Matiyò 28:18 - Mokpwe: Bakwery (New Testament)

¹⁸ Yerzù rzìi a tòmbeya lì hwa kòmbɛnɛ rzìi a hwa òhweyà nanù ema, “Nà ŋgbààhwi wònja ò lìkànèyà la ŋmanyu na e rze.

Matiyò 28:18 ပူးပေါင်းရင်းမြစ်များ

Matiyò 11:27

“Tatɛ̀ wa ami a nò ŋgbelì hweyà hwe arzɛ ò màà mà ami. Tɔ̀ mòtò a rza hwi a hwiya e ŋmanà lì aka tɛ Lohwɛ̀ e Tatɛ̀. O rza enje hvɛ tɔ̀ mòtò ema a hwi a hwiya nɛ e Tatɛ̀ yɔ hvɛ e hwèlì lì aka tɛ e ŋmanà na tɔ̀ ima mòtò ema e ŋmanà a ò lìŋgànɛ ò lì mò uŋmɛ̀lɛ̀.

Matiyò 16:28

Nà è òhweyà nà è jɔ̀kɛ̀ nanù ema, lòŋgò la anyu è hwèlì anù ema è rza ŋwa, natɛ̀ɛ e hvònda hwa ɛnɛ è Ŋmanà wà è Mòtò wà Hwènàmà a jà na lìkànèyà là eni ò rze.”

Matiyò 26:64

Yerzù rzìi à mò tìmbìrzɛ̀lɛ̀lɛ̀ nanù ema, “Nà òma ò òhwi. Nà è jɔ̀kɛ̀ imba nà è òhweyà inyɔ hwa arzɛ ema, lì wòteyà naŋgɛ è ɛnɛ̀ è Ŋmanà wà è Mòtò wà Hwènàmà à lìya ò lìyà là mòmɛ̀ là ama Lohwɛ̀ lì karzami. È ɛnɛ̀ nɛ à ò lììya ò ŋmanyu yà mbàkì a rzìhwà ò rze yà mɔ̀nyɛ̀.”

Lukàrzɛ̀ 10:22

“Tatɛ̀ wà ami a nò ŋgbelì hweyà hwe arzɛ ò màa mà ami. Tɔ̀ mòtò à rza hwi njɛnɛ è ŋmanà à hweli lì aka tɛ Lohwɛ̀ e Tatɛ̀. O rza enje hvɛ tɔ̀ mòtò ema a hwi njɛnɛ e Tatɛ̀ yɔ hvɛ e hwèlì lì aka tɛ e ŋmanà na tɔ̀ ima mòtò ema e ŋmanà a ò lìŋgànɛ ò lì mò uŋmɛ̀lɛ̀.”

Yòwanìrzɛ̀ 13:3

Yerzù à mà hwiya nanù ema Tatɛ̀ wa eni à mà màa lì mò ika hweyà hwe arzɛ ò màa me eni. A ma hwiya ama à mà uwɛ̀lɛ̀lɛ̀yi ndi ò ma Lohwɛ̀ ndèŋgàna à mà hwɛnɛ ndi lì tìmba òma Lohwɛ̀.

Yòwanìrzɛ̀ 17:2

Èhwanja ò mò ŋgbelì wònjà lì kànèyà hwatò hwa arzɛ ò lì arza nanù ema a ŋgbè hwaŋga ema ò mò ŋgbelì lòŋgɛ la gbìndèyà.

Yòwanìrzɛ̀ 3:31

È mɔ̀ ema a uhwɛlɛlɛ ò ŋmanyu yà Lohwà, a akayi hwatò hwa arzɛ. È mɔ̀ ema a ŋyààhwì anu rze ya mɔ̀nyɛ̀ a hwèlì ndi wa ene rze, ndèŋgàna a òhwa hvɛ ndi hweyà hwe ene rze. È mɔ̀ ema a uhwɛlɛlɛ ò ŋmanyu yà lohwà, a akayi hwatò hwa arzɛ.

Yòwanìrzɛ̀ 3:35

Tatɛ̀ a lìŋgàni è Ŋmanà wà eni rzìi a ikayi hweyà hwe arzɛ ò màà mà eni.

Hwègbèèlì 10:36

Inyɔ e hwi ŋmɛ̀ndì ema Lohwɛ̀ à mà òmeya hwatò hwa Irzàyɛ̀lì. Mòŋgò ŋmɛ̀ndì, mò ma hwɛ ndi lì hvòmɛ̀nɛ̀ hweyòhwèlì hwe Ŋmɛ̀ndì mò Gbamù mò ɛ̀yɔ̀lɛ̀, ema mò ma jɛ̀ɛ̀ ò lì akeyà na Yerzù Krirztò. Mɔ̀ ndi à hwèlì Rzàŋgò ya hwatò hwa arzɛ.

Hwègbèèlì 2:36

Petrò rzìi a hwatɛ hvɛ ò lì òhwa nanù ema, “O eŋgànɛlɛ rzɔ inyɔ hwa arzɛ hwatò hwa Irzàyɛ̀lì e hwɛni lì hwiye na e jɔ̀kɛ̀ nanù ema, ò nò Yerzù ema inyɔ e ma wòmeyà ò mbarza mɔ̀ ndi à hwèlì e mɔ̀ ema Lohwɛ̀ à mà gbeyɛ, e Rzàŋgò ndèŋgànɛ̀lɛ̀ mɔ̀ ndi à hwèlì è Mɔ̀ ema à Ɔ̀kirzɛ̀hwɛ̀yi.”

