Matiyò 27:66 - Mokpwe: Bakwery (New Testament)

⁶⁶ O èŋgànɛ̀lɛ̀ rzɔ, wɔ̀ hwà mà ɛ̀ndɛ rzìi hwa ika embànèlì ò lìŋgi lìŋyàyi ema lì ma ikawa ò lì keka e wàna ya eŋge rzɔ̀ŋgɔ̀, aŋga nanù hwa hwiya ŋga mòtò a lìhvò eŋge rzɔ̀ŋgɔ̀. Hwà mà lìya hwaànelì wa njuma aŋga ò lì ɔŋgeya eŋge rzɔ̀ŋgɔ̀.

Matiyò 27:66 ပူးပေါင်းရင်းမြစ်များ

Matiyò 27:60

Rzìi à naŋgɛ̀lɛ mòŋgò ŋmììmbà ò rzɔ̀ŋgɔ̀ yà eni ema è mà hvòmàhwà ò tenì yà ekɔ̀kɔ̀ yà lìŋyàyi. Èŋge rzɔ̀ŋgɔ̀ è mà hwɛ ndi rzɔ̀ŋgɔ̀ hvènya yà ama Jòrzɛ̀hvù. Ò mburza nanù, rzìi à iŋgòlɛ lìŋyàyi lì ndɛ̀ɛ̀nɛ̀ ò lì umba hwèkpèèlì hwe eŋge rzɔ̀ŋgɔ̀ rzìi à ɛndɛ è yà eni.

Matiyò 27:65

Pìlatò rzìi a hwa alàhwɛ̀ nanù ema, “È ɛndɛ e wòwe hwàanèlì hwa njuma hwa e ɔ̀ŋgeya eŋge rzɔ̀ŋgɔ̀ gbàamù, aŋga nanù tɔ̀ eyà e rza gbèyɛ̀nɛ.”

Matiyò 28:11

Nà òma hwaŋga hwalanà hwà mà hwɛ lì ɛ̀ndɛ lòŋgò la hwàanèlì hwa njuma ema hwà mà hwɛ lì ɔŋgeya e rzɔŋgɔ ya ama Yerzù, hwà mà ɛ̀ndɛ ò mbòwà lì òhweyà Ipìlìrzì ndɛnɛ mamɛ ya arzɛ ema e ma gbèyɛ̀nɛ e hvònda ema e aŋgèlì e ma jèe.

Matiyò 28:2

Lìwòkìmɛ̀nɛ̀ ò ma hwɛ mònyìŋgìrzɛ̀nɛ̀ mò ndɛnɛ e aŋgèlì ya ama Rzàŋgò e ma uwɛ̀lɛ̀lɛ̀ ò ŋmanyu yà lohwà rzìi e jà e iŋgòlɛ lìŋgi lìŋyàyi ema lì mò umba eŋge wàna ya eŋge rzɔ̀ŋgɔ̀ rzìi a lì lìya ò ŋmanyu.

Makòrzì 16:4

Ndi nà òmà hwà mà karzɛ mìirzɔ̀ ò lì inja èŋge rzɔ̀ŋgɔ̀, rzìi hwa ɛnɛ nanù ema lìŋgi lìyayi lì ndɛnɛ ema lì ma òlòwa, lì ma iŋgòlɛhwɛ ɔ̀nɛyi.

Yòwanìrzɛ̀ 20:1

O ekpààrzɛ̀ yà èlèlè ya Rzɔ̀ɔ̀ndì òma jììtìtì i hwèlì nanù mɛnɛ, Màlìyɛ̀ Màdàlènì à mà ɛ̀ndɛ ò rzɔ̀ŋgɔ̀ ema Yerzù à mà imàhwɛlɛ. Nà òma à mà uke aŋga rzìi a ɛnɛ nanù ema lìŋyàyi ema hwà mà hwandane hwèkpèèlì hwe rzɔ̀ŋgɔ̀ lì ma ulɛ̀hwɛ.

2 Tìmotì 2:19

Ndi tɔ̀ nanù hweyà ema Lohwɛ̀ à mà rzeeya, hwe rza tikowahwa. Ndèŋgana e tìlahwì o ŋmanyu ya eni nanù ema, “È Rzàŋgo e hwi hwaŋga hwatò ema hwa hwèlì e hwe eni,” ndèŋgàna e tìlahwì nanù ema, “Hwaŋga hwatò hwa arzɛ ema hwa ohwa nanù ema wɔ̀ hwa hwèlì ndi na e Rzàŋgo, hwa hwɛni lì kumbɛ e mburza o hwègbèèlì hwe wòhwe.”

Hwèwulùwèlì 20:3

È aŋgèlì rzi è mò aŋgba ò tènì yà ehvɔ̀ndi ema è rza ohvɛ lìrzùkù. Rzìi e umba a e jeka o ŋmanyu ya eni o lì mo tɛ̀mìrzɛ̀ nanù ema a rza lukɛlɛ hwatò hwa e rze ya mɔ̀nyɛ̀ hvɛ, natɛ̀ɛ ikolì ja meya jo o kuwa. O mburzà nanù a àŋgàmɛ̀nɛ̀yi lì rzolowahwa o ŋmanà hvoka ya hvonda.