Matiyò 28:9 - Mokpwe: Bakwery (New Testament)

⁹ Nà òma hwaŋga hwalana hwà mà hwɛ lì ɛndɛ, lìwòkimɛnɛ Yerzù rzìi a hwa taneya, a hwa òhweyà nanù ema, “Ɛ̀yɔ̀lɛ̀ e hwɛ na inyɔ” hwà mà mò jèeyà hwa mò lɛ̀mbɛ matàŋgà hwa mò kànɛ.

Matiyò 28:9 ပူးပေါင်းရင်းမြစ်များ

Matiyò 14:33

Nà òma ene eyà e ma gbèyɛnɛ nanù, hwanɛyi Hwà-òkòwèlì ema hwà mà hwɛ ò tenì ya wɔ̀lɔ̀ rzìi hwa kànɛ Yerzù. Rzìi hwa òhwa nanù ema, “Ò jɔ̀kɛ̀-jɔ̀kɛ̀ ò hwèlì ndi è Ŋmanà wà mùnyanà hwa ama Lohwɛ̀.”

Matiyò 23:7

Hwa lìŋgàni hvɛ ema hwatò hwa hwà kɔ̀mɔ̀nè na èluhwe ò hwelùwa na ò lì hwa hwɛlɛ ema, ‘Mòòkòlèlì.’

Matiyò 28:10

Yerzù rzìi a hwa òhweyà nanù ema, “È rza òka wɔ̀ŋgɔ̀. È ɛ̀ndɛ e òhweyà hwà-òkòwèlì wa ami ema hwa hwèlì ndi nàa wònyànyàŋgò wa ami ema hwa ɛ̀ndɛ ò Galìlì. Aŋga ndi hwa nò ɛnɛ.”

Matiyò 28:17

Nà òma hwà mà mò ɛnɛ hwà mà mò kanɛ̀ tɔ̀ nɛ lòŋgò hwa rzi lòkɛ nanù ema mɔ̀ ŋmitɛ-ŋmitɛ òŋgò.

Matiyò 28:8

Hwàŋga hwalanà rzìi hwa anjiyana lì ahwèŋgɛ̀ ò rzɔ̀ŋgɔ̀ na wɔ̀ŋgɔ̀ ndi hwà mà ònda na màlìŋgò. Hwa hwaŋga ò lì ɛndɛ lì òhweyà Hwà-òkòwèlì hwa ama Yerzù mamɛ ya arzɛ ema e ma gbèyɛ̀nɛ.

Lukàrzɛ̀ 1:28

È aŋgèlì è mà wurzeya Màlìyɛ̀, rzìi e mò òhweyà nanù ema, “Ɛ̀yɔ̀lɛ̀ e hwɛ nà ò wa! Lohwɛ̀ à ò uŋmɛ̀lɛ̀ ììlì ja eni ja tòwòtòwò. Tatà Lohwɛ̀ a hwèlì nà ò wa.”

Lukàrzɛ̀ 24:52

Hwa mà mò kànɛ̀ rzìi hwa tìmbana mɔ̀nyɛ̀ŋgì rzayì-rzayì ò Jèrurzalɛ̀mù.

Lukàrzɛ̀ 7:38

Òŋgò mòlanà à mà nòŋgama lì kòmbɛ̀nɛ̀ matàŋga mà ama Yerzù, rzìi à èya. Rzìi mììrzɔ̀lì mà eni mà à tìtìrzɛ̀ màtàŋgà mà ama Yerzù. Òŋgò mòlanà rzìi à tìtòwànà matàŋga mà ama Yerzù nà lìhvùmbu là eni là mòhvò. Òŋgò mòlanà rzìi a mà nyɔmbɔ matàŋgà ma amà Yerzù ò lì mò ŋgba èluhwe, rzìi a wòwa lìŋgi lìyɔ̀ki la hvɛ̀ɛ̀hvɛ̀ a mò nyàlɛ è lɔ ò màtàŋgà.

Yòwanìrzɛ̀ 12:3

Rzìi Màlìyɛ̀ à wòwa ilùka rzùrzu jà lìyɔ̀kì là hvɛ̀ɛ̀hvɛ̀ lì andahwɛnɛyi nà wòlì ema wò kòki. Liŋgi lìyɔ̀kì lì mà gbeyàhwɛlɛ ndi nà nàdì. À mà lì nyàlɛ̀ là arzɛ ò matàŋga mà ama Yerzù, rzìi à tìtòwa mataŋgà mà ama Yerzù nà lìhvumbu là eni là mòhvò. Èŋge èrzunju yà hvɛ̀ɛ̀hvɛ̀ è mà nyàlà ò è ndawò yà arzɛ.

Yòwanìrzɛ̀ 20:19

O èŋge ŋgòmbe ya Rzɔ̀ɔ̀ndi mɛnɛ, Hwà-òkòwèlì hwa ama Yerzù hwà mà arzaŋganɛ ò tenì ya ndawò, rzìi hwa umbanɛ èhwanja hwà mà hwɛ lì òka wònyà Yudà wɔ̀ŋgɔ̀. Yerzù rzìi a hwa wurzeya rzìi a tɛ̀mɛ̀ ò ìtììtènì ja awu, rzìi a òhwa nanù ema, “Ɛ̀yɔ̀lɛ̀ e hwɛ nà inyɔ.”

Yòwanìrzɛ̀ 20:28

Tɔ̀màrzì à mà mò alàhwɛ̀ nanù ema, “Rzàŋgò wa ami na Lohwà la ami!”

2 Kɔ̀rintìyà 13:11

O lì umba ene kààtì, wònyamòwè kòkò, e oke mɔ̀nyɛ̀ŋgì. Nà e ohweyà ndi nanù ema e tikowe, ɛ̀ɛ̀mɛ̀ ya anyu e hwɛni lì lɔ̀wu, na arza nanù ema e òkànèyà mayowà mà ami. È hwɛnɛ ndi lì lùtèyà lɔ̀kɔ. È hwɛ o ɛ̀yɔ̀lɛ̀ mɔ̀kɔ na ɔ̀nɛyi. È gbèyi tɛ hwene hweyà hwe arzɛ, Lohwɛ̀ ema a e gbèyi ema e alìŋgànɛ na lì hwɛ o ɛ̀yɔ̀lɛ̀ mɔ̀kɔ na ɔ̀nɛyi, a o e nàmìrzɛ̀.

Hwèwulùwèlì 3:9

Inyɔ è ɔŋgɔ tɛ, hwatò ema hwa hwèlì ò mòndèŋgè mò ama Mòkarzɛ̀, ema hwa nanù ema hwa hwèlì ndi hwatò hwa wònyà Yudà ema wɔ̀ hwa rza enje hwatò hwa wònyà Yudà, hwa hwèlì ndi hwàtò ema hwa kɔɔ hweyà. Nà hwa gbeyà hwa o jèeya, ndèŋgànɛ̀lɛ̀ hwa o rzumeya o màtàŋgà mà aŋgɔ̀, na gbeyà wɔ̀ hwa arzɛ hwa hwiya nanù ema na o lìŋgàni.