Ròmànì 14:9

Lìtìŋga ndèŋgàtɛ̀ Krirztò à mà ŋwa, rzi a hvùmùwà, rzi a hwɛ ò lòŋgɛ, aŋga nanù mɔ̀ à hwɛ e Rzàŋgò ya hwatò ema hwà mà ŋwɛɛ na hwatò ema hwa hwèlì lòŋgɛ.

1 Kɔ̀rintìyà 15:27

È tìlàhwì ò kààtì yà Lohwà nanù ema, “Lohwɛ̀ à ikayi hwèèmà hwe arzɛ ò rze yà màtàŋgà mà eni.” Ndi nà è jɔ̀kɛ̀ è òhwàhwì nanù ema, hweyà hwe arzɛ ema Lohwɛ̀ à ohwi ema à ika ò rze yà ama Krirztò, Mɔ̀ ŋmìti à rza enje aŋga.

Kòlòrzìyà 2:10

Ò eŋgànɛlɛ rzɔ, è ohvi lòŋgɛ ema lì ondi, ehwànja è hwèlì mòtò mɔ̀kɔ nà Krirztò. Ndeŋgànɛlɛ mɔ̀ ndi à hwèlì è mɔ̀ ema à kànèyà iŋginyà nà màkànèyà mà arzɛ.

Hibrù 1:2

Ndì ò mene mèènyà me lìrzùkù rzɔ, Lohwɛ̀ à jò òhwìrzɛ̀nɛ̀ ndi lì akeyà nà è Ŋmanà wà eni. Lì akeyà nà mɔ̀ ndi Lohwɛ̀ à mà wèke è ŋmanyu yà lohwà nà rze yà mɔ̀nyɛ̀. Ndeŋgànɛ̀lɛ̀ mɔ̀ ndi Lohwɛ̀ à hvɔ̀rzì nanù ema a hwɛni ewèkèlì ya arzɛ ema Lohwɛ̀ à mà wèkɛ.

Hibrù 2:8

Ò wà ò mà mò ŋgbà màyìmbì ò lì kànèyà hwèèmà hwe arzɛ.” O èŋgànɛ̀lɛ̀ nà oma ò mà mò ŋgbɛ màyìmbì ò lì kànèyà hwèèmà hwe arzɛ, è uŋmɛ̀lɛ̀ nanù ema ò rza enje tɔ̀ yoma ò rze yà lìkànèyà là eni. Ndi tɔ̀ nɛ̀ è hwèlì nàŋgɛ nanù, irzɔ i rzi ɛnɛ nàŋgɛ nanù ema hwèèmà hwe arzɛ hwe hwèlì ndi ò rze yà eni.

1 Pètrò 3:22

Krirztò ema mɔ̀ à mà ɛndɛ ò ŋmanyu yà lohwà ndèŋganɛlɛ à lìyàyi ò ehvàrzu yà lìya là momɛ̀ là ama Lohwɛ̀, à kànèyà i aŋgèlì jà arzɛ, hwàkànèlì hwa arzɛ nà iŋginyà ja arzɛ ja ŋmanyu.

Hwèwulùwèlì 11:15

È aŋgèlì è ùkirzɛ̀ lìrzamba hvɛ è tòŋga è là eni lìyɔ̀mi. Rzìi lìlo ema lì kàrzami lì uwɛlɛlɛ ò ŋmanyu yà lohwà lì à ohwa nanù ema, “È wònjà yà lìkànèyà ene rze ò naŋgɛ è mà tìmba ndi è yà ama è Rzàŋgo, Lòohwà là arzu nà è Krirztò yà eni, ndèŋgànɛlɛ mɔ̀ à ò kànèyà natɛ̀ɛ nà ò gbìndèyà.”

Hwèwulùwèlì 17:14

Hwa ò teŋgɛ̀nɛ̀ ò lì anàna è Ŋguma yà Mɔ̀lɛ̀ŋgù njùma. Ndi è Ŋguma yà Mɔ̀lɛ̀ŋgù è ò hwa rzùùwanà ehwànja mɔ̀ ndi à hwèlì è Rzàŋgo yà hwatò hwa arzɛ ndèŋgànɛ̀lɛ̀ à hwèlì ndi è Kìŋgɛ yà ikìŋgɛ jà arzɛ. À hwèlì nà hwatò hwa eni ema Lohwɛ̀ à mà hwɛlɛ nà lì hvɔ̀rzɔ̀, ema hwa mò gbèeyà nà ŋmèmà mɔ̀kɔ.”

Hwèwulùwèlì 19:16

O mòŋgòmbè mo eni na o e rzorzo ya eni lìni lìnà lì tìlahwi aŋga nanù ema, “Kiŋgɛ wa ikiŋgɛ ja arzɛ na e Rzàŋgo ya irzaŋgo ja arzɛ.”