Matiyò 28:16 - Mokpwe: Bakwery (New Testament)

¹⁶ Rzìi lìŋgi Lìyòmɛ̀ la eni la Hwà-òkòwèlì na mɔ̀kɔ hwa ama Yerzù hwa ɛ̀ndɛ ò mòòlì ò Galìlì ema à mà hwa òmeya ŋmɛ̀ndì ema hwa ɛndɛ.

Matiyò 28:16 ပူးပေါင်းရင်းမြစ်များ

Matiyò 26:32

O mburza lì hvùmùlɛhwɛ la ami ò kpelì, na ò ɛndɛ ò wòrzò wò anyu ò lì kpèeyà ò mbòwa ya Galìlì ema e ò nò ùŋmànɛ̀lɛ̀.’”

Matiyò 28:10

Yerzù rzìi a hwa òhweyà nanù ema, “È rza òka wɔ̀ŋgɔ̀. È ɛ̀ndɛ e òhweyà hwà-òkòwèlì wa ami ema hwa hwèlì ndi nàa wònyànyàŋgò wa ami ema hwa ɛ̀ndɛ ò Galìlì. Aŋga ndi hwa nò ɛnɛ.”

Matiyò 28:7

È ɛ̀ndɛ rzɔ karzi-karzi e òhweyà Hwà-òkòwèlì hwa eni nanù ema, ‘À mà Hvùmùwà ò kpelì. A ma màa lì ɛ̀ndɛ ò wòrzò wò anyu ò Galìlì, aŋga ndi e mò ɛnɛ.’ È ɔ̀ŋgɛ̀lɛ̀ mamɛ ema na e òhweyà.”

Makòrzì 14:28

Yerzù rzìi a òhwa hvɛ nanù ema, “Ndi Lohwɛ̀ à mà nò hvùmùlɛ tɛ nà ò hvùŋgànà ò wòrzò wò anyu ò Galìlì aŋga ndi e nà ùŋmanɛlɛ.”

Makòrzì 15:41

Hwanù hwalanà hwa mà nɔ̀ŋgɔ nà lì òŋgòwànà Yerzù ò lìwòŋgò là eni ò mbòwà yà Galìlì. Rzayì-rzayì jà hwalanà hvɛ ema hwa mà nɔ̀ŋgɔ Yerzù ò Jèrurzalɛ̀mù, wɔ̀ hvɛ hwa mà hwɛ aŋga.

Makòrzì 16:14

O mburzà ya èŋge hvònda, Yerzù rzìi a wurzeya lìyòmɛ̀ la eni la Hwà-òkòwèlì nà mɔ̀kɔ, ò è hvònda ya awu ya hwèlèèlì. Wɔ̀ hwa rzi lòkɛ̀ hwaŋga hwatò ema hwà mà òhwa ema hwa mò ɛni ò mburzà hwè hvùmùwèlì hwa eni. O èŋgànɛ̀lɛ̀ à mà hwa kanja ema hwa rza òhvi lìlòkɛ̀ ndèŋgàna mèèmà me awu me eti.

Makòrzì 16:7

Ndi e ɛ̀ndɛ̀, e òhweyà hwà-òkòwèlì hwa eni na Pètrò nanù ema, Yerzù à mà hvùmùwà, ‘À hwèlì à ɛ̀ndɛ ò wòrzò wò anyu ò lì kpèeyà ò mbòwà ya Galìlì, aŋga ndi e mò ɛnɛ̀, nà òmà mɔ̀ à mà è òhweyà.’”

Yòwanìrzɛ̀ 6:70

Yerzù rzìi a hwa alàhwɛ̀ nanù ema, “Rzeke nà mà è hvɔ̀rzɔ̀ inyɔ lìyòmɛ na hwahwàkɛ ndi mɔ̀kɔ hwa anyu a hwèlì ndi mòkarzɛ̀”

1 Kɔ̀rintìyà 15:15

Nànù o ma ya àwuŋmɛ̀lɛ̀ ndi ema i kɔ̀yeyà ndi Lohwɛ̀ hweyà, na oma jo ohwa nanù ema Mɔ̀ ndi à hvùmùlɛ̀ Krirztò. Ndi e hwèlì tɛ e jɔ̀kɛ̀ nanù ema hwatò hwa rza hvùmùwà o mburzà kpelì, nanù oma Lohwɛ̀ a rzi hvùmùlɛ̀ Krirztò.