Matiyò 4:24 - Mokpwe: Bakwery (New Testament)

²⁴ O èŋgànɛ̀lɛ̀ hwèyà ema Yerzù à mà hwɛ lì gbèya hwe mà hwèyàhwà ò erzòòkà yà arzɛ yà Rzìlèyà. Ene eyà è mà gbèya ema hwatò hwa mà hwɛ lì mò jànèyà hwà-òkèlì hwa arzɛ. Hwa mà hwɛ lì mò jàneyà hwatò ema hwa mà ɔ̀kìrzɛ̀ inyayi na nyayi ja nyàmbɛ na merziyò mè nyò. Hwatò ema hwa ma òhva hwèlìŋgɛ̀ hwe wòhwe, hwatò ema hwa ma hwɛ lì hvòkòwa, nà hwatò hwa è nyàmbɛ yà njɛmbu Yerzù à mà hwa wɔ̀wìrzɛ̀ wɔ̀ hwa arzɛ.

Matiyò 4:24 ပူးပေါင်းရင်းမြစ်များ

Matiyò 12:22

O mburza nanù rzìi lòŋgò la hwatò hwa jàneyà Yerzù mòtò mɔ̀kɔ ema à mà hwɛ ndima na mbuke, èhwanja èlìŋgɛ̀ ya wòhwe e ma hwɛ ò tenì ya e nyò ya eni. Yerzù à mà wɔ̀wìrzɛ̀ òŋgò mòtò natɛ̀ɛ à mà wòteyà lì ɛnɛ na lì òhwa.

Matiyò 14:1

O eŋge hvònda mɛnɛ Hɛ̀rɔ̀dì ema mɔ̀ ndi à mà hwɛ e mòkànèlì hwa èkòmè ya Gàlìlì, à mà hwèya lì hvòmɛ̀nɛ̀ hweyà ema Yerzù à mà hwɛ lì gbeyà.

Matiyò 15:22

Mòlanà mɔ̀kɔ ema à mà hwɛ lì lìya ò erzòòkà ya Kenà à mà jèeyà Yerzù rzìi a mò eyeya nanù ema, “Ìi è Ŋmanà wà e nyɔ̀ŋgɔ̀nì ya ama Dàhwitì, ò nò òkeya ììlì! È ŋmanà wa ami wa mòlanà a òhvi èlìŋgɛ̀ ya wòhwe ò nyò ya eni a hwèlì ò hwehwɛ̀ɛlì hwe wòhwe.”

Matiyò 17:15

“Ìi Rzàŋgò òkeya e ŋmanà wà ami wà mùnyanà ììlì! À hvòkòwa, à tàka rzayì-rzayì, à yɔ̀ki hvɛ lì kpa ò tenì yà mùnya nà malìhwa.

Matiyò 17:18

Yerzù rzìi a kànèyà eŋge èlìŋgɛ̀ ya wòhwe rzìi e wurza òŋgò ŋmanà wa munyanà, lìwòkimɛnɛ a wɔ̀wɔ̀.

Matiyò 4:23

Yerzù à mà lìŋgòwa màmbòwà mà arzɛ mè èkòmè ya Galìlì, ò lì òkòlɛ̀ eyà yà Lohwà ò màndawò mà awu mà màkanɛ̀, nà lì òhwa hvɛ Ŋmɛ̀ndì mò Gbamù mò Likànèyà là ama Lohwɛ̀. À mà hwɛ hvɛ lì wɔ̀wìrzɛ̀ hwatò hwa arzɛ ema hwa mà ɔ̀kìrzɛ̀ nà inyayi ja nyàmbɛ ema hwa mà ɔ̀kìrzɛ̀.

Matiyò 8:28

È hvònda ema Yerzù na hwà-òkòwèlì hwa eni hwa ma uke ò ɛnɛyi èhvarzù yà yulu, yà erzòòkà yà Gɛ̀ràrzɛ̀nì, hwatò hwahwàkɛ ema hwa mà òhva hwèlìŋgɛ̀ hwe wòhwe ò tenì ja awu, hwa ma uwɛ̀lɛ̀lɛ ò mòònda mò rzɔ̀ŋgɔ̀ hwa ma mò ùŋmanɛlɛ. Hwanù hwatò hwa ma ambìrzɛ̀nɛ̀ ema, tɔ̀ mòtò à rzìi tanɛ lì akeyà ò eŋge èhvàrzù ya njiya ema hwa ma hwɛ.

