Matiyò 28:17 - Mokpwe: Bakwery (New Testament)

¹⁷ Nà òma hwà mà mò ɛnɛ hwà mà mò kanɛ̀ tɔ̀ nɛ lòŋgò hwa rzi lòkɛ nanù ema mɔ̀ ŋmitɛ-ŋmitɛ òŋgò.

Matiyò 28:17 ပူးပေါင်းရင်းမြစ်များ

Matiyò 16:28

Nà è òhweyà nà è jɔ̀kɛ̀ nanù ema, lòŋgò la anyu è hwèlì anù ema è rza ŋwa, natɛ̀ɛ e hvònda hwa ɛnɛ è Ŋmanà wà è Mòtò wà Hwènàmà a jà na lìkànèyà là eni ò rze.”

Matiyò 28:9

Nà òma hwaŋga hwalana hwà mà hwɛ lì ɛndɛ, lìwòkimɛnɛ Yerzù rzìi a hwa taneya, a hwa òhweyà nanù ema, “Ɛ̀yɔ̀lɛ̀ e hwɛ na inyɔ” hwà mà mò jèeyà hwa mò lɛ̀mbɛ matàŋgà hwa mò kànɛ.

Makòrzì 16:11

È hvònda ema hwà mà hwèya nanù ema Yerzù a hwèlì lòŋgɛ ndèŋgànɛ̀lɛ̀ hvɛ ema mɔ̀ Màlìyɛ̀ Màdalenà à mà mò ɛnɛ, wɔ̀ hwa rzi mò lòkɛ̀.

Makòrzì 16:13

Hwanù hwatò wɔ̀ hvɛ, hwà mà tìmba ò lì òhweyà hvɛ hwanɛ̀yi hwatò hwa arzɛ, ndi tɔ̀ wɔ̀ hvɛ hwa rzi hwa lòkɛ̀.

Makòrzì 16:14

O mburzà ya èŋge hvònda, Yerzù rzìi a wurzeya lìyòmɛ̀ la eni la Hwà-òkòwèlì nà mɔ̀kɔ, ò è hvònda ya awu ya hwèlèèlì. Wɔ̀ hwa rzi lòkɛ̀ hwaŋga hwatò ema hwà mà òhwa ema hwa mò ɛni ò mburzà hwè hvùmùwèlì hwa eni. O èŋgànɛ̀lɛ̀ à mà hwa kanja ema hwa rza òhvi lìlòkɛ̀ ndèŋgàna mèèmà me awu me eti.

Yòwanìrzɛ̀ 5:23

A gbeyà ndi ene eyà nanù ema hwatò hwa arzɛ hwa ŋgba è Ŋmanà wà eni èluhwe, nyayi hvɔ̀kɔ na òma hwa ŋgba Tatɛ̀ èluhwe. Tɔ̀ njɛnɛ ema a rza ŋgbelɛ è Ŋmanà wà eni èluhwe a rza ŋgbelì Tatɛ̀ ema a mò òmi èluhwe.”

Hwègbèèlì 1:3

Lìwòteyà e hvònda ema Yerzù à mà ŋwe, ò lì uka meni menii me mèenyà à mà àwuŋmɛ̀lɛ̀ i àpɔ̀rzìtòlò ja eni mɔ̀ ŋmìti ŋgèlì rzayì-rzayì, ò lì uŋmɛ̀lɛ̀ nanù ema ò jɔ̀kɛ̀ a hwèlì lòŋgɛ. Hwà mà mò ɛnɛ a òhwa lì hvòmɛ̀nɛ̀ lìkànèyà là ama Lohwɛ̀.

1 Kɔ̀rintìyà 15:6

Rzìi à mà wurzeya hvɛ lì aka hwègbe hweta hwe hwatò ema hwà mà hwe lì mo nɔ̀ŋgɔ o ŋgelì hvɔ̀kɔ. Lòŋgò la hwaŋga hwatò hwe e hwèlì lòŋgɛ, lòŋgo hvɛ hwà mà ŋwa.