Matiyò 28:5 - Mokpwe: Bakwery (New Testament)

⁵ Èŋge aŋgèlì rzìi e òhweyà hwaŋga hwalanà nanù ema, “È rza òka wɔ̀ŋgɔ̀. Nà hwi nanù ema e arza ndi Yerzù ema à mà wòmàwɛlɛ̀hwɛ̀ ò mbarza.

Matiyò 28:5 ပူးပေါင်းရင်းမြစ်များ

Matiyò 14:27

Yerzù rzìi à hwa òhweyà lìwòkimɛnɛ nanù ema, “È àyètìrzɛ̀ mèèmà! Imba Yerzù e rzi òka wɔ̀ŋgɔ̀.”

Matiyò 28:10

Yerzù rzìi a hwa òhweyà nanù ema, “È rza òka wɔ̀ŋgɔ̀. È ɛ̀ndɛ e òhweyà hwà-òkòwèlì wa ami ema hwa hwèlì ndi nàa wònyànyàŋgò wa ami ema hwa ɛ̀ndɛ ò Galìlì. Aŋga ndi hwa nò ɛnɛ.”

Matiyò 28:4

Hwàŋga hwàànèlì wa njuma ema hwà mà hwɛ lì ɔŋgeya eŋge rzɔ̀ŋgɔ̀ hwà mà òhva wɔ̀ŋgɔ̀. Wòŋgò wɔ̀ŋgɔ̀ wò ma hwa tumìrzɛ̀ mòkambiya rzìi hwa kpa ò rze hwa embama na hwèembè.

Makòrzì 16:6

Èŋge mbèrza rzìi e hwa òhweyà nanù ema, “È rza òka tɔ̀ wɔ̀ŋgɔ̀. Nà hwi nanù ema e àrza ndi Yerzù e mòtò wa Nàrzàrɛ̀tì, ema hwà mà wòmeya ò mbarza. Mɔ̀ à mà hvùmùwà! À rza enje anù. È ɔ̀ŋgɔ tɛ èki ema hwa mà mò nàŋgɛlɛ.

Lukàrzɛ̀ 1:30

È aŋgèlì rzìi e mò òhweyà nanù ema, “Ìi Màlìyɛ̀ ò rzì òka wɔ̀ŋgɔ̀ Lohwɛ̀ à ò uŋmɛ̀lɛ̀ ììlì ja eni.

Lukàrzɛ̀ 24:5

Hwanù hwalanà hwa mà lɛ̀mbeya mòkambiya rzìi hwa rzùma màrzò ma awu ò rze. Hwàŋga hwatò hwa mà hwa ijòwa nanù ema, “Mamɛ ya àrzeyà è mɔ̀ ema a hwèlì lòŋgɛ ò tenì yà mèlìmà e?

Hwègbèèlì 2:24

Ndi tɔ̀ nanù Lohwɛ̀ à mà mò hvùmùlɛ̀ ò kpelì, a mò rzòlohwà hvɛ ò mòrziyò mò kpelì èhwanja e ma ambana e kpelì ò lì mò lɛmbɛ nàa mòtò wa hwèwòwà.

Hibrù 1:14

Hwa njɛnɛ rzɔ hwa hwèlì i aŋgèlì e? Rzeke hwa hwèlì ndi hwèlìŋgɛ̀ ema hwe gbèeyà Lohwɛ̀ e? Ndeŋgànɛ̀lɛ̀ Lohwɛ̀ à mà hwa oma o lì oŋgowàna hwatò ema hwa o luwɛ lìrzùŋgàhwa.