Matiyò 8:33

Hwàŋga hwatò ema hwa ma hwɛ lì ɔ̀ŋgeyà iŋgi ŋgòwa hwa mà hwaŋga, hwa ɛ̀ndɛ lì kpèeyà ò mbòwà. Hwa wòteyà lì òhweyà hwatò mamɛ ya arzɛ ema e gbèyɛ̀nɛ̀ na hwaŋga hwatò ema hwa ma òhva hwèlìŋgɛ̀ hwe wòhwe.

Matiyò 8:6

“Rzàŋgò kòkò, è mògbèèlì wà ami à ɔ̀kirzɛ̀ à nàŋgayi ò lìnɔ̀ŋgɔ. À rza lùwa tɔ̀ lì tɛ̀mɛ̀ ndèŋgànɛ̀lɛ̀ à atàkìrzɛ̀ rzayi-rzayi.”

Matiyò 9:26

Mene meyàŋgò me ma lìŋgòwa e njàmbɛ̀ ò eŋge èhvàrzù ya arzɛ ya eŋge èkòmè.

Matiyò 9:35

O èŋgànɛ̀lɛ̀ Yerzù à mà hwɛ lì ɛndɛ ò màmbowà màndɛnɛ nà màmbòwà màrzalì mà eŋge èhvàrzù ma eŋge èkòmè. À mà hwɛ lì òkòlɛ̀ ò ndawò ja awu ja màkanɛ̀ ja wònyà Yudà, na ò lì òhwa Ŋmɛ̀ndì mò Gbamù mò Likànèyà là ama Lohwɛ̀. À mà hwɛ lì wɔ̀wìrzɛ̀ hwà-òkèlì hwa arzɛ na i nyayi ja nyàmbɛ ja arzɛ ema me ma hwɛ ò tenì ja inyɔ ja awu.

Makòrzì 1:28

Ŋmɛ̀ndì mò ama Yerzù, mò mà eyàlɛ̀nɛ̀ erzòòkà yà arzɛ yà Gàlìlì.

Makòrzì 1:32

O èŋge ŋgòmbe nà òmà èlohwàlohwà è mà rzìhwe, hwatò hwa mà jàneyà Yerzù hwaŋga hwatò ema hwa mà ɔ̀kìrzɛ̀ nà hwaŋga ema hwa mà òhva hwèlìŋgɛ̀ hwe wòhwe.

Makòrzì 2:3

Ène hvònda ndi hwatò hwanì hwa mà jànè mòtò mɔ̀kɔ ema à mà ɔ̀kìrzɛ̀ e nyàmbɛ yà njɛmbu.

Makòrzì 2:4

Hwa rzi tanɛ̀yi lì mò jàneyà Yerzù èhwanja è ŋgìndì è mà aka lì kòka. Hwaŋga hwatò rzìi hwa agba ò ŋmanyu yà èŋge ndawò, hwa kɔ̀rzɔ̀ lìkààndò la èŋge ndawò lì ma hvòmɛ̀nɛ̀ èki ema Yerzù a mà hwɛ. Rzìi hwa rzìhwirzɛ òŋgò mòtò nà lìkɔ̀kɔ̀ ema òŋgò mòtò à mà naŋgeya ò wòrzò wò ama Yerzù.

Makòrzì 2:9

Ì ma yɔ̀ e wɔ̀tɔ̀mèlì, ò lì òhwànà è mòtò wa njɛmbu nanù ema, ‘Nà ma ò làkìrzɛ̀ wòhwe wò aŋgɔ̀,’ ŋgà ò lì òhwà nanù ema, ‘Tɛ̀mɛ̀nɛ̀ ò ŋmanyu, wòwà lìkɔ̀kɔ̀ lì àŋgɔ ò ɛ̀ndɛ̀ e?’

Lukàrzɛ̀ 2:2

Iŋgi jaŋgì ndi ì ma hwɛ è jà wòrzò. Èŋge hvònda ɔ̀ndi Kpìlìnurzì a mà hwɛ è mòkànèlì hwà èkòmè ya Rzilìyà.

Lukàrzɛ̀ 4:14

Yerzù à mà tìmba ò Galìlì. Èlìŋgɛ̀ yà Wòtani ema hwɛ nà mɔ̀, rzìi ŋmɛ̀ndì mò eni mò eyàlɛ̀nɛ̀ ò erzòòkà yà arzɛ.

Lukàrzɛ̀ 4:38

Yerzù à mà uhwɛlɛlɛ ò ndawò yà màkanɛ̀, rzìi a ɛ̀ndɛ ò ndawò ya àma Rzìmɔ̀nì, Rzìmɔ̀nì nyàŋgò wà èni wà lìhwa à mà kòmeya ŋgɔ̀wu yà mòrzòrzòmbe. Àŋga, ndi hwa àkòwàna Yerzù ema, a mò wɔ̀wìrzɛ̀.

