Matiyò 4:17 - Mokpwe: Bakwery (New Testament)

¹⁷ Lìwòtèyà è hvònda ema Yerzù à mà ɛ̀ndɛ ò erzòòkà ya Galìlì, Yerzù à mà wòteyà lì òhwa Eyà yà Lohwà nanù ema, “È rzɔnjɛ̀lɛ̀ hwègbèèlì hwe anyu hwe wòhwe, èhwanja Likànèyà la ama Lohwɛ̀ lì ma kòmbɛ̀nɛ̀.”

Matiyò 4:17 ပူးပေါင်းရင်းမြစ်များ

Matiyò 10:7

È ɛ̀ndɛ, na òma e ɛndɛ, e òhwe ŋmɛ̀ndì nanù ema, ‘Lìkànèyà la e ŋmanyu yà lohwà lì ma kòmbɛ̀nɛ̀.’

Matiyò 11:12

Lìwòteyà è hvònda ema Yòwanìrzɛ̀ è Mòlùhwìrzèlì à mà wòteya lì òhwa Èya ya Lohwà natɛ̀ɛ na naŋgɛ, Lìkànèyà la ŋmanyu lì ma luwa mètàkà rzayi-rzayi ò màà mà hwatò, ndèŋgànɛ̀lɛ̀ hvɛ hwatò hwa mòhvùŋgu hwa hwèlì hwa lì ìnɛ̀lɛ̀ na e njuma.

Matiyò 13:11

Yerzù rzìi a hwa alàhwɛ̀ nanù ema, “Lìhwiye la è wùndɛ̀ ya Lìkànèyà la ŋmanyu yà lohwà lì e ŋgbààhwi ndì inyɔ, ndi rzeketɛ ò hwahvɛhvɛ hwatò.

Matiyò 13:24

Yerzù à mà kpɛ̀ɛyà eŋge ŋgindi mòhvɛhvɛ ŋmàna nanù ema, “Likànèyà la ŋmanyu lì hwèlì ndi nàa mòtò ema à mà òna hvɔ̀ŋgɔ̀ ya gbamù ò mòònda.

Matiyò 13:47

Yerzù à mà kpɛ mòhvɛhvɛ ŋmàna nanù ema, “Lìkànèyà la ŋmanyu lì hwèlì ndi nàa e mbunja ema hwatò hwa mòrzòmbò hwa kòma ò malìhwa rzìi e lɛ̀mbɛ i nyayi ja nyàmà ja arzɛ.

Matiyò 13:9

Yerzù rzìi a òhwa nanù ema, “Tɔ̀ njɛnɛ ema a òhvi màtò a hweye.”

Matiyò 25:1

Yerzù à mà kpɛɛ mɔ̀ hvɛhvɛ ŋmàna ò lì òhwa nanù ema, “Ò eŋge hvònda ema è Ŋmanà wà è Mòtò wà Hwènàmà à ò jɛ̀ɛ̀, lìkànèyà là ŋmanyu lì ò hwɛ ndi nàa lìyòmɛ̀ là mèyɔ̀mbɔ̀ mè ŋgɔ̀ndɔ̀ ema hwa mà wòwà hwètùlù hwe awu ò lì ɛ̀ndɛ lì ambɛlɛlɛ è mòhwayèlì ò lì ɛndɛ lì mò lìyɛlɛ.

Matiyò 3:2

“È rzɔnjɛ̀lɛ̀ hwègbèèlì hwe anyu hwe wòhwe, èhwanja lìkànèyà là ama Lohwɛ̀ lì mà kòmbɛ̀nɛ̀.”

Matiyò 6:10

Inyɛ̀ lìkànèyà là aŋgɔ̀ lì jèe, lì jò kànèyà. Inyɛ̀ hwatò hwà ene rze yà mɔ̀nyɛ̀ hwa gbèèyè hweyà ema ò wà ò arza, nà òma è gbèyɛ̀nɛ̀ ò ŋmanyu yà lohwà.

