yerzù, rzìi a tìmbirzɛlɛlɛ nanù ema, “Nà ò òhweyà è jɔ̀kɛ̀ ema, yàwònò ò hwɛ nà ìmba ò pàlàdìrzì.”

Lukàrzɛ̀ 4:24

Rzìi à òhwa nanù ema, “Nà è òhweyà è jɔ̀kɛ̀ nanù ema, Mòòhwèlì wà Èlìŋgɛ̀ à rza ŋgbààhwà èluhwe ò mbòwà yà èni.

Yòwanìrzɛ̀ 1:51

Yerzù rzìi à òhwa hvɛ nanù ema, “Nà è òhweyà ndi è jɔ̀kɛ̀ è ɛnɛ è ŋmanyu yà lohwà è lìhvòweyà rzìi i aŋgèlì jà ama Lohwɛ̀ jà agba jò ɔ̀ndɔ̀ ò ŋmanyu yà ama è Ŋmanà wà è Mòtò wà Hwènàmà.”

Yòwanìrzɛ̀ 10:1

Yerzù rzi a òhwa nanù ema, “Nà e òhweyà ndi e jɔ̀kɛ̀ ema, e mòtò ema a rza akelɛ ò lìyòhva ò lì kpèeyà ò tenì ya e ndawò ya mɛ̀lɛ̀ŋgù, ndi à àgbelì ndì ò ehvɛhvɛ èhvarzù ò lì kpèeyà, a hwèlì ndì ŋmìhwɛ̀ na ekènɛ̀ŋgɛ̀.

Yòwanìrzɛ̀ 10:7

O èŋgànɛ̀lɛ̀ Yerzù à mà òhwà hvɛ nanù ema, “Nà e òhweyà ndi e jɔ̀kɛ̀, imba ndi na hwèlì lìyòhva là è ndawò yà mɛ̀lɛ̀ŋgù.

Yòwanìrzɛ̀ 12:24

Nà e òhweyà e jɔ̀kɛ̀ nanù ema, hvɔ̀ŋgɔ̀ ya mbarzi e lìiya ndi èŋge hvɔ̀ŋgɔ̀ ya ahvɔ̀kɛ mɛnɛ natɛ̀ɛ e ònahwa ò mɔ̀nyɛ̀ rzìi e ŋwa. È ŋwelì tɛ èŋge hvònda ndi e ŋya i hvɔ̀ŋgɔ̀ ja mbarzi jɔ̀ɔjɔ̀ɔ.

Yòwanìrzɛ̀ 13:16

Nà è òhweyà ndi è jɔ̀kɛ̀, ò rza enje tɔ̀ mòkutu ema à akayi è rzàŋgò yà eni, tɔ̀ è mòtò ema à òmahwi à rza akayi è mɔ̀ ema à mò òmi.

Yòwanìrzɛ̀ 13:38

Yerzù rzìi à mò tìmbìrzɛ̀lɛ̀lɛ̀ nanù ema, “Ò wòŋgìrzɛ̀nɛ̀yi ò lì nò ŋwèeyà e? Nà òhweyà ndi è jɔ̀kɛ̀ ema ndèŋgàna è mòme wà wùhwa à è tòŋga, ò nò rzɔ̀rzɔ̀ ŋgelì iyàwò.”

Yòwanìrzɛ̀ 14:12

Nà e òhweyà ndi e jɔ̀kɛ̀. Tɔ̀ ima mɔ̀ ema a nò lòkɛ̀yì, a ò gbeyà hweyà ema na gbeyà. Mɔ̀ a ò gbeyà tɔ̀ hweyà ema hwe akayi hwenè hweyà. Èhwanja imba na ɛ̀ndɛ òma Tatɛ̀.

Yòwanìrzɛ̀ 16:20

Nà e òhweyà ndi e jɔ̀kɛ̀, e ò èya na lì ɛhwɛ ndi e rze e hwɛ ò mɔ̀nyɛ̀ŋgì. È ò hwɛ ndi rzɔ̀lùu, ndi e rzɔ̀lùu e anyu e ò tìmba ndi mɔ̀nyɛ̀ŋgì.

Yòwanìrzɛ̀ 16:23

Ò wòŋgò wùnyà è rza ò nò ijòwa hvɛ tɔ̀ eyà. Nà è òhweyà ndi è jɔ̀kɛ̀ ema Tatɛ̀ à è ŋgbà ndi tɔ̀ mamɛ ema è ijò ò lìnà là ami.

Yòwanìrzɛ̀ 21:18

“Nà ò òhweyà e jɔ̀kɛ̀ nanù ema e hvònda ema ò wa ò ma hwɛ erzɔmbɛ, ò ma yɔ̀kɔ lì àwòŋgìrzɛ̀nɛ̀ lì ɛ̀ndɛ tɔ̀ ima èki ema ò ma lìŋgàne lì ɛ̀ndɛ, ndi e hvònda uuna, ò enyòwa meyɔ me aŋgɔ̀ ò hvɛhvɛ mòtò a ò tìŋgɛ̀ e rzanja, a ò ɛ̀ndɛnɛ tɔ̀ ima èki ema ò wa ò rza lìŋgànɛ lì ɛ̀ndɛ.”

