Matiyò 27:54 - Mokpwe: Bakwery (New Testament)

⁵⁴ Ndì è mòkànèlì hwa hwàànà njùma na hwanɛ̀yi hwàànà njuma ema hwà mà hwɛ lì ɔŋgeya Yerzù, hwà mà ɛnɛ mònyìŋgìrzɛ̀nɛ̀ na mamɛ ya arzɛ ema e ma gbèyɛ̀nɛ hwa mà lɛ̀mbeya mòkambiya rzìi hwa òhwa nanù ema, “Nà e jɔ̀kɛ̀ ònò mòtò à mà hwɛ ndi è Ŋmanà wà munyanà wà ama Lohwɛ̀.”

Matiyò 27:54 ပူးပေါင်းရင်းမြစ်များ

Matiyò 26:63

Ndi Yerzù à mà andama e ye eni ŋmɛɛ. È Pìlìrzì e karzami e ma mò òhweyà hvɛ nanù ema, “O lìinà la ama Lòohwà ema lì hwèlì lòŋgɛ, na ò kànèlì na yòmbò ema ò jò òhweyà ŋga ò wa ndi ò hwèlì è Mɔ̀ ema à Ɔ̀kirzɛ̀hwɛ̀yi, è Ŋmanà wà ama Lohwà e?”

Matiyò 27:36

O mburza nanù, hwà mà lìya aŋga ò lì mò ɔ̀ŋgeyà.

Matiyò 27:40

nanù ema, “Ò mà òhwa òma ò wùùlɛ̀ è Ndawò yà Lohwà rzìi ò è òŋga ò ìtììtènì ja mèenyà meyawò. À arzùŋgɛ̀ ò wà hwiti, ò hwèlì tɛ è Ŋmanà wà munyanà wà ama Lohwɛ̀! Rzihwa ò ŋmanyu yà eŋge mbarza!”

Matiyò 27:43

À lòkɛ̀yì nanù ema Lohwɛ̀ a hwèlì na mɔ̀ ndèŋgànɛ̀lɛ̀ hvɛ a hwèlì ndi è Ŋmanà wà amà Lohwɛ̀. Òole! Inyɛ̀ Lohwɛ̀ a mò òŋgòwane rzɔ naŋgɛ inyɛ jɛ̀ɛ̀ ɛnɛ.”

Matiyò 27:51

O eŋge hvònda mɛnɛ, lìhwàtù ema lì ma kɛ̀ɛ̀hwɛ̀ ò lì kahwa e Ndawò yà Lohwà rzìi lì nyàhweyà hwèhvàrzù hwèhwàkɛ̀ lì wòteyà ò ŋmanyu natɛ̀ɛ nà ò rze. Mònyìŋgìrzɛ̀nɛ̀ mò ma hwɛ hwèwòmà hwe màŋyàyi hwe ma kandeyà.

Matiyò 4:3

Mòkarzɛ̀ rzìi à mà mò jèeyà, rzìi à mò òhwèyà nanù ema, “Ò hwèlì tɛ è Ŋmanà wà ama Lohwɛ̀, kànèyà manù màŋyàyi mà timbe, hwèhvòòtò.”

Matiyò 8:5

Lìrzakò ema Yerzù à mà kpèeyà ò mbòwà yà Kàpɛ̀nàwɔ̀mì, mɔ̀ɔ̀ŋgèlì mɔ̀kɔ wà hwàànà njùma wà Ròmànì ema à mà hwɛ lì kànèyà egbe yà hwàànà njùma, rzìi à mò jèeyà à mò rzòrzòmeyà nanù ema,

Makòrzì 15:39

Oŋgò ŋmànèlì wa njùma ema à ma tɛ̀mɛ̀ aŋga ò wòrzò wa ama Yerzù, à mà òkànèyà lùwa, rzìi a ɛnɛ hvɛ lì undɛ̀nɛ̀ la ama Yerzù, à mà òhwa nanù ema, “Nà e jɔ̀kɛ̀ ònò munyanà à mà hwɛ ndi è Ŋmanà wà ama Lohwɛ̀!”

Lukàrzɛ̀ 22:70

Rzìi hwa àrzɛ hwa mò ijòwa nanù ema, “Ò wà ndi ò hwèlì è Ŋmanà wà ama Lohwɛ̀ e?” À mà hwa alàhwɛ̀ nanù ema, “Inyɔ mɛnɛ e ma òhwa nanù ema nanù ndi na hwèlì.”

Yòwanìrzɛ̀ 19:7

Hwàŋga hwatò rzìi hwa tìmbìrzɛ̀lɛ̀lɛ̀ Pìlatò nanù ema, “Ì òhvi mbenda ema jo òhwa nanù ema à hwɛni lì ŋwa èhwanja à òhwa nanù ema mɔ̀ ndi à hwèlì è Ŋmanà wà ama Lohwɛ̀.”