Matiyò 9:13

Ndi e ɛ̀ndɛ e òkòwe mamɛ ene mbɔrzi e òhwa na òma e tìlahwì ò e kààtì ya Lohwà nanù ema, ‘Mamɛ ema na arzana hwatò e hwèlì ndi ììlì, ndi rzeketɛ màhwèyà.’ Imba na rza jèlì ndi ò ene rze ya mɔ̀nyɛ̀ ò lì hwɛlɛ hwatò ema hwa gbeyà hweyà ema Lohwɛ̀ arza, na jɛ̀lɛ̀lɛ̀yi ndi hwatò hwa wòhwe.”

Lukàrzɛ̀ 15:10

Nà è òhweyà ema, nà i aŋgèlì ja ama Lohwɛ̀ ò ŋmanyu, ja òka mɔ̀nyɛ̀ŋgì lì hvòmɛ̀nɛ̀ mòtò mɔ̀kɔ wà wòhwe ema a ayèŋgòwɛ̀ ò wòhwe wa eni ò lì tìmba ò ma Lohwɛ̀.”

Lukàrzɛ̀ 15:7

Yerzù rzìi à hwàtɛ hvɛ lì òhwà nanù ema, “O ò hwɛ mɔ̀nyɛ̀ŋgì mò ndɛnɛ̀, ò ŋmanyu yà lohwà, ehwànja mòtò mɔ̀kɔ wà wòhwe à tìkòhwi hwɛ̀ɛ̀mɛ̀ hwe eni a timbi nà Lohwɛ̀. Òŋgò à akayi mènìlùùwà nà lùùwà mè hwatò ema hwa hwèlì ehve-ehve. Wɔ̀ hwa rza tànɛ̀yi hvɛ lì àyèŋgòwɛ̀.

Lukàrzɛ̀ 24:47

È tìlahwì nanù ema, hwatò hwa òhwe Ŋmɛ̀ndì mò Gbamù ò hwekòmɛ̀ hwe àrzɛ ema, hwatò hwa ayèŋgòwɛ̀ ò wòhwe wò awu ò lìinà la ama Yerzù, aŋga nanù Lohwɛ̀ a hwà làkìrzɛ̀ wòhwe wò awu. Hwa wòteya lì òhwa Ŋmɛ̀ndì mò Gbamù ò Jèrurzalɛ̀mù.

Lukàrzɛ̀ 3:23

Yerzù à mà hwɛ eyà ya rzayiyàyò yà meya ema a mà wòteyà èwòlò ya eni. Hwatò hwa mà mò ɛ̀nɛ ndi nàa è ŋmanà wà ama Jòrzɛ̀hvù. Jòrzɛ̀hvù à mà hwɛ ndì è ŋmanà wa ama Èlì.

Lukàrzɛ̀ 5:32

Nà rza jɛ̀lɛ̀lɛ̀ ndi lì hwɛlɛ hwaŋga hwatò ema hwa tɛmi ehve-ehve na Lohwɛ̀, ndi nà jèlì ndi ò lì hwɛlɛ è wɔ̀ hwa wòhwe, ò lì tìkòwà.”

Lukàrzɛ̀ 9:2

Rzìi à hwa òma ema hwa ɛ̀ndɛ hwa òhwe Ŋmɛ̀ndì mò Gbamù mò Lìkànèyà là ama Lohwɛ̀, nà lì wɔ̀wìrzɛ̀ hvɛ hwatò.

Hwègbèèlì 11:18

Lirzakò ema hwanɛ̀yi hwatò hwà mà hweye ene eyà, wɔ̀ hwà mà hwɛmɛ e ndandò ya awu na Pètrò rzi hwa wòteya lì eka Lohwɛ̀. Wɔ̀ hwà mà òhwa nanù ema, “Irzɔ i tànɛyi ò lì ɛnɛ nanù ema, Lohwɛ̀ a ŋgbèlì hvɛ hwanù hwatò ema hwa rza enje wònyà Yudà èŋge ehvòlò ya lì tikòwa ò wòhwè wò awu lì timba ò ma Lohwɛ̀ lì luwa lòŋgɛ la gbìndèyà.”

