19 Yerzù rzìi à hwa òhwèyà nanù ema, “È jèe è nò nɔ̀ŋge. Nà òma inyɔ è lɛ̀mbɛ inyàmà ja màlihwa naŋgɛ, nà è òkòlɛ nɛ inyɔ è tanɛyi lì rzèkeya mèèmà mè hwatò ò lì nò òŋgama.”
Yerzù rzìi a òhweyà Hwà-òkòwèlì hwa eni nanù ema, “Tɔ̀ ima mòtò ema arza lì nò nɔ̀ŋgɔ a hwɛnì lì ahvòŋgɛ, rzìi a hwanɛ̀ e mbarzà ya eni rzìi à nò òŋgama.
Yerzù rzìi a mò alàhwɛ̀ hvɛ nanù ema, “O arza tɛ lì hwɛ ema ò rza òhvɛ njɔ̀mì, ɛ̀ndɛ ò àhwirzɛ̀ lìrzàŋgò la aŋgɔ̀ la arzɛ ò ŋgbe mèlìrza me hwatò wòŋgò wòlì. O gbe tɛ nanù, ò luwa mònàmɛ̀ ò ŋmanyu yà lohwà. Eŋge hvònda ndi ò nò nɔ̀ŋgɔ.”
Wùnyà wɔ̀kɔ Yerzù à mà hwɛ lì ɛndeya ò rzààwà yà yùlu yà Galìlì. À mà ɛnɛ hwàna hwa wunyanà hwàhwàkɛ̀ hwa nyàŋgò hvɔ̀kɔ. Rzìmɔ̀nì ema à mà hwɛ̀lɛ̀hwɛ̀ Pètrò nà ŋmanyàŋgò wà eni Àndèlè. Hwa mà hwɛ lì kòmà imbunja ja awu ò yùlu yà malìhwa, èhwanja wɔ̀ hwa mà hwɛ ndi hwatò hwa mòrzòmbò.
Ò mburza hwene hweyà Yerzù à mà anjììyà ò eŋge èki, nà òma à mà hwɛ lì ɛndɛ, à mà ɛnɛ munyanà mɔ̀kɔ ema à mà hwɛ̀lɛ̀hwɛ̀ Matìyò. Matìyò à mà lìya ò lìyɛ̀hvɛ̀ là ama è mɔ̀kɔ̀tèlì wà è njàŋge yà lìkànèyà. Yerzù rzìi à mò òhweyà nanù ema, “Ò nò òŋgame” Matìyò rzìi à tɛ̀mɛ̀ ò ŋmanyu, à òŋgama Yerzù.
Nà òmà à mà hwɛ lì akà ò njìya, à mà ɛnɛ mòrzàŋgèlì mɔ̀kɔ wà è njàŋge yà lìkànèyà ema à mà hwɛ̀lɛ̀hwɛ̀ Lɛ̀hvì, è ŋmanà wà àma Alìhvɔ̀rzì. Lɛ̀hvì à mà lìya ò lìyɛhvɛ ema à mà hwɛ lì rzàŋgìrzɛ̀ è njàŋge yà lìkànèyà. Yerzù rziì à mò òhweyà nanù ema, “O nò òŋgame.” Lɛ̀hvì rziì a tɛ̀mɛ̀ a mò òŋgama.
O mburzà hvònda, Yerzù à mà anjiya ò èŋge èki. O hwɛ̀ɛ̀ndèlì hwe eni a ɛnɛ̀ mɔ̀kɔ̀tèlì mɔ̀kɔ wà è njàŋge yà lìkànèyà à ma hwɛ̀lɛ̀hwɛ̀ Lɛ̀hvì. À mà lìya ndi ò tenì ya èŋge ndawò ema a mà hwɛ lì rzàŋgeya è njàŋge yà lìkànèyà. Yerzù rzìi à mò òhweyà nanù ema, “O nò òŋgame.”
Yerzù à mà òhweyà òhvɛhvɛ mòtò nanù ema, “Jà anù ò nò òŋgame.” Ndi òŋgò mòtò à mà mò alàhwɛ̀ nanù ema, “Ìi Rzàŋgò kòkò, inyɛ na ɛ̀ndɛ na imeyà è rzàŋgò yà amì hvɔ̀ni.”
Ènɛ̀yi eka yà èlèlè Yerzù à mà kùlɛ̀ nanù ema à hwɛni lì ɛ̀ndɛ ò erzòòkà yà Galìlì. À mà ɛndɛ lì ùŋmànɛ̀lɛ̀ Hvìlìpì rzìi à mò òhweyà nanù ema, “Jà, ò nò òŋgame.”
Tɔ̀ ima mòtò ema à nò gbèeyà à àŋgàmɛ̀nɛ̀yi lì hwɛ è mògbèèlì wà ami. Tɔ̀ ima èki ema nà hwèlì è mògbèèlì wa ami mɔ̀ hvɛ à àŋgàmɛ̀nɛ̀yi lì hwɛ aŋga. Tɔ̀ ima mɔ̀ ema à nò gbèèlì, Tatɛ̀ wa ami à mò ŋgbà èluhwe.