Lukàrzɛ̀ 5:15

Ndi tɔ̀ nanù, ŋmɛ̀ndì mò ma Yerzù mò mà eyalɛnɛ èki ya arzɛ. O èŋgànɛ̀lɛ̀ ŋgìndì ja hwatò ì mà jà ò lì mò òkànèyà, nà lì wɔ̀wìrzɛ̀hwɛ ò mèrziyò me awu.

Lukàrzɛ̀ 5:24

Nà e uŋmɛ̀lɛ̀ nanù ema è Ŋmanà wà è Mòtò wà Hwènàmà a hweni wònjà ya lì làkìrzɛ̀ wòhwe ò rze.” Yerzù rzìi a òhweyà òŋgò mòtò hwa e nyàmbɛ yà njɛmbu nanù ema, “Nà ò òhwèlì nanù ema, tɛ̀mɛ̀ ò wòwè lìkɔ̀kɔ̀ lì àŋgɔ, ò ɛ̀ndɛ̀ ò mààndà ma aŋgɔ.”

Lukàrzɛ̀ 7:17

Mònò ŋmɛ̀ndi mò lì hvomɛ̀nɛ̀ mamɛ Yerzù a mà gbèye mò mà hweyàhwà ò èŋge erzòòkà ya àrzɛ ya Jùdeyà na ò hwèkòmè hwe arzɛ ema hwe ma kòmbɛ̀nɛ̀.

Yòwanìrzɛ̀ 10:21

Lòŋgò la hwatò hvɛ rzi hwa òhwa nanù ema, “È mòtò ema a òhvi èlìŋgɛ̀ ya wòhwe a rza òhwa ini nyayi ja hweyà. Èlìŋgɛ̀ ya wòhwe e tànɛ̀yi lì wɔ̀wìrzɛ̀ mìirzɔ̀ ma mòtò wà ndima e?”

Hwègbèèlì 10:38

Inyɔ e hwi nanù ema Lohwɛ̀ à mà ɔ̀kirzɛ̀ Yerzù, è mòtò wà Nàrzàrɛ̀tì, rzìi à mò ŋgba Èlìŋgɛ̀ yà Wòtani nà è ŋginyà. Yerzù à mà hwɛ lì ɛndɛ ò èki yà arzɛ, rzìi a à gbeyà gbamù. Nà òma Lohwɛ̀ à mà hwɛ na mɔ̀, mɔ̀ à mà wɔ̀wìrzɛ̀ hwatò hwa arzɛ ema hwà mà hwɛ ò rze ya e ŋginyà ya ama Mòkarzɛ̀.

Hwègbèèlì 15:23

È kààtì ema hwà mà hwa òmane ò Antìyɔ̀kì e ma òhwa nanù ema, “Irzɔ I àpɔ̀rzìtòlò, na hwàtimbèlì hwa ŋmèmba, ema i hwèlì wònyànyàŋgò hwa anyu jò e òmelì inyɔ wònyànyàŋgò hwa arzu hwa arzɛ ema e rza enje wònyà Yudà iikɔ̀mi. Inyɔ ema e lìya ò mbòwà ndɛnɛ ya Antìyɔ̀kì ò erzòòkà ya Rzìrìyà na Rzìlirzìyà.

Hwègbèèlì 15:41

Pàwolò à mà akànèyà Rzàyilarzì ò erzòòkà ya Rzìrìyà na Rzìlirzìyà, hwà mà hwɛ lì ɛndɛ na lì ètìrzɛ̀ ŋmèmba.

Hwègbèèlì 28:9

Nà òma ene eyà e ma gbèyɛ̀ɛnɛ̀ nanù, hwà-òkèlì hwa èŋge erzòòkà ya arzɛ hwà mà jèeya Pàwolò rzìi a hwa wɔ̀wìrzɛ̀.

Hwègbèèlì 8:7

Hvìlìpì mɔ̀ à mà gbeyà hwèlìŋgɛ̀ hwe wòhwe hwe mà anjiya nà mòrzeya mòndɛ̀nɛ̀ ò inyò jà rzayi-rzayi jà hwatò. Hwatò rzayi-rzayi ema hwa mà ɔ̀kirzɛ̀ è nyàmbɛ yà njɛmbu nà mbòkò, hwa mà wɔ̀wìrzɛ̀hwɛ̀.