Hwègbèèlì 17:30

È hvònda ema hwatò hwa rzi hwiyɛ Lohwɛ̀, Lohwɛ̀ a rzi wòwe wòhwe wò awu nàa eyà. Ndi ò naŋgɛ mɔ̀ à òhweyà tɔ̀ ima mòtò ò hweki hwe arzɛ ò lì rzɔnjɛ̀lɛ̀ wòhwe.

Hwègbèèlì 2:38

Pètrò rzìi a hwa alàhwɛ̀ nanù ema, “Tɔ̀ ima mɔ̀ wa anyu a tikòwe ò hwɛ̀ɛ̀mɛ̀ hwe wòhwe a timbeya Lohwɛ̀ rzìi a lùhwìrzɛ̀hwɛ̀ ò lìna la ama Yerzù Krirztò, aŋga nanù Lohwɛ̀ a e làkirzɛ ò wòhwe wò anyu. Ndeŋgana Lohwɛ̀ a e ŋgba jàhwèyà ja eni ja Èlìŋgɛ̀ yà Wòtani.

Hwègbèèlì 20:21

Nà ma kòkòwɛ̀lɛ̀ hwatò hwa wònyà Yudà na hwatò ema hwa rza enje wònyà Yudà nanù ema wɔ hwa hwɛni lì tikòwa ò lì anjiya ò wòhwe wò awu lì timbeya Lohwɛ̀ na lì lòkɛ̀ hvɛ e Rzàŋgò ya arzu Yerzù.

Hwègbèèlì 26:20

Lì wòteyà aŋga nà mà wòteyà lì òhwa ŋmɛ̀ndì mò gbamù. Nà ma wòteyà ò mbòwa ndɛnɛ ya Dàmàrzkɔ̀rzì, rzìi na ɛndɛ o Jèrurzalɛ̀mù, ndèŋgànà na ɛndɛ ò hwèrzòòkà hwe arzɛ hwe Irzàyɛ̀lì na ò erzòòkà ya hwatò ema hwa rza enje wònyà Yudà. Nà ma hwɛ lì hwa òhweyà nanù ema hwa hwɛmɛ lì gbeyà wòhwe hwa timbeya Lohwɛ̀, ndeŋga nanù ema hwa gbèye hweyà ema hwe uŋmɛ̀lɛ̀ nanù ema wɔ̀ hwà mà hwɛmɛ wòhwe wò awu.

Hwègbèèlì 3:19

È àyèŋgòwɛ̀ rzɔ nàŋgɛ̀, ò wòhwe wò anyu e tìmbèyà Lohwɛ̀, aŋga nanù à è làkirzɛ̀ wòhwe wò anyu.

Hibrù 6:1

O eŋgànɛ̀lɛ̀ rzɔ, inyɛ je ɛ̀ndɛ̀nɛ̀ lìlòkɛ̀ la arzu o worzo, nàa hwatò ema hwà mà màa lì hwiya eyà. I rza àŋgàmɛ̀nɛ̀ o lì wowa hvonda hvɛ o lì okowa hweyà ema hwà mà jo okolɛ̀ lì hvomɛ̀nɛ̀ Krirztò o hwèwòtelì. I ma màa lì okowa, ndèŋgànɛ̀lɛ̀ irzɔ i hwi nanù ema hwatò hwa àŋgàmɛ̀nɛ̀ lì àyèŋgowɛ̀ o lì hwɛmɛ lì gbeyà hweyà hwe wòhwe ema hwe jànà e kpelì. Ndeŋgànɛ̀lɛ̀ i ma màa lì hwiya nanù ema hwa àŋgàmɛ̀nɛ̀yi lì lòkɛ̀ Lohwɛ̀.