Yòwanìrzɛ̀ 3:11

Nà e òhweyà e jɔ̀kɛ̀ nanù ema irzɔ jò òhwa ndi mamɛ ema i hwi. I tɛ̀mɛ̀ mbòŋgi ò mamɛ ya arzɛ ema irzɔ i ma ɛnɛ. Ndi tɔ̀ nanù, tɔ̀ mɔ̀kɔ hwa anyu a rzi imanɛlɛ ò lìlòkɛ̀ hweyà ema i hwèlì jò òhwa.

Yòwanìrzɛ̀ 3:3

Yerzù rzìi à mò alàhwɛ̀ nanù ema, “Imba nà ò òhweyà ndi è jɔ̀kɛ̀ ema ò rza enje tɔ̀ mòtò tɔ̀ mɔ̀kɔ ema à ò kpèeyà ò lìkànèyà là ama Lohwɛ̀ à rza ŋyààhwì tɛ mòhvènya.”

Yòwanìrzɛ̀ 3:5

Yerzù rzìi à mò alàhwɛ̀ nanù ema, “Nà ò òhweyà è jɔ̀kɛ̀ nanù ema, ò rza enje tɔ̀ mòtò ema à tànɛ̀yi lì kpèeyà ò lìkànèyà là ama Lohwɛ̀ natɛ̀ɛ à ŋyàahwà ò malìhwa nà ò Èlìŋgɛ̀.

Yòwanìrzɛ̀ 5:19

Yerzù rzìi a alàhwɛ̀ hwàmbaki hwa wònyà Yudà nanù ema, “Nà è òhweyà è jɔ̀kɛ̀ nanù ema è Ŋmanà wà Lohwà à rza tanɛ lì gbeyà tɔ̀ eyà nà mɔ̀ ŋmìti, à gbeyà ndi mamɛ ema mɔ̀ à ɛni ema Tatɛ̀ wa eni a gbeyà. Tɔ̀ mamɛ ema Tatɛ̀ à gbeyà, è Ŋmanà wa eni mɔhvɛ à è gbeyà.

Yòwanìrzɛ̀ 6:26

Yerzù rzìi a hwa alàhwɛ̀ nanù ema, “Nà è òhweyà e jɔ̀kɛ̀ ema e nò arza ndi èhwanja nà mà e lìrzɛ e ma uja rzeketɛ ò mànyakà ema nà mà gbeye.

Yòwanìrzɛ̀ 6:32

Yerzù rzìi à hwa alàhwɛ̀ nanù ema, “Nà è òhweyà è jɔ̀kɛ̀, rzeketɛ Mòrzè ndi à mà è ŋgba hwèhvòòtò ema hwe mà uhwɛlɛlɛ ò ŋmanyu. Ndi Rzàŋgò hwa ami ndi à mà è ŋgbà hwèhvòòtò ema hwe mà uhwɛlɛlɛ ò ŋmanyu yà Lohwà.

Yòwanìrzɛ̀ 6:47

Nà e òhweyà ndi e jɔ̀kɛ̀, tɔ̀ njɛ ema a nò lòkɛ̀yì a ò luwa lòŋgɛ la gbìndèyà.

Yòwanìrzɛ̀ 6:53

Yerzù rzìi a hwa òhweyà àma, “Nà e òhweyà ndi e jɔ̀kɛ̀ e rza lelì tɛ e nyàmà nyò ya ama è Ŋmanà wà è Mòtò wà Hwènàmà rzi e nyɔ hvɛ màyija ma eni e rza tànɛyi lì òhva lòŋgɛ la gbìndèyà.

Yòwanìrzɛ̀ 8:34

Yerzù à mà hwa alàhwɛ̀ nanù ema, “Nà e òhweyà ndi e jɔ̀kɛ̀, tɔ̀ ima mòtò ema a gbèe wòhwe a hwèlì ndi mòkòme ò wòhwe.

Yòwanìrzɛ̀ 8:51

Nà e òhweyà e jɔ̀kɛ̀ ema tɔ̀ ima mòtò ema a ika i mbenda ja ami, mɔ̀ à rza ɛnɛ e kpelì.”

Yòwanìrzɛ̀ 8:58

Yerzù rzi a hwa alàhwɛ̀ nanù ema, “Nà è òhweyà ndi è jɔ̀kɛ̀ ema, ndèŋgàna Abràhamù a e ŋyahwa, imba na hwèlì.”

1 Pètrò 1:25

Ndi eyà ya ama Rzàŋgo e hwèlì ihvonda ja arzɛ.” Ŋmɛ̀ndì mò Gbamù mono ema mo ma e ohwahwɛlɛ.

Hwèwulùwèlì 20:11

Nà ma ɛnɛ kònda ndɛnɛ̀ yà lìkànèyà ema e tanà, na e mòtò ema à mà e lìya o ŋmanyu. Aŋga ndi e rze ya mɔ̀nyɛ̀ na lìwòhwɛ la ŋmanyu hwe ma nyɔ̀ŋge o worzò wo eni, ndèŋgànɛ̀lɛ̀ hwe rzi ɛnɛhwɛ hvɛ.