Hwègbèèlì 10:1

O ma hwɛ munyanà mɔ̀kɔ wa Ròmànì ò mbòwa ya Kàyìrzèrìyà à mà hwɛ̀lɛ̀hwɛ̀ Kɔ̀nɛlìyurzi. A ma hwɛ ndi mòkànèlì ema à mà hwɛ lìkànèyà lìtuta lɔ̀kɔ la egbe yɔ̀kɔ ya hwàanà njuma ema lì ma hwɛ̀lɛ̀hwɛ̀ nanù ema, “Lìtuta lɔ̀kɔ la egbe yɔ̀kɔ ya hwàanà njuma ò èkòmè ya Itàlì.”

Hwègbèèlì 2:37

Nà òma hwatò hwà mà hweye mamɛ ema Pètrò à mà òhwe, mèèmà me awu me ma kerzeya. Rzìi hwa ijòwa Pètrò nà inɛyi àpɔ̀rzìtòlò nanù ema, “Ìi wònyàmòwe mamɛ ja àŋgàmɛ̀nɛyi lì gbeyà e?”

Hwègbèèlì 21:32

O lìwòkimɛnɛ e mòkànèlì wa hwàanà njuma a rzi hvàŋge tɔ̀ hvònda. A ma hvɔ̀rzɔ̀ hwàànèlì hwa njuma hwa ndɛnɛ na hwarzàlì rzi a ɔ̀ndɔ̀ ò Jèrurzalɛ̀mù na wɔ̀. Nà òma hwatò hwà mà mò ɛnɛ a jà na hwanelì hwa njuma rzìi hwa hwɛmɛ lì anana Pàwolò.

Hwègbèèlì 23:17

Pàwolò rzìi a hwɛlɛ ŋmànelì wa njuma mɔ̀kɔ rzìi a mò òhweyà nanù ema, “Ɛndɛnɛ ene mberza òma e mòkànèlì wa hwàànà njuma, a òhvi eyà ò lì mò òhweyà.”

Hwègbèèlì 23:23

Òŋgò mòkànèlì wa hwàanà njuma rzìi a hwɛlɛ hwaànelì hwa njuma hwa eni hwa hwàkɛ rzìi a hwa òhweyà nanù ema, “È wòwe hwègbe hwehwakɛ hwe hwàànèlì hwa njuma, e hwa wòŋgirzɛnɛ ò lì ɛndɛ ò Kàyìrzèrìyà, e late hvɛ menì lìrzamba me hwàànèlì hwa njuma ema hwa ɛ̀ndɛnɛ iwɔ̀rzi, na ègbe ya hwàànèlì hwa njuma ema hwa anana na màwɔ̀ŋgɔ̀. O wa na wɔ̀ e wòŋgirzɛnɛ e anjiye eyà ya lùuwa la ŋgɛ̀ŋgì la wùu.

Hwègbèèlì 27:1

È hvònda ema hwà mà kulɛ nanù ema i kpèeyà ò tenì ya melì me ŋmànja ò lì ɛndɛ o èkòmè ya Itàlì, hwà mà akɛlɛlɛ Pàwolò na hwahvɛhvɛ hwatò hwa hwèwòwà ò ma e mòkànèlì wa hwààna njuma ema à mà hwɛ̀lɛ̀hwɛ̀ Jùlìyɔ̀rzì. Jùlìyɔ̀rzì mɔ̀ à mà hwɛ lì kànèyà lìtuta la hwààna njuma ema hwà mà hwɛ lì hwɛlɛ nanù ema, “Lìtuta la hwààna njuma hwa ama Kàyìrzà.”

Hwègbèèlì 27:43

Ndi òŋgò mòkànèlì wa rzònja, à mà arza ò lì kàrzòlɛ Pàwolò, ò eŋgànɛ̀lɛ̀ à mà aya irzònja ema hwa rzi gbeyà nanù. Mɔ̀ à mà kànèyà nanù ema hwaŋga hwatò ema hwa tànɛyi lì nyɔ̀keyà hwa hvànje ò malìhwa hvɔ̀ni hwa nyɔ̀keyà ò lì uka ò rzàawà.

Ròmànì 1:4

O hwehwɛ̀ɛlì hwe èlìŋgɛ̀, Lohwɛ̀ à mà uŋmɛ̀lɛ̀ ò lì akeyà nà màyìmbì ma Èlìŋgɛ̀ yà Wòtani nanù ema mɔ̀ à hwèlì ndi è Ŋmanà wà ama Lohwɛ̀, na òma à mà mò hvùmùlɛ ò kpelì. Oŋgò Ŋmanà a hwèlì ndi Rzàŋgò wa arzu Yerzù Krirztò.

Hwèwulùwèlì 11:13

Ò lìŋgi lìrzàkò mɛnɛ ò mà hwɛ monyìŋgìrzɛ̀nɛ̀ mòndɛnɛ rzìi lòŋgò lɔ̀kɔ ò tenì yà lìyòmè là eŋge mbowà ndɛ̀ɛ̀ndɛ̀ è wuhweyà. Mɔ̀rzɔ̀ŋgi mò hwatò ema mò mà ŋwa ò moŋgo mònyìŋgìrzɛ̀nɛ̀ mò mà hwɛ hwèkolì lìrzamba. È wɔ̀ ema hwa mà kàrzowà hwa mà oka wɔ̀ŋgɔ̀ rzìi hwa eka Lohwɛ̀ là màyìmbì ema lì hwèlì ò ŋmanyu yà lohwà.