Matiyò 4:15 - Mokpwe: Bakwery (New Testament)

¹⁵ “Hwèrzòòkà hwe Rzɛ̀bulɔ̀nì nà Nàhvìtàlì, ema è ɛ̀ndɛ ò ŋmànja, ò enɛyi èhvàrzù yà mòrzò mò Jɔdànì, Galìlì ò èhvàrzù yà hwatò ema hwa rza enje wònyà Yudà.

Matiyò 4:15 ပူးပေါင်းရင်းမြစ်များ

Matiyò 4:13

Yerzù à mà hwɛmɛ è mbòwà yà Nàrzarɛ̀tì, rzi à ɛ̀ndɛ lì lìya ò mbòwà yà Kàpɛ̀nàwɔ̀mì. Ene mbòwà è mà hwɛ ndi ò tòŋgòŋgò yà yùlu yà Galìlì ò erzòòkà ya Rzɛ̀bulɔ̀nì nà Nàhvìtàlì.

Matiyò 4:14

Yerzù à mà ɛndɛ ò Kàpɛ̀nàwɔ̀mì ò lì òndìrzɛ̀ hwèyà ema è mòòhwèlì wà èlìŋgɛ̀ Àyìrzayà, à mà òhwe nanù ema,

Matiyò 4:25

Eŋge eyà è mà gbèya è ŋgindi è mà òŋgama Yerzù. Hwatò hwa mà uhwɛ̀lɛ̀lɛ ò hwehvɛhvɛ hwèkòmè, ò Galìlì, erzòòkà yà lìyòmɛ̀ là Màmbòwà ema è hwɛ̀lɛ̀hwɛ̀ Dèkàpòlìrzì, Jèrurzalɛ̀mù, Jùdèyà nà èhvàrzù ema è hwèlì ò enɛyi èhvàrzù yà mòrzò mò Jɔdànì.

Lukàrzɛ̀ 24:27

Yerzù rzìi a hwa ɔ̀ŋgɛ̀lɛ̀nɛ hwetìlelì hwe ama Mòrzè, nà hwà-òhwèlì hwa hwèlìŋgɛ̀ hwa àrzɛ hwa kòhwaa. À mà hwa telɛlɛ mamɛ ya àrzɛ e ma tìlahwa ò Kààtì yà Lohwà lì mò hvòmɛ̀nɛ̀.